ޚަބަރު / އަބްދުﷲ ޝާހިދު (ކުރީގެ ފޮރިން މިނިސްޓަރު)

ބޭރުގެ އަސްކަރީ ބަނދަރެއް ހަދަން ފުރުސަތެއް ނުދޭނަން: ޝާހިދު

މުހައްމަދު ނަސީމް، މިހާރު

26 ނޮވެމްބަރ 2018 - 13:18

ރާއްޖޭގައި ބޭރު ގައުމެއްގެ އަސްކަރީ ބަނދަރެއް ހަދަން މިހާރުގެ ސަރުކާރުން އެއްވެސް ގައުމަކަށް ފުރުސަތު ނުދޭނެ ކަމަށް ފޮރިން މިނިސްޓަރު އަބުދުﷲ ޝާހިދު މިއަދު ވިދާޅުވެއްޖެ އެވެ.

އިންޑިއާ އަށް މިހާރު ކުރައްވަމުން ގެންދަވާ ރަސްމީ ދަތުރުފުޅުގައި ސްޓްރެޓީޖިކް ނިއުސް އިންޓަނޭޝަނަލް (އެސްއެންއައި) އަށް ދެއްވި އިންޓަވިއުއެއްގައި ޝާހިދު ވިދާޅުވީ އަސްކަރީ ބަނދަރެއް ނުވަތަ އަސްކަރީ އެހެން ވަސީލަތެއް ގާއިމްކުރަން ބޭރު ގައުމަކަށް ފުރުސަތު ދިނުމުގެ ނިޔަތެއް ސަރުކާރުގެ ނެތް ކަމަށެވެ.

"އަޅުގަނޑުމެން ބޭނުމެއް ނުވޭ ބައިނަލްއަގުވާމީ ހަމަނުޖެހުންތަކުގެ ތެރޭގައި ތާށިވާކަށް. އަޅުގަނޑުމެންގެ އެބަހުރި މާ އަވަހަށް އެޑްރެސް ކުރަން ޖެހޭ މައްސަލަތައް. އަޅުގަނޑުމެން ބޭނުންވޭ ތަރައްގީ އަށް އެޑްރެސްކުރަން، އަޅުގަނޑުމެންގެ ރައްޔިތުން ތަހައްމަލު ކުރަމުންދާ ދަތިތަކަށް،" އޭނާ ވިދާޅުވި އެވެ.

ޝާހިދު ވިދާޅުވީ ބޯހިޔާވަހިކަމާއި ސިއްހަތާއި ތައުލީމު ފަދަ އެތައް ކަމަކަށް އިސްކަން ދޭން ޖެހިފައިވާ ކަމަށާއި ރައީސް އިބްރާހީމް މުހައްމަދު ސޯލިހްގެ ވެރިކަމުގައި ސަމާލުކަން ދޭނީ އެ ކަންތައްތަކަށް ކަމަށެވެ.

ރާއްޖޭގައި ޗައިނާގެ އަސްކަރީ މަރުކަޒެއް ހަދަން މަސައްކަތް ކުރާ ކަމަށް އިންޑިއާ އިން ތުހުމަތު ކުރަމުން އަންނަތާ ދުވަސްތަކެއް ވެއްޖެ އެވެ. ކުރީގެ ރައީސް އަބްދުﷲ ޔާމީންގެ ވެރިކަމުގައި ޗައިނާ އަށް އެ ފުރުސަތު ދޭން އުޅުނު ކަމަށް އިންޑިއާގެ ނޫސްތަކުން އޭރު އަޑު ފެތުރި އެވެ.

ރާއްޖެ އަށް ޗައިނާ އިން ލޯނުގެ ގޮތުގައި ގިނަ އަދަދެއްގެ ފައިސާ ދޫކޮށްފައި ވާތީ އެ ލޯނުތައް ނުދެއްކުމުގެ ސަބަބުން ޗައިނާ އަށް ބަނދަރެއް ދޫކޮށްލަން ޖެހުން ފަދަ ކަމަކުން ސަލާމަތް ވާނީ ކިހިނެއްތޯ އެސްއެންއައި އިން ޝާހިދާ ސުވާލު ކުރި އެވެ. އެ ސުވާލަށް ޖަވާބު ދެއްވަމުން ޝާހިދު ވިދާޅުވީ އެފަދަ ގޮތެއް މެދުވެރިވުމުގެ ފުރުސަތު އޮތްކަން ސަރުކާރަށް އެނގޭ ކަމަށާއި އެފަދަ ކަމެއް ވިޔަ ނުދޭނެ ކަމަށެވެ.

