އަލިފާން ރޯވެ އަނދަމުން ދަނީ: މި ހާދިސާގައި ހަތަރު ގުދަނާއި ހަ ގެއެއް އަނދައި ހުލިވި. --ފޮޓޯ: ހުސެއިން ވަހީދު/މިހާރު
22 ސެޕްޓެމްބަރ 2019 - 12:24
170 comments
ހ. ތިލަފުށިގޭގައި އަނދައިގެން ދިޔަ ކެމިކަލް ގުދަނަކީ ކަރަންޓް ވެސް ހުންނަ ތަނެއް ނޫން ކަމަށާއި އަދި އެތަނަކީ އަމިއްލަ ޒާތުން އަލިފާނުގެ ހާދިސާއެއް ހިނގައިގެން ވާނެ ތަނެއް ނޫން ކަމަށް އެ ގުދަނުގެ ވެރިފަރާތް، ގްރީންޕާތު ކުންފުނިން މިއަދު ބުނެފި އެވެ.
މާލޭގައި މިހާތަނަށް ހިނގި އަލިފާނުގެ އެންމެ ބޮޑު ހާދިސާ، މިދިޔަ ހުކުރު ދުވަހުގެ ރޭ ހިނގީ އެ ގުދަނުގައި ރޯވެގެން ކަމަށް އެމްއެންޑީއެފުން ވަނީ ބުނެފަ އެވެ. ބާރު ގޮވުންތަކަކާ އެކު އެތަނުގައި ރޯވެ، ފެތުރުނު އަލިފާން ނިންވާލެވުނު އިރު އެކަކު މަރުވެ، ހަތަރު ގުދަނާއި ހަ ގެއެއް ވަނީ އަނދައި ހުލިވެފަ އެވެ. ގެތަކުގައި ދިރިއުޅުނު 400 އަށް ވުރެ ގިނަ މީހުން ވަނީ ހާލުގައި ޖެހިފަ އެވެ.
އެ ހާދިސާގައި މަރުވީ ކެމިކަލް ގުދަން ކުރިމަތިން ހުރި ރަދުވާނިއާ ގޭގެ ތިން ވަނަ ފްލޯގައި ދިރިއުޅުނު ތ. ބުރުނީ، ފެންފިޔާޒުގޭ، އައިޝަތު ޝައުނާ، 47، އެވެ.
ތޮއްޖެހުން ބޮޑު އަބަދަށްފެހި މަގުގައި އަލިފާނުގެ ހާދިސާއެއް ހިނގިއިރު އެހާ ކުޑަ ސަރަހައްދެއްގައި އެކަނި ވެސް ހަތަރު ގުދަން ހިންގި އެވެ. އާއްމުން ދިރިއުޅޭ ތަންތަނުގައި ކެމިކަލް ގުދަންކުރާތީ ކަމާބެހޭ އިދާރާތަކަށް އަމާޒުވެފައިވާ ފާޑުކިއުންތަކާ އެކު، ރޯވި ގުދަން ހިންގާ ކުންފުންޏާ މެދު ވެސް ވަނީ ނުރުހުން އަމާޒުވެފަ އެވެ. އެ ހާދިސާގައި އެ ކުންފުނީގެ އިހުމާލު ބޮޑު ކަމަށް ބުނެ ސޯޝަލް މީޑިއާގައި ދަނީ ފާޑުކިއަމުންނެވެ.
މާލޭ ސިޓީ ކައުންސިލުން ބުނިގޮތުގައި ކެމިކަލް ގުދަން ހިންގުމުގެ ހުއްދަ ގްރީންޕާތަށް ދޫކޮށްފައި ވަނީ 2016 ގަ އެވެ.
އަލިފާން ރޯވެ ގެތައް އަނދައި ހުލިވެފައި. --ފޮޓޯ: ހުސެއިން ވަހީދު/މިހާރު
އެ ކުންފުންޏަށް "މިހާރު" އިން ގުޅުމުން އެތަނުގެ އޮޕަރޭޝަންސް މެނޭޖަރު އިބްރާހިމް ނަޝީދު ވިދާޅުވީ އެ ގުދަނުގައި ރޯވަން ދިމާވި ސަބަބެއް އަދި އެނގިވަޑައިނުގަންނަވާ ކަމަށެވެ. އެތަނަކީ އަމިއްލަ ޒާތުގައި އަލިފާން ހިފާނެ ތަނެއް ނޫން ކަމަށާއި ކަރަންޓް ޝޯޓަކުން ވެސް އަލިފާން ރޯވުމުގެ ފުރުސަތެއް ނޯންނާނެ ކަމަށް ވިދާޅުވި އެވެ.
