ކުރީގެ ރައީސް ޔާމީން އަބްދުލް ގައްޔޫމް. --ފޮޓޯ:މިހާރު
06 ފެބުރުއަރީ 2019 - 21:44
68 comments
މޯލްޑިވްސް މާކެޓިން އެންޑް ޕަބްލިކް ރިލޭޝަން ކޯޕަރޭޝަން (އެމްއެމްޕީއާރުސީ)ގެ ބޮޑު ޚިޔާނާތުގެ ފައިސާ އިން އަމިއްލަފުޅު އެކައުންޓަށް ޖަމާކޮށްފައި ހުރި ފައިސާ ލޯންޑަކުރުމާއި އެކަމާ ގުޅޭ ގޮތުން ހިންގި ތަހުގީގަށް ދޮގު މައުލޫމާތު ދިން ކަމަށް ތުހުމަތުކުރެވޭ މައްސަލާގައި ކުރީގެ ރައީސް އަބްދުﷲ ޔާމީނާއި ރައީސް އޮފީހުގެ ކުރީގެ ލީގަލް އެފެއާޒް މިނިސްޓަރު އާޒިމާ ޝުކޫރުގެ މައްޗަށް ދައުވާކުރަން ޕްރޮސެކިއުޓާ ޖެނެރަލް (ޕީޖީ) އޮފީހަށް ފުލުހުން މިއަދު ފޮނުވައިފި އެވެ.
ފުލުހުން މިރޭ ނެރުނު ނޫސްބަޔާނެއްގައި ބުނީ ޔާމީންގެ މައްޗަށް ދައުވާކުރަން ފޮނުވީ އެމްއެމްޕީއާރުސީގެ ފައިސާގެ ތެރެއިން ގިނަ އަދަދެއްގެ ފައިސާ ޔާމީންގެ ނަމުގައި އިސްލާމިކް ބޭންކުގައި ހުޅުވާފައިވާ އެކައުންޓަށް، އެ ފައިސާ އަށް ހިޔާނަތްތެރިވި ފަރާތްތަކުން ޖަމާކުރުމުން އެ ފައިސާ ލޯންޑާކޮށް، އެ ފައިސާއާ ގުޅޭގޮތުން ދައުލަތުގެ ކަމާބެހޭ ފަރާތްތަކުން ހިންގި ތަހުގީގާއި ގުޅިގެން ހިންގި މުއާމަލާތްތަކުގައި ދައުލަތުގެ ރަސްމީ އިދާރާތަކަށް ދޮގު މައުލޫމާތުދީފައިވާތީ ކަމަށެވެ. އަދި އާޒިމާގެ މައްޗަށް ކުރަނީ މަނީ ލޯންޑާކުރުމުގައި ޔާމީނާއި ބައިވެރިވެ އެހީތެރިވެދިނުމާއި ދައުލަތުގެ އިދާރާތަކަށް ދޮގު މައުލޫމާތުދީ އޮޅުވާލުމަށް މަސައްކަތް ކޮށްފައިވާކަމުގެ ތުހުމަތު ކަމަށް ފުލުހުން ބުންޏެވެ.
ޔާމިން ނޫސްވެރިންނާ ވާހަކަ ދައްކަވާ އިރު އާޒިމާ (ވ) އަރިހުގައި. --ފޮޓޯ:މިހާރު
އެމްއެމްޕީއާރްސީގެ ކޮރަޕްޝަންގެ ފައިސާ ލިބުނު އެސްއޯއެފުން، ޔާމީންގެ އިސްލާމިކް ބޭންކުގެ އެކައުންޓަށް ޖަމާކުރި އެއް މިލިއަން ޑޮލަރަކީ ދައުލަތަށް ލިބެންޖެހޭ ފައިސާ ކަމަށާއި އެ ފައިސާ ދައުލަތަށް އަނބުރާ ހަވާލުކުރުމަށް އެމަނިކުފާނަށް އެންގުމުން އެ ފައިސާ ދައުލަތާ ހަވާލުނުކޮށް އެ އެކައުންޓުތަކުގައި ފައިސާ ދައުރުކޮށް މުއާމަލާތްކޮށްގެން މާލީ މަންފާ ލިބޭގޮތަށް ބޭނުންކޮށްފައިވާ ކަމަށް ވެސް ފުލުހުން ބުންޏެވެ.
