ރީ-ރަޖިސްޓްރީ ވުމަށް މީހަކު ފޯމް ހުށަހަޅަނީ: ރިޔާސީ އިންތިޚާބު ބޭއްވުމަށް ވަނީ ކުޑަ ދުވަސްކޮޅަކަށް ވެފައި.--ފޮޓޯ: ނިޝާން އަލީ/ މިހާރު
29 އޯގަސްޓް 2018 - 11:40
6 comments
ވޯޓު ލާ މަރުކަޒުތަކުގައި ބަހައްޓަނީ ހަމައެކަނި އެ ތަނުގެ ފޮއްޓަކަށް ވޯޓުލުމުގެ ހައްގު ލިބިފައިވާ މީހުންގެ ލިސްޓު ކަމަށް އިލެކްޝަންސް ކޮމިޝަން (އީސީ) އިން މިއަދު ބުނެފި އެވެ.
މަރުކަޒުތަކުގައި ބަހައްޓަނީ ވޯޓު ލާ ހުރިހާ އެންމެންގެ ލިސްޓް ކަމަށް އިދިކޮޅު ކޯލިޝަނުން ބުނެފައިވަނިކޮށް، އެކަން ދޮގުކޮށް އެ ކޮމިޝަންގެ މެމްބަރު އަހުމަދު އަކްރަމް ވިދާޅުވީ ވޯޓު ލާ ތަންތަނުގައި ބަހައްޓާނީ ހަމައެކަނި އެ މަރުކަޒަކަށް ވޯޓު ލާ މީހުންގެ ފުރިހަމަ ލިސްޓެއް ކަމަށެވެ. އެކަން އިންތިޚާބާ ބެހޭ ގައުމީ ލަފާ ދޭ ކޮމެޓީއާ ވެސް ހިއްސާކޮށްފައިވާނެ ކަމެއް ކަމަށް އޭނާ ވިދާޅުވި އެވެ
އަންނަ މަހުގެ 23ގައި ބާއްވާ ރިޔާސީ އިންތިޚާބުގައި އިދިކޮޅު ކޯލިޝަނުން ވާދަކުރައްވާ ކެންޑިޑޭޓް، އިބްރާހިމް މުހައްމަދު ސޯލިހު (އިބޫ) ގެ ތަރުޖަމާނު މާރިޔާ އަހުމަދު ދީދީ އިއްޔެ ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން އޭނާ ވަނީ ވޯޓު ލާ މަރުކަޒުތަކުގައި ބަހައްޓާ ވޯޓާސް ލިސްޓާ މެދު ކަންބޮޑުވުން ފާޅުކުރައްވައިފަ އެވެ.
މާރިޔާ ވިދާޅުވީ ވޯޓު ލާ މަރުކަޒުތަކުގައި ބަހައްޓަނީ އީސީން އެންމެ ފުރަތަމަ އާއްމުކުރި ލިސްޓް ކަމަށެވެ. ފުރިހަމަ ލިސްޓަކަށް ނުވުމުން އެކަމާ ކަންބޮޑުވެވަޑައިގަންނަވާ ކަމަށް އޭނާ ވިދާޅުވި އެވެ.
އަކްރަމް ވިދާޅުވީ މިފަހަރުގެ އިންތިޚާބުގައި ވެސް، މީގެ ކުރިން ބޭއްވި އިންތިޚާބުތަކާ ހިލާފަށް އެއްވެސް ކަމެއް ނުކުރާ ކަމަށެވެ. އެހެންވެ ރައްޔިތުންގެ ހިތްތަކުގައި، އިންތިޚާބާ ގުޅޭގޮތުން ޝައްކު އުފެދުމަށްޓަކައި ވާހަކަ ނުދެއްކުމަށް އޭނާ ވަނީ އިލްތިމާސްކުރައްވައިފަ އެވެ.
"އެކަމަކީ ގައުމީ ލަފާދޭ ކޮމެޓީ އަށް ވެސް ހިއްސާކޮށްފައިވާ ކަމެއް. އެކަމުގެ މައުލޫމާތު ދީފައި އޮއްވައި ރައްޔިތުންގެ ހިތްތަކުގައި [އިންތިޚާބާ ގުޅޭގޮތުން] ޝައްކު އުފެއްދުމަށްޓަކައި އެކަހަަލަ ވާހަކަ ނުދެއްކުމަށް އިލްތިމާސްކުރަން. ހިތާމަކުރަން އެކަހަލަ ވާހަކަތައް ދައްކަމުން ދާތީ،" އަކްރަމް ވިދާޅުވި އެވެ.
