މީގެ ކުރިން ބޭއްވި ނޫސްވެރިންގެ ބައްދަލުުވުމުގައި، ރާއްޖޭގައި ހުންނަވާ ޗައިނާ ސަފީރު ޒަން ލިޒޮން.-- މިހާރު/ފޮޓޯ: ނިޝާން އަލީ
07 ޖުލައި 2019 - 15:53
161 comments
ރާއްޖެއިން ޗައިނާ އަށް ދަރާފައިވާ އަދަދާ މެދު ކުރީގެ ރައީސް އަދި ރައްޔިތުންގެ މަޖިލިހުގެ ރައީސް މުހައްމަދު ނަޝީދު ދައްކަވަމުން ގެންދަވާ ވާހަކަފުޅުތަކަށް، ރާއްޖޭގައި ހުންނަވާ ޗައިނާގެ ސަފީރު އަަނެއްކާ ވެސް ރައްދު ދެއްވައިފި އެވެ.
ސަފީރު ޒަންގް ލިއޮން މިއަދު ނަޝީދު ޓެގްކުރައްވައި ކުރެއްވި ޓްވީޓެއްގައި ވިދާޅުވީ "ސައްހަ ނޫން އަދި ހަގީގަތް އޮޅޭ ފަދަ މައުލޫމާތު އާންމުންނަށް ފޯރުކޮށްދިނުން ގަބޫލުނުކުރެވޭނެ" ކަމަށެވެ. އަދި އޭގެ ސަބަބުން ދެ ގައުމުގެ ރަހުމަތްތެރި ގުޅުމަށް ނުބައި އަސަރެއްކުރާނެ ކަމަށް ވެސް ލިއޮން ވިދާޅުވި އެވެ.
"ރަނގަޅު މައުލޫމާތުތަކުގެ މައްޗަށް ބިނާކޮށް ވާހަކަ ދެއްކުން ވަރަށް މުހިންމެވެ،" އޭނާ ވިދާޅުވި އެވެ.
ލިއޮން ވިދާޅުވި ގޮތުގައި އެއްވެސް ޝައްކެއް އުޅޭ ނަމަ އޭގެ ރަނގަޅު ތަސްވީރު ހޯދަން ބޭނުންވަނީ އެންމެ ފޯން ކޯލެކެވެ.
Thank you, Mr. Speaker.@MohamedNasheed What I cannot accept is continuous unverified and misleading info. to the public, which harms our friendly relations. it is vital to have rational diologue based on correct data. and It is a phonecall away to get full picture for any doubt. pic.twitter.com/ANWLO2JGbQ
— Zhang Lizhong (@AmbassadorZhang) July 7, 2019
ޗައިނާގެ ސަފީރުގެ ޓްވީޓް އައީ ރޭ ނަޝީދު ކުރެއްވި ޓްވީޓަކާ ގުޅިގެންނެވެ. އެ ޓްވީޓްގައި އެމަނިކުފާނު ވިދާޅުވެފައި ވަނީ ބޭރަށް ރާއްޖެ ދަރާފައިވާ ދަަރަނީގައި ހަމައެކަނި އޮތީ އެއް ސަރުކާރުން އަނެއް ސަރުކާރަށް ދޭ ލޯނުތައް ނޫން ކަމަށެވެ. އޭގެ ތެރޭގައި ސޮވެރިން ގެރެންޓީތައް ވެސް ހިމެނޭ ކަމަށް ވިދާޅުވި އެވެ.
"ދިވެހި ސަރުކާރުން ޗައިނާގެ ބޭންކްތަކަށް ދީފައި އޮތް ސޮވެރިން ގެރެންޓީތައް އުޅެނީ ކަންބޮޑުވާން ޖެހޭ ފަދަ ލެވެލްއެއްގަ އެވެ،" ނަޝީދު ވިދާޅުވި އެވެ.
އެމަނިކުފާނު ވިދާޅުވި ގޮތުގައި "މުސްތަގުބަލާ މެދު އަޅުގަނޑުމެން އެންމެން ސަމާލުވާން ޖެހެ" އެވެ.