"ގުދަނަށް ކަރަންޓް ބޭނުން ވެއްޖެ ނަމަ ޖެހިގެން ހުރި ގުދަނުން ވާގަނޑަކުން ކަރަންޓް ގެންނަ ތަނެއް އެއީ،" އޭނާ ވިދާޅުވި އެވެ.
އެ ގުދަނުގައި ރޯވެ އެކަކު މަރުވެ، ގިނަ ބަޔަކަށް ގެއްލުވުމުން ހިތާމަކުރައްވާ ކަމަށް ނަޝީދު ވިދާޅުވި އެވެ.
އޭނާ ވިދާޅުވި ގޮތުގައި ހާދިސާގައި އެ ކުންފުންޏަށް ވެސް ލިބުނީ ވަރަށް ބޮޑު ގެއްލުމެކެވެ. އެކަމަކު އެއީ ކިހާ ވަރެއްގެ ގެއްލުމެއް ކަމެއް އަދި ސާފުނުވާ ކަމަށް ވިދާޅުވި އެވެ.
ގުދަނުގައި ހުންނާނީ ޕޫލް ކެމިކަލާއި ޑިޓަޖެންޓާއި ސޮފްޓްނާ ފަދަ ތަކެތި.
ތިލަފުށިގެއާ ޖެހިގެން ހުންނަ މާޓިން ގޭގައި ހިންގާ ކޯލްޑް ސްޓޯރޭޖު ވެސް ވަނީ އަނދައި ހުލިވެފަ އެވެ. އެއީ ވެސް ގްރީންޕާތުގެ ވެރިފަރާތުގެ ހިއްސާ އޮންނަ ތަނެކެވެ. ފިނިކުރި ކުކުޅާއި ތަރުކާރީ ފަދަ ތަކެތި ބަހައްޓާ އެ ގުދަން ހިންގަނީ ފިނޯ ކުންފުނިންނެވެ. އޭގެ އިތުރުން ވެސް ގްރީންޕާތުގެ މެނޭޖްމަންޓުގެ ދަށުން އެހެން ދެ ކުންފުންޏެއް ހިންގަ އެވެ. އެއީ، އެންޝުއާ އާއި ވޯޓާޑިވިޝަނެވެ.
ސަރުކާރުގެ އިދާރާތަކުން ބުނިގޮތުގައި ތިލަފުށިގޭގައި ގްރީންޕާތުން ހިންގާ ގުދަނަށް ހުއްދަ ދިނީ ހައުސް ހޯލްޑް ނުވަތަ ގޭތެރޭގައި ބޭނުންކުރާ އެކި ޒާތުގެ ކެމިކަލް ރައްކާކުރާށެވެ. އޭގެތެރޭގައި އިންޑަސްޓްރިއަލް ކެމިކަލް ނުހިމެނެ އެވެ.
ނަޝީދު ވިދާޅުވި ގޮތުގައި އެ ގުދަނުގައި ރައްކާކުރަނީ ޕޫލަށް އަޅާ ކެމިކަލާއި ލޯންޑްރީ ކެމިކަލްގެ ތެރޭގައި ހިމެނޭ ޑިޓަޖެންޓާއި ސޮފްޓްނާ ފަދަ ދިޔާ ތަކެއްޗެވެ.
"ކޮންމެ އަހަރަކު ހުއްދަ އާ ކުރާ ތަނެއް. ޑިފެންސް މިނިސްޓްރީން ގަވާއިދުން އިންސްޕެކްޓް ކުރާ ތަނެއް. އެންމެ ފަހުން ހުއްދަ އާ ކޮށްފައި ވާނީ މި އަހަރުގެ މެއި މަހުގެ ތެރޭގައި، އެ ހުއްދަ ހަމަވާނީ އަންނަ އަހަރުގެ މެއި މަހު،" ނަޝީދު ވިދާޅުވި އެވެ.
"ގަވައިދަށް ނުފެތޭ އެއްވެސް ކަމެއް ނުހުންނާނެ."
