ލުތުފީ ގެނެސް ކަރެކްޝަންސާ ހަވާލުކުރާނީ މި ސަރުކާރުން: އަލީ ޒާހިރު

ލުތުފީ: އަމިއްލަ އަށް ފުލުހުންގެ ބެލުމުގެ ދަށަށް ދިއުމުން ވެސް އޭނާ ރާއްޖެ ގެނައުން ލަސްވާ މައްސަލައިގައި ވަނީ ފާޑުކިއުން އަމާޒުވެފައި.

ފަޒީނާ އަހުމަދު، މިހާރު

30 ޖޫން 2019 - 21:48

32 comments

ކުށެއް ނެތް އެތައް ދިވެހިންނެއްގެ ލޭ އޮހޮރުވާލައި ފިލައިގެން އުޅުނު އަބްދުﷲ ލުތުފީ ރާއްޖެ ގެނެސް ޖަލު ހުކުމް ތަންފީޒުކުރަން މޯލްޑިވްސް ކަރެކްޝަނަލް ސާވިސްއާ ހަވާލުކުރާނީ މި ސަރުކާރުން ކަމަށް ރައީސް އޮފީހުގެ ޗީފް އޮފް ސްޓާފް އަލީ ޒާހިރު މިރޭ ވިދާޅުވެއްޖެ އެވެ.

ނޮވެމްބަރު 3، 1988 ގައި ރާއްޖޭގެ ވެރިކަން ވައްޓާލަން ސްރީ ލަންކާގެ ޓެރަރިސްޓް ޖަމާއަތެއްގެ ބަޔަކާ އެކު ރާއްޖެ އަރައި އުދުވާނީ ހަމަލާ ދިނުމުގެ މޭސްތިރި ކަމަށް ވާ ލުތުފީ ނުވަ އަހަރު ފިލައިގެން އުޅުމަށް ފަހު ވަނީ ފުލުހުންގެ ބެލުމުގެ ދަށަށް ގޮސްފަ އެވެ. ސްރީ ލަންކާގައި ހުންނަ ރާއްޖޭގެ އެމްބަސީ އަށް ގޮސް ރާއްޖެ ދާން ބޭނުންވާ ވާހަކަ ބުނުމުން، އެމްބަސީން ވަނީ އޭނާ ފުލުހުންނާ ހަވާލުކޮށްފަ އެވެ.

ސްރީ ލަންކާގައި، ދިވެހި ފުލުހުންގެ ބެލުމުގެ ދަށުގައި ހުރި ލުތުފީ ރާއްޖެ ގެނައުން ލަސްވާ މައްސަލައިގައި މި ސަރުކާރަށް ވަނީ ފާޑުކިއުން އަމާޒުވެފަ އެވެ. އޭނާ ގެނައުމުގައި ގާނޫނީ ގޮންޖެހުންތަކެއް ހުރި ކަމަށް ރާއްޖޭގެ ފޮރިން މިނިސްޓްރީ އާއި ފުލުހުން ދައްކާ ވާހަކަ ގަބޫލު ނުކުރުމުން، ފުލުސް އޮފީހުން މިއަދު ނެރުނު ބަޔާނުގައި ވަނީ ލުތުފީ ގެނައުމުގައި ކުރީ ސަރުކާރުތަކުން ވެފައިވާ އިހުމާލުގެ ވާހަކަ އާއްމުކޮށްފަ އެވެ.

Bayakumeehun nukoh dhookolli kamehgge vaahaka alhugandumen dhakkakah nethin. Luthufee Male’ genes corrections aa havaalkuraani misarukaarun In sha Allah. @ShumbaGong genai gothah qanoona khilaafakah noon, 2 qaumuge qanooni imuge therein ekan ninmaani.
— Ali Zahir (alipi) (@alixahir) June 30, 2019

ލުތުފީ މައްސަލައިގައި އަލީ ޒާހިރު ކުރެއްވި ޓުވީޓް.

ލުތުފީ ފިލައިގެން އުޅުނު ތަންތަނާ ބެހޭ މައުލޫމާތު ކުރީގެ ސަރުކާރުތަކަށް ލިބި އޭނާ ގެނައުމަށް މަސައްކަތެއް ކޮށްފައި ނުވާ ކަމަށް ފުލުހުން މިއަދު ވަނީ ބުނެފަ އެވެ.

