ހައުސިން މިނިސްޓްރީގެ މުވައްޒަފުންތަކެއް މާލޭގެ މަގުތައް ސާފުކުރުމުގެ މަސައްކަތުގައި: މަގު ކޮންނަން ހުއްދަ ދެނީ ހައުސިން މިނިސްޓްރީން
02 ޖޫން 2016 - 10:46
22 comments
މާލޭގެ މަގުތައް ކޮނުމުގެ ހުއްދަ ހަމައެކަނި ރޯޑް ޑިވެލޮޕްމަންޓް ކޯޕަރޭޝަން (އެމްއާރުޑީސީ) އަށް އޮތުމުން އިމާރާތްތަކަށް ފޯނު ނަރު ވެއްދުމާއި ކޭބަލް މެދުވެރިކޮށް އިންޓަނެޓް ޙިދުމަތް ހޯދަން ވަރަށް ބޮޑެތި ދަތިތަކަކާ ކުރިމަތިވާން ފަށައިފި އެވެ.
ބައެއް މީހުން ބުނާ ގޮތުގައި ގެއަށް ފޯނާއި އިންޓަނެޓް އަދި ކޭބަލް ޓީވީ ލާން އެދިގެން އުޅޭތާ އެތައް މަހަކަށް ވުރެ ގިނަ ދުވަސް ވެއްޖެ އެވެ. އެކަމަކު އެމްއާރުޑީސީ ނޫން ބަޔަކަށް މަގު ނުކޮނެވޭތީ އަދިވެސް އޮތީ އިންތިޒާރުކުރުން ކަމަށް އެ މީހުން ބުނެ އެވެ.
މާލޭގެ މަގުތައް ކޮނުމުގެ މަސައްކަތް ކުރެވޭނީ ހައުސިން މިނިސްޓްރީން ހުއްދަ ލިބިގެންނެވެ. ނަމަވެސް މި ހިދުމަތްދޭން ބޭނުންވާ ކުންފުނިތަކުން ނަން ނުޖެހުމަށް ޝަރުތުކޮށް ބުނީ އެމީހުންނަށް ކުރިމަތިވާ ދައްޗަކީ ހުއްދަ ލިބުމުގައި އާއި މަގު ކޮނުމުގައި ވަރަށް ބޮޑެތި ލަސްތަކެއް ދިމާވުން ކަމަށެވެ.
މާލޭގެ މަގެއް ކޮނެފައި: މަގުތައް ކޮނުމުގެ މަސައްކަތް ކުރަމުން އަންނަ އެމްއާރުޑީސީގެ ހިދުމަތްތަކާ މެދު ވިޔަފާރި ކުންފުނިތަކުން ވަނީ ސުވާލު އުފައްދާފައި -- ފޮޓޯ/ މިހާރު
"މިނިސްޓްރީ އަށް ގުޅާލީމަ ބުނަނީ ކަނޑައެޅިފައި އޮތް ތަރުތީބަކުންނޭ ހުއްދަ ދޭނީ. އެކަމަކު އެތައް މަހެއް ވީ ފޯނު ލައިން އަޅަން އުޅޭތާ،" މާލޭގެ ގެއެއްގައި ދިރިއުޅޭ މީހަކު، ނަން ނުޖަހާ ގޮތަށް، ބުންޏެވެ.
ފޯނު ލައިންގެ އިތުރުން އިންޓަނެޓާއި ކޭބަލް ޓީވީގެ ހިދުމަތް ހޯދަން ބޭނުންވެގެން ވެސް އެތައް ބަޔަކު ތިބީ ދިގު އިންތިޒާރެއްގަ އެވެ. ބައެއް މީހުންގެ ނަޒަރުގައި މިއީ މިހާރުގެ ހާލަތަށް ބަލާއިރު ސަރުކާރުގެ ދާއިރާއަކުން ހިދުމަތް ފޯރުކޮށްދޭން ޖެހޭ ގޮތެއް ނޫނެވެ.
މި ހިދުމަތްތައް ދޭން ބޭނުންވެފައި ތިބި ކުންފުނިތަކުން ނަން ނުޖެހުމަށް ޝަރުތުކޮށް ބުނީ ބައެއް ގޭގެއަށް ހިދުމަތް ދިނުމުގައި ލަސް ވަނީ އެ ކުންފުނިތަކުގެ އިހުމާލުން ނޫން ކަމަށެވެ. އަދި ސަރުކާރުން މިކަމުގައި އަވަސް ފިޔަވަޅުތަކެއް އަޅަން ޖެހޭ ކަމަށް ކުންފުނިތަކުން އިއްތިފާގުވެ އެވެ.