އޭނާ ވިދާޅުވި ގޮތުގައި ޑިފެންސް މިނިސްޓްރީން އެންމެ ފަހުން ޗެކްކުރި އިރު ވެސް ހުރިހާ ކަމެއް ހުންނާނީ ގަވާއިދާ އެއްގޮތަށެވެ. ގަވާއިދާ ޚިލާފަށް ނުވަތަ ހުއްދައާ ޚިލާފުވެގެން ވަކި ކަމެއް އިސްލާހުކުރާކަށް ވެސް އަންގާފައި ނުވާ ކަމަށް ވިދާޅުވި އެވެ.
ނަޝީދު ވިދާޅުވި ގޮތުގައި 2،000 އަކަ ފޫޓުގެ ގުދަނުގައި ރޯވި ފަހުން އެ ކުންފުންޏަށް ވެސް ގުދަނާ ކައިރިއެއް ނުވެވެ އެވެ. ހުއްދަ ލިބުނީ އެންމެ ފަހަރަކު، އިންޝުއަރެންސް ކުންފުންޏަށް ކަމަށް އޭނާ ވިދާޅުވި އެވެ.
އަބަދަށްފެހި މަގުގައި ހުރި އިމާރާތްތަކުގައި ރޯވެ އަނދަމުންދާ އިރު އަލިފާން ނިންވުމަށް ސިފައިން މަސައްކަތް ކުރަނީ. --ފޮޓޯ: ހުސެއިން ވަހީދު/ މިހާރު
އާއްމުން ދިރިއުޅޭ ސަރަހައްދުގައި ގުދަންތައް ބެހެއްޓުމަކީ ނަޝީދު ވިދާޅުވި ގޮތުގައި އެ ކުންފުނިން ވެސް ކަންބޮޑުވާ ކަމެކެވެ. އެ ވާހަކަ، މި އަހަރުގެ ތެރޭގައި އެންމެ ފަހުން އެމްއެންޑީއެފްއާ އެކު ބޭއްވި ބައްދަލުވުމުގައި ވެސް އެ ކުންފުނިން ބުނެފައިވާނެ ކަމަށާއި އޭރު ޕޮލިސީއެއް ކަނޑައަޅަމުން އަންނަ ކަމަށް އެތަނުން ބުނެފައިވާ ކަމަށް ނަޝީދު ވިދާޅުވި އެވެ.
"އަޅުގަނޑުމެންނަށް ތިލަފުށިން ބިމެއް ދޭން އެދި ސިޓީ ވެސް ހުށަހަޅާފައި އޮންނާނީ،" އޭނާ ވިދާޅުވި އެވެ.
ގުދަނުގައި ރޯވި ގޮތް ފުލުހުންނާއި އެމްއެންޑީއެފުން އަންނަނީ ތަހުގީގު ކުރަމުންނެވެ. ޒިންމާވާން ޖެހޭ ފަރާތެއް އެނގޭނީ އެ ތަހުގީގުން ކަން ގްރީންޕާތުން ވެސް ފާހަގަކުރި އެވެ.
މި ހާދިސާއާ ގުޅިގެން ސަރުކާރުން ވަނީ ހުރިހާ ގުދަންތަކެއް މާލެ އިން ބޭރުކުރަން ނިންމައިފަ އެވެ. ކެމިކަލް ރައްކާކުރުމަށް ތިލަފުށިން އިމާރާތްތައް ދޫކުރާނެ ކަމަށް ތިލަފުށި ކޯޕަރޭޝަނުން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޣޣ
24 September 2019
ތަހުގީގުކުރާތީ ކަންބޮޑެއް ނުވޭ... މަހުޖަނެއްގެ އިހުމާލު ދިފާއުކުރަން މިހާރު އޮންނާނީ ކޮންމެވެސް ބޮޑަކާއި ގުޅިފައި.... ދެން އަނެއްކާ ގުދަނުގަ ހުރި ކެމިކަލްގެ ބާވަތް ޔަގީންނުކުރެވެނީސް އެހެންކަމަކަށް ފޫޅު ކަނޑާފަ ދިމާއަށް ފެންނަން އޮތް ކަންތަކާ އަޅާނުލީމަ ދުވަހަކު ހައްލެއް ނުލިބޭނެ.... މި ހިތާމަވެރި ހާދިސާ ހިގުމިގަ ގަރާޖުގެ ވެރި ފަރާތުގެ އިހުމާލު އެބައޮތް.... ސިގިރޭޓް ބޮއިފަ ނިއްވާނުލާ ސައިކަލް ދަށަށް އުކާ މީހުންގެ މައްސަލަ ވެސް އެބަ އޮތް....
