އެމްޑަބްލިއުއެސްސީގެ 24 ވަނަ އަހަރީ ދުވަހުގެ މުނާސަބަތުގައި ދަރުބާރުގޭގައި މިރޭ ބޭއްވި ޖަލްސާގައި ނައިބު ރައީސް ވާހަކަފުޅު ދައްކަވަނީ. --- ފޮޓޯ: ރައީސް އޮފީސް
27 ޖޫން 2019 - 23:51
15 comments
ރައްޔިތުން ބޮޑެތި ހުވަފެންތަކަކަށް އުންމީދު ކުރަމުން އަންނަ ކަމަށާއި އެކަންކަން ހާސިލް ވާނީ ތަރައްގީގެ އެކިއެކި މަޝްރޫއުތައް ހިންގާ ކުންފުނިތަކާއި އެހެން ފަރާތްތަކުން ހެޔޮ ނިޔަތުގައި ކުރާ ކަންކަމުން ކަމަށް ނައިބު ރައީސް ފައިސަލް ނަސީމް މިރޭ ވިދާޅުވެއްޖެ އެވެ.
އެމްޑަބްލިއުއެސްސީގެ 24 ވަނަ އަހަރީ ދުވަސް ފާހަގަ ކުރަން ދަރުބާރުގޭގައި ބޭއްވި ޖަލްސާގައި ނައިބު ރައީސް ވިދާޅުވީ، މާލޭގެ އެކި ސަރަހައްދުތަކަށް ބަލާ އިރު، ނުއަގުގައި ކޮށްފައި ހުރި ކަންކަން ފެނިވަޑައިގެންފައިވާ ކަމަށެވެ. އަދި ސަރުކާރުން ނުވަތަ ކުންފުންޏަކުން އެއްވެސް މަސައްކަތެއް ކޮށް، ރައްޔިތުންނާ ހަވާލު ކުރާ އިރު، އެއީ އެ މީހުންނަށް ބޭނުން ހިފޭ އެއްޗަކަށް ވާން ޖެހޭނެ ކަމަށް ފައިސަލް ވިދާޅުވި އެވެ.
"އެއީ ފްލެޓު އިމާރާތަކަށް ވިޔަސް، މަގު ހެދުމުގެ މަސައްކަތަކަށް ވިޔަސް، ނަރުދަމާގެ މަސައްކަތަކަށް ވިޔަސް، ފެން ހޮޅި އެޅުމުގެ މަސައްކަތަކަށް ވިޔަސް، އާހިރުގައި އެ ބޭނުން ކުރާނީ ރައްޔިތުން،" ކުރީގެ ރައީސް އަބްދުﷲ ޔާމީންގެ ސަރުކާރުގައި ނުއަގުގައި ކަންކަން ކުރި ކަން ފާހަގަ ކުރައްވައި ނައިބު ރައީސް ވިދާޅުވި އެވެ.
އެމްޑަބްލިއުއެސްސީގެ 24 ވަނަ އަހަރީ ދުވަސް ފާހަގަ ކުރަން ބޭއްވި ޖަލްސާ. --- ފޮޓޯ: ރައީސް އޮފީސް
ނައިބު ރައީސް ވިދާޅުވި ގޮތުގައި ޚިދުމަތް ލިބިގަންނަ މީހުންނަށް ހިތްހަމަޖެހުން ލިބޭނެ ގޮތަކަށް ހިދުމަތްތައް ފޯރުކޮށްދިނުމަކީ މި ޒަމާނުގައި ކޮންމެހެން ކުރަން ޖެހޭ ކަމެކެވެ. އަދި ކުންފުންޏެއްގައި މަސައްކަތް ކުރާއިރު، އެކަކު އަނެކަކާ މެދު އެކުވެރިކަން އޮންނަން ވާނެ ކަމަށް އެމަނިކުފާނު ވިދާޅުވި އެވެ.
ގުޅިގެން މަސައްކަތް ކުރާ ނަމަ، "ޕްރޮޑަކްޓިވްކޮށް" މަސައްކަތް ކުރިއަށް ގެންދެވޭނެ ކަމަށާއި އަބަދުވެސް މަސައްކަތް ކުރަން ވާނީ ދިވެހިންނަށް ރަނގަޅު ދިރިއުޅުމަކާއި ދަރިންނަށް ތައުލީމު ފޯރުކޮށްދެވޭނެ މުސްތަގުބަލެއް ހޯދައި ދިނުމަށް ކަމަށް ވެސް ނައިބު ރައީސް ވިދާޅުވި އެވެ.
