ރާއްޖޭގައި ހުންނަ އިންޑިއާގެ އެމްބަސީ: ހުޅުމާލޭގެ ދެވަނަ ފިޔަވަހިން އެމްބަސީތަކަށް ޚާއްސަ ތަނެއް ކަނޑައަޅަން ވަނީ ނިންމާފައި.
07 ޖޫން 2019 - 20:03
39 comments
އިންޑިއާގެ ބޮޑުވަޒީރު ނަރެންދުރަ މޯދީ، ރާއްޖެ އަށް މާދަމާ ފައްޓަވާ ދެ ދުވަހުގެ ދަތުރުފުޅުގެ ތެރެއިން، ރާއްޖޭގައި ހުންނަ އެ ގައުމުގެ އެމްބަސީގެ އާ އިމާރާތުގެ ބިންގާ އެޅުއްވުން ކެންސަލް ކުރައްވައިފި އެވެ.
ހުޅުމާލޭގެ ދެވަނަ ފިޔަވަހިން އިންޑިއާގެ އެމްބަސީ އަށް ބިން ދޫކުރަން ނިންމާފައިވާއިރު، މޯދީގެ މި ދަތުރުފުޅުގައި އެމްބަސީގެ އާ އިމާރާތުގެ ބިންގާ އެޅުމަށް ކުރިން އޮތީ ކަނޑައަޅުއްވައިފަ އެވެ. އަދި އެމަނިކުފާނު ހުޅުމާލެ އަށް ވަޑައިގަންނަވާ ގޮތަށް ވެސް ތާވަލް ކުރި އެވެ.
އެކަމަކު، ރާއްޖޭގެ ފޮރިން މިނިސްޓްރީން މިއަދު ބޭއްވި ނިއުސް ކޮންފަރެންސެއްގައި ސްޓޭޓް މިނިސްޓަރު އަހުމަދު ޚަލީލް ވިދާޅުވީ، އެމްބަސީތަކަށް ހުޅުމާލޭން ބިން ދޫކުރާ ސަރަހައްދު އަދި ބަހައި ނުނިމޭ ކަމަށެވެ. އެކަަމަކު، އެ ސަރަހައްދުން އެހެން ބައެއް ގައުމުތަކަށް ޖާގަ ދޭންޖެހޭއިރު، އެކަން އަދި ނުނިމޭތީ އިންޑިއާގެ އެމްބަސީ އިމާރާތްކުރާ ތަނުގެ ތަފުސީލް ލިބޭނީ ފަހުން ކަމަށް ޚަލީލް ވިދާޅުވި އެވެ.
ހުޅުމާލޭގައި ގާއިމް ކުރާ "ޑިޕްލޮމެޓިކް އެންކްލޭވް" އިން ރާއްޖޭގައި ހުރި އެކި ގައުމުތަކުގެ އެމްބަސީތަކަށް ޖާގަ ދޫކުރަނީ ޚަލީލް ވިދާޅުވި ގޮތުގައި، އެ ގައުމުތަކުން ރާއްޖެ އަށް ބިމެއް ދޫކުރުމުންނެވެ. އެގޮތުން، އިންޑިއާގެ ވެރިރަށް ނިއުދިއްލީން ރާއްޖެ އަށް މިހާރު ބިމެއް ދޫކޮށްފައިވާ ކަމަށް ވިދާޅުވި އެވެ.
މޯދީގެ ދަތުރުފުޅާ ގުޅޭ ގޮތުން ފޮރިން މިނިސްޓްރީގެ ސްޓޭޓް މިނިސްޓަރު ޚަލީލް މިއަދު މީޑިއާއާ ވާހަކަ ދައްކަވަނީ.---ފޮޓޯ: ހުސައިން ވަހީދު/މިހާރު
ރާއްޖޭގައި ހުންނަ ބޭރު ގައުމުތަކުގެ އެމްބަސީތަކަށް މިހާތަނަށް ބިން ދޫކުރަމުން އައީ މާލެެއިންނެވެ. އެގޮތުން އިންޑިއާގެ އެމްބަސީ އިމާރާތް ކުރަން ދިވެހި ސަރުކާރުން ބިމެއް ދޫކޮށްފައިވާތާ ދުވަސްތަކެއް ވެއްޖެ އެވެ. އެކަމަކު، ސޯސަން މަގުގައި ކުރިން ނާސަރީ ހިންގި ބިމާ މެދު އިންޑިއާގެ ހިތްހަމަނުޖެހުންތަކެއް ހުރުމުން މިހާތަނަށް އޮތީ މަސައްކަތް ނުފަށަ އެވެ.
ޚަލީލް ވިދާޅުވި ގޮތުގައި އެމްބަސީތަކަށް ޚާއްސަ ސަރަހައްދެއް ހުޅުމާލޭގެ ދެވަނަ ފިޔަވަހިން ކަނޑައަޅަނީ މާލޭގެ ބިން ފުރިފައިވާތީ ތޮއްޖެހުން ކުޑަކުރުމަށްޓަކަ އެވެ.
