ނޮޅިވަރަމަށް ވަޑައިގެން ރައްޔިތުންނާ ސަލާމްކުރައްވަނީ. ރައީސަށް ފެނިވަޑައިގަންނަވާ ހައްލަކީ ތިން އިންތިޚާބު އެކުގައި ބޭއްވުން. --ފޮޓޯ/އެމްޑީޕީ
15 ޖެނުއަރީ 2020 - 11:02
29 comments
ރާއްޖޭގެ ތަރައްގީ އާއި ރައްޔިތުން ބޭނުންވާ ޚިދުމަތްތައް ލަސްވެ ޝަކުވާތައް ހުންނަ ކަމަށާއި އެކަމަށް އޮތް އެންމެ ރަނގަޅު ފަރުވާ އަކަށް އެމަނިކުފާނަށް ފެނިވަޑައިގަންނަވަނީ ރިޔާސީ އިންތިހާބާއި ރައްޔިތުންގެ މަޖިލީހުގެ އިތުރުން ލޯކަލް ކައުންސިލްތަކުގެ އިންތިޚާބު އެކުގައި ބޭއްވުން ކަމަށް ރައީސް އިބްރާހިމް މުހައްމަދު ސޯލިހް އިއްޔެ ވިދާޅުވެއްޖެ އެވެ.
ކައުންސިލް އިންތިޚާބުގެ ކެމްޕޭނަށް ހދ. ނޮޅިވަރަމަށް ވަޑައިގެން ވިދާޅުވީ، ރައްޔިތުން ބޭނުންވާ ބައެއް ކަންކަން ލަސްވުމުގައި ބައިވަރު ސަބަބުތަކެއް ހުރެދާނެ ކަމަށެވެ. އެންމެ ބޮޑު ސަބަބަކީ އިންތިޚާބުތައް ވަކިވަކިން އޮތުން ކަަމަށް ވިދާޅުވި އެވެ.
ރިޔާސީ އިންތިޚާބު ސެޕްޓެމްބަރު، 23، 2018، ގައި ބާއްވައި އާ ވެރިކަމެއް ފެށުނުތާ ގިނަ ދުވަސްތަކެއް ނުވެ ދެން ކުރިމަތިލާން ޖެހުނީ މިދިޔަ އަހަރުގެ އެޕްރީލް މަހުގައި ބޭއްވި ރައްޔިތުންގެ މަޖިލީހުގެ އިންތިޚާބާ ކަން ފާހަގަކުރެއްވި އެވެ. އެ އިންތިޚާބަށް ގިނަ ދުވަސްތެއް ނުވެ އަނެއްކާ ވެސް އަންނަ އޭޕްރީލް މަހު ކުރިމަތިލާން މި ޖެހުނީ ލޯކަލް ކައުންސިލްގެ އިންތިޚާބާ ކަމަށް ވިދާޅުވި އެވެ.
ކައުންސިލް އިންތިޚާބުގެ ކެމްޕޭނަށް ނޮޅިވަރަންގެ ރައްޔިތުންނާ އެމްޑީޕީގެ ހަރުގޭގައި ބައްދަލުކުރަނީ. --ފޮޓޯ/އެމްޑީޕީ
ރައީސް ވިދާޅުވި ގޮތުގައި މިއީ ބަދަލުކޮށްގެން ހައްލެއް ހޯދިދާނެ ކަމެކެވެ. މީގެ ކުރިން ވެސް މިކަމަށް ތާއީދު ކުރައްވައި އެމަނިކުފާނު ވަނީ ވާހަކަފުޅު ދައްކަވައިފަ އެވެ.
"އަޅުގަނޑުމެން ވެއްޖެ ކޮންމެވެސް ހިސާބެއްގައި މި ތިން އިންތިޚާބު އެއް ދުވަހެއްގައި، އެއް ވަގުތެއްގައި ބޭއްވުމުގެ މަސައްކަތް ކުރަން. އެހެން ނޫން ނަމަ ކަންތައްތައް ހިންގުމުގައި ލަސްތަކެއް އެބައާދޭ،" ރައީސް ވިދާޅުވި އެވެ.