"ބައެއް ކަސްޓަމަރުން ބުނޭ އަޅުގަނޑުމެންގެ އިހުމާލުންނޭ ހިދުމަތް ގުޅައި ނުދެވެނީ. އަޅުގަނޑުމެން ދަންނަވާނީ މަގު ކޮނުމުގައި ލަސްތަކެއް ހުރީމަ އެކަން ނުކުރެވެނީ. އަޅުގަނޑުމެން ދާނީ ހަމައެކަނި ކޭބަލް އަޅަން،" ކުންފުންޏެއްގެ އިސް ބޭފުޅަކު ވިދާޅުވި އެވެ.
މީގެ އިތުރުން ގެއަކަށް ކޭބަލް ވައްދަން ދާއިރު ޖެހިގެން ހުންނަ ގެ އިމާރާތް ކުރާތީ ދަތިތަކާ ކުރިމަތިވުން ފަދަ އެހެން މައްސަލަތައް ވެސް ދިމާވާ ކަމަށް ކޭބަލް އެޅުމުގެ މަސައްކަތް ކުރާ ބައެއް މީހުން ބުނެ އެވެ.
ޖެހިގެން ހުރި ގެ އިމާރާތް ކުރާތީ ވެލި ބަސްތާތަކެއް ޖަހާފައި ހުރެދާނެ މަގުގައި. --މަސައްކަތުގައި އުޅޭ މީހެއް
"ކޭބަލް ވައްދަން ގޭގައި ކުއްޔަށް އުޅޭ ބަޔަކު އެދިގެން ދިޔައީމަ ގޭގެ ވެރިމީހާ ހިތްހަމަނުޖެހިދާނެ ކޭބަލް ވައްދައި ގޮތަކުން، އެއީ ވެސް ކުރިމަތިވާ ދައްޗެއް،" އިތުރު ޓެކްނީޝަނަކު ބުންޏެވެ.
ނަމަވެސް ބައެއް ކުންފުނިތަކުން ބުނީ ކޭބަލް އެޅުމަށް މަގު ކޮނުމުގެ ހުއްދައަކަށް ހައުސިން މިނިސްޓްރީގައި އެދުމުން އެ ހުއްދަ ވީހާވެސް އަވަހަކަށް ދެމުންދާ ކަމަށެވެ. އެކަމަކު މަގު ކޮނެނުދީގެން ކޭބަލް ނޭޅި ގިނަ މަސްތަކެއް ވަމުން އަންނަ ކަމަށް އެމީހުން ވެސް އެއްބަސްވެ އެވެ.
މީގެ އިތުރުން އެމްއާރުޑީސީގެ މުވައްޒަފުން މަދުކަމުން މަގު ކޮނުމުގެ މަސައްކަތް އެންމެ އެކަށީގެންވާ ގޮތަށް ނުކުރެވޭ ކަމަށް އެ ކުންފުނިތަކުން ތުހުމަތުކުރެ އެވެ. އަދި ދުވާލެއްގެ މައްޗަށް މަގު ކޮނެވޭނެ އަދަދު ވެސް ކަނޑައަޅާފައި ހުންނަ ކަމަށް އެ ކުންފުނިތަކުން ބުންޏެވެ.
ދުވާލަކު ހަތް ގެއަށް އެކަނި ކޭބަލް އެޅޭނީ ކިތަންމެ ގިނަ ބަޔަކު އެދުނަސް. އަޅުގަނޑުމެން ކުރަން ބޭނުންވާ މަގު ނޫން އެހެން މަގެއްގައި ވެސް ކުރަން ޖެހިދާނެ. --ކުންފުންޏެއްގެ އިސްވެރިއެއް
ހައުސިން މިނިސްޓްރީގެ އޮފިޝަލަކު ވިދާޅުވީ މަގުތައް ކޮނުމުގެ ހުއްދަ ދިނުމުގައި ބަލަން ޖެހޭ ކަންކަން ބެލުމަށްފަހު އެ ހުއްދައެއް ދެމުންދާނެ ކަމަށެވެ. އެގޮތުން ދުއްވާ އުޅަނދުފަހަރަށް ދަތި ނުވާ ގޮތަށް ހުއްދަ ދެމުންދާނެ ކަމަށް އޭނާ ވިދާޅުވި އެވެ. އަދި ހުއްދަ ދިނުމުގައި އެތައް މަސްތަކެއްވާ ކަމަށް ދެކެވޭ ވާހަކަތައް މިނިސްޓްރީގެ އޮފިޝަލަކު ވަނީ ދޮގު ކުރައްވައިފަ އެވެ.
