އިނގިރޭސިވިލާތުގައި ކޮރޯނާވައިރަސްއަށް ޓެސްޓްކުރާ މަރުކަޒަކަށް ދާނެ މަގު ދައްކަން ބަހައްޓާފައި ހުރި ބޯޑެއް. އެގައުމުގައި އުޅޭ ދިވެއްސަކު ވަނީ ބައްޔަށް ޕޮޒިޓިވް ވެފައި
28 މާޗް 2020 - 11:37
18 comments
އިނގިރޭސިވިލާތުގައި ދިރިއުޅުއްވާ ދިވެހި ޑޮކްޓަރެއްގެ އަނބިކަނބަލުން ކޮވިޑް-19 އަށް ޕޮޒިޓިވް ވެއްޖެ އެވެެ.
ކޮރޯނާވައިރަސް ވަރަށް ބާރަށް ފެތުރެމުން ދާ ގައުމުގައި އުޅުއްވާ އެ ޑޮކްޓަރު އޭނާގެ ފޭސްބުކްގައި ލިއުއްވާފައިވާ ގޮތުގައި ކޮވިޑް-19 އަށް އަނބިކަނބަލުން ޕޮޒިޓިވް ވީ ރޯގާގެ އަލާމާތްތަކެއް ހުރުމުން ޓެސްޓް ހެދުމުންނެވެ. މިހާރު އެ އަލާމާތްތައް ވެސް ރަނގަޅު ވަމުން އަންނަ ކަމަށް ލިއުއްވި އެވެ.
އޭނާ ވިދާޅުވީ މިދިއަ ދެ ހަފުތާގައި އޭނާ އުޅުއްވީ ކޮވިޑް-19 ގެ ބަލިމީހުންނަށް ފަރުވާކުރެއްވުމުގައި ވަރަށް ބިޒީކޮށް ކަމަށެވެ. އެހެންކަމުން "ގެޔަަށް އެ ވައިރަސް ގެނައީ އަހަރެންކަން ޔަގީން" ކަމަށް ވެސް ވިދާޅުވި އެވެ.
ކޮވިޑް-ގެ އަލާމާތްތަކެއް އޭނާގެ ވެސް ހުރި ކަމަށް ވެ އެވެ. އެކަމަކު ޓެސްޓް ހެދިކަމެއް ނުވަތަ ނޫން ކަމެއް ވިދާޅުވެފައެއް ނުވެ އެވެ.
"މިހާރު ގޭގައި މި އުޅެނީ އެކަހެރިވެގެންނެވެ،" ޑޮކްޓަރު ލިއުއްވި އެވެ.
އޭނާ ވިދާޅުވީ އެ ބޭފުޅުންގެ ހުރި ހަމައެކަނި ދަރިކަލުންނަށް، ދެ ބޭފުޅުން ވަގުތު ބަހާލައްވައިގެން، ގޭގައި ކިޔަވައިދެއްވަމުން އަންނަ ކަމަށެވެ. އެކަމަކު ދަރިކަލުން ވެސް މިދިއަ ދެތިން ދުވަހު ވައިރަހަށް ވަރަށް ބޮޑަށް ހުށައެޅިފައި އޮތް ކަމަށް ވިދާޅުވި އެވެ.
"އެކަމަކު ދަރިފުޅުގެ ހާލު ރަނގަޅެވެ،" ޑޮކްޓަރު ލިއުއްވި އެވެ.
އިނގިރޭސި ވިލާތުން ރާއްޖެ އައި ފަހުން ދިވެއްސަކު ރާއްޖޭގައި ވަނީ ޕޮޒިޓިވް ވެފަ އެވެ. އެކަމަކު ރާއްޖެ އައުމާ އެކު އޭނާ ހުރީ ކަރަންޓީންގަ އެވެ.
ޔޫއޭއީގައި ވެސް ދިވެއްސަކު ކޮވިޑް-19 އަށް ޕޮޒިޓިވްކަމަށް މީޑިއާގައި ހަބަރު ފެތުރުނެވެ. އެކަމަކު އޭނާއާ ބެހޭ އެއްވެސް މައުލޫމާތެއް ފޮރިން މިނިސްޓްރީއަކަށް އަދި ނުލިބެ އެވެ.