އިންޓެލިޖެންސް
23 September 2019
ތިތަނެއް ގޮވީ ނުވަތަ ރޯވީ ޓެރަރިސްޓް ގުރޫޕްގެ ނަންތައް އިއުލާން ކުރިފަހުން. އަލިފާން ރޯވި ގޮތަށް ބަލާއިރު ސުވާލު އުފެދޭ އެތައްކަމެއް އެބަހުރި.
ގުދަން.
23 September 2019
މިހާރަކަށް އައިސް ސަރުކާރުންވެސް ޒިންމާ އުފުލުމުގެ ބަދަލުގައި އެ ޒިންމާތަށް އެހެންމީހުންގެ ބޮލުގަ ޒިންމާ އަލުވަނީ . މީޑިޔާ ތަށް މަސައްކަތްކުރަނީ ގިނަލާރިދޭ ފަރާތެއްގެ މައްސަލަތައްފޮރުވާ އެފަރާތްތައް ޕްރޮމޯޓް ކުރަން. މިއޮއްޒަމާނެއްދޯ؟
މުބީނު މާރނީ
23 September 2019
ލަންކާ ގައި ބޮންތައް ގޮއްވާ ޖާނުން ފިދާވީ ވެސް ބަޔަކު ފައިސާ ދީގެން ކަމަށް ބެލެވޭ !
ކެމިކަލް
23 September 2019
ތި ގުދަނުގައި ކަރަންޓެއްނެތް. އެހެންވެއްޖެއްޔާ ގުދަނުގަ އުފެދޭ އުދާސްތައް ބޭރުކުރުމަށް ފިއުމް ހުޑެއްނުހިންގޭނެ. ރޯވިސަބަބު ނޭގުނަސް ގުދަނުގެ ތެރޭގައި އުފެދޭ ވެކިއުމް ބޭރުނުކުރެވޭކަމަށްވަންޏާ ދެންވާނެގޮތެއް އެގޭނީ ސިފައިންނަށް.
ރިޔާޒް
23 September 2019
ރޯނު އެދުރު. ރޯ ކެމިކަލް ގެންގުޅޭ ތަނެއް ނޫން އެއީ.
ާއުނިމާ
23 September 2019
މަގުމަތީ ސިގިރޭޓު ބުއިން މަނާކުރަންވީ
ދަނޑިފު
23 September 2019
ގޭގޭގަ ކެއްކުން މަނާ ކުރަންވީ ނޫންތޯ އިހަށް
ގެދާނޯމޮސް
23 September 2019
ގުދަނުގައި ބެހެއްޓި އެއްޗެއްގެ ސަބަބުން ކަމުގަ ފެތުރޭ އަޑުނީވެނީ ކީއްވެގެން ހެއްޔެވެ.
މޮގޮމްބޯ
23 September 2019
އަލިފާނަކީ އޭގައި ވަރަށް ގިނަ ހިކުމަތްތައް އެކުލެވޭ އެއްޗެކެވެ. އަޅެފަހެ އެއިން އިބުރަތް ހާސިލު ނުކޮށް ކަލޭމެން ޖަދަލު ކުރަނީ ބާ! ހަމަ ކަށަވަރުން އަލިފާން ކަލޭމެންގެ މައްޗަށް ވެރިވެގަނެފުމަށް ދާންދެން ކަލޭމެންނަ އެއިން ސަލާމަތް ވާނެ މަގުވަނީ ދައްކާފައެވެ.
ޢިބޫ
23 September 2019
ވަރައް ގިނަ މީހުން އެބަ ތުހު މަތުކުރޭ މީހަކު ރޯކޮއްލީ ކަ މަށް
އިއްސޭ
23 September 2019
އެންމެން ހޭބޯނާރާ ކޮމެންޓުކޮށް މޮޅެތި ގޮތްކިޔާނެ، ތިމަންނެންގެ އަމަލުތައް ހުރީ ކިހިނަކުންތޯ ބަލަމާ ހިންގާ، ސިގިރެޓް ބޮއެފަ ދުންފޮނުވަނީ މީހުންގެ ގަޔަށް، ކަނިގަނޑުއެއްލާލަނީ މަގުމައްޗަށް، ހުސްފޮށި އަދި ސްޕާރީ ޕަކެޓްގެ އެއްލާލަނީ މަގުމައްޗަށް.