"ޓްރެފިކަށް ދަތިނުވާ ގޮތަށް ވީހާވެސް ބޮޑަށް ބަލާފައި ހުއްދަ ދޭނީ. --އޮފިޝަލް
އެމްއާރުޑީސީގެ މެނޭޖިން ޑިރެކްޓަރު އިބްރާހިމް ނަޒީމް ވިދާޅުވި ގޮތުގައި މާލޭގެ މަގުތައް ކޮނުމުގެ މަސައްކަތް މިހާރު ކުރަނީ ހަމައެކަނި ސްޓެލްކޯ އާއި އެމްޑަބްލިއުއެސްސީގެ ބޭނުންތަކަށެވެ. އަދި އެހެން ކުންފުނިތަކުގެ ބޭނުންތަކަށް މަގު ކޮންނާނީ ހައުސިން މިނިސްޓްރީން ކަމަށް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހްމަދު
02 June 2016
ބެއްޔާ! ބުނަންތަ ވާހަކައެއް މާލޭގައި އަލަށް އިމާރާކުރާ ތަނެއްފިޔަވައި ދިރާގު،އުރީދޫ/މީޑިއާނެޓް،ރާއްޖެއޮންލައިން ކޭބަލް ނާޅާ އިމާރާތެއް ނުހުންނާނެ އެތަންނަނުގައި ހުންނާނީ ސްޕްލިޓްކުރެވޭގޮތަށް ނުވަތަ އިތުރަށް ކޭބަލް ކަނެކްޓްކުރާފަރާތްކަށް ފަސޭހަވާނެގޮތަށް ކޭބަލްއަޅާފަ!
ބެއްޔާ8
02 June 2016
މާލޭގެ މަގުތަށް އޮމާންވެފަ ރީތިކަމުން ދޯ އެހާފަސޭހައިން ހުއްދަ ނުދެނީ؟ މާލެ މަގުތަށް ހީވަނީ ހަމަ ލަންޑަން ނުވަތަ ޕެރިސްގެ މަގުތަށް ހެން. އެހާވެސް އޮމާންވެފައި ލޮލައް ފަސޭހަ ހިތްގައިމު ކަމުން. ޕަކާސް.
ާޢަހޫ
02 June 2016
މިއީ ސަރުކާރުގެ ސަލާންޖެހުމުގެ ސިޔާސަތުގެ ތެރެއިންވާގޮތް.......
ކަޅު މުހައްމަދު
02 June 2016
ސޭކުސްތާންގަ ތިކަހަލަ ކަންކަން ހިނގުމަކީ ނުވެ ނުދާނެ ކަމެއް. މުއިޒް ކޯޕަރޭޝަންގެ ހިދުމަތް ތީ.
މިނިވަން ޚިޔާލް
02 June 2016
ޢާއްމުންނާއި ގުޅުންހުރި ޚިދްމަތްތަށް ވީހާވެސް ލުއިފަސޭހަކޮށް ދެވޭނެގޮތް ރާވަންޖެހޭ. ފޮޓޯއިން ފެންނަން އެހެރީ ރޯޑް މީހުންގެ މަސައްކަތްތެރިކަން. ކާނުނަގަން އެގެންގުޅެނީ އުދައްޔާއި ކައްޓި. ކާނުނަގާނިމޭއިރު ކޮންމެ ދެކާނަކުން އެއްކާނު އޮންނާނީ ހަލާކުވެފަ.
