ސްރީ ލަންކާގެ އިންފެކްޝަސް ޑިޒީޒް ހޮސްޕިޓަލް ކައިރިން މާސްކް އަޅައިގެން މީހަކު ސައިކަލެއްގައި އިއްޔެ ދަނީ. --ފޮޓޯ:އޭއެފްޕީ
24 މާޗް 2020 - 12:24
40 comments
ސްރީ ލަންކާގައި ރާއްޖެ އަންނަން ބޭނުންވެފައި ތިބި ދިވެހިން ގެންނަން ޗާޓަރު ފްލައިޓެއް ބާއްވަން އިނަ މޯލްޑިވްސް އިން ނިންމައިފި އެވެ.
ލަންކާގައި ވެސް ކޮރޯނާވައިރަސް ފެތުރި ހާލަތު އިތުރަށް ގޯސްވަމުންދާތީ އެ ގައުމުގައި ކާފިއު އިއުލާންކޮށް، ވައިގެ ދަތުރުފަތުރުތައް ވަނީ މެދުކަނޑާލައިފަ އެވެ. އެގޮތަށް ނިންމިއިރު، ގިނަ އަދަދެއްގެ ދިވެހިންތަކެއް ލަންކާ އިން ރާއްޖެ ނާދެވި ވަނީ ތާށިވެފަ އެވެ.
ދިވެހިންގެ ދެވަނަ "އަވަށެއްގެ" ގޮތުގައި ބަލަމުން އަންނަ ލަންކާގައި ކޮވިޑް-19 އަށް 97 މީހަކު ޕޮޒިޓިވްވެ، ދެ މީހަކު ވަނީ ރަނގަޅުވެފަ އެވެ.
ސްރީ ލަންކަން އެއާލައިންސްގެ ޖެނެރަލް ސޭލްސް އެޖެންޓް، އޭސް އޭވިއޭޝަންގެ މެނޭޖިން ޑިރެކްޓަރު މުހައްމަދު ފިރާގު "މިހާރު" އަށް މިއަދު ވިދާޅުވީ، ލަންކާގައި ތިބި ގިނަ ދިވެހިންތަކެއް ރާއްޖެ އަންނަން އެދެމުން އަންނަ ކަމަށެވެ.
ޚާއްސަކޮށް ލަންކާގެ މިހާރުގެ ހާލަތަށް ބަލައި، ރާއްޖެ އަންނަން ބޭނުންވާ ގިނަ ބަޔަކު އެބަތިބި ކަމަށް ފިރާގް ވިދާޅުވި އެވެ.
އޭނާ ވިދާޅުވި ގޮތުގައި، ރާއްޖެ އަންނަން ބޭނުންވެފައި ތިބި ދިވެހިން ގެނައުމުގެ މަސައްކަތް މިހާރު އަންނީ ކުރަމުންނެވެ. އެކަމަކު، އެކަމުގައި ނަތީޖާއެއް ނެރެވެން މިހާރުގެ ހާލަތުގެ ގޮތުން، ދިވެހި ސަރުކާރާއި ލަންކާގެ ސަރުކާރާ ވެސް މަޝްވަރާކޮށް، ހުއްދަ ލިބިގެން ކަމަށް ފިރާގް ވިދާޅުވި އެވެ.
އެހެންވެ، މިހާރު ހުއްދަ އަށް އެދިފައިވާ ކަމަަށާއި ހުއްދަ ލިބުނުހާ އަވަހަކަށް ލަންކާގައި ތިބި ދިވެހިން އަނބުރާ ގެންނާނެ ކަމަށް އޭނާ ވިދާޅުވި އެވެ.
ފިރާގް ލަފާކުރައްވަނީ އަންނަ ހުކުރު ހިސާބުގައި ރާއްޖެ އާއި ލަންކާއާ ދެމެދު މަތިންދާބޯޓެއް ބޭއްވޭވަރުވާނެ ކަމަށެވެ.
މުޅި ދުނިޔެ އަށް ކޮރޯނާވައިރަސް ފެތުރި، ބަލިމަޑުކަމެއްގައި އެތައް މިލިއަން ބަޔަކު އުޅޭއިރު، އެހެން ގައުމުތަކުގައި ވެސް ވަރަށް ގިނަ ދިވެހިންތަކެއް ރާއްޖެ ނާދެވި ތާށިވެފައި އެބަތިއްބެވެ. އެހެންވެ، އެކިއެކި މިޝަންތަކުގައި ރަޖިސްޓަރީ ވުމަށް ދިވެހި ސަރުކާރުން އަންނަނީ އެ މީހުންނަށް އިލްތިމާސް ކުރައްވައިފަ އެވެ.
