ފަނޑިޔާރު އަބްދުﷲ ދީދީ: އެމަނިކުފާނާ ގުޅުންހުރި މައްސަލައެއް ބަލަމުން ނުދާ ކަމަށް ފުލުހުންނާއި އޭސީސީން މިދިޔަ ހަފުތާގައި އެންގި -- ފޮޓޯ/މިހާރު
16 ޖޫން 2019 - 16:08
69 comments
ސުޕްރީމް ކޯޓުގެ ފަނޑިޔާރު އަބްދުﷲ ދީދީގެ އެއްވެސް މައްސަލައެއް ބަލަމުން ނުދާ ކަމަށް ފުލުހުންނާއި އެންޓި ކޮރަޕްޝަން ކޮމިޝަން (އޭސީސީ) ން މިދިޔަ ހަފުތާގައި އަންގާފައިވާ ކަން އެނގިއްޖެ އެވެ.
ޖުޑީޝަލް ސާވިސް ކޮމިޝަން (ޖޭއެސްސީ) ން މިދިޔަ ހަފުތާގައި ވަނީ ފަނޑިޔާރު ޑީޑީ ސަސްޕެންޑްކުރަން ނިންމައިފަ އެވެ. އެ ފިޔަވަޅު އެޅީ އެމަނިކުފާނާ ގުޅޭ މައްސަލައެއް ބަލަމުންދާ ކަމަށް ފުލުހުން ޖޭއެސްސީ އަށް އަންގާފައިވާތީ ކަމަށް އެ ކޮމިޝަނުން އޭރު ބުނެފައިވެ އެވެ. އޭގެ ކުރިން، މި މަހުގެ ކުރީކޮޅު ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވެސް އެ މައްސަލަ ޖޭއެސްސީ އަށް ހުށަހެޅުއްވި އެވެ.
"މިހާރު" އަށް އިތުބާރު ހުރި ގޮތަކަށް އެނގިފައިވާ ގޮތުގައި ފަނޑިޔާރު ޑީޑީއާ ގުޅޭ އެއްވެސް މައްސަލައެއް ލިބިފައި ނެތް ކަމަށް ފުލުހުންނާއި އޭސީސީން ފަނޑިޔާރު ޑީޑީ އަށް ލިޔުމުން އަންގާފައިވަނީ ޖޭއެސްސީން އެމަނިކުފާނު ސަސްޕެންޑް ކުރުމުގެ ދެތިން ދުވަސް ކުރިން މިދިޔަ ހަފުތާގަ އެވެ.
އެގޮތަށް ފުލުހުންނާއި އޭސީސީން އެންގީ ފަނޑިޔާރު ޑީޑީއާ ގުޅޭ މައްސަލައެއް ހުށަހެޅިފައިވޭތޯ ބެލުމަށް އެމަނިކުފާނު ފުލުހުންނާއި އޭސީސީގައި އެދިވަޑައިގަތުމުން ކަމަށް ވެސް ވަނީ އެނގިފަ އެވެ. އެގޮތުން ފަނޑިޔާރު ޑީޑީގެ މައްސަލައެއް ބަލައި ދިނުމަށް އެދި ބަޔަކު ހުށަހަޅާފައި ނެތް ކަމަށް ފުލުހުން އެމަނިކުފާނަށް އަންގާފައި ވަނީ މިދިޔަ ހަފުތާގެ ހޯމަ ދުވަހު އެވެ. އޭސީސީން އެންގީ މިދިޔަ އާދިއްތަ ދުވަހު އެވެ.
ފަނޑިޔާރު ޑީޑީ ސަސްޕެންޑު ކުރަން ޖޭއެއްސީން ނިންމީ މިދިޔަ ބުދަ ދުވަހު އެވެ.