އައްޓަމަސް
02 June 2016
ދެންއެމީހަކު ބޭނުންވާހާތަނެއް ކޮނެވެންވީތަ؟ ހުއްދަނެތިވެސް؟! ޖެހިގެންހުރި އިމާރާތްވެސް ކޭބަލްއަޅާމީހުންނަށްޓަކާ ނުހަދާބަހައްޓަންވީތަ؟! ސަރުކާރުން މަގުހަދަންވީ ވިޔަފާރިކުންފުނިތަކުން ކޮނެ މަގު އޮއްވަޅުގޮނޑިއަކަށްބަދަލުކޮއްލާފައި ދާންވީ! އަހަރެމެންގެ ރާއްޖެގައި އަވަސްދޯ ކަރަންޓާއެއްޗެހި ލިބޭލެއް!؟ ބަލާބަލަ ކައިރި ގަވްމުތައް 2 މަސްނަގަފާނެ ފޯނުލައިނެއް ގެޔަށްވައްދަން! ދިވެހިންގެ ޝަކުވާހުހެއްނުވާނެ ފަހުދުވަހުންވެސް އެންމެ ޝަކުވާބޮޑުބަޔަކށް ދިވެހިންވާނެކަން ޔަގީން
ސާކާސްޓިކް
02 June 2016
އެއީ ތެދެކެވެ. ކައިރި ޤައުމުތަކުގައި ފޯން ލައިނެއް އަޅަން 2 މަސް ނަގާއިރު އަހަރެމެންފަދަ ބޯޖަންގަލިތަކާއި އުސް ފަރުަބަތައް އަދި ލޮލުކޮޅަށް ނުފެންނަހާ ބިޔަ ބޮޑެތި ސިޓީތަކާއި ރަށްތައް އަދި ކޮންމެ ދެގެއެއްގެ ދެމެދުގައި ކުޑަ ފޮރެސްޓެއް އޮންނަ މި ބިޔަ ބޮޑެތި ވާދީތަކުން ފުރިފައިވާ ޤައުމުގައި އެއަށް ވުރެ ގިނަ ދުވަސް ނަގާފާނެއެވެ. އެހެނެއް ކަމަކު ކޮންމެ ދެގެ ދޭރެއެއްގައި ކަރަންޓް ބޮކްސް އެއް ހުންނަ ކުދިކުދި އަވައްްޓެރި ޤައުމުތަކުގައި އެހައި ގިންދުވަސް ނަގަންޖެހޭ ހެއްޔެވެ.
ގުއިކަސްޓިކް
02 June 2016
"ސާކާސްޓިކް" މޮޅު ވާހަކަ ނުދައްކާ. ތިބުނާ ގައުމުތަކުގައި ކޮންނަން ގެންގުޅެނީ އުދެއްޔެއްވެސް ނޫން. ކޮންނަން ތިބެނީ ދެބަންގާޅީންނެއްވެސް ނޫން.
ރަދީފް
02 June 2016
''ހުއްދަ ދިނުމުގައި އެތައް މަސްތަކެއްވާ ކަމަށް ދެކެވޭ ވާހަކަތައް މިނިސްޓްރީގެ އޮފިޝަލަކު ވަނީ ދޮގު ކުރައްވައިފަ އެވެ.'' ކަނޑައެޅިގެން އިތުރުފުޅެއް. މާފަންނު ގެއެއްގަ ޕެނަލް ބަހައްޓަން ކޭބަލްގެ މަގު ހޯދަން އެދިފައޮންނަތާ 45 ދުވަސް. އަދިވެސް ހަމަ ކުރިއަކަށް ނުދޭ. ތިޔަ މިނިސްޓްރީގެ އާންމު ހިދްމަތްތަކާބަހޭބައި އެއީ ތަނެއްތަ؟ އޭ4 ގަނޑެއްގަ 4 ލައިން ފުރާފަ އޮންނަ ފޯމެއް ކޮމްޕިއުޓަރުން ފުރާލަން އެތާ އިންނަ މަންޖެ ނަގާނެ 15 މިނިޓް. މިހާވަރުން ކިހިނެތް ކަމެއް ކުރާނީ. އެމްއާރްޑީސީ ވެސް އަދި ހައުސިންގ މިނިސްޓްރީގެ އާންމު ހިދަމަތްތަކާބެހޭ ބައިވެސް ވަނީ ފެއިލްވެފަ. ވެރިން މަ ގިނަ ވެއްޖެ އިދާރާއެއްނަމަ ފެއިލްވާނެ. އާންމު ހިދަމަތްތަކާބެހޭ ބައިގަ ހުންނަ ހުއްދަތަކުގަ ވެރިޔާ ޖެހޭނެ ސޮއިކުރަން . ހެޔޮ އެއީ ބޯޑް ކުއްޔައްދޫކުރާ ފޯމެއްނަމަވެސް. މިކަންތައް ވަރަށް ގާތުން ތަޖުރިބާ ކުރާމީހެއްގެ ހައިސިއްޔަތުން މިކޮމެންޓް މިލިޔުނީ. އެއްވެސް ދޮގެއް މިކޮމެންޓްގަ ނެތް. ވ.ވެދުން
ނޫސަމާ
02 June 2016
45 ދުވަހަކީ 1 މަހާއި 15 ދުވަސް. އެހެންވީމާ އެތައް މަސްތަކެއް ނުވޭ ދޯ.
