އަދީބު، ފަރުވާ އަށް ފަހު ޖަލަށް ގެންގޮސްފި

ކުރީގެ ނައިބު ރައީސް އަހްމަދު އަދީބު: އެމަނިކުފާނު އަނބުރާ ޖަލަށް ގެންދިޔައީ ފަރުވާ ފުރިހަމަނުކޮށް ކަމަށް އާއިލާ އިން ބުނޭ. --ފޮޓޯ/މިހާރު

19 ޖެނުއަރީ 2019 - 14:43

31 comments

އައިޖީއެމްއެޗުގައި އެޑްމިޓްކޮށްގެން ފަރުވާ ދިނުމަށް ފަހު ކުރީގެ ނައިބު ރައީސް އަހްމަދު އަދީބު މާފުށީ ޖަލަށް މިއަދު ބަދަލުކޮށްފި އެވެ.

ބަލި ހާލަތު ހުރި ގޮތުން އަދީބު އަލުން ހޮސްޕިޓަލުގައި އެޑްމިޓްކުރީ މި މަހުގެ ފަސް ވަނަ ދުވަހު އެވެ.

މޯލްޑިވްސް ކަރެކްޝަނަލް ސާވިސް އިން ބުނީ އަދީބު ޖަލަށް ބަދަލުކުރީ، އައިޖީއެމްއެޗުގައި އެޑްމިޓް ކޮށްގެން ފަރުވާ ދިނުމަށް ފަހު، މިއަދު ޑިސްޗާޖް ކުރުމުން ކަމަށެވެ.

އެކަމަކު، އަދީބުގެ އާއިލާ އިން ނެރުނު ނޫސްބަޔާނެއްގައި ބުނިގޮތުގައި ހޮސްޕިޓަލުން އަދީބު އަނބުރާ ޖަލަށް ބަދަލުކުރީ ކިޑްނީގައި ހުރި ހިލަތައް ނެގުމުގެ އޮޕަރޭޝަން ނުކޮށެވެ. ފަރުވާ ފުރިހަމަ ނުވަނީސް އަދީބު، ހޮސްޕިޓަލުން ދޫކޮށްލަން ޑޮކްޓަރުންނަށް މަޖުބޫރުވީ ހޯމް މިނިސްޓަރު އިމްރާން އަބްދުﷲގެ ނުފޫޒުން ކަމަށް ވެސް އާއިލާ އިން ތުހުމަތު ކުރެ އެވެ.

ފަރުވާ ފުރިހަމަ ކުރުމަކީ އަދީބަށް ވެސް ލިބެން ޖެހޭ އިންސާނީ ހައްގަކަށް ވާތީ، އެކަމަށް ހުރަސްނާޅަން އާއިލާ އިން ވަނީ މުއައްސަސާތަކަށް ގޮވާލައިފަ އެވެ.

ކުރީގެ ރައީސް އަބްދުﷲ ޔާމީން އަވަހާރަކޮށްލަން އެ މަނިކުފާނުގެ ލޯންޗުގައި އެއްޗެއް ގޮއްވާލި މައްސަލަ އާއި އެމްއެމްޕީއާރްސީގެ ޚިޔާނާތުގެ މައްސަލަތަކުގައި 33 އަހަރުގެ ޖަލު ހުކުމެއްގައި ހުރި އަދީބު އެޑްމިޓްކުރީ ގޭބަންދުގައި ބެހެއްޓުމަށް ފަހު އަނބުރާ ޖަލަށް ގެންދިއުމާ އެކު ސިއްހީ ހާލު ގޯސްވުމުންނެވެ.

ކިޑްނީގެ މައްސަލައަކަށް ފަރުވާ ހޯއްދަވަމުން ގެންދަވާ އަދީބު ގޭބަންދަށް ބަދަލުކުރީ އެފަދަ ބަލިމީހަކަށް އެކަށީގެންވާ މާހައުލަކަށް އޭނާ ބަދަލުކުރަން އައިޖީއެމްއެޗްގެ ޑޮކްޓަރުން ލަފާ ދެއްވުމުންނެވެ. ނަމަވެސް ގޭ ބަންދަށް ބަދަލު ކުރުމުން އޭނާ ވަނީ ސިޔާސީ ކަންކަމުގައި ހަރާތްތެރިކޮށް އުޅުއްވައި، އޭނާ އިސްވެ ހުންނަވާ ސިޔާސީ ޕާޓީއެއް ވެސް އުފައްދަވައިފަ އެވެ.

އަނބުރާ ޖަލަށް ބަދަލުކުރީ ގައިދީން ގޭބަންދަށް ދޫކުރާ އިގްރާރާ އަދީބު ޚިލާފުވެވަޑައިގަތުމުން ކަމަށް ހޯމް މިނިސްޓްރީން ވަނީ ބުނެފަ އެވެ.