އަލީ ޒާހިރު: ލުތުފީ ރާއްޖެ ގެންނާނެ ކަމުގެ ޔަގީންކަން ދެއްވި. --ފޮޓޯ/މިހާރު

ލުތުފީއާ ހެދި އަމާޒުވާ ފާޑުކިއުންތަކުން ސަރުކާރު ދިފާއު ކުރައްވައި އަލީ ޒާހިރު ކުރެއްވި ޓުވީޓުގައި، އޭނާ ރާއްޖެ ނުގެނެސް ލަންކާގައި ބެހެއްޓުމުގެ ނިޔަތެއް ސަރުކާރުގައި ނެތް ކަން ވަނީ ހާމަކުރައްވައިފަ އެވެ.

އޭނާ ވިދާޅުވީ ބަޔަކު މީހުން ނުކޮށް ދޫކޮށްލި ކަމެއްގެ ވާހަކައެއް ވެސް މި ސަރުކާރުން ދައްކަން ބޭނުން ނުވާ ކަމަށެވެ. ލުތުފީ ގެނައުމަކީ މި ސަރުކާރުން ކުރާނެ ކަމެއް ކަމުގެ ޔަގީންކަން ދެއްވި އެވެ.

އަލީ ޒާހިރު ވިދާޅުވި ގޮތުގައި ލުތުފީ ގެންނާނީ ކުރީގެ ރައީސް އަބްދުﷲ ޔާމީންގެ ސަރުކާރުން އަހްމަދު އަޝްރަފް (ޝުމްބާ) ލަންކާ އިން ގެނައި ގޮތަށް ގާނޫނާ ޚިލާފަށް ނޫނެވެ. ލުތުފީ ގެންނާނީ ގާނޫނީ އިމުގެ ތެރެއިން ކަމަށް ވިދާޅުވި އެވެ.

ކުރީގެ ރައީސް އަބްދުﷲ ޔާމީން ދަތުރުކުރެއްވި ފިނިފެންމާ ލޯންޗް ގޮއްވާލި މައްސަލައިގައި ހޯދަން އިއުލާންކުރި ޝުމްބާ ލަންކާގައި ދިރިއުޅެމުން ދަނިކޮށް، ލަންކާ ފުލުހުންނާއި ދިވެހި ފުލުހުންގެ އޮޕަރޭޝަނެއްގައި ހައްޔަރުކޮށް ރާއްޖެ ގެނައި ގޮތުން ލަންކާ ސަރުކާރުން ހިތްހަމަނުޖެހުން ފާޅުކުރި އެވެ. ޝުމްބާ ހައްޔަރުކޮށްގެން ރާއްޖެ ގެނައި ގޮތުން ދެ ގައުމުގެ ގުޅުމަށް ވެސް ބުރޫ އެރި އެވެ.

ބާގީ ލުތުފީގެ ގޮތުގައި މުޅި ރާއްޖެ އަށް މަޝްހޫރުވެފައިވާ ލުތުފީ ފިލީ އެމްޑީޕީގެ ސަރުކާރުގައި ޖެނުއަރީ، 16، 2010 ގައި ބޭސްފަރުވާ އަށް އިންޑިއާ އަށް ފޮނުވުމުންނެވެ.

ފުލުހުންގެ ބެލުމުގެ ދަށުގައި މިހާރު ހުރި ލުތުފީ ގެނައުން ލަސްވަނީ ބައިނަލްއަގުވާމީ އިޖުރާއަތުތައް ފުރިހަމަކުރުމުގައި ދަތިތަކެއް ކުރިމަތިވުމުންނެވެ. އެއީ އޭނާ ހޯދަން އިންޓަޕޮލް އިން އިއުލާންކޮށްފައި ވުމާއި ސައްހަ ވިސާއަކާ ނުލައި ލަންކާގައި ދިރިއުޅުމުގެ އިތުރުން އދ. އިން ހިޔާމަތް ހޯދަން މަސައްކަތްކޮށްފައި ވާތީ ކަމަށް ފޮރިން މިނިސްޓްރީން ވަނީ ބުނެފަ އެވެ.

ސްރީ ލަންކާ އިން ވަކިވެ، ވަކި ދައުލަތެއް އުފައްދަން ހަނގުރާމަކުރި ލަންކާގެ ތަމަޅަ ގްރޫޕްތަކުގެ ތެރެއިން ޕްލޯޓް ޖަމާއަތުގެ ޓެރަރިސްޓުންނާ ގުޅިގެން ލުތުފީ ދިން އުދުވާނީ ހަމަލާގައި 19 ދިވެއްސަކު ޝަހީދުވި އެވެ. އޭގެ ތެރޭގައި އާންމުންގެ 11 މީހުންނާއި ސިފައިންގެ އަށް މީހަކު ހިމެނެ އެވެ.