ލިއޮން އާއި ނަޝީދާ ދެމެދު ޓްވީޓްތަކުގެ ރައްދުތަކެއް ފެށިގެން މި އުޅެނީ ކުރީގެ ރައީސް އަބްދުﷲ ޔާމީންގެ ސަރުކާރުގައި ހިންގި ބޮޑެތި މަޝްރޫއުތަކަށް ޗައިނާ އިން ނެގި ދަރަނި 3.4 ބިލިއަން ޑޮލަރު ޖެހޭ ކަމަށް ނަޝީދު ވިދާޅުވުމުންނެވެ.
Maldives total foreign debt includes the active sovereign guaranteed debt and not just Govt to Govt loans. The extent of Maldives sovereign guarantees to Chinese banks are at potentially alarming levels. We must all be mindful for the future. @AmbassadorZhang
— Mohamed Nasheed (@MohamedNasheed) July 6, 2019
އެކަމަކު ލިއޮން އިއްޔެ ކުރެއްވި ޓްވީޓެއްގައި ވިދާޅުވީ ޗައިނާގެ ލޯނުތަކުގެ އަދަދު އުޅޭނީ، 1.5 ބިލިއަން ޑޮލަރުގައި ކަމަށެވެ.
ލިއޮން މިއަދު ކުރެއްވި ދެވަނަ ޓްވީޓްގައި ވިދާޅުވީ ޗައިނާ އިން ފައިސާ ހޯދަން އެއްވެސް ގައުމަކަށް މަޖުބޫރު ނުކުރާ ކަމަށެވެ.
"ހަމަ އެގޮތަށް ދަރަނީގެ މައްސަލައެއްގެ ތެރެއަށް ޕާޓްނަރަކު ވެއްޓޭތަން ބަލަން ވެސް ޗައިނާ އިން ނޭދެ އެވެ،" ލިއޮން ވިދާޅުވި އެވެ.
އޭނާ ވިދާޅުވި ގޮތުގައި މަޝްރޫއުތަކާއި މާލީ އެހީ ދިނުން ބިނާކުރަނީ ފީޒިބްލް ސްޓަޑީތަކާއި ނުރައްކާ އޮތް މިންވަރުގެ ވެސް މައްޗަށެވެ.
ޔާމީންގެ ސަރުކާރުން ހިންގި ތަރައްގީގެ މަޝްރޫއުތަކަށް އެންމެ ބޮޑު އެހީތެރިކަމެއް ވީ ޗައިނާ އިންނެވެ. މިދިޔަ ސަރުކާރުގައި ރާއްޖެ އާއި ޗައިނާއާ ދެމެދު އިގްތިސާދީ ގޮތުންނާއި ހާރިޖީ ގޮތުން ވެސް ވަރަށް ގާތް ގުޅުމެއް ބޭއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ާއަދުރޭ
09 July 2019
ދަރަންޏާ ސޮވެރިން ގެރެންޓީ އާ ވަކިނުވާ މީހަކަށް ވެރިކަންދޭން ހެޔޮވާނެތޯ ؟
ނަޝީއައްނި
09 July 2019
އަޅޭފަހު މީހަކު ހައިރާނޭއްނުވާނެތަ؟ މި އައްނިއަކީ ރާއްޖޭގެ ރައީސުލްޖުމްހޫރިއްޔާއެއް ނޫނޭ. އޭނާ މޮޔަވީ ކޮންއިރަކުބާ؟ ސަރުކާރުން މީނަގެ އަގަ މަޑުންލައިގެން ހުންނަން އަންގަންވެއްޖެނު. ދިވެރި ރައްޔިތުންނަށް މިކަމުން އުދަގޫވާނީވެސް. ޗައިނާކަހަލަ ބަޔަކާ ވާހަކަ ދައްކާއިރު ބަލައިގަނެވޭ ރަނގަޅު އުސޫލަކުން މުހާތަބު ކުރަން ނޭގޭއިރު ބޭރު ގައުމުތައް ރުޅިއަރުވާ ނުލާބަލަ. މީނާއާހެދި ގައުމަށް ލިބެނީ ގެއްލުން، މީނާ ގޭގައި ބަހައްޓާނެ ގޮތެއް ހަދަންޖެހޭ.
