ތިލަފުށީގައި ހެދި ކެމިކަލް ގުދަން. -- ފޮޓޯ: އެސްޖޭ ކޮންސްޓްރަކްޝަން
18 ނޮވެމްބަރ 2019 - 16:54
24 comments
ނުރައްކާތެރި ކެމިކަލްތައް ރައްކާކުރާ ގުދަންތައް ތިލަަފުށްޓަށް ބަދަލުކުރުމަށް ތިލަފުށީގައި ގުދަންތަކެއް އަޅަން ގްރޭޓާ މާލެ އިންޑަސްޓްރިއަލް ޒޯން ލިމިޓެޑް (ޖީއެމްއަައިޒެޑްއެލް) އިން އެސްޖޭ ކޮންސްޓްރަކްޝަން ކުންފުންޏާ ހަވާލުކުރީ ކުރިން އަންދާޒާކޮށްފައިވާ ވަރަށް ވުރެ، ބޮޑު އަގަކަށް ކަމަށް އެންޓިކޮރަޕްޝަން ކޮމިޝަން (އޭސީސީ) ން ބުނެފި އެވެ.
ރައްޔިތުންގެ މަޖިލީހުގެ ސްޓޭޓް އޯންޑް އެންޓަޕްރައިޒް ކޮމިޓީ (އެސްއޯއީ ކޮމިޓީ) އަށް އޭސީސީން ފޮނުވި ސިޓީއެއް ގައި ބުނެފައި ވަނީ ގުދަންތައް އަޅަން އެސްޖޭ ކޮންސްޓްރަކްޝަނާ ހަވާލުކޮށްފައި ވަނީ އެ މަސައްކަތް އެ އަށް ވުރެ ހަތަރު މިލިއަން ރުފިޔާ އަގުހެޔޮކޮށް ކުރުމަށް އެހެން ކުންފުންޏަކުން ހުށަހަޅާފައި ވަނިކޮށް ކަމަށެެވެ.
ސިޓީގައި ބުނެފައިވާ ގޮތުން، އެސްޖޭ ކޮންސްޓްރަކްޝަނުން ހުށަހެޅި އަގު، ޖީއެމްއައިޒެޑުން އަންދާޒާ ކުރި އަގަށް ވުރެ ބޮޑެވެ. ގުދަންތައް ހަދައި ނިންމަން ޖީއެމްއައިޒެޑުން އަންދާޒާ ކުރީ 7.7 މިލިއަން ރުފިޔާ އެވެ. އެކަމަކު އެސްޖޭ ކޮންސްޓްރަކްޝަންގެ އަގަކީ 9.5 މިލިއަން ރުފިޔާ އެވެ.
ބިޑް އިވެލުއޭޝަންގައި ދެވަނަ އަށް ދިޔަ އޭޖޭއީ ކޯޕަރޭޓް ޕްރައިވެޓް ލިމިޓެޑުން ހުށަހަޅާފައި އޮތީ 4.3 މިލިޔަން ރުފިޔާގެ އަގަކަށް އެ މަސައްކަތް ކުރުމަށެވެ. އެކަމަކު އެ ކުންފުންޏަށް، މަސަައްކަތުގެ މުއްދަތުން ލިބުނު ޕޮއިންޓް އެސްޖޭ އަށް ލިބުނު ވަރަށް ވުރެ މަދެވެ.
އޭސީސީގެ ސިޓީގައި ބުނެފައި ވަނީ ޖީއެމްއައިޒެޑްއެލް އިން އެސްޖޭ ކޮންސްޓްރަކްޝަނާ މަސައްކަތް ހަވާލުކުރީ އެކަން މަޑުޖައްސައިލަން އެ ކޮމިޝަނުން އެ ކުންފުންޏަށް އަަންގާފައި ވަނިކޮށް ކަމަށެވެ.
ތިލަފުށި ބަލަހައްޓާ، ޖީއެމްއައިޒެޑްއެލް އިން ކެމިކަލް ގުދަންތައް ހަދަން އެސްޖޭ ކޮންސްޓްރަކްޝަނާ ހަވާލު ކުރީ 9.5 މިލިއަން ރުފިޔާ އަށެެވެ.
"އެއީ މެނޭޖްމަންޓްގެ ނިންމުމާ ދެކޮޅަށް ބޯޑުން ފާސްކުރި ނިންމުމެއް،" ޖީއެމްއައިޒެޑްއެލްގެ މެނޭޖިން ޑިރެކްޓަރު އިބްރާހީމް ރަޝީދު (އިބޫ) ވިދާޅުވި އެވެ.
އެނގިފައިވާ ގޮތުގައި، އެ ނިންމުން ފާސްކުރީ ބޯޑުގެ ތިން މެމްބަރުންގެ އަޣުލަބިއްޔަތުންނެވެ.