ނަމަވެސް ދިވެހި ސަރުކާރުން ބުނެފައި ވަނީ ބޭރުގައި ތިބި ދިވެހިންގެ ހާލަތު ބަލައި، ފުރަތަމަ މަސައްކަތް ކުރާނީ އެ ގައުމެއްގައި ބައިތިއްބަައިގެން ސަލާމަތްކަން ހޯދައިދިނުމަށް ކަމަށާއި ރާއްޖެ ގެންނާނީ އެފަދަ މަގެއް ނެތް ނަމަ ކަމަށެވެ. އަދި އެއާޕޯޓަކަށް ބައި ބޯވެ ދަތުރެއް ކުރުމަކީ ނުރައްކާތެރި ކަމެއް ކަމުން އެބަޔަކު ތިބި ގައުމެއްގައި ހާލަތު މާ ގޯސް ނޫން ނަމަ އެތަ ނެއްގައި މަޑުކުރަން ސަރުކާރުން އަންނަނީ އިރުޝާދު ދެމުންނެވެ.
ރާއްޖެ އަންނަ ޓޫރިސްޓުން ފިޔަވައި އެހެން ހުރިހާ އެންމެން މިހާރު އަންނަަނީ ސަރުކާރުން ކަނޑައަޅާ ތަނެއްގައި ކަރަންޓީން ކުރަމުންނެވެ.
ރާއްޖެ އިން 13 މީހަކަށް ކޮވިޑް ޖެހުނުއިރު އޭގެ ތެރެއިން މިހާތަނަށް ރަނގަޅު ވެފައި ވަނީ ފަސް މީހެކެވެ. އެއީ ކުރެއްދޫ ރިސޯޓުން އެ ބަލި ޖެހުނު ފަސް މީހުންގެ ތެރެއިން ތިން މީހަކާއި ސޭންޑީސް ބަތަލާ އައިލެންޑް ރިސޯޓުގެ އިޓަލީގެ ދެމަފިރިންނެވެ. އެއްވެސް ދިވެއްސަކަށް އެ ބަލި މިހާތަނަކަށް ނުޖެހެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ައަސްލު އިނާ މޯލްޑް
26 March 2020
ރަނގަޅު! ސިއްހީ ދާއިރާގެ ބޭފުޅުންގެ އެންގެވުންތަކަށް ބުރަވާންޖެހޭ. ފުރަތަމަ ދިވެހިންގެ ޑޮލަރުތިޔަ އެއާލައިން އޮޕަރޭޓަރ ގެއެޖެންޓުން ވަގު ޓިކެޓުހަދައި ބޭންކުން ޑޮލަރު އެކެއްގެ ކުންފުނިން ނެގީ. ޑޮލަރުތައް އެންމެ ފަހުން ހުސްވީ ލަންކާ ކަސީނޯއަށް. މިދަނޑިވަޅުގައި ބޮޑުއަގުގައި ޓިކެޓް ވިންކައިގެން ދިވެހިން ނިކަމެތިކޮށްލަން ތިއުޅެނީ.
ހުރާސް
25 March 2020
ސެޓިން އަ ވެރީ އަންހެލްތީ ޕްރެސީޑެންޓް! މިއަދު ތި ފުލައިޓު! ދެން ޖެހޭނީ ގާނޫނު އަސާސީގަ ބުނާ ގޮތަށް ހުރިހާ ރައްޔިތނުންނަށް ހަމަހަމަކޮށް ހެދުމަށްޓަކައި ތިކަހަލަ އެތައް ފުލައިޓެއް ބާއްވައިގެން ލަންކާއިން 15000 މީހުން ގެންނަން. ކޮބާ އެވަރަށް ކަރަންޓީނާ އެކަމަށް ބޭނުންވާ ލާރިޔާ؟ ދެން އެހިސާބުން އެޖެހުނީ މެލޭސިޔާ، ޔޫކޭ، ޖަރުމަނީ......މުޅި ދުނިޔެއަށް ފުލައިޓު އަޅަން! ހެޔޮނުވާނެ ތި ނުބައި ދޮރު ނުހުޅުވާ!!!!!!!!!!!!
