ޓެސްޓް ކުރަން ދެކޮޅު ހެދި މީހަކު ފުލުހުންގެ ބާރުގައި އެޗްޕީއޭއާ ހަވާލުކޮށްފި

ކޮވިޑް-19 އަށް ޝައްކު ކުރެވޭ މީހެއްގެ ޓެސްޓު ހެދުމަށްޓަކައި ފަރުކޮޅުފުށި އައިސޮލޭޝަން ފެސިލިޓީ އަށް ގެންދިއުމުގެ ކުރިން ގޭގައި މަޑުކުރަން އެންގުމުން، އެކަމަށް އެއްބާރުލުން ނުދިން ދިވެއްސަކު ފުލުހުންގެ އެހީތެރިކަމާ އެކު، ހެލްތު ޕްރޮޓެކްޝަން އެޖެންސީ (އެޗްޕީއޭ) އާ މިއަދު ހަވާލުކޮށްފި އެވެ.

ސައުތު ކޮރެއާ އިން މީގެ ދެ ދުވަސް ކުރިން އައިސް، ވިލިމާލޭގައި ދިރިއުޅޭ އެ ފިރިހެންމީހާ އެޗްޕީއޭގެ އެންގުމަށް އަމަލު ނުކުރުމުން، އެ މައްސަލަ ފުލުހުންގެ އިދާރާ އަށް ހުށަހެޅުމާ ގުޅިގެން ފުލުހުން ވަނީ އެ އަވަށަށް ގޮސް، އެ މީހާ ފުލުހުންގެ ބެލުމުގެ ދަށުން އެޗްޕީއޭއާ މިއަދު މެންދުރު ހަވާލު ކޮށްފައި ކަމަށް ފުލުހުންގެ ތަރުޖަމާން ޗީފް އިންސްޕެކްޓާ އޮފް ޕޮލިސް އިޒްމިއާ ޒާހިރު ވިދާޅުވި އެވެ.

ރާއްޖެ އިން ވެސް ކޮވިޑް ބަލީގެ 13 މީހަކު ފެނުމާ ގުޅިގެން، ރައްކާތެރިކަމުގެ ފިޔަވަޅު އެޅުމަށްޓަކައި ހެލްތު މިނިސްޓަރު އަބްދުﷲ އަމީން މިދިޔަ ބުރާސްފަތި ދުވަހު ވަނީ ސިއްހީ ނުރައްކަލުގެ ކުއްލި ހާލަތު އިއުލާން ކުރައްވައިފަ އެވެ. އެހެންކަމުން، އާންމު ސިއްހަތުގެ ގާނޫނުގެ ދަށުން ބޮޑެތި ބާރުތަކެއް ޑިރެކްޓާ ޖެނެރަލް އޮފް ޕަބްލިކް ހެލްތު މައިމޫނާ އަބޫބަކުރަށް ލިބިވަޑައިގަންނަވަ އެވެ.

ވިލިމާލެ އިން ކޮވިޑް-19 އަށް ޝައްކު ކުރެވުނު މީހާގެ ޓެސްޓް ހެދުމަށްޓަކައި ފަރުކޮޅުފުށީގެ ކަރަންޓީން ފެސިލިޓީ އަށް ގެންދިއުމަށް ގޭގައި މަޑުކުރަން އެންގީ ވެސް މައިމޫނާ އަށް ގާނޫނީ ގޮތުން ލިބިވަޑައިގަންނަވާ ބާރުގެ ދަށުންނެވެ.

އާންމު ސިއްހަތުގެ ގާނޫނުގެ ދަށުން، ޑިރެކްޓާ ޖެނެރަލް އޮފް ޕަބްލިކް ހެލްތުގެ އެންގުމާ ދެކޮޅު ހެދުމަކީ ކުށެކެވެ.

ފުލުހުން ބުނީ، އެޗްޕީއޭ އަށް އެއްބާރުލުން ނުދިން މީހާގެ މައްސަލަ ގާނޫނުލްއުގޫބާތުގެ 121 ވަނަ މާއްދާގެ ދަށުން ފުލުހުން އަންނަނީ ތަހުގީގު ކުރަމުން ކަމަށެވެ.