ކުންފުނިތަކުން އެކިއެކި މަޝްރޫއުތައް ކުރިއަށް ގެންދާ އިރު، ސަމާލު ކަމެއް ދޭން ޖެހޭ އެންމެ މުހިންމު އެއް ކަމެއްގެ ގޮތުގައި ނައިބު ރައީސް ފާހަގަ ކުރެއްވީ "ކޮލިޓީ" ހިފެހެއްޓުމެވެ. އަދި ފެންވަރު ރަނގަޅު މަސައްކަތެއްކޮށް ރައްޔިތުން އެދޭ ހިދުމަތެއް ފޯރުކޮށްދޭން ވާނެ ކަމަށް އެމަނިކުފާނު ވިދާޅުވި އެވެ.
ނައިބު ރައީސް ފައިސަލް އެމްޑަބްލިއުއެސްސީ އަށް ހިދުމަތްކޮށް ދިން މުވައްޒަފަކަށް ހަނދާނީ ފިލައެއް ދެއްވަނީ. --- ފޮޓޯ: ރައީސް އޮފީސް
"އަޅުގަނޑުމެން ކުރާ ކޮންމެ މަސައްކަތަކީ ރައްޔިތުންގެ ފައިސާ އިން ކުރާ ކަންތައްތައް. ވަކި ބަޔަކު ކޮށްފައި އޮތަތީ އެކަން ފާހަގަކޮށް، މާ އުފާވެރިކަމަކަށް ހަދައި އެ ވާހަކަ ދައްކަން ބޭނުމެއް ނުވޭ،" އެމްޑަބްލިއުއެސްސީގެ ވެރިންނާއި މުވައްޒަފުން ބައިވެރިވި ޖަލްސާގައި ފައިސަލް ވިދާޅުވި އެވެ.
ނައިބު ރައީސް ވަނީ ކުންފުނިތައް ހިންގުމުގައި ކޮރަޕްޝަނާ ދުރުވުމަށާއި ރަނގަޅު "ރަނގަޅު ޕްރޮޑަކްޓުތައް" އުފައްދައި ރައްޔިތުންނާ ހަވާލު ކުރެއްވުމަށް އިލްތިމާސް ކުރައްވައިފަ އެވެ.
ފައިސަލް ވިދާޅުވި ގޮތުގައި ރައްޔިތުން އަބަދުވެސް ބޭނުން ވަނީ ތަރައްގީ އާއި ކުރިއެެރުމެވެ. އެހެންވެ، ގައުމަށްޓަކައި އެއް އަމާޒަކަށް ވާސިލްވާން ޖެހޭ ކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުސްތާޛްޒަކީ
30 June 2019
މިފަދަ ޚަބަރުތައް ކިޔުމަށްފަހު ގިނަ ބަޔަކު ރުޅި އަންނަނީ ކީއްވެކަން ވެސް ސިޔާސީ ފަރާތްތަކަށް އެބަ ޖެހޭ ނޫންތޯ އެނގެން! ރައްޔިތުންނަށް ކުރިން ހުވަފެންތައް ދެއްކީ ވެސް ތިބޭފުޅުން ނޫންތޯ އެވެ. އެހެން ވީމާ ރައްޔިތުންގެ ހުވަފެންތައް ގިނަ ވާނެ ނޫންތޯ އެވެ. ބޮޑު ވެސް ވާނެ ނޫންތޯ އެވެ.
ވަހީދު
29 June 2019
ސިޔާސީ މީހުންގެ ހެޔޮ ނިޔަތެއް އޮވެދާނެ ކަމަށް ޤަބޫލެއް ނުކުރަން. ފައިސާއި ބާރުވެރިކަން ފެނުނީމަ ދުނިޔެ ރަންވެފައި ތިބެނީ.
ކަނބިލި
29 June 2019
ބޮޑު ހުވަފެނެއްތޯ ؟ ގިނަ ހުވަފެންތަކެއްތޯ؟
އަހްމަދު
29 June 2019
މިސަރުކާރުން ކަމެއްހާސިލް ވެއްޖެތަ؟ ފައިސަލް އެކަމެއް ބުނެދީބަލަ. ލުތުފީވެސް ތިއުޅެނީ ނުގެނެވިގެން. ވެދާނެ ހެޔޮނިޔަތެއް ނެތީމާ ކަމަށްވެސް.
