މަޖިލިހުގެ ރައީސް މުހައްމަދު ނަޝީދު އާއި ޗައިނާ ސަފީރު ކުރިން ބޭއްވި ބައްދަލުވުމެއް.
06 ޖުލައި 2019 - 22:11
139 comments
ކުރީގެ ރައީސް އަބްދުﷲ ޔާމީންގެ ސަރުކާރުގައި ހިންގި ބޮޑެތި މަޝްރޫއުތަކަށް ޗައިނާ އިން ނެގި ލޯނުތަކަށް ދަރަނީގެ ގޮތުގައި ރާއްޖެ އިން 3.4 ބިލިއަން ޑޮލަރު ދައްކަން ޖެހިފައިވާ ކަމަށް ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވުމުން، ޗައިނާގެ ސަފީރު ޒަންގް ލިއޮން އަނެއްކާވެސް ރައްދު ދެއްވައިފި އެވެ.
އިންޓްރެސްޓް ބޮޑުކޮށް ޗައިނާ އިން ދިން ލޯނުތަކުން ރާއްޖެ ދަރާފައިވާ ކަމަށް ނަޝީދު މީގެ ކުރިން ވިދާޅުވުމުން ވެސް ސަފީރު ވަނީ ތަރައްގީ އަށް އެހީވުން ނޫން އެޖެންޑާއެއް ޗައިނާގެ ނެތް ކަމަށް ވިދާޅުވެ ހިތްހަމަޖެހިވަޑައިނުގެން ވާހަކަ ދައްކަވައިފަ އެވެ.
ޗައިނާ އިން ރާއްޖެ އަށް ކަނޑައަޅާފައި ހުންނެވި ސަފީރު މި ފަހަރު ހިތްހަމަޖެހިވަޑައިނުގަތީ، އިންޑިއާގެ ތިންކް ޓޭންކްގެ އެނުއަލް ކޮންފަރެންސްގައި ނަޝީދު ދެއްކެވި ވާހަކަފުޅާ ގުޅިގެންނެވެ. އެމަނިކުފާނު ވިދާޅުވީ ރާއްޖެ އިން ދަރަނީގެ ގޮތުގައި ޗައިނާގެ އެކިއެކި ކުންފުނިތަކަށް 3.4 ބިލިއަން ޑޮލަރު ދައްކަން ޖެހޭ ކަމަށެވެ. އަންނަ އަހަރުން ފެށިގެން ބަޖެޓްގެ 15 ޕަސެންޓް ޗައިނާގެ ލޯންތައް ދައްކަން ޖެހޭ ކަމަށް ވެސް އެމަނިކުފާނު ވިދާޅުވި އެވެ.
ޗައިނާ ކޮމިއުނިއުކޭޝަން އެންޑް ކޮންސްޓްރަކްޝަން ކޮމްޕެނީ (ސީސީސީސީ) ކުންފުނިން އެޅި ސިނަމާލެ ބްރިޖުން މިސާލު ނަންގަވައި ނަޝީދު ވިދާޅުވީ އެ ބްރިޖު އަޅައި ދިނުމަށް އިންޑިއާގެ ޖީއެމްއާރުން 77 މިލިއަން ޑޮލަރުގެ ކޯޓޭޝަނެއް ހުށަހެޅި ކަމަށެވެ. އެކަމަކު ޗައިނާގެ ކުންފުނިން ހުށަހެޅި އަގު ބޮޑު ކަމަށް ވިދާޅުވެ، އެ ކުންފުންޏަށް 300 މިލިއަން ޑޮލަރު ދައްކަން ޖެހޭ ކަމަށް ވެސް ނަޝީދު ވިދާޅުވި އެވެ.
MMA data shows the foreign debt is MVR 49.6 billion at the 1st Q of this year,equivalent to $ 3.21 billion. Total loans from China include $872 million concessional loans and $657 million preferential loans up to last Nov. it means $1.529 billion in total when projects complete. pic.twitter.com/h8JXZemEML
— Zhang Lizhong (@AmbassadorZhang) July 6, 2019
ޗައިނާގެ ސަފީރު ކުރެއްވި ޓުވީޓު.
ނަޝީދު އެގޮތަށް ވިދާޅުވެފައި ވަނިކޮށް، ސަފީރު ކުރެއްވި ޓުވީޓެއްގައި ވިދާޅުވީ ސިނަމާލެ ބްރިޖު އެޅުމުގެ މަޝްރޫއަށް ހޭދަވީ 198 މިލިއަން ޑޮލަރު ކަމަށެވެ. އެއާއެކު ރާއްޖޭގައި ހިންގި ބައެއް މަޝްރޫއުތަކަށް ރާއްޖެ އިން ހޯދި ލޯނުތަކުގެ ތަފްސީލްތައް ވެސް ހިއްސާ ކުރެއްވި އެވެ.