"ރާއްޖޭގައި އާންމު ސިއްހަތުގެ ކުއްލި ނުރައްކާ އިއުލާން ކުރުމާ ގުޅިގެން ޑިރެކްޓާ ޖެނެރަލް އޮފް ޕަބްލިކް ހެލްތުގެ އެންގުމާ ޚިލާފަށް އަމަލުކުރާ މީހުންގެ މައްސަލަ މި ސާވިސް އިން ސީރިއަސް މައްސަލައެއްގެ ގޮތުގައި ބަލައި އަޅަންޖެހޭ ފިޔަވަޅުތައް އަޅަމުން ދާނެ ކަމުގައި ދަންނަވަމެވެ،" ފުލުހުންގެ ތަރުޖަމާން އިޒްމިއާ، މީޑިއާއާ ހިއްސާ ކުރެއްވި އެސްއެމްއެސްއެއްގައި ވެ އެވެ.

Resort in fathaafai Meedhoo ah dhiya meehaage bandhah 15 dhuvas

The most trusted news source in the Maldives

Mihaaru

ނޭޝަނަލް އިމަޖެންސީ އޮޕަރޭޝަން ސެންޓަރުން މިރޭ ބޭއްވި ނިއުސް ބްރީފިންގައި ރައީސް އޮފީހުގެ އަންޑަ ސެކްރެޓަރީ މަބްރޫކް އަބްދުލްއަޒީޒް ވިދާޅުވީ، ވިލިމާލެ އިން ކޮވިޑަށް ޝައްކުވި މީހާގެ ޓެސްޓް ހެދުމަށްޓަކައި ކުރަންޖެހޭ ކަންކަން ފުރިހަމަ ކުރުމަށް ގޭގައި މަޑުކުރަން އެންގި ނަމަވެސް އެއާ އެއްގޮތަށް އެ މީހާ އަމަލު ކޮށްފައި ނުވާ ކަމަށެވެ. ނަމަވެސް އޭނާ ފަރުކޮޅުފުއްޓަށް ގެންދިއުމަށްޓަކައި އޭނާ ބަލާ ދިޔައިރު ކަމާބެހޭ ފަރާތްތަކަށް ބައްދަލު ނުވި ކަމަށް މަބްރޫކް ވިދާޅުވި އެވެ. އެ މީހާ ދިރިއުޅޭ ގެ ހުރީ ތަޅުލައިފަ އެވެ.

"އޭނާ އަށް ފޯނު ނުކުރެވިގެން އާއިލާގެ މީހަކަށް ގުޅުނު ކަމަށް މައުލޫމާތު އެބަ ލިބޭ. އަދި އާއިލާގެ މީހާ، އޭނާ ގޭގައި ނެތް ކަމަށް ބުނެފައިވޭ،" މަބްރޫކް ވިދާޅުވި އެވެ.

އޭނާ ވިދާޅުވި ގޮތުގައި، ކޮވިޑް ބަލީގެ އަލާމާތް ހުރި މީހާ ނުފެނިގެން އެޗްޕީއޭ އިން ފުލުހުންނަށް އެންގީ އެ ހިސާބުންނެވެ.

މަބްރޫކް ވިދާޅުވީ، އެ މީހާ ފުލުހުންގެ އެހީތެރިކަމާ އެކު ހޯދައި، ފަރުކޮޅުފުއްޓަށް އެންމެ ފަހުން ގެންގޮސް "ކޮންޓެކްޓް ޓްރޭސިން" ވެސް ހެދުން ކުރިއަށް ގެންދާ ކަމަށެވެ.

ޑިރެކްޓަ ޖެނެރަލް އޮފް ޕަބްލިކް ހެލްތުގެ އެންގުމާ ޚިލާފަށް، އައްޑޫގެ ސައުތު ޕާމް ރިސޯޓުން އެ ސިޓީގެ މީދު އަށް ފަތާފައި ދިޔަ މީހަކު ވެސް ފުލުހުން އިއްޔެ ވަނީ ހައްޔަރުކޮށް ތަހުގީގު ފަށައިފަ އެވެ. އަދި އޭނާ 15 ދުވަހަށް ބަންދުގައި ބަހައްޓައިގެން ތަހުގީގު ކުރިއަށް ގެންދަން މީދޫ ކޯޓުން މިއަދު ވަނީ އަންގައިފަ އެވެ.

ކޮވިޑް ބަލި އިތުރަށް ފެތުރުނަނުދިނުމަށްޓަކައި ރައްކާތެރިކަމުގެ ފިޔަވަޅެއްގެ ގޮތުން، ރިސޯޓުތަކަށް މީހުން އަރައިފޭބުން ވެސް މި ވަގުތަށް ވަނީ މަޑުޖައްސާލައިފަ އެވެ.