ދިވެހި ސަރުކާރު ރާއްޖެ-ލަންކާ އަބްދުﷲ ލުތުފީ ކަރެކްޝަނަލް ސާވިސް އަލީ ޒާހިރު، ޗީފް އޮފް ސްޓާފް (ރައީސް އޮފީސް) ސްރީ ލަންކާ ގައިދީން ނޮވެމްބަރު 3 ނޮވެމްބަރު 3 ބަޣާވާތް ޓެރަރިޒަމް

32 ކޮމެންޓް, 52 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގެނޭތަ

01 July 2019

މިސަރުކާރުގައި އަމިއްލައަށް ލުތުފީ އެމްބަސީއާ ހަވާލުވީމަވެސް ނުގެނެވިގެން އުޅޭ ބަޔަކު މި ބުނަނީ ކުރީ ސަރުކާރަށް އޭނާ ހުރި ތަނެއް އެނގިހުރެ ނުގެނައީޔޭ. އެމްބަސީއާ ހަވާލުވިކަން ރައްޔިތުންނަށް ފޮރުވައިގެން އުޅެފަ ފަޅާއެރުމުން ހަމައެކަނި ގެންނަ ވާހަކަ ދެއްކި ބަޔަކު ލަދު ހަޔާތުގެ ކަންފުޅެއްވެސް ނެތްކަން މި ދައްކައިދެނީ ހަމަ އަމިއްލައަށް ބުނާ ބަސްތަކުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރީނދޫ

01 July 2019

ލުތުފީ ގެނެސް ކަރެކްޝަންސާ ހަވާލުކުރަން ޖެހޭނީވެސް މި ސަރުކާރުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިމްސް

01 July 2019

ބޯ ގޯސް ވާހަކަ މޮޅުވާން ނުދައްކަބަ. ޝުމްބާ ގެނައީ ޤާނޫނާއި ގަވައިދާ ހިލާފަށޯ. ލުތުފީ އެމްބަސީ ވީއައިޕީގަ ހުރީކޮން ގާނޫނަކުންބާ. އަމިއްލަ އަށް ހެދޭ ގޯސް ތަށް ގަބޫލް ނުކުރާބަޔަކަށް ދުވަހަކުވެސް ކަމެއް ރަގަޅުކުރުމުގެ ޤާބިލް ކަމެއް ނުލިބޭނެ. ނުފޫޒު ހުރިބަޔަކު އެކަން ގޯސް ކޮށް ކުުރީމަ އެކަން ރަގަޅު ކަމަށް ދޭހަވާ ގޮތަށް ވާހަކަ ނުދައްކާ ކުށެެއްކަމަށް އިއުތިރާފްވެ ރައްޔިތުންނާއި ނޮވެމްބަރު 3 ގެ ޝަހީދުންގެ އާއިލާތަކުށް މާފަށް އެދި ދެންވެސް ރަގަޅުކޮށްބަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޙުއްމާ

01 July 2019

ދިވެހި ރައްޔިތުން އޮޅުވާލަން ނުއުޅޭ. ދިވެހި އެންބެސީގަ ލުތުފީ އުޅެނީ ވީ.އައި.ޕީ. ފެންވަރުގަ. އެއީ ނަޝީދުގެ ފަހަރީގެ ބައްޕަ ކަމަށް ލުތުފީވާތީ. ޒީރޯ ޓޮލަރެންސް މިއޮތީ އަމިއްލަ މަސްލަހަތާ ޖެހުނީމަ %100 ޓޮލަރެންސަށް ބަދަލުވެފަ. މިމަންޒަރު ނުދެކެން ވެގެން އަޅުގަޑުމެން އިބޫ ސޯލިޙް އަށް ވޯޓްދިނީ. އެމްޑީޕީ އަށް މަޖްލިސް މެޖޯރިޓީދިނީ. ވިދާޅުވި ވާހަކަފުޅު ނިކަން ހަދުމަކުރައްވާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޙުއްމާ

01 July 2019

ކޮންހާ ބަހަނާތަކެއް މިދައްކަނީ. ދިވެހިންނަކީ މޮޔައިންނެއް ނޫނޭ. މީހަކު ޔޫ.އެން. އަށް ހިމާޔަށް ހޯދަން ލިޔުމަކީ އެމީހަކު ބަންދު ނުކުރެވޭނެ ސަބަބެއް ނޫން. ރެޑް ނޯޓިސް ނެރެފަ އޮތަސް ފެނުނީމާ ބަންދު ކުރެވޭނެ. އެންބެސީން އޭނާރައްކާކޮށްގެން ގެންގުޅެނީ އިންޓަރނެޝަނަލް ޤާނޫނުތަކާއި ސްރީ ލަންކާގެވެސް ޤާނޫނާއި ޚިލާފަށް. އޭނަ ޖެހެނީ ވަޤުތުން ލަންކާ ސިފައިންނާއި ހަވާލުކުރަން. ލަންކާގައި ޤަވާޢިދާއިޚިލާފަށް އުޅުމުގެސަބަބުން ދޭންޖެހޭ އަދަބެްދީ ރާއްޖެގެންނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަށުދެވި

01 July 2019

ބަލަ...ލުތުފީ ގޮސް އަމިއްލައް ހަވާކުވީ ރާއްޖެ އަންނަން ބޭނުން ވެގެންނެވެ މިސަރުކާރުން ކޮއްދޭކަމަކި ވީއައިޕީ ގަ އިއްޒަތާސަރަފުގަ އެންބަސީގަ ބޭނުން ދުވަހަކު ބެހެއްޓުން ލުތުފީ އަތުގަ މުއްދަތު ހަމަނުވާ ޕާސްޕޯޓެއް އޮތްނަމަ އަމިއްލަޔަވެސް އަންނާނެ މީސަރުކާރުން ދެރަގޮތެއް ލުތުފީއަކައް ނުހަދާނެ ކަމުގެ ޔަގީންކަން އޮތީމަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާލި

01 July 2019

އެންމެ ފަހުން ރީނދޫ މީހުންގެ ބަހަށް ރައްޔިތުން މައިތިރި ނުވީމައި އެހެން ކުލައެއްް ނެރުނީ ދޯ؟ ހެޔޮ ޒާހިރެއް ނޫން މައުމޫނު ނުކުތަސް. ބާޣީ ލުތުފީ ފިލުވީވެސް މޑޕ އަދި ހިމާޔަތް ދިނީވެސް އެމީހުން. ދެން މި ސަރުކާރަށް ޖެހޭނީ އޭނާ ގެންނަންތާ ލަންކާ ސަރުކާރަކުން އޭނާ ނުބަހައްޓާނެ މިނިވަނެއްގެ ގޮތުގައެއް. މި ސަރުކާރާށް އޭނާ ނުގެނެސް ނުވާނެތީ ތިޔަ އުޅެނީ. އެހެން ނޫނަސް 2 މަސް ވަންދެން ޑިޕްލޮމެޓިކް ހިމާޔަތުގަ ގެންގުޅުނީ، ކޮންމެވެސް އެހެން ގޮތެއް ފެނޭތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނެގުނުކަތީބު

01 July 2019

ވަޒީފާއާްއި ހުރެ މީހާގެ ޒަމީރު ވިއްކާލަފާނެކަން މިހާރު ކަށަވަރުވެއްޖެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަށުމީހާ

01 July 2019

ތިބައިމީހުން ކޮމެންޓް ކުރާ އިރުވިސްނާނުލާތި ހިތާމަކުރަން ތީގެތެރޭންކިތަްކުދިން ތިމަންޒަރު ލޮލުން ދުށީ. އަހުރެން ނަކީތިމަންޒު ލޮލުންދެކެ އަތުންހިފި މީހެއް އަދި މީގާ މިސަރު ކާރު ބަދުނާމް ވާވަރު ކަމެއް ނުވޭ ހިތައްއެރި އެއްޗެއް ލިޔެތިނަގަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުވަރު

01 July 2019

މި ސަރުކާރު ބަދުނާމުވަކީ ކިހާވަރެއްވީމަތަ؟ ލުތުފީ ކުއްލިއަކަށް އަމިއްލައަށް ވަދެ އެންސީގައި އިންނާނީވެސް ކޮންމެވެސް ގުޅުމެއް އޮތީމަތާ... މީގެކުރިންވެސް ދިވެހި އެންބަސީ ހަމައެތަނުަގއި ހުރޭ...ކީއްވެ ލުތުފީ ނުދިޔައީ އެންބަސީއަށް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު..

01 July 2019

19 ދިވެހިން ޝަހީދުކޮށްލި ގާތިލަކު ފޮރުވައިގެން އެތައްމަހަކު ރަސްކަލެއްހެންގެންގުޅެ ޝަހީދުވެދިޔަ ޝަހީދުންގެ އާއިލާތަކަށް އޮޅުވާލާދޮގުހެދީވެސް ހަމަ މިސަރުކާރުގައި.