އަބުއާ
09 July 2019
ވަރަށްދެރަ ކަމެއް. އިންޑިޔާއިން ދިވެހިރާއްޖެއާއި ދޭތެރޭ ގެންގުޅޭ އެޓިޓިޔުޑަކީ އަޅުވެތިކުރުމުގެ، އަދި، އެއްވެސް އިޙްތިރާމެއް ކުރުމެއްނެތް ވިސްނުން. އެހެންވެތާ ވެރިކަންކުރާޕާޓީގެ ލީޑަރުން އިންޑިޔާއިން ރާއްޖެ އަރާ ހިފަން ވީކަމަށް އެމީހުންގެ ރަސްމީ ޓުވީޓުގަޔާއި ޤައުމީ ޓީވީ ތަކުގަ އެބުނަނީ. ވެރިކަމަކީ އަބަދުވެސް ބަދަލުވަމުން ދާނެއެއްޗެއް. ޗައިނާއާއި ބެހޭގޮތުން ވިޔަސް އެހެން ޤައުމަކާއި ބeހޭގޮތުންވިޔަސް ދޮގު ވާހަކަތައް ދައްކަމުން ދިޔުމަކީ ދެރަކަމެއް.
މަރެ
08 July 2019
ބަލަކުރިއެރުމަށް ޗައިނާ ހިޔާރު ކުރޭ. މޮޔަގޮވަމީޯހަ ބަހަށްޓާ. އެމީހ ައެހްނ އުޅެ ނީ. އަހަރުމެން ކުރިއަރާދާކަށް އިންޑިޔާ ހިޔާރު ނުކުރާނަން.، އެކަން ކުރަމިހުން އެކުރަނީ މޮޔަކަމެއް.
disgusting
08 July 2019
ކުރީގެ ވެރިކަމުގެ ޙާއިނުންނާ އެކުވެގެން ޤައުމު ދަރުވާލުމަކީ ހަން ފެތުރުމުގެ އެއްމެފަހުގެ ހީލަތް!
މުޙުއްމާ
08 July 2019
ނަޝީދު ހުއްޓުވަން އެބަޖެހޭ. މީނައަކީ އެއްގޮތަކަށްވެސް ޑިޕްލޮމެސީ ދަންނަމީހެއް ނުން. މީނައަކީ އެކްޓިވިސްޓެއް. އެހެން އެއްވެސް ކަމެއް ރަގަޅަކަށް ނުކުރެވޭނެ. ފެށުނީއްސުރެ ސަރުކާރުގެ ސިޔާސަތަކީ ވަކިފަރާތަކަށް ނުޖެހޭ ޤައުމެއްގެ ގޮތުގައި އޮތުން. އެއްވެސް ޤައުމަކާއި ދެކޮޅުވެރިނުވެ ހުރިހާ ޤައުމަކާއިވެސް ރަޙުމަތްތެރިކަމުގެ ގުޅުން ބޭއްވުން. ރައީސް އެބަޖެހިވަޑައިގަންނަވާ ސަރުކާރުގެ ވަކިފަރާތަކަށް ނުޖެހޭ ސިޔާސަތު ހާމަކުރައްވައި ނަޝީދު ހުއްޓުވަން.
ނެގުނުކަތީބު
08 July 2019
ޗައިނައަކީވެސް އިންޑިޔާއަކީވެސް ރަނގަޅު ބައެއް ނޫން. ނަމަވެސް އޭގެ ތެރެއިން އިންޑިޔާއަށްވުރެ ޗައިނާއިން ވެދީފައިވާ އެހީތެރިކަމާއި ލޯނުތަކުގެ ފައިދާ ރައްޖެއަށް ބޮޑު. އިންޑިޔާއަިން ބޭނުމެއް ނުވާނެ މިތަން ތަރައްގީވެ ކުރިއަރާކަށް. އެމީހުން އުޅޭނީ އިސްކޮށް އުޅޭ ބައެއްގެ ޖީބު ބޮޑުކޮށްދީގެން ގައުމު އިނދަޖައްސާފައި ބާއްވަން. މިސާލަކަށް 30 އަހަރަށް ބަލާލިއަސް އެކަން ފެންނާނެ.