އެ އެއް މިލިއަން ޑޮލަރުގެ މައްސަލާގައި މީގެ ކުރިން ޔާމީނާއި އާޒިމާ ވަނީ ފުލުސް އޮފީހަށް ހާޒިރުކޮށްފަ އެވެ.
އިސްލާމިކް ބޭންކުގައި ހުރި އެއް މިލިއަން ޑޮލަރު ހަވާލުކުރަން އޭސީސީން އެދުމުން ޔާމީން އެއްބަސްވެވަޑައިގަތީ، އެމަނިކުފާނާއި އޭސީސީ ހިއްސާވާ ގޮތަށް އެސްކްރޯ އެކައުންޓެއް ހުޅުވައި އެ ފައިސާ ހަވާލުކުރާށެވެ. އެ ކޮމިޝަންގެ އެންގުމާ އެއްގޮތަށް ފައިސާ ޖަމާކުރައްވާފައިވާ ކަމަށް ރައީސް އޮފީހުގެ އޭރުގެ ލީގަލް އެފެއާޒް މިނިސްޓަރު އައިޝަތު އާޒިމާ ޝަކޫރު ވަނީ ލިޔުމުން އޭސީސީ އަށް އަންގަވައިފަ އެވެ. ނަމަވެސް އެކަމުގައި އޮޅުވާލުންތަކެއް އުޅޭކަން ފަހުން ފަޅާއެރީ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖައްބާރު
19 February 2019
ހަމަކަށަވަރުން ޔާމީން ސަރުކާރުގެ ކުންފުނިތަކުގެ ވެރިންވެސް ވާނީ ބޮޑެތި ވައްކަންތައް ކޮށްފައި. އެމީހުން ޔަގީނުންވެސް ވާނީ ލިޔެކިޔުންތައް ނައްތާލާފަ. އެހެނޭ ކިޔާފަ އެމީހުން ކުށުން ބަރީއަ ވީތަ.
ޅިޔަނާ
07 February 2019
އަަވަސްކުރޭ އަވަސްކުރޭ
ރާއްޖެ ނެތިދިއުން
07 February 2019
ޝަރީއަތް ކުރީމަ އެނގޭނީ ޙަގީގަތް. 800 މިލިޔަން ޑޮލަރޭ ކިޔައިން ސިންގަޕޫރަށް މީހުން ފުނުވައިގެން ރައީސް ނަޝީދުގެ ވެރިކަމުގައި ހިންގި ތަހްގީގު ވަޔަށް ފަޒާއަށް ޖައްވަށް އުދަރެހަށްތޯ އަރައިގެން ދިޔައީ؟
އެމްސް
07 February 2019
ބޮޑު ބަޣާވާތެއް ކޮށް، ސަރުކާރެއް ވައްޓާލާ، ނިކަން އަވަސް އަރުވާލައިގެން ދައުލަތުގެ ބަޖެޓުން އެތައް މިލިޔަން އެއް ހޭދަކޮށްގެން ތިޔަ މައްސަލަވެސްވީ އޮއްބާލެފިކަން ހަމަ ގައިމުވެސް ބަޣާވާތުގެ ރައީސަށް އެނގިލައްވާނެ
ފޮނިޓައްޕު ހަސަނު
07 February 2019
ކީކޭ ދެން ބުނާނީ. މި ޔާމީނާއި ވައިއެޅުނު މީހަކުވެސް ސަލާމަތަކުން ނުހުރެއޭ. އާޒިމާގެ ކެރިއަރުވެސް މުސްތަގްބަލްވެސް ތި ޚަރާބުވީ.
ތުރާކުނު ސައީދު
07 February 2019
އަދުރޭގެ މައްޗަށް ދައުވާ ކުރަން ފޮނުވަނީ ކޮން އިރަކު ހޭ؟
ލޯކަ!
07 February 2019
30 އަހަރާ ނުބައްދަލު ތަރައްޤީ އެއޮތީ 5 އަހަރުން ގެނެސްފައި! އެހައި ބޮޑުތަރައްޤީއެއް އެހައި ކުރުމުއްދަތެއްގައި ގެނެވޭއިރު ހުންނާނީ އާދަޔާޚިލާފަށް ޚަރަދުވެސް ކުރެވިފައެވެ. އަތުގައިހޭކޭ އެއްޗެއް ދަތުގައިވެސް ހޭކޭނެ! އެކަމަކު އެއްވެސް ކަމެއްނުކޮށް 3 އަހަރުކޮށްފައި ފައިބައިގެން ދިޔައިރު ކޭބައިވަރުގަނޑު މާގިނަ! ބާޣީ ބާޣީ ގޮވުންނޫންކަމެއް ފަހަކުންވެސް ނުކުރެވުނު!