ގައުމީ ލޯބީގާ
25 March 2020
ލަންކާގަ އުޅޭ ދިވެހިން ހާލުގަ ޖެހުނޭ ކިޔާތީ ހިތުގަ ޖެހޭ . މަގޭއާއިލާވެސް ދިރިއުޅޭ ލަންކާގަ . ސަރުކާރޫ އިބޫ ވޯޓްލީ ކުދިން ދިރިއުޅޭނީ ލަންކާގަ އެކުދިންގެ ހާލު ވަރަށްގާތުން ބައްލަވާދެއްވާ . ކާތަކެތި ފޯރުކޮއްދެއްވާ ޕުލީޒް . އިބޫ . ފޮޓޮނަގަންވީމަ އެކަންޏެއްނޫން އެކުދިން ހޯދަންޖެހޭނީ . މަގޭމޭގަ އެބަރިއްސާ ޕުލީޒް އިބޫ އެހީވެދީ .
ނީރާ
25 March 2020
ތިޔަފްލައިޓް ބޭއްވުމުގެ ކުރިންވެސް ޗެނަލް ް3 ބަންދުކޮށްދީ
އައްމަޑޭސ
24 March 2020
މިވަގުތައް މާލޭގަ ތިރޯގާ ނެތަސް މާލެ ސަރަހައްދައް ތިރޯގާގެ އަސަރެއް ކުރާދުވަހަކުން ލަންކާ އައްވުރެ މާލެ މާ ނުރައްކާވާނެ އަދި އެކަކު އަނެކަކާ އެކަހެރިވެ އުޅެންވެސް މާ އުނދަގޫވާނެ. އެހެންވެ އެންމެ ބުއްދިވެރިވެފަ ރައްކާތެރިވާނީ ލަންކާގަ ތިބި ބަޔަކު ލަންކާގަތިބުން އަދި އެހެންމީހުންނާ ވީވަރަކުން އެކަހެރިކޮއް އުޅުން.
ލަންކާވެރިން
24 March 2020
ވަރައް ތާއީދު! ރާއްޖޭގެ ޑޮލަރުތައް ވަގު ޓިކެޓުގައި ނެގިއްޖެ ޗާޓަރު ފަލައިޓް ފްލީޓްއެއް ވާވަރަށް. ތިކަންތައް ބޮޑުވެގެން ބީއެމްއެލް ޑޮލަރ ކައުންޓަރ ޑިޕާޗާގޭޓުން ޑޮލަރ ދޫކުރަންފެށުނީ.
ފަހުދު
24 March 2020
ޑެބް ކޮއްލީމަ ރަނގަޅުވާނެ
ރަދީފްް
24 March 2020
ބޭރުގައުމުތަކުން ދިވެހިންނަށް މިސަރުކާރައިގުޅިން އެދޭ އެއބާރުލުމެއް އެހްން އެއްވެސް ސަރުކާރްކުން ނުލިބެ މިހަައިތަނައް.
ޔާން
24 March 2020
ތީ ކޮންމެވެސް ނުފޫޒުގަދަ ބަޔަކަށް ނުވަތަ އެފަދަ ބައެއްގެ ގާތް އާއިލީ ބަޔަކު އަންނަން ބޭނުންވެގެންވާ ބާްވާ ފްލައިޓަކާ ވައްތަރު. ލަންކާގަ 15 ހާސް ވަރަކަށް ދިވެހިން އުޅޭއިރު އެންމެ ފްލައިޓަކުން ކިހިނެތްތޯ އަންނަން ބޭނުންވެފައި ތިބި މީހުންނަށް ޖާގަދޭނީ. އިތުރު ފްލައިޓް ބާއްވާ ދެއްވާ.
ގައުމީ ލޯބީގާ
24 March 2020
ރާއްޖެ އެބަޔަކު ގެނެސްގެން ވައިކުރެވޭނެ ކަމެއްއެބައޮތްތޯ ؟ މީއެމީހުންގެ ވެސް ގައުމުކަން އެގޭ ، އެބަޔަކު އެތައް ދުވަހެއް ވަންދެން ލަންކާގަ ދިރިއުޅެމުންދާއިރު ރާއްޖެ ގެނައިނަމަވެސް ކަރަންޓީން ކުރެވޭނެ . އެއާޕޯޓް އެހާސޭފް ނުވާއިރު ރާއްޖެ އެތެރެ ވުމަކީ ވެސް މިތާގަ ތިއްބަވާޑޮކްޓަރުންނަށް ބަލާއިރު ކުޑަބުރަޔަކަށްނުވާނެބާ؟ ކަރަންޓީނުގަ ބައިތިއްބަންޖެހޭއިރު ސަރުކާރުވެސް އުފުލަންޖެހޭ ބޮނޑު ބުރައެއް މިވަގުތު މުހިއްމީ އެބަޔަކު ތިބިތަނެއްގަތިބުމެއް ނޫންބާ ؟