ފަނޑިޔާރު ޑީޑީއާ ގުޅޭގޮތުން ނަޝީދު ޖޭއެސްސީ އަށް ހުށަހެޅުއްވީ އެމަނިކުފާނުގެ އަނބިކަނބަލުންގެ އެކައުންޓަކަށް އެއް މިލިއަން ޑޮލަރު ޖަމާވި ކަމަށް ބުނެ އެވެ. ޖޭއެސްސީން ބުނެފައިވާ ގޮތުގައި ފުލުހުން ބަލަމުންދަނީ ވެސް އެކަމާ ގުޅުންހުރި މައްސަލައެކެވެ. އެކަމަކު އެ ތުހުމަތު ދޮގު ކުރައްވައި، ފަނޑިޔާރު ޑީޑީ ކުރިން ވިދާޅުވެފައިވަނީ ނުހައްގު އެއްވެސް ފައިސާއެއް އެމަނިކުފާނު އަދި އެމަނިކުފާނާ ގުޅުންހުރި އެކައުންޓެއްގައި ވެސް ނުހުންނާނެ ކަމަށެވެ.
ފަނޑިޔާރު ޑީޑީ ސަސްޕެންޑް ކުރަން ޖޭއެސްސީން ނިންމިޔަސް، އެ ނިންމުމަށް އަމަލު ކުރުން ފަސްކުރަން ސުޕްރީމް ކޯޓުން އޮތީ އަމުރުކޮށްފަ އެވެ. އެކަމަކު ޖޭއެސްސީން ވަނީ އެ އަމުރު ގަބޫލު ނުކޮށް، ފަނޑިޔާރު ޑީޑީގެ ސަސްޕެންޝަން ދެމި އޮންނާނެ ކަމަށް ބުނެފަ އެވެ. ސުޕްރީމް ކޯޓުގެ އަމުރު ދެމި އޮތުމުން ފަނޑިޔާރު ޑީޑީ މިހާރު ގެންދަވަނީ ރަސްމީ މަސައްކަތަށް ނިކުމެ ވަޑައިގަންނަވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މިއަދު
18 June 2019
ސިއްރުސިޓިން ބަލާ ޢާއްމުސިޓީން ނުބަލަ މިވާގޮތެއްވެސް ނުއެގެދޯ
ހަރުމަން
17 June 2019
ދީޑީ އަންހެނުން އެކައުންޓޯ ކިޔާ އަޑުއެހިން. ކުރިންވެސް ކޮރަޕްޓް މައްސަލައެއް އޮތް މީހެކޯ އެއީ
ޢެއްބަސް
17 June 2019
ތިޔަ ބުނާ މަނިކުފާނު އެއްމިލިއަން ޑޮލަރު ނެގިކަމަށް އެއްބަސްވާނީ މަހުޝަރުން ސުވާލު ކުރާދުވަހަކުން.
މުޙުއްމާ
17 June 2019
ޤައުމު މިދަނީ ކާރިސާަކަށްނުން. ރައީސް އެބަޖެހޭ އިމަރޖެންސީ ޑިކްލެއަރ ކޮށްގެން ނަމަވެސް މިކަން ޙައްލުކުރަން. ރިޝްވަތު ހިފިކަމަށް ޝައްކު ކުރެވިއްޖެއްޔާ އެމައްސަލަ ވަގުތުން ބެލެން ޖެހޭނެ. ފަޑިޔާރަކަށް ރިޝްވަތުގެ ތުޙުމަތު ކުރެވިއްޖެނަމަ އެމައްސަލައެއް ވަގުތުން ބަލަންޖެހޭ އަދި ބަލާނިމެންދެން ެ ފަޑިޔާރަކު ސަސްޕެންޑް ކުރަން ޖެހޭނެ. މިގޮތަށް އަވަހަށް ޤާނޫނު އަސާސީގަ ހިމެނުމަށް އަޅުގަޑު މަޖްލިހަށް ގޮވާލަން.
ނެގުނުކަތީބު
17 June 2019
ކޮބާ އެވެރިން ހެދި ދޮގު އެ އޮތީ ބަޑުތަނުން ބޭޒާރުވެފަ.
