މިއަދު ހެނދުނު ހުޅުމާލެއަށް ދާ ހައިވޭގައި ހިނގި އެކްސިޑެންޓުގައި އެޗްޑީސީ ވޭނަށް ވަރަށް ބޮޑު ގެއްލުންތަކެއް ލިބިފައި - ފޮޓޯ: ސޯޝަލް މީޑިއާ
30 އޮކްޓޯބަރ 2018 - 12:23
43 comments
ރެއާއި މިއަދު ހެނދުނު މާލެ- ހުޅުމާލެ ހައިވޭގައި ހިނގި ނުރައްކާތެރި ދެ އެކްސިޑެންޓެއްގައި ފަސް މީހަކަށް އަނިޔާވެއްޖެ އެވެ.
ފުލުހުންގެ މީޑިއާ އޮފިސަރު ވިދާޅުވީ ރޭ އެކްސިޑެންޓް ހިނގީ ހުޅުމާލެއިން މާލެ އަށް ދިޔަ ދެ ސައިކަލެއް އޯވަޓޭކް ކުރަން އުޅުމުގެ ތެރޭގައި އެއް ސައިކަލް އަނެއް ސައިކަލްގައި ޖެހިގެން ކަމަށެވެ. މި ހާދިސާގައި އަނިޔާވެފައި ވަނީ އުމުރުން 50 އަހަރުގެ ފިރިހެނަކާއި، 20 އަހަރުގެ ފިރިހެނަކާއި، 17 އަހަރުގެ ފިރިހެނެއްގެ އިތުރުން 43 އަހަރުގެ އަންހެނެކެވެ.
ހުޅުމާލެ ހޮސްޕިޓަލް ހިންގާ އާސަންދަ ކުންފުނިން ބުނި ގޮތުގައި މި ހާދިސާގައި އެ ހަތަރު މީހުންނަށް ވެސް އަނިޔާ ލިބިފައިވަނީ އެ މީހުންގެ ބޮލަށެވެ.
މި އެކްސިޑެންޓުގައި އަނިޔާވި ތިން ފިރިހެނުން ވަނީ އޭޑީކޭ ހޮސްޕިޓަލަށް ސީޓީ ސްކޭނެއް ހެދުމަށް ފޮނުވާފައި ކަމަށް އާސަންދަ ކުންފުނީގެ މީޑިއާ އޮފިސަރު ވިދާޅުވި އެވެ. އަދި އޭގެ ތެރެއިން ދެ މީހަކު ހުޅުމާލެ ހޮސްޕިޓަލުގައި އިތުރު ފަރުވާ ހޯދަމުން އަންނަ ކަމަށް ވެސް އޭނާ ވިދާޅުވި އެވެ.
"އަނިޔާވި ހުރިހާ އެންމެންގެ ހާލު ރަނގަޅު. އަނިޔާވި އަންހެން މީހާއަށް ހުޅުމާލެ ހޮސްޕިޓަލުން ފަރުވާ ދިނުމަށް ފަހު ދޫކޮށްލައިފި،" އޭނާ ވިދާޅުވި އެވެ.
މީގެ އިތުރުން މިއަދު ހެނދުނު ހިނގި އެކްސިޑެންޓުގައި އަނިޔާވެފައި ވަނީ އެޗްޑީސީ ވޭނެއް ދުއްވަން އިން 35 އަހަރުގެ ބިދޭސީ ފިރިހެނެކެވެ. އެ އެކްސިޑެންޓު ހިނގީ މާލެއިން ހުޅުމާލެއަށް ދަތުރު ކުރި މަގުމަތީގައި ވޭނުގެ ކޮންޓްރޯލް ދޫވެގެން ގޮސް އަރިމަތީގައި ހުރި ފެންސްތަކުގައި ޖެހިގެންނެވެ.