ރައީސް އިބްރާހީމް މުހައްމަދު ސޯލިހުގެ ދައުވަތަކަށް ރާއްޖެ އަށް މާދަމާ ފައްޓަވާ ދަތުރުފުޅުގައި މޯދީ، ރައްޔިތުންގެ މަޖިލީހުގައި ތަގުރީރު ކުރައްވާނެ އެވެ. އަދި އިންޑިއާގެ އެހީގައި ޅ. މާފިލާފުށީގައި ގާއިމްކުރި ކޮމްޕޮސިޓް ޓްރޭނިން ސެންޓަރާއި އެ ގައުމުގެ އެހީގައި ރާއްޖޭގައި ގާއިމް ކުރި ރާޑާ ސިސްޓަމް އެމަނިކުފާނު އިފްތިތާހު ކޮށްދެއްވާނެ އެވެ.
މިއީ، މޯދީ ދެވަނަ ދައުރަކަށް އިންތިޚާބުވެވަޑައިގަތުމަށް ފަހު ގައުމުން ބޭރަށް ކުރައްވާ ފުރަތަމަ ދަތުރުފުޅެވެ. އަދި، މޯދީ އަކީ ރައީސް އިބްރާހިމް މުހައްމަދު ސޯލިހް މިދިޔަ އަހަރުގެ ނޮވެމްބަރު 17 ގައި މަގާމުގެ ހުވާކުރެއްވި ފަހުން ރާއްޖެ އަށް ވަޑައިގަންނަވާ ބޭރު ގައުމެއްގެ އެންމެ އިސްވެރިޔާ ވެސް މެ އެވެ. އެމަނިކުފާނު ވަނީ ރައީސް އިބްރާހިމް މުހައްމަދު ސޯލިހް މަގާމުގެ ހުވާކުރެއްވި ރަސްމިއްޔާތަށް ވެސް ވަޑައިގެންފަ އެވެ. ރައީސް އިބްރާހިމް މުހައްމަދު ސޯލިހް ވެސް މަގާމާ ހަވާލުވެވަޑައިގަތުމަށް ފަހު، ގައުމުން ބޭރަށް ކުރެއްވި ފުރަތަމަ ދަތުރުފުޅުގައި ވަޑައިގަތީ އިންޑިއާ އަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުގާބެއްޔާ
09 June 2019
ބޭފުޅާ ޑިޕްލޮމެޓުންޓުންނާ އެމްބަސީ ތައް މަސަތްކަތް ކުރާގޮތް އިގިގެން ވާހަކަ ދެއްކުން ރަގަޅުވާނެ. އެހެން ވިއްޔާ އިންޑިއާއަށްދުރުވެ އިންޑިއާގައި އުޅުންވީނޫންތޯ ބަލަ މިގައުމުގެ ރައްޔަތުންގެ ހައްގުތައް އަދާކޮއްފައި ތިޔަވިދާޅުވާ ފަރަންޖީންގެ ކަންތައްކޮއްބަލަ ގާނޫނީގޮތުން ތިޔަބުނާ ކޮންވޭ ސަނުގަވެސް ދެކޮޅުވާނެ ނަސްލީ ތަފާތޮކުރުން މިއުޅެނީ އަލަށް ދުނިޔެއައް އާދެވިގެން ބޮޑުވަޒީފާއެއް ލިބިގެނެނެއްނޫން ގޫގުލް ގަ ޖަހާލާއިރަށް ފެންނާ ތިޔަ ބުނާ ފަރަންޖީނގ ވހކ
މުލޭ
08 June 2019
އެމްބަސީއަޅަން ފަޅުރަށެއް ދޭން ނުޖެހޭނެކަމަށް އުންމީދުކުރަން.
ޖުމޭލާ
08 June 2019
މިލަދުންމަޑުލުންމަތީގެ އަތޮޅުތައް މިހާރުވެސް އައި ހެވަން މަޝްރޫގެ ދަށުން އެއޮތީ އިންޑިޔާއަށް ދީފަ އޭގެ ކަންކަން ސިއްރުކުރަން މި ކާގޯ ފެރީ މި ކިޔަނީ. އައި ހެވަން އެއީ ރާއްޖެއަށް 1 ބިލިޔަން ޑޮލަރުން މަތީ ނަފާ ލިބޭނެ ޕޮޖެއްއެ އިންޑިޔާއަށް ދީފައެއޮތީ ފުރީކޮ.