ހުސްއެކައްޗެއް
17 June 2019
ދެންވެސް ނެރެ ގަންހިންގުވީމަ ގޯސްވާނީ ރައްޔިތުން! ހުރިހާ މުއައްސަސާތައް ފޭލްވެ ނިމޭއިރުވެސް ރައްޔިތުންގެ ފައިސާއިން ބޮޑު މުސާރަދީގެން ހަމަ އަތްޖަހަން ތިބޭންވީތޯ؟
ހުކޫމަތު
17 June 2019
ޖުޑިސަރީ ހަމަ މަގަށް އަޅުވަން އަހަރުމެން ރައްޔިތުން އެޔޮތީ އެމް.ޑީ.ޕީ އަށް ސުޕަ މެޖޯރިޓީ ދީފަ އެކަން ހުއްޓުވަން އުޅުމަކީ ރައްޔިތުންގެ މަސައްކަތް ހުއްޓުވަން އުޅުން އެކަމެއް ނުވާނެ މިފަހަރު ހަމަ މަގަށް އަޅުވާނަން
އަމީނާ
17 June 2019
އާ ޔަގީންތާ. އެމްޑީޕީގެ މަގުމަތީ 5 އެކްޓިވިސްޓުން ތިޔަބުނާ ކޯޓަށް ލައިގެން ނޫންގޮތަކަށް ފަޑިޔާރުގެ އިސްލާހެއް ނުވާނެ. އޭރުން ދެން ޖުޑިސަރީ އިސްލާހްކުރަން ކުރަންޖެހޭ އިތުރުކަމެއް ނޯންނާނެ. މި 5 ފަސް މީހުން ލުމަށްފަހު ދެން އެބުނާ ފެހި ގާނޫނުގެ ބޭނުމެއްވެސް ނޯންނާނެ. އެއީ މިވެރިންގެ އުސޫލަކަށްވާނީ ޕާޓީއާއި އެކްޓިވިސްޓުން ބުނާގޮތަށް ކަންކަން ނިންމުން. އަދި މިގޮތަށް ކަންކަން ނިންމާނެ. އެއްވެސް ޝައްކެއްވެސް ނެތް.
ރެކިފުތާ
17 June 2019
ރައްޔިތުން މިހާރު 2 ފަހަރެއްގެ މަތިން ސިފައިންނާއި ފުލުހުން އަދި ފަނޑިޔާރުގެ އިސްލާހު ކިރުމަށް ފުރުސަތު ވަނީ ދީފައި. ފުރަތަމަ ރައީސް ނަޝީދު އަށް އަދި މިހާރު ރައީސް އިބޫ އަށާއި ރައްޔިތުންގެ މަޖިލީހަށް މިފަހަރު ތިކަން ނުކޮށްފިއްޔާ މިރާއްޖެ ދެން ދުވަހަކުވެސް ރައްޔިތުންނަށް އަތަކު ނުޖެހޭނެ.
ޒްއިން
17 June 2019
މިހާރު މަށަށް ގަބޫލު ކުރެވިއްޖެ މީ ކަމުދާ ފަނޑިޔާރެއް ނޫންކަން. ތިމާގެ މައްސަލައެއް ބެލީ މިކަން މިއައީ.. އެއްމިލިއަން ވީގޮތް ސާފުކޮށްދީ. ކޮންގޮތަކުން ހޯދި އާމްދަނީއެއް އެއްމަސްތެރެ.
އެޓޮމް
16 June 2019
މިހާރުނޫހުންސީދާ ބުނެބަލަ ބަލަނީ ޑީޑީ ގެ އަނބިކަނބަލުންގެ އެކައުންޓަކަށް މެލޭޝިޔާގެ ދަންމަންސަރާގެ ބެންކެއްގެ އެކައުްނޓަށް ޖަމާވިފައިސާކަމަށް