ޚަބަރު / ރައީސް މައުމޫން އަބްދުލްގައްޔޫމް

މައުމޫން، ބޭސްފަރުވާއަށް މެލޭޝިއާގައި

މައުމޫން ރޭ އެއާޕޯޓުގައި ފައިސަލްއާ ބައްދަލު ކުރައްވަނީ. -

މުހައްމަދު ޔާމީން، މިހާރު

23 އޮކްޓޯބަރ 2018 - 20:20

7 comments

ކުރީގެ ރައީސް މައުމޫން އަބްދުލްގައްޔޫމް ބޭސްފަރުވާ އަށް މިއަދު މެލޭޝިއާ އަށް ވަޑައިގެންފި އެވެ.

މައުމޫންގެ އަނބިކަނބަލުން ނަސްރީނާ އިބްރާހިމާއެކު މައުމޫން މެލޭޝިއާ އަށް ފުރާވަޑައިގެންނެވީ ރޭގެ ވަގުތެއްގަ އެވެ. އެމަނިކުފާނު ފުރާވަޑައިގަންނަވާތީ އިންތިޚާބީ ނައިބު ރައީސް ފައިސަލް ނަސީމާއި އާއިލާ ބޭފުޅުންނާއި ތާއިދުކުރާ ބައެއް ބޭފުޅުން ރޭ ވެލާނާ އިންޓަނޭޝަނަލް އެއާޕޯޓަށް ވަޑައިގެންނެވި އެވެ.

މައުމޫން މިއަދު ކުރެއްވި ޓުވީޓެއްގައި ވިދާޅުވި ގޮތުގައި، އެމަނިކުފާނާއި ނަސްރީނާ މެލޭޝިއާ އަށް ވަޑައިގެންނެވީ މެޑިކަލް ޗެކަޕެއް ހެއްދެވުމަށެވެ. އަދި ޖަލުގައި އަށް މަހެއްހާ ދުވަހު އޮންނެވުމުގެ ސަބަބުން، އެމަނިކުފާނަށް މެޑިކަލް ޗެކަޕެއް މުހިންމު ވާނެ ކަމަށް ވެސް މައުމޫން ވިދާޅުވި އެވެ.

My wife & I arrived in KL today for a medical checkup. After nearly 8 months in prison I would need one, wouldn’t I? We thank VP-elect Hon @FaisalNasym & all friends, well-wishers & supporters who turned up to see us off. pic.twitter.com/6fYl8leEfk
— Maumoon Abdul Gayoom (@maumoonagayoom) October 23, 2018

މައުމޫން މިރޭ ކުރެއްވި ޓުވީޓު.

"އަށް މަހެއްހާ ދުވަސް ވަންދެން ޖަލުގައި ހުންނަން ޖެހުމުން (މެޑިކަލް ޗެކަޕެއް) ބޭނުންވާނެ. ބޭނުން ނުވާނެތޯ؟" މައުމޫން ކުރެއްވި ޓުވީޓުގައި އެއްސެވި އެވެ.

މައުމޫން ރޭ އެއާޕޯޓަށް ވަޑައިގެން، ކުރީގެ ވަޒީރު ކަމާލުއްދީންއާ ސަލާމް ކުރައްވަނީ.

މައުމޫން ވަނީ، އެމަނިކުފާނު ފުރުވަން ފައިސަލް އާއި ރަހްމަތްތެރިންނާއި ސަޕޯޓަރުން ވެލާނާ އިންޓަނޭޝަނަލް އެއާޕޯޓަށް ދިއުމާ ގުޅިގެން އެ ހުރިހާ އެންމެންނަށް ޝުކުރު އަދާކުރައްވައިފަ އެވެ.

މައުމޫން ބޭސް ފަރުވާއަށް މެލޭޝިއާގައި ހުންނެވި އިރު، މިދިޔަ ފެބްރުއަރީ މަހު ކުއްލި ނުރައްކަލުގެ ހާލަތުގެ ދަށުން އެމަނިކުފާނު ހައްޔަރުކޮށް، ފޯނު ދޭން ފުލުހުން އެންގުމުން އެކަން ނުކުރެއްވި މައްސަލާގައި ކްރިމިނަލް ކޯޓުން އިއްވި އެއް އަހަރާއި ހަތް މަހުގެ ޖަލު ހުކުމް ހައި ކޯޓުން ބާތިލް ކުރި އެވެ.