ބާރަށު ހަކީމު
08 June 2019
ޢިންޑިޔާއަށް ބިމެއް ދެވޭނީ ރާއްޖޭގެ ގާނޫނުތަކާ އެއްގޮތައް. ޢަދި ޔާމީން ސަރުކާރުން 1ބިލިއަން ޑޮލަރަށް އިންވެސްޓް ކުރާގޮތަށް ފާސްކުރި ގާނޫން ވ އަވަހަށް ބަދު ކުރާނެކަމަށް މިސަރުކާރުން ބުނި. ޢެކަމަކު މިހާރު ބިން ވިއްކިމުގެ ވިސްނުމުގައި އެތިބީ. ޢެހެންނޫނަސް އެއީ ބޯހިޔާވަހިކަމަަށް ހިއްކި ތަނެއް. މާލޭގެ ހުސްބިންތަކުން ބިން ކުއްޔަށްދީ އެމީހުންނަށް. ރައްޔިތުންނަށް ހިޔަާވަހިކަން ދީ ހުޅުމާލެއިން
ހިމާރުލް ޤައުމު
08 June 2019
ވެރިކަމަށް އަންނަން އިންޑިޔާއާއި އެކު ވެފައިވާ އެއްބަސްވުންތައް ތަންފީޒުކުރަންޖެހޭނެތާ. ނަމަ ނަމަ އެއަރޕޯޓް ވިއްކާނުލާތި. ވެރިކަން ވެއްޓިދާނެ. އަންނި ބޭނުންވާނެ ވެރިކަން ވައްޓާލަން.
ޝޮކްތެރަޕީ
08 June 2019
ދިވެހިން ބޭނުންވަނީ އިންޑިޔައާ ދުރައްޖެހެން.
ލަދުކުޑޭ
08 June 2019
ތިޔަހެން ނަމަ ހޮވާފައި އޮންނާނީ އިންޑިޔާ އާއި ދުރަށް ގެންދިޔަ ސަރުކާރު
ނަޖުދާ
08 June 2019
ނޫސްވެރިޔާއެވެ! މޮޑީގެ ދަތުރުފުޅުގައި ބިންގާ އެޅުމަށް އެއްވެސް އިރަކު ނިންމާފައިވޭތަ؟ ރަސްމީ ކޮން އިދާރާއަކުންތޯ ބުނީ ބިންގާ އަޅައޭ! ހެހެހެ. ޓުވިޓަރގައި ލިޔާ ހިޔާލީ ވާހަކަތަކުގެ މައްޗަށް، އަދި މަތިން ކާޅެއް ހުރަސްކޮއްލައިގެން ގޮވާލާ ގޮވާލުމަކަށް ތި ފެންވަރުގެ ނޫހެއްގެ ހެޑުލައިން އަކަށް އަރުވާކަށް ނުވާނެދޯ؟ މިހާރު ދެން ތަސައްރަފް ފުދެން ވެއްޖެ ދޯ؟ ހެހެހެހެ ލަދުންވެސް މަ....
ދަމަން
08 June 2019
އިންޑިޔާގެ ސުޓޭޓަކައް ކީއްކުރާ އެމްބަސީއެއްތަ..
ސްކިޕްއިޓް
08 June 2019
އިންޑިއާގެ އެމްބަސީގެ އާ އިމާރާތުގެ ބިންގާ އެޅުން ކެންސަލް ކުރުން އެއީ މަމެން އުފާ ކުރާ ކަމެކޭ އިންޑިއާ އަށް އެމްބަސީ އަޅަން މާލެ ސަރަހައްދުން ބިމެއް ދޭނެ ކަމެއް ނެތޭ ފަސްޓް ވޯލްޑްގެ ގައުމު ތަކަށް މާލެ ސަރަހައްދުގައި އެމްބަސީ އަޅަން ބިން ދޭނީ ތާރޑް ވޯރލްޑްގެ ގައުމު ތަކުގެ އެމްބަސީ އަޅާ އައްޑޫ ހުޅުދޫ ގައި އެއިރު އެރަށް ފަޅު ވަމުން އަންނަ އައުމަށް މަޑުޖެހުމެއް އަންނާނީ އިނގޭތޭ ގެޓް ދަ ޕޮއިންޓް. ގުޑް ގުޑް..
900 ޑިގުރީ
08 June 2019
ޢެމްބަސީއަޅަންދޭން ނުންމި ބިން ކުޑަޥީ އެހެންވެ ބޮޑާހޭކީ ބޭނުމީ 30000 އަކަފޫޓު ބިންއެއކޮށް ހުޅުމާލެ ހިއްކަން އިންޑިޔާއިން ބޮޑުލާރިއެއްވެސް ހަރަދު ނުކުރޭ
ޙޭބަލިވީ
08 June 2019
ބަލަގަ ހުޅުމާލެ ތިޔައީ ރައްޔިތުން ބޯހިޔާ ވަކިކަމަށް ހިއްކިތަނެކޭ. ޢެމްބަސީތަކަށް މާލެ މުޑައެއްނުވާނެ. ހަމަހިލާ ތިޔަހެނެއް ނުހެދޭނެ. 2012 ގެ އައްނި ވެރިކަން ވެއްޓުނު ގޮތަށް ސަރުކާރު ވެއްޓޭނެ ބަލަންތިބޭ. ތިޔަ އައްނި / ނަޝީދު އެއްފަރާތް ނުކުރިއްޔާ ސަރުކާރު ވެއްޓޭނެ.