ގުޑުގުޑާ
29 June 2019
ހަޔާތުގެކައްފުޅެއްވެސްނެތީމާދޯ
ބޮޑުމީހާ
29 June 2019
ހެޔޮ ނިޔަތެއް އޮތްނަމަ ކުދި އާބާދީތައް ކައިރި ބޮޑެތި ރަށްތަކަށް އިނާޔަތްތަކާއި އެކު ބަދަލުކޮށްދީ. އެރަށްތަކަށް ކުރާ ހަރަދުތައް ބޮޑުރަށުގައި ހިދުމަތަތައް ގާއިމްކުރަން ހަރަދުކުރޭ
އައްލާ
28 June 2019
ވިސްނާލައްވާ މިސާލަކައް 129000 ގެއްލަން 1000=129 ގޯތި ހުތުބާގައި ދީލަތިވާށޭ ގިޔާމައް ދުވަހުން ސުވާލް ކުރައްވާނޭ ވިދާޅުވާއިރު މިކަމާވެސް ޖަވާބް ދާރީވާންޖެހޭނެ އެފަރާތަކަށް އޮޅުވައެއް ނުލެވޭނެ މަކަރާހީލަތުން ބިންތައް ހިސޯރުކޮއް ހަމަ އެކަނި މާލޭގެ ރަށްޔަތުންނައް ގޯތި ނުދީ ފުލެޓްގެ ނަމުގައި ގެސްޓް ހައުސް ތަންތަނުން ލޯނުނަގައިގެން ބޮޑުއަގުގައި ރައްޔަތުންނައް ތިޔަވިއްކާ ހަދަނީ ސިންގަޕޫރު މީހުންނާއި މާލޭގެ ވިޔަފާރި ކުންފުނިތަކައް ބޮޑެތި ބިންތައްދީގެން
ސަކީނާއްތަ
28 June 2019
ފައިސަލް ނަސީމް ނޫނީ ރާއްޖޭގެ ނާއިބްރައީސެއް ތިހާ ބޮޑަށް ރައްޔިތުންނަށް ފެއްނަގޮތަށް މަސައްކަތް ނުކުރޭ. މިފުރުސަތު މިދެނީ އެމްޑީޕީގެ ވިސްނުމުގެ ތެރެއިން. މަނިކުފާނު ޒުވާން ލޭ ގެ ޖޯޝްގައި މަސައްކަތް ކުރާނަމަ ހުރިހާ ކަމެއް ދާނީ ބަރާބަރަށް. އަހަރެމެން ބޭނުންވަނީ ކުރީ ސަރުކާރުން ހިންގި ނާއިންސާފުން ހިންގި އަމުލުތައް ބަލާ ފިޔަވަޅު އަޅަން.
ޗިޗަންޑާނަވާރަ
28 June 2019
މި ސަރުކާރުން މިހާރު އެކުޅޭ ޗަރުކޭސިވެސް ނޯޓު ކުރަމުން މިދަނީ. ވެރިކަން ބަދަލު ވުމާއެކު އަހަރެމެން ބޭނުންވަނީ އެކަން ބަލާ ފިޔަވަޅު އަޅާ ޖަލަށް ލާން ޖެހޭ މީހުން ޖަލަށް ލާން. ޝުކުރިއްޔާ!
ކުރޭވިޔަފާރިއުސޫލުން
28 June 2019
ހެޔޮ ނިޔަތެއް އޮވެގެން ނޫނޭ ބާ އަތޮޅުގައި ރާއްޖޭގެ އަމިއްލަ ކުންފުންނަކުން ޓިވެޓް ހިންގަނީ އެއީ ވެސް އެމެން ސަރުކާރަށް ދައްކަން ޖެހޭ ޓެކްސް ނުދައްކާ އެދޮވެލަން ބޭނުން ކުރާ ޓޫލް އެކޭ މިފަދަ ބޮޑެތި މަކަރާއި ހީލަތުން ދައުލަތަށް ލިބެން ޖެހޭ އާމްދަނީ ފެލާލަނީ އެއީ ރާއްޖޭގެ ދެ ތިން ވިޔަފާރިވެރިންނޭ މިފަދަ ކަންކަން ރަނގަޅު ކުރަން ރާއްޖޭގެ ގައުމީ ޔުނިވަރސިޓީން އެކަނި ޓެކްނިކަލް އެން ވޮކޭޝަނަލް ސްޓަޑީސް ކިޔަވާ ދޭންވީ ހިލޭ އެކަންކުރާނަމަ އެހެން މީހުން
ދީގެންގެންނަނީ
28 June 2019
ރައްޔިތުންގެ ހުވަފެންތައް ބޮޑު، ހާސިލްވާނީ ހެޔޮ ނިޔަތެއް އޮތުމުން ކަމަށް ނައިބް ރައީސް ފައިސަލް ބުނި ނަމަވެސް އެއީ ކަނޑުގައި އަޅާލާ ރޮނގު ތަކެއްގެ ގޮތުގައޭ މަމެންނަށް ފެންނަނީ ތިޔާ ނައިބް ރައީސް ތިޔާ ގޮތަށް ރާއްޖޭގެ ރިސޯރޓްސް ތަކުގައި ހުރި މެދު ފަންތި އާއި މަތީ ފަންތީގެ ވަޒީފާ ތައް އޭނާގެ އަނގައިން ދީފި ދިވެހިންނަށް އެކަނި އެކަމަކު އިހަށް ދުވަހު ޓޫރިޒަމް ދާއިރާއިން ސެރޓިފިކެޓް ބެހި މީހުންނޭ އެމެންގެ ރަށަށް ލަންކާ މީހުން މަހަކު 6 ހާސް ޑޮލަރު