މި އެކްސިޑެންޓުގައި އަނިޔާވި ބިދޭސީ އަށް ވެސް ހުޅުމާލެ ހޮސްޕިޓަލުގައި ފަރުވާ ދިނުމަށް ފަހު އޭޑީކޭ ހޮސްޕިޓަލަށް ސީޓީ ސްކޭނެއް ހެދުމަށް ވަނީ ފޮނުވާފަ އެވެ. އަދި އޭނާއަށް ބޮލަށް ލިބިފައިވާ އަނިޔާގެ އިތުރުން، އޭނާގެ ހަށިގަނޑުގެ އެކި ހިސާބުތަކުގައި ކަށީގައި ބައިވަރު ރެނދުލާފައިވާ ކަމަށް ވެސް އާސަންދަ ކުންފުނީގެ މީޑިއާ އޮފިސަރު ވިދާޅުވި އެވެ.
މި އެކްސިޑެންޓުގައި އެޗްޑީސީ ވޭނަށް ވަނީ ވަރަށް ބޮޑެތި ގެއްލުންތަކެއް ވެފަ އެވެ. ފޮޓޯތަކުން ފެންނަ ގޮތުގައި އެ ވޭނުގެ ކުރީކޮޅާއި، ދޮރު ވަނީ ވަރަށް ބޮޑަށް ހަލާކުވެފަ އެވެ.
ފުލުހުން އަންނަނީ މި މައްސަލަތައް އިތުރަށް ތަހްގީގު ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހައިވޭ މައި ފޫޓް
20 December 2018
ރާއްޖެ އަކު ހައިވޭ އޭ ކިޔާ ވަރުގެ މަގެއް ނެތް. ހައިވޭ ތަކަކީ ގަޑިއަކު 80 ކިލޯ މީޓަރަށް ދުއްވާ ތަންތަން. އަދި އެ ވަރަށް ދުއްވާއިރު ވެސް 2 3 ގަޑި އިރު ދުއްވަން ޖެހޭ. ރާއްޖޭގައި މިއީ 40 ކިލޯމީޓަރ އަށް 10 މިނިޓް ދުއްވަން ޖެހޭ ތަންތަން
ނޫސަންގު
31 October 2018
މައްސަލައަކީ ހައިވޭގައި ދުއްވަން ޖެހޭ ގޮތް ދަސްވެފައި ނެތީ. އަށެއް އަޅައިގެން ލައިސެންސް ލިބޭ. ނޫނީ ރޭމްޕް މަތިން ރިވަރސް ކުރަން އެނގެންޏާ ލައިސަންސް ލިބޭ. ފުލުހުންނަށްވެސް މިފަދަ މަގުތަކުގައި ދުއްވާނެ ގޮތް ނޭގޭ. ކުރަންވީ ކަމަކީ ޑްރައިވަރ ޓްރެއިނިންގ ސެންޓަރ ތަކުގެ އިންސްޓްރަކްޓަރުންނަށް އަލުން ތަމްރީނު ދޭންވީ ސިންގަޕޯރ ފަދަ ގައުމުތަކުގެ ރޯޑް ޓްރެފިކް ކޯޑް ބަލައިގެން. އަދި މިހާރު ލައިސަންސް ލިބިފައި ތިބި ޑްރައިވަރުންވެސް ރިފްރެޝް ކޯސް ހަދަންވީ.
އިިހްސާސް
31 October 2018
ތިޔަ ޑުރައިވަރަށް ނިދުނީތަ؟
ވަން
31 October 2018
ސްޕީޑް 40(38-35) ނާރުވާ މާލެ އިން ހުޅުމާލެ އަށް ދެވޭ 12 މިނެޓުން!!އެހެން ގައުމު ތަކުގަ ބާރު ސްޕީޑްގަ ދުއްވަަނީ 2 ގަޑީރު 3 ގަޑީރުން ދެވޭ ހައިވޭ ތަކުގަ.މިތަން ވެސް ވާނެ އަށްޑޫ ލިންކް ރޯޑައް..ކިތައް މީހުން މަރުވީމަބާ މިކަންތައް ރަނގަޅުކުރަން އުޅޭނީ...ސްޕީޑް 35 ހަދަންވީ...ފިޔަވަޅު އެޅުން އަވަސް ކުރޭ!!
