އޮޑިޓާ ޖެނެރަލް ހަސަން ޒިޔަތު ފޮޓޯ: ހުސައިން ވަހީދު/މިހާރު
08 ނޮވެމްބަރ 2018 - 19:46
28 comments
ރާއްޖެ އަށް 2004 ވަނަ އަހަރު އެރި ސުނާމީގައި ގއ. އަތޮޅުން ގެދޮރު ގެއްލުނު މީހުންނަށް އެންމެ ފަހުން އެޅި ގެތަކަށް ހޭދަވާން ޖެހޭ ވަރަށް ވުރެ އިތުރަށް 144.6 މިލިޔަން ރުފިޔާ ހަރަދުވެ، ދައުލަތަށް ގެއްލުންވެފައިވާ ކަމަށް އޮޑިޓާ ޖެނެރަލް ވިދާޅުވެއްޖެ އެވެ.
އޮޑިޓާ ޖެނެރަލް ހަސަން ޒިޔަތު މިއަދު ނެރުއްވި ރިޕޯޓެއްގައި ބުނީ ސުނާމީގައި ހާލުގައި ޖެހުނު މީހުންނަށް ގއ. އަތޮޅުގެ ހަތަރު ރަށެއްގައި އެޅި ޖުމްލަ 298 ހައުސިން ޔުނިޓް އެޅުމަށް 382.53 މިލިޔަން ރުފިޔާ ހަރަދުވި އިރު އޭގެ ތެރެއިން 144.60 މިލިޔަން ރުފިޔާ ހަރަދުވެފައި ވަނީ އިސްރާފުގެ ގޮތުގައި ކަމަށެވެ.
އެ މަޝްރޫއުގައި ގެއްލުންވި ފައިސާގެ ތެރޭގައި ވަކި ހިސާބަކުން މަސައްކަތް ހުއްޓާލާފައި ދިޔަ ފިލިޕީންސްގެ ކުންފުންޏަކުން ދައުލަތުގެ އިދާރާތަކަށް ދައްކަން ޖެހި ނުދައްކާ އޮތް 43.2 މިލިޔަން ރުފިޔާ ހިމެނެއެވެ. މަސައްކަތާ ފަހުން ހަވާލުވި ވިމްލާ ކޮންސްޓްރަކްޝަނަށް ދައުލަތުން ފައިސާ ދީފައި ވަނިކޮށް، ސައުދީ ފަންޑުން ވެސް ފައިސާ ނަގައި، އެ ފައިސާ އަނބުރާ ނުދެއްކި ގެއްލުންވި 8.15 މިލިޔަން ރުފިޔާ ވެސް އޭގެ ތެރޭގައި ހިމެނެއެވެ.
ގެއްލުންވި ފައިސާގެ ތެރޭގައި ގެތައް އެޅުމުގެ މަޝްރޫއަށް އެމްޓީސީސީން ގެނައި މުދަލަށް ދައުލަތުން ދެއްކި 65.08 މިލިޔަން ރުފިޔާއަކާއި އެ ކުންފުންޏަށް ދެ ގުނަކޮށް ދީފައިވާ 3.73 މިލިޔަން ރުފިޔާއާ އެކު އެ ކުންފުނިން ދައުލަތަށް ދައްކަން ޖެހޭ 68.81 މިލިޔަން ރުފިޔާ ހިމެނެއެވެ.
ގެތައް އެޅުމުގެ ތެރޭގައި ހިނގާފައިވާ ނަހަމަ އެހެން ބައެއް ކަންތައް ވެސް ރިޕޯޓުގައި ފާހަގަކޮށްފައި ވެއެވެ. އެގޮތުން މަޝްރޫއުގެ ކުރީގެ ކޮންސަލްޓެންޓްގެ ޕްރޮޖެކްޓް މެނޭޖަރެއްގެ ގޮތުގައި ހައުސިން މިނިސްޓްރީގެ އިސް މަގާމެއްގައި ހުރި މުވައްޒަފަކު ހުރުން ހިމެނެއެވެ. އަދި އެގޮތުން މަސައްކަތް ކުރި ފަރާތުން މަސައްކަތް ރަނގަޅަށް ނުބެލުމުގެ ސަބަބުން ދެވަނަ ފަހަރަށް ބައެއް މަސައްކަތްތައް ކުރުމަކީ ވެސް ދައުލަތަށް ލިބުނު ގެއްލުމެއްކަން ރިޕޯޓުން އެނގެއެވެ.