ޖީއެމްއައިޒެޑްގެ މެނޭޖްމެންޓުން ބިޑް އިވެލުއޭޓްކޮށް އޭޖޭއީއާ މަަސައްކަތް ހަވާލުކުރަން ނިންމި ލިއުމާއި އޭގެ ފަހުން ކުންފުނީގެ ބޯޑުން ފާސްކުރި ރިޒޮލިއުޝަން ވެސް "މިހާރު"އަށް ވަނީ ލިބިފަ އެވެ. ޖީއެމްއައިޒެޑްގެ މެނޭޖްްމަންޓުން ބިޑް އިވެލުއޭޓް ކުރި ލިއުމުން އެނގޭ ގޮތުގައި ބިޑް އިވެލުއޭޝަންގައި އެންމެ މަތީ މާކްސް ލިބުނީ އެސްޖޭ ކޮންސްޓްރަކްޝަނަށެވެ. އެކަމަކު އެ ކުންފުނިން ހުށަހަޅާފައި ވަނީ އަންދާޒާކޮށްފައިވާ ވަރަށް ވުރެ މާ ބޮޑު އަގަކަށް ކަމަށް ވާތީ ބިޑް ކޮމިޓީން ނިންމީ ދެވަނަ އަށް ދިޔަ އޭޖޭއީއާ މަސައްކަތް ހަވާލުކުރާށެވެ.
އެކުންފުނިން މިހާރު ވަނީ ގުދަންތައް އިމާރާތްކޮށް ނިންމައި ޖީއެމްއައިޒެޑްއެލްއާ ހަވާލުކޮށްފަ އެވެ.
ތިލަފުށީގައި ކެމިކަލް ގުދަން ހެދުމުގެ މަސައްކަތް އެސްޖޭއާ ހަވާލު ކުރީ މިދިޔަ އޮކްޓޯބަރު މަހު އެވެ.
އެއް ލައްކަ އަކަފޫޓުގެ ބޮޑު ބިމެއްގައި ގުދަންތައް ހެދީ ބޮޑު އެއް އިމާރާތެއްގެ ގޮތުގަ އެވެ. ގުދަންތައް ވަކި ކޮޮށްފައި ވަނީ ކާގޯ ކޮންޓެއިނަރު ބަހައްޓައިގެންނެވެ. އެ މަސައްކަތް ހަވާލުކުރަން ޖީއެމްއައިޒެޑްއެލް އިން އެންމެ ފުރަތަމަ ނިންމީ އިއުލާން ކުރުމެއް ނެތި އެވެ. ނަމަވެސް ގިނަ ބައެއްގެ ފާޑުކިޔުންތަކާ އެކު އެންމެ ފަހުން ވަނީ ގުދަންތައް ހަދައިދޭނެ ބަޔަކު ހޯދަން އާއްމުކޮށް އިއުލާން ކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަޖީހު
22 November 2019
މިހާރު މާކުރީގަ މިހާރުގެ ވިސްނުމަކީ ކުރިން ކުރި ހޯދުން
ޢިބްރާ
19 November 2019
ޢެންމެ މަތިން މަރކްސް ލިބުނު މީހުނަށް ދޭ ގޮތަށް އޮތްއެއްޗެއް ކިތަންމެ އަގުހެޔޮވިއަސް އެނޫންގޮތަކަށް ދެވިގެން ނުވާނެ. ޥަރަށް ސާފު.. އޭސީސީ މީހުންގެ ފެންވަރު މީގެން އެބަ އިގޭ.. އަގަކީ.މުއްދަތާއި ކޮލިޓީއަށް ބަލާފަ ބދަލުވާ އެއްޗެއް.. އިވެލުއޭޓް ކުރުމުގެ ބޭނުމެއްވެސް ނެއްތާ... އެެއްޗެއް ނެރެންވެގެން ހަމަނެރުނަކަސް ނުވާނެ..
ހަސަނަބޭ
19 November 2019
ތިކަން ތިގޮތަށް ނެތެކޭ ނުބުނާނަމެވެ. އެކަމަކު ވާދަވެރިންނާއި ޖެއްސުމަށް އަގުދަށްކޮށް ނުވަތަ މަތިކޮށް ހުށަހަޅާފައި އެބަހުއްޓެވެ. ތިފަދަކަމަކަށް އަގުކުރާނީ ދަށެވެ. މުއްދަތު ކުރާނީ އިތުރެވެ. ކަންވިޔަސްނުވިޔަސް އެމިހުނަށް އެއީ މައްސަލައެއްނޫނެވެ. ބިމެއްނަމަ އާދަވެގެންކުރަނީ އަގުކުރަނި ބޮޑެވެ. ޙާޞިލްކުރަންބޭނުންވާ ކަންކަން ނުވިނަމަވެސް އެއީ މައްސަލައެެއްނޫނެވެ. މިކަމުގައި ތިތަންނިމިޖެތާއެވެ! ތިކޮމެޓީ މިފަދަކަންކަމަށް ވިސްނާނަމަ ފެންނަގޮތް ތަފާތުވާނެ.