ކުރީގެ ނައިބު ރައީސް އަދީބު އަހުމަދު އަދީބު ސިއްހަތު އައިޖީއެމްއެޗު ކަރެކްޝަނަލް ސާވިސް ގައިދީން އެމްއެމްޕީއާރްސީގެ ކޮރަޕްޝަން ރައީސްގެ ލޯންޗުގެ ގޮވުން އިމްރާން އަބްދުﷲ، ހޯމް މިނިސްޓަރު ހޯމްލޭންޑް ސެކިއުރިޓީ މިނިސްޓްރީ

31 ކޮމެންޓް, 98 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޖެނީލިއާ

20 January 2019

އަދީބުގެ ދިފާއުގައި އުޅޭ މީހުނަށް ޝައްކު ކުރެވޭ އެބަ މިހާރު. ބައިތުލް މާލުން އޭނާ ކެއި ފައިސާގެ ކިހާ ބަޔެއް އެމީހުނަށް އެޅީމާ ބާ މިވަރަކުން މިއުޅެނޫ. އަފުރުންގެ ދަރިޔަކު އެވަރަށް ކައިފަ ހުރިނަމަ ޖަލުގަ ބާއްވާނީ. ބަލިވީމާ ބޭސްކޮށްދޭނަން އެކަމަކު ގެޔަކަށް ނުގެންނާނަން. ހުކުން ހަމަ ނުވަނީސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮނިކަލޯ

20 January 2019

ފަރުވާ ފުރިހަމަ ކުރުމަކީ އަދީބަށް ވެސް ލިބެން ޖެހޭ އިންސާނީ ހައްގަކަށް ވާތީ، އެކަމަށް ހުރަސްނާޅަން އާއިލާ އިން ވަނީ މުއައްސަސާތަކަށް ގޮވާލައިފަ އެވެ. މހެން އާއިލައިން ބުނާއިރު އަދީބު ވަނީ ކިތައް ކިތައް މީހުންގެ ހައްގައް އަރައި ގެންފައިތޯއެވެ. އަޅުގަނޑައް ކަމުނުދަނީ މިހާބޮޑެތި ޖަރީމާތައް އަދީބު ހިންގާ ފައިވާއިރުވެސް އާއިލައިން ، ސަރުކަރާއި ދެކޮޅައް ފާޑު ފާޑުގެ ބަޔާންތައް ނެރޭތީއެވެ. އަދި ބައްޔަކީ އަަދީބަށް އެކަނި ވާ އެއްޗެއްވެސް ނޫނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޯން

20 January 2019

އެއީ ދިޔާސީ އަދަބެއްތަ?. ނޫނީ ތިޖޫރީ ފަޅާލިކަމުގެ އަދަބުތަ?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަކުނު

20 January 2019

ޖަލު. ހޮސްޕިޓަލަށް. ސްލީޕް. ރިޕީޓް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯގަންވިލާ

19 January 2019

ބަލަ ޑޮކްޓރުން ޖަލައް ފޮނުވަބަލަ އަދީބް އައް ފަރުވާ ދޭން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޫސް ކިޔާމީހާ

19 January 2019

ސިޔާސީ މުޅި ޖަލު ހުސްކުރި އިރު އަދީބުގެ ގޮޅިހުސްނުވާންވީ ކީއްވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައު

20 January 2019

އަދީބައްކޮށްފަ އޮތީ ސިޔާސީ ދައުވާއެއް ނޫނޭ. ބިލިޔަނުން ގައުމުގެ ހަޒާނާއަށް ހިޔާނާތްތެރިވި ދައުވާއެއް. ގެއައް ރަނގަޅު ކަމުން ފޮނުވީމަވެސް އުޅުނީ ސިޔާސީ ކުޅިވަރު ކުޅެވޭތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޮބުރީ

19 January 2019

ޒުވާނުންގެ ލީޑަރު އަދީބަށް ކުރާ ޖެއްސުން މިހާރުން މިހާރަށް ހުއްޓާލާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ބަނާނާ ޕްރެޒިޑެންޓް

19 January 2019

‫ބަލަ މަގޭ ކިޑްނީގައި ސިސްޓަކާއި ހިލައެބަހުއްޓޭ. މިހާރު 5 އަހަރަށްވުރެ ގިނަދުވަސް ވެއްޖެ. 6 މަހުން ހަމަހުން ޑޮކްޓަރަށް ދެއްކީމަ ބުނީ އަޅަނުލާށޯ. ސިސްޓް ބޮޑުވަންޏާ އިޝޫއަކަށް ވަނީ. އޭރުން އިންޖެކްޝަނެއް ޖަހައި ސިސްޓް ގޭ ދިރުން ކަނޑުވާލާނީއޭ ބުނީ. ހިލަވެސް މޮނިޓަރ ކުރަމުން ދަނީ. ބެންކޮކް އާއި މެލޭޝިއާ އަދި އިންޑިއާއިންވެސް ބުނީ ހަމައެއްވާހަކަ. ނުބުނޭ ހޯމްލީ އެންވަޔަރމެންޓެއްގައި އުޅޭށެކޭ.