ބަސްފޮތް
02 June 2016
އެހެން ކޮމެންޓްތަކުގައި ހުސް ދޮގުތަ ލިޔަނީ؟
މުޙައްމަދު
02 June 2016
ރަދީފޫ،، "ލަދު ކޮބާ" މި ޖުމްލަ ކޮބާ؟؟؟؟؟
ރަދީފް
04 June 2016
އެބުނާހެން ލަދުކޮބާ ؟؟؟
ރަދީފް
04 June 2016
އެކުވެރި ބަސްފޮތަށް ވެދުން ސަލާމް. އެހެން ކޮމެންޓަތަކުގަ ދޮގު ވާހަކަ ހުރި ވާހަކައެއް ނުބުނަން. ނަމަވެސް ، ނަމަވެސް އެކަމެއް ތަޖުރިބާ ކުރާމީހަކަށް ވަރަށް ރަނގަޅަށް ކަމުގެ ހަގީގަތް އިނގޭނެދޯ. އެންޓާޓިކާއަށް ނުދާ މީހަކު ކިތަންމެވަރަކަށް އެތަން ނުފެންނަ މީހަކަށް ސިފަކޮއްދިނަސް އޭނަބުނާއެއްޗެއް ގަބޫލުކުރާނެ. ތެދުދޮގު ވަކިނުކުރެެވޭނެ. ވ.ވެދުން
ޒިންމާދާރް
02 June 2016
ހަގީގަތުގައިވެސް މިކަމަކީ ކޮންމެބަަޔަކު ކުރިކަމުގައިވިޔަސް އާންމުންނަށް ބޮޑުތަކުލީފަކާއި ގެއްލުންތަކެެއްލިބެމުންދާކަމެއް. ތިން ހަތަރުމަސް އެބަވޭ ހަބަރެއްނުވެ ކޭބަލް ވަޅުލޭވޭނެދުވަހެއްވެސް ނޭންގި. ޢެމްއާރޑީސީއަށް ދުވާލަކު އެއްފަހަރު ގޮސްގެންވެސް ކޮންދުަވަހަކުންތޯ ކޮށްދެވޭނީވެސް ޖަވާބެއްނުލިބޭ. ޙިދްމަތުގެ ފެންވަރު އިހުނަށްވުރެ ހާސްތަން ނުބައިވެއްޖެ. ގޭގޭގެވެރިން ބޮޑެތިއިންޓަރަސްޓައިއެކު ލޯނުނަގައިގެން ގެހަދާފައި ހަތަރު ފަސްމަސްއެބަވޭ ސްޓެލްކޯއިން އެމްއާރޑީސީއަށް ހުރަސްބަލާ ކޭބަލްގެދިގުމިންދޭން. އަނެއް 5 މަސް ކޭބަލް ވަޅުލާން. ދެންގޭގެވެރިމީހާ ލޯނުނުދެއްކި ކުއަޔަށްނުދެވި އެތަށްގެއްލުންތަކެއްއެބަވޭ. ގެއެއްގައި ކަރަންޓު މައްސަލައެއްދިމާވެގެން ސްޓެލްކޯއިން ވަގުތީކޭބަލެއް ލެވެނީވެސް އެމްއާރޑީސީމެދުވެރިކޮށްގެން އާރޖަންޓު ހާލަތުގައިވެސް ކަރަންޓެއްމިހާރަކުނުދެވޭ. އެމްއާރޑީސީއަކީ މިކަމުގައި ރައްޔަތުންނަށް އޮތްމުސީބާތެއް. ސަރުކާރުން މިކަންކުރުމަށް މިނޫން އިންތިޒާމްތަކެއް ހަމަޖައްސަވައިދެއްވުން އެދެމެވެ.
ގޮހޮޑާ
02 June 2016
މާލެއިން އެންމެން ފައިބަންވީ!
އަލިދީދީއައްޑޫސިޓީ
02 June 2016
ހުރިހާ ކަމެއްވެސް ކުރީގައި އޮތްގޮތަށް ބަދަލުވަނީ. އެހެންވީމާ ފޯނު ނަރު ކަރަންޓު ނަރު މަގުމަތީ ހޮޅި ދަނޑި ޖަހާފައި މަތިން ދަމަންވީ. އޭރަކުން ކޮންނާކަށް ނުޖެހޭނެ. އަދި މިހާރު އުސް އިމާރާތްތައް ހުރީމަ ކޮންމެހެން ހޮޅި ދަނޑި ނުޖެހިޔަސް އެއްގެއިން އަނެއް ގެއަށް ވާދެމިދާނެ.