ހުސެން
31 October 2018
މިކަންކަންހިންގަން މެދުވެރިވާސަބަބަކީ މިތަނުގެ ޓުރެފިކުޕޮލިހުންގެ ކެރަވަޅުކަން، ބުރިޖްފެށޭތަނުގައާ ހުޅުމާލެކޮޅުގަ މީހަކު ހުރީމާ ޓުރެފިކްބެލެހެއްޓުނީތޯ؟ ކޮބާ ލިމިޓަށްވުރެން ބާރަށްދުއްވާމީހުން؟ ކޮބާ އަޗާތަޅަމުން ފޮނިވާހަކަދައްކަމުން އެއްހަމައެއްގައިދުއްވާމީހުން؟ ކޮބާ އަރިމަތީ މަޑުކޮށްގެންތިބޭމީހުން ކޮބާ ފޯނުގަތިބޭމީހުން؟ މިކަންކަމާ ހޭލުންތެރިކުރުވާ ގަވައިދާ ހިލާފުވާމީހުނަށް އޮންނަ އަދަބުދިނުމަކީ ކޮންބައެއްގެ ޒިންމާއެއްތޯ؟ އަމާބުނީތީފަރައްދާހެން...
އަބްދުﷲ
30 October 2018
ތިވޭންގެ ކުރި އޮތީ މާލެއާވީކޮޅަށް. މަހީކުރީ ނުބައި ކޮޅަށް ދުއްވަނިކޮށް ވިކަމެއްކަމަށް.
ކާށިތެޔޮ
30 October 2018
ތިތާ މަތި ޕޮލިސް ކޮއްގެން ނަމަވެސް ޓްރެފިކް ބިހޭވިއަރ ކޮންޓްރޯލް ކުރަންވެއްޖެ.
ތިމާވެށި
30 October 2018
ދިވެހި ޑްރައިވަރުން ލިބޭނެއެވެ. ދަސްކޮށްދީގެން ވެސް ވަޒީފާ ދޭން ވީއެވެ. ޒުވާނުންގެ ތެރޭ ގިނައީ ވަޒީފާ ނެތް މީހުނެވެ. އެކްސިޑެންޓްވި ވެހިކަލް ދުއްވަން އިނީ ބިދޭސީއެކެވެ.
ސޭޓުގެ އަނބިމީހާގެ ފިރިމީހާ
30 October 2018
ތިތަނަށްކިޔަންވީ ޔޫތުސިޓީއެއްްނޫން. މަރުސިޓީ!
އަލިފް
30 October 2018
ބްރިޖް މަތީން ދުއްވާ ވެހިކަލް ތައް ބެލެހެއްޓުމުގައި ފުލުހުންގެ އިހްމާލް ވަރަށް ބޮޑެވެ. ސްޕީޑް ބަލާ ކެމެރާ ހަރުކުރެވިފައެއްބެތެވެ. އަދި ސަރަހައްދު ބެލެހެއްޓޭނެ ކެމެރާ ވެސް ހަރުކުރެވިފަ އެއްނެތެވެ. ބްރިޖްމަތިން ފެންނަނީ އެންމެ ފުލުހެކެވެ.
ފުލުސް
30 October 2018
ހައް ހައް ހައް...... މީދިވެހިން. އަހަރެމެން ރަށުގައި އެންމެ ފުލުހެއްވެސް ނޫޅޭ، އެކްސިޑެންޓްއެއް ވީކަން ތާރީހުންވެސް ފެންނަށް ނެއް.
ހުސެން
31 October 2018
@ފުލުސް ބުރޯ ކަލޭގެ ރަށުގެވާހަކައެއްނޫނެއްނުން އާޓިކަލްގައޮތީ، ކަލޭގެ ރަށުގަ މިވަރަށް މީހުނެއްވެސްނޫޅޭނެ މިވަރަށް ދުއްވާއެއްޗެއްސެއްވެސް ނޯންނާނެ، މިކަހަލަ ބުރިޖެއްވެސް ލިންކްރޯޑެއްވެސް ނޯންނާނެ، މިސާލުވެސް ޖަހަންވާނީ އެކަމަކާ ގުޅޭ ގޮތައް ގުޅޭކަމެއްގެ ވާހަކައިންދޯ!