ފާހަގަކޮށްފައިވާ އަނެއް ކަމަކީ މަސައްކަތް ނިންމަން ޖެހޭ މުއްދަތަށް ވުރެ އެތައް ގުނައެއް ލަސްވެގެން ދިއުމެވެ.
ރާއްޖެއަށާއި ސަރަހައްދީ އެހެން ގައުމުތަކަށް 2004 ވަނަ އަަހަރު އެރި ސުނާމީގައި ގއ. އަތޮޅުން ގެދޮރު ގެއްލުނު މީހުންނަށް އެޅި ގެތައް ނިމުނީ 2015 ވަނަ އަހަރުއެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދެން
10 November 2018
ކޮރަޕްޝަނަށް ހަގީގަތުގަ ނިމުން ކިހިނެތް ގެންނާނީ ކޮރަޕްޝަން ކުރި ނުވަތަ ހިނގާތޯ ނުބެލުނު މީހުންނަށް؟
ކޮރަޕްޓް ކެމްޕޭން
09 November 2018
އެއްކަލަ ކެމްޕޭންތަކަށް ތިލާރި ބޭނުންކުރިބާ؟
ވަލުސޮރު
09 November 2018
ކޮމެންޓުތައް ކިޔާލީމަ އެބަ އިނގޭ އަދިިވެސް ދެނެގަނެވެންޖެހޭ ހަރަދުތަކެއް ހުރިކަން. ރައްޔިތުންނަށް ބޭނުންވަނެ މިކަހަލަ ހަރަދުތަކުގެ މައުލޫމާތުވެސް. ސީދާ ލިޔެކިއުމުން ފެންނަން ނެތިއްޔާ އެސްޓިމޭޓެއްނަމަވެސް ބޭނުންވޭ.
ޢިންސާފް
09 November 2018
2008ކުންފެށިގެން ސަރުކާރުތަކުން ކޮށްފައިވާ ހަރަދުގެ ރިޕޯޓެއް އެކުލަވާލައި ނެރުމަށް އޮޑިޓަރ ޖެނެރަލްއް ގޮވާލަން ދިވެހިރައްޔަތުންނައް މިކަންއޮލުވާނުލާ ސާފްކޮށްދެއްވާ
ކަލޯގެއާ
09 November 2018
އަޑުއެހިން ތިޔަމަސައްކަތައް ފަހުން ސިފައިންވެސް ފޮނުވައިގެން މަސައްކަތް ކުރިވާހަކަ. ކޮބާ އެހެންވީމަ މިމީހުންގެ މުސާރައާއި އެހެނިހެން ހިގާފަހުންނާނެ ޚަރަދު؟ އޮޑިޓް ފުރިހަމަކަމުގައި ނުބެލެވޭ އެހެންވީމަ!
ގެއްލުމުގެކޮޅެއްނެއް
09 November 2018
އޮޑިޓް އޮފީހެއް ހުރުމުން ދައުލަތައްވާ ގެއްލުމުގެ ރިޕޯޓެއްވެސް ނެރެންޖެހޭ. އޮޑިޓަރުންނާ އިދާރީ މީހުންގެ މުސާރަތައް އިންތިހާއަށްބޮޑު. އެހެނެއްކަމަކު ނެރޭރިޕޯޓެއްގައި ޖަހާއަދަދަކުން ބައިރުފިޔާވެސް ދައުލަތައް ހޯދެނީކީނޫން. ނުވިތާކަށް ހުރިހާ މުއައްސަސާތަކުގެ މިނިވަންކަން އެހާބޮޑު. ހައްތަހާވެސް މިއީ ބޭކާރުޚަރަދާއި ދައުލަތަށާއި ރައްޔިތުންނަށްވާގެއްލުން.