ޔާނނ
08 July 2019
ނަޝީދު ކީއްވެތަ އޮޅިގެން ތިއުޅެނީ.ޗައިނާ އަކާއި ނުކުޅެވޭނެ.މަނިކުފާނުގެ ސަރުކާރުގެ ރަށްތަށް ބެހީ ގާތްކުދިންނަށް.
ރާވެރިބެ
08 July 2019
ނަށީދުގެ ގޭމަކީ ޗައިނާ ރުޅިއެރުވުން ކަމަށް ވެދާނެ. އިންޑިއާ ރުއްސަން. ހިނި އަންނަ އަނެއް ކަމަކީ ޗައިނާއިން ދަރަނި ނުނަގާ އިންޑިއާއިން ބޮޑެތި ދަރަނި ނެގީމާ ގައުމަށް ލިބޭ ގެއްލުމަށް ބަދަލެއް އާދޭތޯ އުފެދޭ ސުވާލެވެ. ބޮލެއް ހުރި މީހަކަށް ވިސްނޭނެއެވެ. ގައުމު އިތުރަށް ދަރަނިވުން ނޫންކަމެއް ނުވާނެއެވެ.
ޜޭޓް
08 July 2019
އިންޓަރެސްރޭޓް ކުޑަވުން. ދަރަނި ދެއްކުމުގައި ލުއިގޮތް ފަހިވުން. ސަރަހައްދީ ތަރައްގީގެ ހިއްސާ.
ފފފފގހޔ
08 July 2019
އިންޓެރެސްޓް ކިހާވަރެއް ކުޑަވަނީ؟ ލުއިވަނީ ކޮންގޮތަކަށް؟ ތިއީ ވަހުމު. އިންޑިޔާކަހަލަ މައްކާރު ހަންފަތުރާ ބަޔަކު އެމީހުން ކަޅިއަޅައަޅާ އޮންނަތާ 2000 އަހަރުވެފައި އޮތް ގައުމެއް ހިތަކަށ ލިބުމުން ހަމައަށް ހޭހުންނާނެތަ؟ އަނެއްކޮޅުން، ވެރިކަމުގައި އެތިބީ އެމީހުން ވެރިކަން ދިން ބައެއް. ދިވެހިންކޮޅަށް ޖެހޭނެ ދަންތުރަ ވިސްނާލާ.
ޓިކިޔު
09 July 2019
ބަލަ ރޭޓްވީ ބޮޑު ދައްކަންޖެހޭ މުއްދަތުވީކުރު! ބެހެއްޓި ރާޑަރުވީ އިތުރު، ހެލިކެޕްޓަރ ބަލަހައްޓަން ތބި ސިފައިންވީ އިތުރު! ލޯނު ދީފި! ފޮރިން އިންވެސްޓް މެންޓެއް ރަޖިސްޓްރީ ކޮއްލެވެނީވެސް އިންޑިއާގެ ސޭހޯދާގެނޯ ވަޓް އަ ޖޯކް! މިވެސް މިނިވަން ގައުމެކޭ
ޢެޑަމް
08 July 2019
ދިވެހި ދައުލަތުގެ އިސްވެރިއަކީ އަދި ސަރުކާރުން ރައްޔިތުންނައްސިޔާސަތުކަޑައަޅާ އަމުރު ނެރޭފަރާތަކީ ރައީސްސޯލިހުތޯއެވެ.ނުވަތަ ރައިސް ނަސީދުތޯއެވެ.މިހާރުވަރައްބޮޑައްއޮޅެމުންދާތީސާފުކޮއްލަންބޭނުންވެއެވެ.ސަބަބަކީ މިހާރުރައިސްނަސީދުހުންނެވިމާޤާމުންއޭނާދައްކާބައެއްވާހަކަފުޅުތަކަކީ ދައުލަތުގެއަޑުކާމައްބެލެވިދާނެފަދަގޮތްގޮތައްވާހަކަފުޅުދައްކަވާތީ ހިތުގާމިސުވާލުއުފެދެނީއެވެ.!!