ސީސީސީސީ އިން ހެދި ސިނަމާލޭ ބްރިޖްގެ މަސައްކަތުގެ ތެރެއިން 116 މިލިއަން ޑޮލަރަކީ ޗައިނާ ސަރުކާރުގެ ހިލޭ އެހީ އެވެ. އަދި 72 މިލިއަން ޑޮލަރަކީ ޗައިނާ ސަރުކާރުން ދީފައިވާ ލޯނެވެ. މި މަޝްރޫ އަށް ދިވެހި ސަރުކާރުން 12 މިލިއަން ޑޮލަރު ހޭދަކުރެ އެވެ.
އެމްއެމްއޭގެ ތަފާސްހިސާބުތަކާ ހަވާލާ ދެއްވައި ސަފީރު ވިދާޅުވި ގޮތުގައި ރާއްޖެ އިން ދަރަނީގެ ގޮތުގައި އެކި ގައުމުތަކަށް ދައްކަން ޖެހޭ 3.21 ބިލިއަން ޑޮލަރުގެ ތެރެއިން ޗައިނާ އަށް ދައްކަން ޖެހޭނީ 1.53 ބިލިއަން ޑޮލަރެވެ.
ޗައިނާގެ އެހީ އާއި ލޯނު ނަގައިގެން މި ސަރުކާރުން ރާއްޖޭގައި ހިންގާފައިވާ ބޮޑެތި ޕްރޮޖެކްޓަކުގެ ތެރޭގައި މާލެ އާއި ހުޅުލެއާ ދެމެދު އަޅާފައިވާ ބްރިޖާއި ވެލާނާ އިންޓަނޭޝަނަލް އެއާޕޯޓްގެ ތަރައްގީ އާއި ބޯހިޔާވަހިކަމުގެ ޕްރޮޖެކްޓްތައް ހިމެނެ އެވެ.
ޗައިނާ އިން ނަގާފައިވާ ލޯނުތަކުގެ ތެރޭގައި ކޮންސެޝަނަލް ލޯނުގެ ގޮތުގައި ދީފައިވާ 872 މިލިއަން ޑޮލަރާއި ޕްރިފެރެންޝަލް ލޯނުގެ ގޮތުގައި 657 މިލިއަން ޑޮލަރު ހިމެނޭ ކަމަށް ސަފީރު ވިދާޅުވި އެވެ.
ޔާމީންގެ ސަރުކާރުން ހިންގި ތަރައްގީގެ މަޝްރޫއުތަކަށް އެންމެ ބޮޑު އެހީތެރިކަމެއްވި ގައުމަކީ ޗައިނާ އެވެ. މިދިޔަ ސަރުކާރުގައި ރާއްޖެ އާއި ޗައިނާއާ ދެމެދު އިގްތިސާދީ ގޮތުންނާއި ހާރިޖީ ގޮތުން ވެސް ވަރަށް ގާތް ގުޅުމެއް އޮތީ އުފެދިފަ އެވެ.
އާއްމުކޮށް، ޗައިނާ އަށް ފާޑު ވިދާޅުވާ ނަޝީދު މީގެ ކުރިން ވިދާޅުވެފައި ވަނީ ޗައިނާގެ ދަރަނީގެ މަޅިއަކަށް ރާއްޖެ ވެއްޓެމުންދާ ކަމަށެވެ. ޗައިނާ އަށް ރާއްޖެ ދަރާފައިވަނީ 3.2 ބިލިއަން ޑޮލަރު ކަމަށް އެ ގައުމުން ބުނާ ކަމަށާއި އެއީ ހަމަ އަގުތޯ ބަލަން ޖެހޭ ކަމަށް ވެސް ނަޝީދު ވިދާޅުވެފައިވެ އެވެ.