އެމަނިކުފާނު ވިދާޅުވި ގޮތުގައި ތިން އިންތިޚާބު އެކުގައި ބޭއްވިއްޖެ ނަމަ ގައުމީ ތަރައްގީގެ މަސައްކަތްތަކަށް ހަލުވި ކަމެއް އަންނާނެ އެވެ. އެމަނިކުފާނު ރައްޔިތުންނަށް ވެވަޑައިގަތް ވައުދުތައް ފުއްދެވުމުގެ މަސައްކަތް ކުރައްވަމުން ގެންދަވާ ކަަމަށާއި އެ މަސައްކަތުގައި ސަރުކާރާއި ރައްޔިތުންގެ މަޖިލީސް އޮތީ ބަދަހިކަމާ އެކުގައި ކަަމަށް ވިދާޅުވި އެވެ.
އެ ވައުދުތައް ރަށު ފެންވަރުގައި ތަންފީޒުކުރަން ފަށަން، އެމަނިކުފާނު ވިދާޅުވި ގޮތުގައި، ކައުންސިލް އިންތިޚާބު އެމްޑީޕީ އަށް ކާމިޔާބުވުން މުހިއްމެވެ. ވޭތުވެދިޔަ ދެ އިންތިޚާބުގައި ރައްޔިތުން އިތުބާރުކުރި ގޮތަށް އަންނަ އޭޕްރީލް މަހު ނަގާ ކައުންސިލްތަކުގެ ވޯޓުގައި ވެސް ސަރުކާރާ އެކު ތިއްބަވާނެ ކަމަށް ޔަގީންކުރައްވާ ކަމަށް ރައީސް ވިދާޅުވި އެވެ.
ނޮޅިވަރަމްގައި ރައީސް ވާހަކަފުޅު ދައްކަވަނީ. --ފޮޓޯ/އެމްޑީޕީ
ރާއްޖޭގައި ރިޔާސީ އިންތިޚާބާއި ރައްޔިތުންގެ މަޖިލީސް އަދި ލޯކަލް ކައުންސިލް އިންތިޚާބު ބާއްވަން ތަރުތީބުކޮށްފައި އޮންނަނީ ވަކިވަކިންނެވެ. މިއީ، އިލެކްޝަންސް ކޮމިޝަންގެ ބައެއް މެމްބަރުން ދެކެވަޑައިގަންނަވާ ގޮތުގައި ޚަރަދު ވެސް ބޮޑު ގޮތެވެ.
މެމްބަރުންގެ އެއް ވިސްނުމަކީ، ރިޔާސީ އިންތިޚާބު ވަކިން ބާއްވައި ރައްޔިތުންގެ މަޖިލީހާއި ލޯކަލް ކައުންސިލްގެ އިންތިޚާބު އެއްކޮށް ބޭއްވުމެވެ. މިގޮތަށް ހަމަޖައްސަން ކޮމިޝަނުގައި މަޝްވަރާކޮށް، ރައްޔިތުންގެ މަޖިލީހަށް ވެސް ހުށަހެޅި ކަމަށް އެ ކޮމިޝަނުން ބުނެފައިވެ އެވެ. އެކަމަކު މިކަމަށް އޮތީ ހައްލެއް ނުހޯދި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަސްހުނި
16 January 2020
މަސްހުނި މޮޑެން ފަސޭހަވާނެ
ދަވާލި19
16 January 2020
އެގޮތައް ނިމިދިއަ ރިއާސީ އިންތިހާބު ބޭއްވިނަމަ އެމްޑީޕީއައް ވެރިކަމާ މަޖިލީހާ ކައުންސިލްތައް ވެސް ކާމިޔާބުވީސް ދެއްތޯ ރައީސް އެހެންނަމަ ރިއާސީ އިންތިހާބުގަ ވާ ބައުދުތައް ފުއްދާނުދީގެން ރައްޔިތުން ރުޅިއަޔަސް ސަރުކާރަކައް މާޕޮރެށަރެއް ނޮއޮންނާނެ އެހެންނޫންތޯ އެކަމަކު އެކަމެއްނުވިތާ
ކަރީޕަހުމީ
16 January 2020
