ލޯކަލް ކައުންސިލް އިނތިްހާބުގައި ވޯޓުލުން ނިންމާލި ވޯޓު ފޮއްޓެއްގެ ވޯޓު ގުނަނީ.-- ފޮޓޯ: ހުސެން ވަހީދު /މިހާރު
22 ޖުލައި 2018 - 12:58
21 comments
ރިޔާސީ އިންތިޚާބުގެ ވޯޓުލުން އަންނަ ސެޕްޓެމަބަރު 23 ގައި ބާއްވަން ނިންމާފައިވާ އިރު، އެ ދުވަސް ބަންދުކުރުމާ މެދު އަދި ގޮތެއް ނުނިންމާ ކަމަށް ރައީސް އޮފީހުން މިއަދު ބުނެފި އެވެ.
މިހާތަނަށް ރާއްޖޭގައި ބޭއްވި ރަސްމީ އިންތިޚާބުތަކުގެ ވޯޓުލުން ކުރިއަށް ގެންގޮސްފައި ވަނީ ބަންދު ދުވަސްތަކުގަ އެވެ. އެކަމަކު މި އަހަރުގެ ރިޔާސީ އިންތިޚާބު ބާއްވަން ނިންމާފައިވާ ތާރީޚު ދިމާވަނީ، ރަސްމީ ބަންދު ނޫން، އާދީއްތަ ދުވަހަކާ އެވެ.
އިލެކްޝަންސް ކޮމިޝަނުން ބުނެފައިވަނީ، އިންތިޚާބު ބާއްވާ ދުވަސް ބަންދުކުރަން ރައީސް އޮފީހުގައި އެދިފައިވާ ކަމަށެވެ. އެ ދުވަސް ބަންދުކުރާނެ ކަމުގެ ޔަގީންކަން ބޮޑު ކަމަށް އިލެކްޝަންސް ކޮމިޝަނުން ބުނެ އެވެ.
އެކަމަކު، ރައީސް އޮފީހުގެ ތަރުޖަމާން، އިބްރާހިމް މުއާޒް އަލީ މިއަދު ހެނދުނު ވިދާޅުވީ ވޯޓުލާ ދުވަސް ބަންދުކުރުމާ ގުޅޭ ގޮތުން "މި ވަގުތާ ހަމަ އަށް ވަކި ގޮތެއް ނިންމާފައި ނުވާ" ކަމަށެވެ. އެ ދުވަހަކީ ރަސްމީ ބަންދު ދުވަހެއްގެ ގޮތުގައި ހަމަޖައްސައިފި ނަމަ ރައީސް އޮފީހުން އިއުލާންކުރާނެ ކަމަށް ވެސް ވިދާޅުވި އެވެ.
އިންތިޚާބަށް ކުރިމަތިލާން ފޯމު ހުށަހެޅުމުގެ ފުރުސަތު މާދަމާ ހުޅުވައިލާ އިރު، މިހާތަނަށް ހަތަރު ބޭފުޅަކު ވާދަ ކުރައްވާނެ ކަން އިއުލާން ކުރައްވާފައިވެ އެވެ. އެއީ، ޕީޕީއެމްގެ ކެންޑިޑޭޓެއްގެ ގޮތުގައި ރައީސް އަބްދުﷲ ޔާމީނާއި އިދިކޮޅު ކެންޑިޑޭޓެއްގެ ގޮތުން އެމްޑީޕީގެ ޕާލަމެންޓްރީ ގްރޫޕްގެ ލީޑަރު އިބްރާހިމް މުހައްމަދު ސޯލިހު (އިބޫ) އެވެ. މީގެ އިތުރުން މިނިވަން ކެންޑިޑޭޓެއްގެ ގޮތުގައި ކުރީގެ ހޯމް މިނިސްޓަރު އުމަރު ނަސީރާއި އެލްޖީއޭގެ ކުރީގެ ނައިބު ރައީސް ހުސައިން ޝުޖާއު ވެސް ވާދަކުރައްވާނެ ކަން ވަނީ އިއުލާން ކުރައްވައިފަ އެވެ.
ވެރިކަން ކުރާ ޕީޕީއެމާއި އިދިކޮޅު ޕާޓީތަކުންނާއި އަމިއްލަ ކެންޑިޑޭޓުން ވެސް މިހާރު އަންނަނީ އިންތިޚާބަށް ކެމްޕޭން ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ!
22 July 2018
ސިއްރު ވޯޓަށް ހާދަ ބިރުގަންނަ ސަރުކާރެކޭމީ
އަލީ!
22 July 2018
ބަންދުނުކޮށް އެއުޅެނީ ކޮންމެ ސަރުކާރު އޮފީހެއްގަ ވޯޓް ފޮއްޓެއް ބަހައްޓަން. އޭރުން ބިރުން ވޯޓް ލާނެނު ޔާމީނަށް.