މައުމޫން ޖަލުގައި ހުންނެވި ދުވަސްތަކުގައި ސިއްހީ ހާލުކޮޅު ގޯސްވެގެން، ޖަލަށް ޑޮކްޓަރުން ވެސް ގެންދަން ޖެހުނެވެ. އަދި އެމަނިކުފާނު މާލެ ގެނެސްގެން ވެސް ފަރުވާ ދޭން ޖެހުނެވެ.

މައުމޫން މިނިވަންވެފައިވީ ނަމަވެސް، ފެބްރުއަރީ 1 ވަނަ ދުވަހު ސުޕްރީމް ކޯޓުން ނެރުނު އަމުރާ ގުޅިގެން އެމަނިކުފާނުގެ މައްޗަށް އުފުލާފައިވާ ޓެރަރިޒަމްގެ ދައުވާ ޝަރީއަތް ކްރިމިނަލް ކޯޓުގައި ދަނީ ހިނގަމުންނެވެ. އެކަމަކު، އެ މައްސަލާގައި އަދި ހުކުމަކާ ހަމައަކަށް ނުދެ އެވެ.

ރައީސް މައުމޫން އަބްދުލްގައްޔޫމް ބޭސް މެލޭޝިއާ އިދިކޮޅު ފަރާތްތައް ރާއްޖެ-މެލޭޝިއާ

7 ކޮމެންޓް, 49 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނައިން

24 October 2018

އަންނިބުނީ އިބޫގެ ބޯކާން އިބޫއާ ކިތަންމެވަރަކަށް ބައްދަލުކުރިއަސް ރައީސް އޮފީހާ ވައިވެސް އެޅިލަން ނުކުރޭނެކަމަށް އެހެން ބަޔަކު މަގުއަލިކުރީމާ މޫނުދޮންކޮށްގެން އައިސް ފަތިހާތެދުވެ ކައްކަކާކޮގޮވަން ކަަމަށްތަ އެއުޅެމީ ހުއްޓާލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުދިމާ އަޒީޒާ

24 October 2018

މާކަ ބޮޑު ރޯފިލުންތަކެއް ނެއްނަމަވެސް އެއްމެ ކުޑައިރުއްސުރެން އެފުރިކާގެ ގައުމުތަކުގައި އުޅެ ތިހުރިހާދަރީ ލިބިފައި ތިޔަތިބީވެސް އެހެންވިމާ އެފަދަ ވިސްނުމެއް ތިމީހުންގެ ގައިގައި ހުރުން އެކަށީގެންވެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިންގް

24 October 2018

ރާއްޖޭގެ އަސްލު ކިންގް. މީނާ ބޭނުންވަނީ ރަސްކަލެއް އުޅޭހެން އުޅެން ފުރާއިރާއި އަންނަ އިރު ބޮޑުޖަމާއަތެށް އޮންނަންވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެބަދި ހާރު

24 October 2018

ވަރަށް ވިސްނުންތޫނު ހުރިހާ ބޭފުޅުންވެސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޡުލޭ

23 October 2018

އަންނިއަށް މަރުހަބާ ނުކިޔަންވެގެން ފުރަނީ ދޮއްތޯ.؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޯސް

23 October 2018

ﷲ ގަންދީ ބުނަން، ތިވާހަކަ ލިޔަންވެގެން ދެވަނަފަހަރަށް މި ޚަބަރު ހުޅުވާލީ. ކަލޭ ތިއީ ހަމަ އަހަރެން ކަހަލަ ވިސްނުންތޫނު މީހެއް. މާތް ﷲ އަހަރުމެން ދެމީހުން މަތިވެރި ކުރައްވާށި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޯޓު

24 October 2018

އަންނި ވެސް ޔާމީނު ވެސް އުޅެންވީ ރާއްޖޭގެ ޤާނޫނަށްވުރެ މަތީ. ހެވޭ މިތާ ކަންކަން ވީދިފައި އޮތަސް އެކަމަކު އެ ލާންޖެހޭނެ ފޮތި އަޅައިގެންވެސް ދިވެއްސެއް ވެއްޖެއްޔާ. މިތާ ކޮންވެންޝަނެއްގައިވެސް ބައިވެރި ވިޔަސް އޭތި ހިނގަނީ ޤާނޫނު ހަދާ މަޖިލީހުން ފާސްކުރީމަ. މީ ހުރިހާ ދިވެހިންގެ ދިވެހިރާއްޖެ. އަންނި އެކަނި ރާޢްޖެއެއްނޫން. އަންނި ގެ ޤާނޫނު ހިނގާކަށް.