މާލެ: އޯގަސްޓް 21، 2018- މާލޭގައި މާފަންނު ސްޓޭޑިއަމްގައި ބޮޑު ޖަމާއަތުގައި މިއަދު ކުރި އަޟްހާ އީދު ނަމާދުގެ ތެރެއިން .---ފޮޓޯތައް: އަހުމަދު ނިޝާތު
20 ޖެނުއަރީ 2019 - 13:12
52 comments
އިސްލާމްދީނަށް ފުރައްސާރަކުރާ މީހުންނާއި ދީނުގެ ނަމުގައި ހަރުކަށިކަމާއި އަނިޔާވެރިކަމަށް ހިތްވަރުދޭ މީހުން ހޯދައި އެކަން ހުއްޓުވަން މަސައްކަތްކުރާނެ ކަމަށް އިސްލާމިކް މިނިސްޓްރީން މިއަދު ބުނެފި އެވެ.
އިސްލާމިކް މިނިސްޓްރީން މިއަދު ނެރުނު ބަޔާނުގައި ބުނީ އިސްލާމްދީނާ ގުޅޭ ގޮތުން ސައްހަ ނޫން މައުލޫމާތު ފަތުރާކަމުގެ ޝަކުވާ އާއި ދީނަށް ފުރައްސާރަކުރާ ކަމުގެ ޝަކުވާ ލިބެމުން އަންނަ ކަމަށެވެ. އެފަދަ ވާހަކަތައް ފެތުރުމުން، ދިވެހިންގެ މެދުގައި ޒަމާނުއްސުރެ އޮތް އިސްލާމީ އެއްބައިވަންތަކަމަށް ބުރޫ އަރައި އިސްލާމީ ވަހުދަތު ގެއްލިގެންދާނެ ކަމަށް ވެސް އެ ބަޔާނުގައި ބުންޏެވެ.
"...ފޮރުވިގެން ތިބެ، ދީނުގެ ނަމުގައި ހަރުކަށިކަމާއި އަނިޔާވެރިކަމަށް ހިތްވަރުދީ، މީހުންގެ މުދަލާއި ފުރާނައަށް ޝަރުއީ ހަމަތަކުން ބޭރުން ގެއްލުންދޭނެ ކަމުގެ އިންޒާރުދިނުން ފަދަ އިސްލާމްދީން އެކަންކަމުން ބަރީއަވެގެންވާ ކަންކަން ކުރާ ފަރާތްތައް ހޯދައި، ކަމާ ބެހޭ މުވައްސަސާތައް ގުޅިގެން އެކަން ހުއްޓުވަން މި މިނިސްޓްރީން މަސައްކަތްކުރާނެ ވާހަކަ ދަންނަވަމެވެ،" އިސްލާމިކް މިނިސްޓްރީގެ ބަޔާނުގައިވެ އެވެ.
އިސްލާމިކް މިނިސްޓްރީން މި ބަޔާން ނެރުނީ ސޯޝަލް މީޑިއާ އާއި އެކި ވަސީލަތްތައް ބޭނުންކޮށްގެން ދީނަށް ފުރައްސާރަކުރާ މައްސަލަ އާއި ހަރުކަށި ވިސްނުންތައް ފަތުރައި އިންޒާރުދޭ މައްސަލަަތަކެއް ފުލުހުން ބަލަން ފެށިތާ ދުވަސްތަކެއް ފަހުންނެވެ. މި ކަންކަމުގައި ޝާމިލުވާ ކަމަށް ތުހުމަތުވާ ބައެއް މީހުން ފުލުހަށް ހާޒިރުކޮށް ސުވާލުކުރުން ފަދަ ފިޔަވަޅުތައް ފުލުހުން އަންނަނީ އަޅަމުންނެވެ.
ޝަރުއީ މައްސަލަތަކުގައި، އެކަންތައްތައް އޮންނަ ގޮތް ރަނގަޅަށް ނޭނގި ތިބެ، މީހުންނަށް އޮޅުން އަރާ ގޮތަށް ބަހުސް ނުކުރުމަށް، އިސްލާމިކް މިނިސްޓްރީގެ ބަޔާނުގައި ނަސޭހަތްތެރިވެފައިވެ އެވެ. ހަމަ އެގޮތަށް އެފަދަ ވާހަކަތަކަށް ޖަވާބު ދިނުމުގައި ވެސް ދައުވަތުގެ ރީތި އުސޫލުތަކުގައި ހިފުމަށް އެދިފައިވެ އެވެ.