"އަޅުގަނޑުމެން އެކަން ހުއްޓުވާނަން. އެކަމުން ސަލާމަތްވާނެ މަގެއް އަޅުގަނޑުމެން ހޯދާނަން. (އެކަމުގައި) ޗައިނާ ސަރުކާރާ ވާހަކަ ދައްކަން ޖެހިއްޖެ ނަމަ އަޅުގަނޑުމެން ވާހަކަ ދައްކާނަން،" ޝާހިދު ވިދާޅުވި އެވެ.

އޭނާ ދެން ވިދާޅުވީ ޗައިނާ ސަރުކާރުން ރާއްޖެއާ މެދު އެފަދަ ގޮތަކަށް ކަންތައް ކުރަން ޗައިނާ ސަރުކާރުން މަސައްކަތް ނުކުރާނެ ކަމުގެ އިތުބާރު އެބަ އޮތް ކަމަށެވެ.

ރާއްޖެ އަށް އިންޑިއާ އިން ހަދިޔާ ކޮށްފައިވާ ދެ ހެލިކޮޕްޓަރު އޮޕަރޭޓްކުރަން އެ ގައުމުގެ ސިފައިން ރާއްޖޭގައި ތިބޭ ތިބުމަކީ ރާއްޖޭގައި އިންޑިއާގެ އަސްކަރިއްޔާ ހަރަކާތްތެރިވުމަށް ކުރާ ކަމެއް ކަމަށް އިދިކޮޅު ފަރާތްތަކުން ތުހުމަތު ކުރެ އެވެ. އެ ތުހުމަތުތަކާ ބެހޭ ގޮތުން ސުވާލު ކުރުމުން ޝާހިދު ވިދާޅުވީ އިންޑިއާ އިން ރާއްޖޭގެ ޕައިލެޓުން ތަމްރީނުކޮށް، ހެލިކޮޕްޓަރު އޮޕަރޭޓް ކުރުމަކީ ދެ ގައުމު ގުޅިގެން ކުރާ ކަމަކަށް ބަދަލުވާނެ ކަމަށް އުއްމީދުކުރައްވާ ކަމަށެވެ.

އިންޑިއާ ޗައިނާ އެމްއެންޑީއެފް އަބްދުﷲ ޝާހިދު (ކުރީގެ ފޮރިން މިނިސްޓަރު) ރާއްޖެ-އިންޑިއާ ރާއްޖެ-ޗައިނާ މިލިޓަރީ ފޮރިން މިނިސްޓަރު

32 ކޮމެންޓް, 569 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރަށުއެއްޗެއް

27 November 2018

" އިންޑިޔާ ފިޔަވާ" ބޭރުގެ އެހެން ބާރަކަށް ރާއްޖޭގައި ތިބެން ފުރުޞަތު ނުދޭނަން މިހެން ބުނީމަ ރަނގަޅުވާނެ ގައުމު މުޅިން އަޅުދާސްވެއްޖެ 40 އިން 60 އަށް ބަދަލް ވެއްޖެ ހަމަ އެންމެ މީހަކަށްޓަކާ ގައުމުގެ މިނިވަންކަން ގެއްލި އަޅުދާސްވުން މީ ގަބޫލްކުރެވޭނެ ކަމެއް ނޫން އެންމެ މީހަކު ބޮޑުވަޒީރަކަށް ވުމަށް ގައުމެއްގެ ޝާނާ ޝައުޤަތު ގެއްލިދަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދޫ

26 November 2018

އެމްޑީޕީ ސަރުކާރުން 2010 ގަ އިންޑިޔާސަރުކާރާ އެކު ހަދާފަ އޮތް އެއްބަސްވުންކިޔާދީ އާއްމު ކޮށްބަލަ އޭރުން އެގޭނެ މިސަރުކާރުން އަސްކަރީ ބޭހަކަށް ފުރުސަތު ނުދޭނެކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދޫ

