ގއ. ކަނޑުހުޅުދޫ: ތުއްތު ކުއްޖަކު ރޭޕްކުރި މައްސަލާގައި އެ ރަށު މުދިމު ވަނީ ސަސްޕެންޑްކޮށްފައި. -- ފޮޓޯ: ނިޝާން އަލީ / މިހާރު
18 ޖެނުއަރީ 2020 - 21:50
7 comments
ގއ. ކަނޑުހުޅުދޫގައި ތުއްތު އަންހެން ކުއްޖަކު ރޭޕްކުރި ކަމުގެ ތުހުމަތުގައި ހައްޔަރުކުރި މީހުންގެ ތެރޭގައި ހިމެނޭ އެ ރަށު މިސްކިތު އިމާމު މިއަދު މަގާމުން ސަސްޕެންޑްކޮށްފި އެވެ.
އިސްލާމިކް މިނިސްޓްރީން ބުނީ 62 އަހަރުގެ އިމާމު ސަސްޕެންޑްކުރީ ކުޑަކުއްޖަކާ މެދު ބަދުއަހުލާގީ އަމަލެއް ހިންގި ކަމުގެ ތުހުމަތަށް ހައްޔަރުކުރުމުން ކަމަށެވެ.
އުމުރުން ދެ އަހަރު ވެސް ނުވާ ތުއްތު ކުއްޖާ ރޭޕްކުރި މައްސަލާގައި ހައްޔަރުކުރީ ކުއްޖާގެ ބައްޕަ އާއި ބައްޕަ ފަރާތު ކާފަ އާއި މުނި ކާފަ އެވެ. އިމާމަކީ ކުއްޖާގެ ކާފަ އެވެ.
ފުލުހުން މިއަދު ދިން މައުލޫމާތަށް ބަލާއިރު ކުއްޖާގެ މުނިކާފަ އަކީ މީގެ ކުރިން ވެސް ކުޑަކުދިންނާ ޖިންސީ ގޯނާކުރުމުގެ ތުހުމަތުކުރެވި އަދި މިހާރު ވެސް ޝަރީއަތުގައި މައްސަލަ އޮތް މީހެކެވެ. އެކަމަކު ކާފަ އަށް ތުހުމަތުކުރާ މައްސަލައެއް މީގެ ކުރިން ހުށަހަޅައިފައެއް ނުވެ އެވެ.
ކުއްޖާގެ ކާފަ އާއި މުނި ކާފަ އިއްޔެ ކަނޑުހުޅުދޫން ހައްޔަރުކޮށްފަ އެވެ. އަދި ބައްޕަ ވަނީ ހުޅުމާލޭން އިއްޔެ ހައްޔަރުކޮށްފަ އެވެ. ކޯޓުން ވަނީ މި މީހުން ތަހުގީގަށް ބަންދުގައި ބައިތިއްބަން 15 ދުވަސް ދީފަ އެވެ.
ކުއްޖާގެ ބައްޕަ ހައްޔަރުކޮށްފައިވަނީ ކުއްޖާ އަށް ޖިންސީ އަނިޔާ ލިބިފައި ހުރިކަން އެނގުމުން އެ ކުއްޖާ އަށް ހިމާޔަތް ދޭން އެހެން ބަޔަކާ ކުއްޖާ ހަވާލުކުރަން ދެކޮޅު ހަދައި ކުއްޖާ އަށް އިހުމާލުވެފައި ވާތީ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުއްޗު
19 January 2020
އިމާމު މީހާ އިމާމު މީހާގެ ބައްޕަ ގާޒީ ގާޒީގެ ބޭބެ މިރަށުގަ މިނުބާ ވައިރަސް ފެތުރިފައި ވަނީ ކިހާވަރަކަށްތޯ ބަލަން ވެއްޖެއެއްނުން.
ބޭރުމަލް
19 January 2020
ނޫސްތަކުން ބުނާގޮތުގައި މުދިންބެއަށް ދޮންދަރިއާ މެދު ޖިންސީ ގޯނާގެ ތުހުމަތުކުރޭ މީގެ ކުރިން މައްސަލަ ވެސް ބެލި. ރެކޯޑު ނެތުމަކީ އެހެންކަމެއް. ކުޑަކުއްޖާގެ މައްސަލަ ވެސް އޮއްބާލީމާ ރެކޯޑެއް ނުހުންނާނެ. އެހެން ހަދަހަދާ ގިތިފަޅޯ ކާ ހިސާބަށް ތިދިޔައީ.
ޗޮމމ
19 January 2020
ވަޒީފާއިން ވަކިކުރެވެންދެން އެ ސަސްޕެންޑްކުރީ.
ފަވާލި19
19 January 2020
ބޮޑެތި މުސީބާތްތަކުން ސަލާމައްކެށްދެވުން އެދި ގުނޫތުކިޔާ މިރާއްޖޭގަ ބައެއް ރައްތަކުގެ ބައެއް މިސކިއްތަކުގަ ފަތިސްނަމާދުގަ ގުނޫތުކިއުން ހުއްޓާލިފަހުން މިކަހަލަ މުސީބާތްތައް މިރާއްޖޭގަ ގިނަކަން ފާހަނގަ ނުވޭތޯ؟
ކޮތަރު
19 January 2020
5 ވަގުތު ނަމާދު ކުރާ މިސްކިތުމުދިމުގެ ހާލަތު!!
ނޣޣވ
19 January 2020
ސަސްޕެންޑްކުރަން ތަންކޮޅެއް އަވަސް ދެއްތޯ!
ތުނިޔަ
18 January 2020
ސަސްޕެންޑުތަ ކުރަންވީ؟ ވަޒީފާއިން ވަކިކުރަން ނުކެރެންޏާ ޕްރޮމޯޝަން ދިންނަމަ....