އިންޖީނުގެތައް ދޯރިނެއް ބޯލްޕޮއިންޓް ގަލަމެއް ޖީބައްޖަހައިގެން އައި ޔުޓްލިޓީކިޔާ ބައިގަޑަކައް ބަދަލްދޭނަމޭކިޔާފަ ދަމައިގަތީ ގަދަކަމުން މަކަރާ ހީލަތުން ސްކޫލް ތަކާ ސަރުކާރުގެ އިމާރާއްތަކުން ކަރަންޓް ބިލްނުދައްކާ ދަރުވާލީ ރައްރަށުގެ އަންހެނުން ކޮމެޓިތަކާ ފިރިހެނުންގެ ކޮމެޓިތަކުގަހުރި ރުފިޔާކޯޅުވެސް ގެނައީ އެބުނާ އެހެން ގޮތއެއގެ ދަށުން ގެސްޓް ހައުވް ވިޔަފާރި ކުރާތީވެސް އެކަމުން އިތުރުޓެކްސް ނަގަންފެށިވެސް ރައްޔަތުން އިދަޖައްސާލަން ވެދުން
އަހުމަދުބޭ
15 January 2020
ތިޔަޚިޔާލަށް ތާއީދު ކުރަން، ތިކަން ތިޔަމަގުން ގެންދެވިއްޖެނަމަ، އެހިސާބުން އިންތިހާބުގެ ކަންކަން ނިންމާ ގައުމުގެ ކަންކަމާގެން އުޅެވޭނެ، ތިޔަބަދަލް އަވަހަށް ގެނޭ، މިހެން ބުނާއިރުވެސް ވަގުންނަށް ހީވާނެ މިހެން ހަދަނީވެސް ވައްކަން ކުރާށޭ، ކިހިނެތް ހުރިހައި ކަމެއް ހުއްޓާލައިފާ އިންތިހައިބައިގެން އަބަދު ދުވާނީ،
ބޭން
15 January 2020
އެމްޑީޕީ ބަލި ކުރެވޭނެ ތަނެއް ނޯންނާނެ ކަމަށާއި އެހެން މީހުން ބައިވެރިވެސް ވާނެ ކަމެއް ނެތްކަމަށް އަނެއް ރައީސް ގޮވާލާއިރު ދެން ކީއްކުރަން ބާއްވާ އިންތިޚާބެއް؟ އަވަހަށް އިންތިޚާބުތައް އުވާލާ. ތިއޮތީ ވަރަށް ފައްކާ ޑިމޮކްރަސީއެއް މިގައުމަށް އެމްޑީޕީން ގެނެސްދީފަ.
ޢަފްލަ
15 January 2020
ކަލޯ 3 އިންތިހާބް އެއްފަހަރާ ބޭއްވީމަ ވައްކަން ކުރަން ބޮޑައް ފަރިތަވާނީ ރިުާސީ އިންތިޚާބްވެސް ކަލޯމެން ވަގައްނެގި ގޮތައް މަޖލިސް އިންތިޚާބްވެސް ވަގައްނެގި ގޮތައް
ތެދުވެރިޔާ
15 January 2020
ރައިސް ޔާމިން ހާލިހެދީމަ އިބޫ އާއީ ނަޝީދު ރިބަން ފައްތަށްކަޑަމުން އެދަނީ.
މަންޑޭލާ
15 January 2020
މިހާރު ރައްއިތުންގެ ހާލު ބަލަން ދާނެ އިންތިހާބު ކައިރިވީމަ. މަކަރުވެރި ބައިގަޑެ އެމްޑީޕީއަކީ.
ޝޮކްތެރަޕީ
15 January 2020
މިހާރުވެސް އެމްޑީޕީގެ މެޖޯރަޓީ ކައުންސިލްތަކުގަ އޮތީ. ވީކަމެއް ހަރާމް.
އަލީރާޖާ
15 January 2020
މިއީ ވަރަށް ރަގަޅު ވާހަކައެއް. މުޅި އުމުރު އިންތިޚާބާއި ކެމްޕޭނުން އަރައިނުގަނެވިގެން އުޅެން ޖެހުން ހުއްޓުވޭނެ. އެމެރިކާ ފަދަ ދުނިޔޭގެ ބޮޑެތި ރިޔާސީ ނިޒާމުތަކުގައި ހުރިހާ އިންތިޚާބެއް ވާއްވަނީ އެއްކޮށް. އެހިސާބުން ދެން އޮންނާނީ ސަރުކާރު ހިންގުމުގެ މަސައްކަތް.