ވަލީއަހުދު
09 November 2018
ތި ވިލްމާގެ ޕޭމަންޓުތަކާ ބެހޭގޮތުން 2013ގަ ވެސް އޮޑިޓު ރިޕޯޓެއް ނެރުނު ހަނދާނެއްވޭ. އޭގެ ފަހުން ވީ ގޮތެއް ބަލާލަބަލަ މިހާރު ނޫސް.
ރޮކެޓް ސައިންސް
09 November 2018
ގއ. މާމެންދޫ ގަ ހެދިގެތަށް ހަދަން 220 ސިފައިން އެރަށް ގެންގޮސް ސިފައިންގެއިން އެކަމަށް ކުރި ހަރަދު އެރިޕޯޓުގައި ނުހިމެނޭތަ.
މިސްފިޓްސް
09 November 2018
ރަނގަޅު ވާހަކައެއް. ސިފައިންގެ ހުރުމާ ކެއުމާ އޯޓީ ކޮބާ.
މަސީހު
09 November 2018
ހަރަދު ކޮއްލި ވަރު ވިސްނާލާ ސިފައިން އެރަށުން ފައިބައިގެން ދިޔައިރު ބައެއް ގޭގޭގެ ނުނިމި ހުރި ފެންވާރާ ވަޅުތަށް ގޭގެ ވެރިފަރާތުން އަމިއްލައަށް ބަހައްޓާމަތިން 16000ރ ނަގުދު ފައިސާ އެގެތަކުގެ ވެެރިފަރާތްތަކާ ހަވާލުކުރެވުނު. އަތޮޅުތެރޭގައި އާންމުކޮން ވަޅެއް ބަހައްޓާދޭ އަގަކީ 5000ރ އާއި 7000ރ ދޭތެރޭއަގުތަކެއް. މިބުނީ އެންމެކަމެއްގެ ވާހަކަ.
ސަމީރު
09 November 2018
ޔެސް އެރަށުގައި ސިފައިންގެ ކެއުމާއި ނިދުމާއި އެހެނިހެން ހަރަދުތަށް އެއްކޮއްލުމުން 200 ވަރަކަށް މިލިޔަން ރުފުޔާގެ ގެއްލުމެއް ފެންނަން އޮންނާނެ. ގއ. ވިލިގިލިން މާމެންދޫއަށް ސިމެނަތިއާއި ހިލަޔާއި މިބާވަތުގެ ހުރިހާ މުދަލެއް އުފުލަން ބޭނުންކިރީވެސް ސިފައިންގެ ކޯސްޓްގާޑްގެ ލޯންފަހަރު. މިއީ ސިއްރެއް ނޫން އެންމެންގެ ލޯކުރިމަތީގަ ހިގާދިޔަ ކަންތަށް
ސިފައިންގެ
09 November 2018
ސިފައިންނަކަށް އޯޓީއެއް ނުލިބޭނެ، 7×24
އަހްމަދް
09 November 2018
މި ކަންތައް ހިނގާފައި މިވަނީ ވޭތުވެދިޔަ 4 ސަރުކާރުގެވެސް ހިމެނޭގޮތަށް. ހުރިހާ ފަރާތެއްވެސް މީގަ ޒިންމާ ނަގަންޖެހޭނެ.
އަބްދޫ
09 November 2018
ކޮބާ އެމްޑީޕީ ގެވެރިކަމުގާ މުދާއުފުލި ދަތުރު ކުރިކަމަށް ހަދާ ނަގާފާ އޮތް 60 މިލިއަންރުފިޔާ ގެ ވާހަކަ ނާދޭތަ ؟ މިއީ ބަޔަކު ހައްޔަރުކޮށް ތަހުގީގު ކުރެވުނު މައްސަލައެއްދޯ ؟ކަންނެލިދޯނި ތަ ؟