މިނިސްޓްރީން ބުނީ ދީނީ މައުލޫމާތު އޮޅުން ފިލުވަން ބޭނުންވާ ފަރާތްތަކަށް އެ މިނިސްޓްރީން މައުލޫމާތު ދިނުމުގެ އިންތިޒާމްތައް ހަމަޖައްސާފައިވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކައުންސެލަރު
20 January 2019
ފޮރުވިގެންތިބޭ މީހުންދޯ ހިފާ އަދަބުދޭންވީ؟! ފާޅުގަ ދީނަށް ފުރައްސާރަކޮށް ﷲ އާ ރަސޫލާ އަށާ ޢުމަރުގެފާނަށާ މާތް ސަހާބީންނަށް ކުޑައިމީސް ބަސްބުނާމީހާއަކީ ކާކުކަން ކަނޑައެޅިގެން އެނގޭއިރު އޭނާ ހައްރެއްނުކުރެވޭ!؟ އޭނާއަށް އަދަބު ލިބޭކަށް ނުޖެހޭތަ؟ ކޮބާ ގާނޫނާ ގަވައިދާ ވެރިންނާ ސަލާމަތީބާރުތައް. ހިމޭންކަންމަތީ ނިދާފަ؟
ވަހީދު
20 January 2019
ރައްޔިތުން ކެކެންފެށީމަ ކޮންމެވެސް އެއްޗަކޭ އެކިޔަނީ. އިސްލާމިކް މިނިސްޓްރީއަށް ބަޖެޓެއް ނުދޭ އަދިވެސް. އެލިބޭތޯ އުޅެބަލަ. ކުރިން ތި މިނިސްޓްރީން ހުކުރު ދުވަހު ވެސް ޚާއްސަ ހަރަކާތް ހިންގި. މިހާރު ބަޚްބަރު
ތަކުރުގެކަތުރު
20 January 2019
ދީނަށްފުރައްސާރަކުރާއިރު ބަލަންތިބޭނީ އެކަންކުރުވާބައެއް. ހުއްޓުވަންޖެހޭ. ދެންމިކަމުން ސިޔާސީމަންފާނަގަން މަސައްކަތްކުރާބަޔަކުވެސް ހުއްޓުވަންޖެހޭ. މިގައުމުގެތެރޭ މިބާވަތުގެނަކަންތައްތައް ބޮޑުއާފާތަކަށް ވެއްޖެ
މަރޭމިތުރު
20 January 2019
ދީނުގެ ނަމުގައިތިބެ ހަރުކަށި ބަޔަކު މިތާގައިއުޅޭ! ދީން ހަތިޔާރަކަށް ހަދައި ވިސްނުންގޯސް ބަޔަކުއުޅޭ!............................... ވަރަށްދެރް އަޅުގަނޑުމެން އެއްދީނެއްގެ އެއް ނަސްލަކުން އައިބަޔަކު، މިތާތިބެ ހަރުކަށި ވިސްނުން ގެއްގުޅޭތީ! އެދަމީހުން ބައެއްފަހަރު ބުނޭ އަމިއްލަ ދަރިއަކަށް ['ރީތުކުއްޖެކޭ މަގޭދަރިއަކީ] މިހެން މީހަކުކާރީބުނެލިއަސް އެއްސިންނާ ޖެހިދާނެޔޭވެސް. މިވަރަށް ކަންތައްދިޔައިމާ ގޯސް. އެބައިމީހުން ދެކޭގޮތުގައި އެހެންބުނެގެންނުވޭ!
ގާދިރު
20 January 2019
ކީއްވެގެންތޯ ނުހުއްޓުވާ ތިޔަތިބީ.... ކާކުބުނެގެންތޯ ނުހުއްޓުވާ ތިޔަ ތިބީ.