26 November 2018

2 ހެލިކޮޕްޓަރާ 60 ސިފައިންގެ ބޭނުމަކީ ކޮބާ؟ނުރަސްމީ މިލިޓްރީ މަރުކަޒަކަށް އިންޑިޔާ ވަނީ ރާއްޖޭގަ ވެރިކޮށްފާ. މިހާރުގާނޫނުއަސާސި ބުނާގޮތުން މިކަންކުރެވޭނީ މިހަރު ތިބި 85މެމްބަރުން ވޯޓް ދީފިނަމަ .މިހާރު ސަރުކަރުގެ ވިސްނުމަކީ މަޖިޅިހުގެ ހުރިހާގޮނޑި ކާމިޔާބު ކޮށް އިންޑިޔާގެ މިލިޓްރީ މަރުކަޒަކަށް އައްޑު ގަން ހެދުން، މިއީ ދުރާލާ ރާވައިގެން އަންނަކަމެއް .ރައްޔިތުން ހޭލުންތެރިވާތި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަދިރިދުންދަނޑި

26 November 2018

މަށަށް ހެޔޮ ލ އަތޮޅުން ފެށިގެން އުތުރު ބޭރުބައެއްގެ ދަށުގަ ޖިޒީދީގެން އޮތަސް. ދެކުނުގަ މިނިވަންކަން އޮންނަނިކޮށް މަށަށް އޯކޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުކިޔަވާ

26 November 2018

ދެންމިތާތިބި އިންޑިޔާ ސިފައިން ބަލަންވީނު ތިހެންޏާމް، އެވެސް އެމްޑީޕީ ވެރިކަމުގަ މިގައުމަށް އެތެރެކުރި ބަޔެއްނޫން،،،،،،،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިސްކަލޯ

26 November 2018

ހަމަހިލާ މިކަމެއް ނުކުރާނެ މިސަރުކާރަކަކުން. ސޮރީ އަިވޯޒް ޖޯރކިންގ...މިހެން މީނަބުނެފިނުން މިކަންތައް މިމީހުން ކުރާނެ..ދޭނީ އިންޑިއާ ކަރަޕޮޓު ސަރުކާރަށް ދެން ދޭނީ އެމެރިކާމީހުނަށް ދެން ޔަހޫދީންނަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޅިޔަނާ

26 November 2018

އާނ އެ ތެދެއް . އަލަކަށް ނަހަދާނެ ކުރިންވެސް ހުރިތަން ފުޅާ ކޮށްލަނީ. ކޮންމެސް އެކޭޑެމީއެކޯ. ދިވެހި ތާރީހުގައި ކަޅު ލައްގަނޑެއް ޖައްސާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާރަނގާ - އައްޑޫ ސިޓީ

26 November 2018

މާލެ އަށްވުރެން އަހަރުމެންނަށް ނިއުދިއްލީ ކަމުގޮސް އަދި މާބޮޑަށް ލަންޑަން ހިތްގައިމުވެ ލޯބިވާ ނަމަކަށްވެގެން އުޅެނީ “ސަބަބެއްނެތިއެއްނޫން” ކަން ބަޔަކަށް ނޭގުނުކަމުގައިވިޔަސް އައްޑޫގެ ތާރީޙާއި ފަޙުރިވެރި އައްޑޫމީހުން ދަންނަ ބަޔަކަށް އެކަން އޮޅިފައިނުވާނެ. * * ގަދަކަމުން ލޯބި ހޯދަންނޫޅެ ދޮންދަރި އުސޫލު ދޫކޮށް ދިވެހިރާއްޖެއަކީ މާލެ އެކަނި ނޫންކަމާއި ހއ އިން އައްޑޫއަށް ރާއްޖެއޮތުމަށް އެދޭނަމަ އެގޮތަށް އަމަލުކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗިއްލޫ

26 November 2018

ވަރަށް ސަޅިވާހަކަޔެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިލިޓަރީ

26 November 2018

އަހަރުމެން ބޭނުން ވަނީ މިރާއްޖެ މިނިވަން ޤައުމެއްގެ ގޮތުގާ މިޤައުމު އޮތުން. އިންޑިޔާ ސިފައިން ބޭރުކުރޭ. ވަރައް ހިތައް އުދަގޫވޭ. މިކަމަ އިދިކޮޅަ އަހަރެން ނިކުންނާނަން.