ނަމަވެސް، ކުރީގެ ސަރުކާރުގެ އިކޮނޮމިކް މިނިސްޓަރު އަދި ރައްޔިތުންގެ މަޖިލިހުގެ މާވަށު ދާއިރާގެ ޕީއެންސީގެ މެމްބަރު މުހައްމަދު ސައީދު، ނަޝީދުގެ ވާހަކަފުޅަށް ރައްދު ދެއްވައި، ވިދާޅުވެފައި ވަނީ ޗައިނާ އަށް ދަރާފައި އޮތް އަދަދު 3.2 ބިލިއަން ރުފިޔާއާ ގާތް ވެސް ނުކުރާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަނބިލި
08 July 2019
އަންނިއަކީ އިންޑިއާގެ ޕަޕެޓެއް. މަޖިލިސް ވެރިކަން ލިބުނީ އިންޑިއާއިން ފައިސާ އޮއްސައިގެން. އެހެންވެ މިއަދު އެވައްތަރު ޖައްސަން އޭނާއަށް މަޖުބޫރު
ކަލާ
07 July 2019
ދެބަސްވުމަކަށް ނުގޮސް އެއްބަސްވުމަކަށް އައިސް ގައުމަށް ރަގަޅު ގޮތްވާނެ ގޮތެއް ހޯދަދޭން ނޭނގެނީތަ؟ ގާ އުކުމުގައި ވަގުތު ހޭދަނުކޮށް ޔާމީން ކުރި ކަންތަކުން ސަލާމަތްކޮށްދޭނެ ގޮތެއް ހޯދަން ހަމަ ނޭނގެނީތަ؟ އަދިވެސް ބްރިޖުން ދަތުރުކުރާއިރު ފީއެއްހާ ހިސާބުވެސް ނަގާލަން ނޫޅޭ މި ސަރުކާރުން. ދެން ދަރާނެ ގޮތް ހައްތަހާ.
ސާމާނުބެ
07 July 2019
ބޭކާރު ބުރަދަނެއް ނެތް ވާހަކަ ނުދައްކާ ޔާމީނު ހުޅުލެއާ މާލެއާ ދެމެދު ބުރިޖެއް އެޅިއަކަސް މިގައުމުގަ ބުރިޖް އަޅާނެ ތަނެއް ހުހެއްނުވޭދޯ؟ ނިކަން ތިކިޔާ ޖީއެމް އާރު ލައްވާ 500 ރުފިޔާއައް އައްޑުވާ މާލެއާ ގުޅާލަދީބަލަ
އިބޫސޯލިހް
07 July 2019
ނަޝީދު ތިފަދަ މައުލޫމާތުތައް ހޯދަނީ ރާއްޖެ ޓީވީގެ ހަބަރުތަކުން ދެންވިސްނާ
އަރާމަތި
07 July 2019
މި ސަރުކާރުގެ އެކި ބޭފުޅުން ވިދާޅުވާނެ ގައުމުތަކާ ނުގުޅި ނޫޅެވޭނެއޭ. އެކަމު ޗައިނާއާ ޖައްސާލަން ވަކިން ނަޝީދަށް ހުއްދައެއް ދީފ އޮތްހެން ހީވަނީ. ބައިކޮޅުގެ މަޖްލިސް މެމްބަރުވެސް 1 ޕޮއިންޓް ކޮންމެވެސް ބިލިއަނެކޭ ބުނާއިރުވެސް މީނާ މިކިޔަނީ 3 ޕޮއިންޓް ކޮންމެވެސް ބިލިއަނެކޭ ދައްކަން އޮތީ. އިންޑިއާ ކައިރީ އަދިވެސް ޗައިނާ ނުބައިކުރުމުގައި މިއުޅެނީ އިންޑިއާ ރުއްސަންތަ ނޫނީ އެމީހުންނަށްވެސް އޮޅުވާލަންތަ؟
މާރަނގާ - އައްޑޫ ސިޓީ
07 July 2019
ކޮމިއުނިސްޓްދައުލަތް ޗައިނާއާއިއެކު ޔާމީންގެ ސަރުކާރުން ހިންގިމުއާމަލާތްތަކުގެ ހަޤީގީއަގާއި އެ ޕްރޮޖެކްޓްތަކުގެ ނާޖާއިޒުފައިދާ ބަޔަކުނެގިގޮތާއި އެކަންކަންހިގިގޮތް ދިވެހިންނަށްނޭގޭކަމަށް އެމްބެސެޑަރަށް ހީފުޅުވިޔަސް ބަޔަކު ކުއްލިއަކަށްމުއްސަނދިވެ ކަންނެލިދޯންނާއި BMW ކާރާއި ރޮލޭކްސް ގަނޑި ޖަމާކުރީ ދައުލަތުގެބޮލުގައި “ތިޔަ ދަރަނި ފުނިވަރު އަޅުވާފައި” ކަން މަޖިލީހުގެ މިހާރުގެ ރައީސަށް އެގިވަޑައިގަންނަވާތީ އެވާހަކަ އެގޮތަށް ދައްކަވަނީ. އެއީ ހަޤީގަތް.