ބޮޑު ފުރޭތައެއް
19 February 2019
ޔާމީނު ކޮށްދިން ކަމެއް މަށައް ބުނެދީބަލަ. އެކަމަކު 3 އަހަރުގެ ވެރިކަމުގައި ޓެކްސްގެ ނިޒާމެއް ތައާރަފުކުރި، ރައްޔިތުނަށް ހިލޭ ބޭސްފަރުވާ، މުސްކުޅިންނާ އެކަނިވެރި މައިންނާ ނުކުޅެދޭ މީހުންނަށް މަންތްލީ އިންކަމް އެއް ދިން، ބާރުތައް ޑީސެންޓްރަލައިޒް ކުރި ...އެޓްސެޓްރާ. ކަލެއްއަށް އެގޭތަ މިއީ ކިހާ ވަރެއްގެ ކަންތައްތަކެއްކަން.
އާއްހާއް
07 February 2019
ޔާމީނާއި އާޒިމާގެ މައްޗަށް ދައުވާ ކުރަން ޕީޖީ އަށް ފޮނުވައިފި ނަމަ އެއީ މަމެންނަށް ހައިރާން ކަން ލިބިގެންދާނެ ކަމެއް ނޫނޭ ތިޔާ ޒާތުގެ މިލިއަން އެޓޭކްސް އަންނާނެއޭ އެއިން ކެއްކޭނެ ޑޮންޑޮނެއް ނުހުންނާނެއޭ ތިޔާއީ އެއްވެސް ހެއްކެއް ގަރީނާ އެއް އޮވެގެން ތަމެން ކުރާ ކަމެއް ނޫނޭ ތިޔާއީ ހިޔަންޏަށް މުޑި ނަގައިގެން ތަމެން ޖައްސާ ފޭކް ގޭމްސް ތަކޭ އޯލް އައި ވޮނާ ސޭ ދެޓް ދޭ ޑޯންޓް ރިއަލީ ކެއަރ އެބައުޓް އަސް އާއްހާއް އާއްހާއް އާއްހާއް...
ޙަމްދޫން. ބޮންޒޯ. ތ.ދިޔަމިގިލި
07 February 2019
ޔާމީން ހައްޔަރެއް ނުކުރެވޭނެ ދުވަހަކުވެސް. ޢަޅުގަނޑު ގެ އާރޓިޓެކްޗާރ ކޯސް ދޫކޮއްލާފައި ޖާނާއި މާލުން ގުރުބާން ވާނަން ޔާމީނަށްޓަކައި.
މަހުޖަނު
07 February 2019
ހައިރާނެއް ނުވޭ! މި ސަރުކާރު އައީ މާގިނަ ވައުދުތަކެއްވެ ފުއްދާކަށް ނޫން. ޖަލުގައި ތިބި ބަޔަކު ގޮޅިން ނެރުމަށާއި، ރައީސް ޔާމީން ޖަލަށް ލުމަށް ވައުދުވެގެން އައިބަޔަކު މިކަހަލަ ކަން ކަން ހިންގާނެ. އެސްޓީއޯއިން ތެލުގެ ވަގު ވިޔަފާރި ހިންގިވާހަކަވެސް ވަރަށް ފަރިތަ ކަމާއެކު ދައްކަޔެއް ނޫނތޯ؟ މިހާރު އެކަމެއް ތަހުގީގު ކުރާކަށްވެސް ނޫޅުއްވާ. 2012ގެ ފަހުން އެކަނިތޯ ރާއްޖޭގަ ކަރަޕްޝަން ކިޔާއެއްޗެއް ވުޖޫދުވީ
ސއލްފީސް
07 February 2019
ވޯޜު ދިނީ ކެޔަސްނުކެޔަސް ތަރައްގީކުރާކަށް ނޫން. ވޯޓު ދިނީ ވައްކަން ނުކޮށް އަމާނާތްތެރިކަމާއެކު ތަރައްގީކުރަން.
ދެން
07 February 2019
މިފަހަރުވެސް ކާ ބަޔަކު ކައިގެން ކުރާ ތަރައްގީއެއް ކުރާނީ...އެނޫން ތަނެއް ނުފެންނާނެ.