އާދަނު
22 July 2018
ރައީސް އޮފީހާ އިލެންޝަންކޮމިސަނާ ގުޅިގެން އަނބުރާ ގޭސްގަނޑެއް. ކީއްވެ ހޮނިހިރު ދުވަހަކަށް ނުހަދަނީ؟
ތޭރަ
22 July 2018
ހޮނިހިރު ދުވަހަކީ، މުހައްރަމް މަހުގެ 12 ވަނަ ދުވަސް. ކޮންމެ ގޮތަކުންވެސް ވޯޓް ލާން މިޖެހެނީ 13 ވަނަ ދުވަހެއްގަ. އެނގިއްޖެ؟؟
ކީއްވެ؟
22 July 2018
ދައުލަތުގެ ކުންފުނިތަކާ އޮފީސް ހިންގަންތިބި މީހުން ވޯޓުރަޖިސްޓްރީ އެމީހުން ލައްވާ ކުރުމަށް ރާއްޖެތެރޭ މީހުންނަށް މަޖުބޫރުކޮށް ރާއްޖެތެރޭ މީހުންގެ ޒާތީހައްގުތަކަށް އަރައިނުގަތުމަށް ނަސޭހަތްތެރިވަން! ނޫސްވެރިންވެސް އަދިވެސް ރާއްޖެތެރޭ މީހުންނަށް މިކަމުގައި އެހީތެރިވެދީފައެއް ނެތް. ވޯޓާ ރަޖިސްޓްރީ އޮޅުވުމަކީ ކަނޑައެޅިގެން ގިނަ ރާޢްޖެތެރޭ މީހުންގެ ހައްގު ގެއްލޭ ކަމެއްކަނ ްއެނގޭއިރު
ހިލިހިލާ
22 July 2018
ބަންދު ކުރިޔަސް ނުކުރިޔަސް މަ އެދުވަހު ދާނެ ވަޒީފާއެއް ނޯންނާނެ. އަދި ބައިވަރު ސަލާންތައް އެބަހުރި. އަނެއްކާ އޮފީހުގަ ވޯޓްލާން ރެޖިސްޓްރީ ކުރުވިގޮތަށް އެދުވަހު އޮފީހަށް ނެރެފަ ވޯޓުވެސް ލައްވަފާނެ.
އަތްފުނާ
22 July 2018
ބަނދުނުކޮށްވެސް މިކަން ކުރިއަށް ގެންދެވޭނެ.ފިހާރަތައް ، އަމިއްލަ އޮފީސްތައްވެސް ބަންދެއް ނުކުރޭ.ޒިންމާދާރުވެބަލަ
މޮހޮދޭ
22 July 2018
އިލެކްޝަން ކަމިޝަން އުޅޭ ގޮތުން ހީވަނީ ބަޔަކު އަލަށް ވޯޓް ލާން އުޅޭ ހެން... މިރާއްޖޭގައި އަލަށް ވޯޓް ލާން އުޅޭހެން... ބަޔަކު ބިރު ގަތަަސް ތިއީ ބޮޑުވަރު...
ހުސްނާމުހައްމަދު
22 July 2018
އަހަރެން ވޯޓުލާންފެށއްސުރެ ވޯޓުލާދުވަހަކީ ބަންދުދުވަހެއް. އެންމެ ފުރަމަތަ ވޯޓުލަމުން އައީ ހުކުރުދުވަސް. ދެން 2008 ގައި އާފާނޫނު އަސާސީ އާއެކު ވޯޓުލާންފެށީ ހޮނިހިރު ދުވަހު އެހެނީ ހުކުރު ދުވަހު ހުކުރަށް ވޯޓު ބަންދުކުރުމުން ވޯޓަށް މަކަރުހަދާފާނެ ކަމުގެ ތުހުމަތުތައް ކުރެވިފައިވާތީ؟ ކީއްވެބާ ހޮނިހިރު ދުވަހު ވޯޓުލާން ހަމަނުޖެއްސީ. މިކަން ދިރާސާ ކުރާމީހުން ބުނަނީ މިހެން މިގޮތަށް ހަމަޖެއްސީ އޮފީހަށް ކުންފުނިތަކަށް މުވައްޒަފުން ހާޒިރު " ގައުމިއްޔަތާއި ވަހުދަތު އިސްލާމްދީން ތަރައްގީ" ކަންތައް ކިޔާދީ ޗިޕު ޖެހުމަށްފަހު ވޯޓުލާން ފޮނުވަންކަމަށް ވޯޓަށް ނުފޫޒު ފޯރުވަން ކަމަށް. އީދު ބަންދާއި ގުޅިގެން 3 ދުވަސް ބަންދުކުރާއިރު 5 އަހަރުން 1 ދުވަހު އަންނަ މިފަދަ ދުވަހެއް ބަންދު ނުކުރުމުގައި ވަރަށް ބޮޑު ހިކުމަތެއް އޮންނާނެ..
ސަސީ
22 July 2018
ކޮންމެވެސް ގޮތަކުން 3 އައުން އެއީ ފުރަތަމަ ސަރުތު
ޗުއްޓީ ޗުއްޓީ
22 July 2018
ހޮނިހިރު ދުވަސް އޮއްވަ ކީއްވެބާ އާދީއްތަ ދުވަހު މި ވޯޓްލަނީ!؟ އަނެއްކާ އާދީއްތަ ދުވަހާއި އެރޭގެ ފަތިސްވަންދެން ވޯޓްގެ ކަންކަމުގައި އުޅެފައި ހޯމަދުވަސްވެސް ޖެހޭނީ ބަންދުކުރަން. ޔަޤީނުންވެސް ބަންދުކުރަންޖެހޭނެ އާދީއްތައާއި ހޯމަ ދުވަސް. ސަބަބަކީ ވޯޓްލާ ގިނަ މަރުކަޒުތަކަކީ ސްކޫލްތައް. އެތަންތަނުގަ ވޯޓްލާފަ ދެން ކިޔަވައިދޭނެ ގޮތެއް ނޯންނާނެ. މިވަރުގެ ބަންދު ދުވަސް މަދުވެގެން އުޅޭ ގައުމެއް ހިޔެއްނުވެ ދުނިޔެތާކު އޮންނާނެހެނެއް. އަނެއްހެން އަހަރުމެންނަށް ރަނގަޅު. ޗުއްޓީ ހަދާލަން ލިބޭނެތާ!