87654
07 July 2019
އެހެންވިއަސް އެއީ ހަމަ ޗައިނާ ލޯނު. ލޯނުގެ ހިސާބު މަޖްލިސްރައީސް ހައްދަވަނީ އަދުރޭ ހިސާބުހަދާގޮތަށް. ދެން ޗައިނާއާ ޖައްސާމިލަނީ ހިތުން މާ ޕަވަރުހުރި މީކަށްވެގެން. ޗައިނާއިން ނޯ ބުނެފިއްޔާ ޖީއެމްއާރްވެސް ބިރުން ފިލާނެ. ޗައިނާއަކީ ގައުމުތަކުގެ ދާހިލީ ކަންކަމަށް ނުވަންނަ ބަޔަކަށްވާތީ އަދި މަޑުންއޮތީ. މިގައުމަށް ޗައިނާއިން ލޮޓީއެއްދޭނެކަމާމެދު ކުޑަވެސް ޝައްކެއްނެތް. ޗައިނާ ސަރުކާރުގެ ފަރާތުން އެމްބެސެޑަރ އެވާހަކަދައްކަނީ.
ިއިބްރާ
07 July 2019
ޗައިނާއަށް އެހައިބޮޑު އަދަދެއްގެ ފައިސާ ދައްކަންނެތަސް މިސަރުކާރުން ޗައިނާ އާއި ގުޅުންބަދަހި ނުކުރާނެ. އިންޑިއާ ކިބައިން ކަމެއްނުވިއަސް އިންޑިއާ ފަސްޓް
ހިސާބު
07 July 2019
ޗައިނާއަކީ ދުނިޔޭގެ ދެން ބޮޑު ބާރަކަށް ވާނެ ގައުމު. ދުނިޔޭގެ އެތައް ގައުމެއްގަ މެގަ ޕްރޮޖެކްޓްސް ހިންގާ މުޅި ދުނިޔޭގެ ތަރައްގީގެ ސްޕީޑް އެންމެބޮޑަަށް ހަލުވިކުރަމުންދާ ގައުމު. ބިޔަ ޕްރޮޖެކްޓް ހިންގާނެ މީހުންނާ، ހުނަރާ ފައިސާ ހުރީ އެމީހުން އަތުގަ. އިންޑިޔާގެ ފަައިބުޑަށް ވެއްޓި ޗައިނާއާ ދެކޮޅަށް ބުހުތާނު ދޮގު ހެދުމަކީ މޮޔަ ކަމެއް. މިފަހަރުވެސް ސަރުކާރުވެއްޓުނަސް ވެއްޓޭނީ ބޮޑު ވަޒީރުގެ ސަބަބުން. އިބޫއަށް މިއަށްވުރެ ވިސްނޭނެކަމަށް އުންމީދުކުރަނީ.
ބަނާނާ
07 July 2019
ޗައިނާއަށް ރަސްމީކޮށް އަންގަބަލަ މި ރނަޝީދަކީ ދޮގުހެދުމާ ކޮސްގޮވުމަށް ދިވެހިންގެ ބަޔަކު ހުއްދަދީފަ ހުރި އެއްޗެއްކަން.
ހުސޭނު
07 July 2019
އެންމެ ފުރަތަމަ ދިވެހިންނަށް ބޯހިޔާވަހިކަން ހޯދައިދޭން ފްލެޓް އަޅައިދިނީ ޗައިނާއިން. އެއީ ސިނަމާލެ ފްލެޓްތައް. އޭގެ ކުރިން ފްލެޓް އެއީ ދިވެހިން ދަންނަ ބަހެއްނޫން. އޭރުވެސް އިންޑިޔާ އޮތް. ރާއްޖޭގަ ފުރަތަމަ ބްރިޖް އެއް އަޅައިދިނީ ޗައިނާއިން. އިންޑިޔާ އޮތް އެއޮތް ތަނުގަ. ޗައިނާ އިން ކަންތައް ކޮށްދޭތީ ކޮއްދޭނަމޭ ކިޔާފަ އަންނި އަށް ކަޓު ދީފަ އެޅި ޓާޓާ ފްލެޓް ތަކުން ދުވާލަކު 3 ގަނޑު ބިއްލޫރި މަގުމައްޗައް ވެއްޓޭ.