ބަސް
19 November 2019
ތިކަހަލަ ތަނެއް ހަދާރިއު ކަރަންޓް ބޭނުން ކުރެވެން ޖެހޭނީ ހަަމައެކަނި ގުދަން ހޮޅުވާ ގަޑީގައި. ގާޑު ޕޯޓްގައި އިންނަ މެއިން ޗުއިޗުން ގުދަން ބޭނުން ނުކުރާގަޑީގައި ކަރަންޓް ކަނޑާލެވެން ޖެހޭނެއެވެ. ގުދަން ހުޅުވަން އައުމުން ގާޑު ޕޯސްޓް ކަރަންޓް ދޫކޮށް ލެއްޕުމުން ކަރަންޓް ކަނޑާލެވޭނެ އިންތިޒާމެއް ހަމަޖައްސަން ފެނެއެވެ. އެހެން ނޫނީ ނުރައްކަލެއް ކުރިމަތި ވެދާނެއެވެ.
ައަހުމަދުއަލޯ
19 November 2019
ވަރަަށް 0 ޓޮލަރެންސް. ސޭމް ސޭމް، ޝޭމް. އަހަރެމެން ދިވެހިންނަށް މި ނޫންގޮތެއް ނެތީބާ ދައްކަވަން
ޮޮ0000
19 November 2019
0000000000 ޓޮލަރަންސް
އަހްމަދު
19 November 2019
ޒީރޯ ޓޯލަރެންސް ކޮށް ދާއިރު ވާނެ ތިހެންވެސް
ސަހަރޯ
19 November 2019
ދެން ތިޔަ ބުނާ ބޯޑު މެމްބަރުންގެ ޖީބުތައް ޗެކް ކޮށްލުން ރަނގަޅު. ހަމަޔަޤީނުންވެސް އެކައުންޓަށް ފައިސާ ވަދެފައެއްނުހުންނާނެ. ކޮރަޕްޝަން ކޮރަޕްޝަން ކޮރަޕްޝަން......... ކޮންމެ މީހަކު ވެރިކަމުގައި ހުއްޓަސް މިނޫންވަރެއް ނުވޭ. އެކަށީގެންނުވާ ވަރުގެ ކުޑަ އަގުތަކެއްގައި މަސައްކަތެއްނުކުރެވޭނެ. އެކަމަކު އޮބި ނޯންނަވަރުގެ ބޮޑެތި އަގުތަށް ހުށަހަޅާ ފަރާތްތަކަށް ވިން ވަންޏާ ޕޮކެޓްތަކަށް ނިކަން ވާންވާނެ
ޝަފީޤް (މާމިގިލި)
19 November 2019
ޖީއެމްއައިޒެޑްގެ މައްސަލަ ހައްލުކުރުމަށް އަހަރެން ރައީސުލްޖުމްހޫރިއްޔާއަށް ދޭން އޮތް ޚިޔާލަކީ ސިންގަޕޫރު ނުވަތަ ދުބާއިފަދަ ގައުމެއްގެ ފަންނީ އެހީހޯދައިގެން ތަޖުރިބާކާރު ބޭރު ސީއީއޯއެއް (ބެންކް އޮފް މޯލްޑިވްސް ފަދަ ކުންފުނިތަކަށްލާފައިވާފަދަ) އައްޔަންކޮށް، މިހާރުގެ ސީއީއޯއަކީ ޑެޕިއުޓީ ސީއީއޯއަކަށް ބަދަލުކުރަން. ކޯޕަރޭޓް ގަވަރނަންސްއަށް ފަރިތަނުވާނަމަ ކުންފުނި މިޒަމާނުގެ މެނޭޖްމަންޓް ސިސްޓަމަށް ހިންގުމަކީ މުސްތަހިއްލުކަމެއް ކަމުގައި ޝަފީޤް ދެކެން!
ބޮޑު ކަކުނި
18 November 2019
މާގިނަ ވާހަކަ ދައްކާނެކަމެްްނެތް. ޙައްޕު. ކޮބައި އަގުބޮޣުވެގެން ކަންބޮޑުވެގެން އުޅުނު ބުރިޖާ ހޮސްޕިޓަލް ގެ ކަންކަން . ޢެކަން ނުބަލާ ހައްޕު ކިޔައިގެންތިބެ. މިކަންމިކުރަނީ .... ހުރިހާމީހުންވެސް ޖަހަނީ އެއްސަކަރާތެއް. ބާރަށް ހަޅޭއްލަވާފައި މާރަނގަޅު ބައެއްކަމަަށް ހެދިގެން. ޚައި ޚައި ޚައި ....