ރިޔާސީ އިންތިޚާބުގައި ވޯޓު ލުމުގެ ހައްގު ލިބިފައިވާ މީހުންގެ ފައިނަލް ލިސްޓް އާއްމުކުރާނީ، އެ ލިސްޓަށް ހުށަހަޅާ ޝަކުވާތަކާއި ސައްހަކަން ކަށަވަރުނުވެގެން ބާތިލްކުރި 5626 މީހުން ހުށަހަޅާ ރީ-ރަޖިސްޓްރޭޝަން ފޯމުތަކަށް ފަހުގަ އެވެ. ޝަކުވާ އާއި ބާތިލްކުރި މީހުން ފޯމު ހުށަހެޅުމުގެ ފުރުސަތު މިއަދު ހަވީރު ހަމަވާނެ އެވެ.
އަންނަ މަހު ބާއްވާ އިންތިޚާބުގައި 267،761 މީހުންނަށް ވޯޓު ލުމުގެ ހައްގު ލިބިގެންވެ އެވެ. އެގޮތުން ރަށްވެހިވެފައިވާ ރަށް ނޫން އެހެން ރަށެއްގައި ވޯޓު ލުމަށް 78،964 މީހަކު ވަނީ ރަޖިސްޓްރީކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސީނު
29 August 2018
ފިނި ހޫނުމިނަށް ބަލާ އިރު ވޯޓުން ބޮޑުތަނުން ކުރި ލިބޭނީ ކެންޑިޑޭޓް ނަމްބަރ 2 އަށް ކަމަށް ބޮޑަށް ބެލެވޭ. އެކަމަކު ރިޔާސީ ހުވާ ކުރެވޭނެ މާހައުލެއް އަދި އޮތީ ހަމަ އެކަނި ކެންޑިޑޭޓް ނަމްބަރ 1 އަކަށް.
އަދުލު އިންސާފު
29 August 2018
ނަހަދާނެ ތެދެއް ކޮންމެ ކަމެއްގައިވެސް ރައްޔިތުން މާޔޫސްކޮށް އިލްކްޝަން ކޮމިސަނާމެދު ރައްޔިތުންކުރާ އިތުބާރު ގެއްލުވާލުން ނޫންކަމެއް ކުރަންއެނގޭ ބައެއް ނޫން ތިއަކީ
ޓައްޚާނު
29 August 2018
ބަންގާޅައިން ވޯޓުލާތޯވެސް ބަލަން ވާނެ. އެމީހުންނަށް އައިޑީ ހައްދާފަ ހުރެދާނެ.
ސައީދު ޢަބޫބަކުރު
29 August 2018
ހުރިހާ ފޮއްޓެއްގެކައިރީގަހުރިލިސްޓުތައް ބަލަންޖެހޭ ރިޕީޓުތޯ
މާރިޔާ ދައްތައަށް
29 August 2018
ފުރަތަމަ ޢާންމުކުރީ ފޮށްޓަށް ވޯޓްލާނެ މީހުންގެ ލިސްޓްތޯ؟ މަޖިލީހުގަ އެހާދުވަހު އުޅުން އިރުވެސް ހަމަޖެހޭ ވާހަކަ ދައްކަން ނޭގުނުދޯ؟
ރޮކެޓް ސައިންސް
29 August 2018
ދެން ކީއްވެ އެކަން ނުކުރެވިގެން ތިއުޅެނީ. 20000 ވަރަކަށް މީހުން ވޯޓުލާންގޮސް ވޯޓު ނުލެވިގެން އުޅޭތަން އަހަރުމެންނަށް ނުފެނިއްޖެއްޔާ ކިތެންމެހާވެސް ރަނގަޅެވެ. އަދި ޔާމިން މޯޅުވީ 20000 ތަފާތަކުންނޭ އެހެންވީމަ ވޯޓާސް ލިސްޓްގައި މައްސަލަ އުޅުނު މީހުން ވޯޓު ދިނަސް ޔާމިން މޮޅުވާނެއޭ ކޯޓުން ބުނާއަޑުއަހާކަށްވެސް ބޭނުމެއް ނުވެއެވެ. ކަލޯއެވެ 20 ހާހަކީ ހާދަ ބައެއްގެ ހައްގެކެވެ.