ކަޅޭ
20 January 2019
މިހާރުއެއްކަލަ އީޔޫއަކުންވެސްނުކެރޭނެ މިލާދީނީ ބައިގަނޑާދެކޮޅައްބަޔާންނެރޭކައް
މަޅޭ
20 January 2019
އެމީހުން ބަޔާން ނެރޭނީ ދީނީވީމަ، ލާދީނީވުމަކުން ނޫން.
ތިންކާ
20 January 2019
ބޭރުފުށުން ދީންވެރި މީހުން މިތާ ގިނައީ. ޒިނޭކޮށް ރާބޮއި ނެތިމޮށެ މިހުރިހާ ކަމެއްކޮށްފަ ފޭސްބުކް ގަ ދީނީވީމަ ހުރިހަ ކަމެއް ހަމަވީކީނޫން. ހުކުރު ހުތުބާގަވެސް އަބަދު އެކައްޗެއް ކިޔަންޔާ މީހުން އަޑުއަހާހިތެއް ނުވާނެ. ހުތުބާ ކިޔާ މީހުންނަށް ސަރުކާރުން ލާރި ދޭ. ޤުރުއާނުގަ އެބަ އޮވޭ ހޯދަ ބަލާ ބަޔަކަށް އެއިން އިބުރަތް ހާސިލްވާނެ ކަމަށް. ހުތުބާ ކިޔާމީހުން ރިސާޗްތައް ހަދާބަލަ އަބަދު އެކައްޗެއް ނުކިޔާ. ސްޕްރެޑް ލަވް އިންސްޓަޑް އޮފް ހޭޓް.
މަޅޭ
20 January 2019
ފަހުގެ ޚުތުބާތައް އަޑުއަހާފަތަ ތިހެން ތިކިޔަނީ؟ އުމުރުގަ ކިތައް ޚުތުބާބާ އަޑުއެހީ؟
ކަތްދަ
20 January 2019
މިއަދާ ހަމައަށް ކުރެވުނީ ކޮންކަމެއްތޯ .... ކޮންފަދަ ވާހަކަތަކެއްތޯ ބާރުގަދަ ފަރާތްތަކުން އެދައްކަނީ .. އަދާ ހަމައަށް ހިފެހެއްޓިފަވާ އިމެއް މުގުރާލާ ފުރައްސާރައިގެ ބަސްތަށް އުކަމުންއެދަނީ ޖެހިލުމެއްނެތި...
މަރޭ
20 January 2019
ކަމާ ބެހޭ މީހުން ކަމެއް ނުކޮށް ތިބޭތީ މީހުން ރުޅިއައިސްގެން އިންޒާރުދޭ ބީދައިން ވާހަކަ ދެއްކެނީ. އެވަރުގެ ހުތުރު އެެއްޗެހި އެވެރިން ގޮވައި ނަގަނީ އަންހެނުންގެ ހައްގޭ ކިޔާފަ ޒިނޭ ކުރާށޯ މިއީ ކިހާ ހަޑި ވާހަކަތޯ
ހުތްކިބަ
20 January 2019
ބެންކޮކަށްދާއިރު ދޭއެއްޗެއްދީގެން ގެންނައަންހެނުންގެވާހަކަދެއްކިމީހާވެސް ދީނީކަންތަކާއި އަދި އެހެނިހެންކަންތަކާއިމެދުވެސް ކިޔާނެއެއްޗެއް ކިޔާފައި ދިޔައީއެވެ! ވީއެއްކަމެއް އެބައޮތްހެއްޔެވެ؟ މިކަންވެސްވާނީ ހަމައެހެންނެވެ. ކޮންމެމިނިސްޓަރަކުވެސް ބޭދެރަވެދާނެތީވެ، ގަދަބަސްބުނާނެއެވެ. ވަކިހިސާބަކުން އަރުތެރޭގައި އެއްޗެއްތާށިވެގެން އަޑެއްބަޑެއް ނީވޭނެއެވެ. ދެންފެންނާނީ ބިލެއްޅޮހުންނެވެ! މިޔަށްކިޔާނީ ކުޅިހިނގާގޮތެވެ! ބޭފުޅުންނާއި ދެރަސޮރުން ތަފާތުވާނެ!