ކޮވިޑް-19 ޖައްސާ ކޮރޯނާވައިރަސް އަށް އިނގިރޭސިވިލާތުގެ 14،543 މީހަކު ޕޮޒިޓިވް ވި އިރު އެ ބަލީގައި މަރުވި މީހުންގެ އަދަދަކީ 759 އެވެ. އިނގިރޭސި ބޮޑުވަޒީރު ބޮރިސް ޖޯންސަން ވެސް ވަނީ ކޮރޯނާވައިރަސް އަށް ޕޮޒިޓިވް ވެފަ އެވެެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބިޒީ
29 March 2020
ކޮން ބިޒީއެއްތަ؟ ބުރަ ކިޔާބަލަ
ޤައުމު19
28 March 2020
22 ވަނަ ދުވަހު ރާއްޖެއައި އާއިލާއެއް ހޯމް އައިސަލޭޝަން އަށް މާލެއަށް ފޮނުވިކަމަށްވޭ ...މީ ޔޫކޭ އިން އެނބުރި ރާއްޖެއައި އާއިލާއެއްކަމަށް ވަނީ ... މީ ތެދު ވާހަކައެއްތޯ ޔަގީންކޮށްލަން ބޭނުން.
އަބިކަބަލުން
28 March 2020
ޑޮކްޓަރުގެ އަންހެނުންނަށް އަވަސް ޝިފާއަކަށް އެދެން. މި ނޫސްވެރިން ހާދަ ތަފާތުކުރުން ގެންގުޅޭކަމަށް ފާހަގަވެޔޭ. އިގިރޭސިވިލާތުން އައި، ބައްޔަށް ޕޮސިޓިވްވި މީހާ ޑޮކްޓަރަކާ ގުޅުމެއްނެތީމަ، އެއީ އާދައިގެ މީހެއް. ޑޮކްޓަރުގެ އަންހެނުންނާއި ދަރިން ބޭފުޅުވީ ކިހިނެއް. މިދަރަޖަތައް ނަށްތާލަންޖެހޭ.
ޕޮކަޑިމޭން
29 March 2020
ކިތަމެ މަތީ ފާހެއް ނެގިކަމުގައިވިޔަސް އިންސާނުންގެ ތެރޭގައި ދަރަޖަކުރުމެއް ނުވޭ، އިންސާނަކު އަނެއް އިންސާނަކަށްވުރެ ދަރަޖަ މަތިވަނީ އެމީހާގެ އީމާންތެރިކަމާއި ތަޤުވާވެރި ކަމުން، ޑޮކްޓަރުންނާ ޕައިލެޓންވެސް މަސައްކަތް ކުރަނީ ލާރިހޯދަން، މަސްވެރިންނާ ދަނޑުވެރިން ވެސް މަސައްކަތް ކުރަނީ ލާރިހޯދަން. ޑޮކްޓަރ އާދަނު ބޭފުޅަކަށްވެފައި މަސްވެރި އާދަނު ނިކަމެއްޗަކަށް ވާކަށް ނުޖެހޭ
ހަކީމް
28 March 2020
ރާއްޖެއަށް ލިބޭ ކޯސްތަކުގައި ކިޔަވައިގެން އަނބުރާ ރާއްޖެނައިސް "މޮޅު" ދިރިއުޅުން އުޅޭ މީހުންވެސް މަދެއް ނޫން.
ކަހީނު
28 March 2020
ހަސަދަ ވެރިކަމަކީ ހާދަހާ ސުންޕާ ކަމެކޭ. އެހެން މީހުންނަށް ހަސަދަލައިގެން ހިތުތެރޭ އެކަން ބާއްވައިގެން ގެއްލުންވާނީ އަމިއްލަ ނަފްސަށް. ހަސަދަވެރިކަމުގެ އަލިފާން ރާއްޖޭގަ ބަޔަކު ފަތުރަމުން އެބަދޭ ސޯޝަލް މީޑިޔާ އައި އެހެންވެސް މީޑިޔާތައް މެދުވެރިކޮށް.
މޮޅު ދިރިއުޅުން
28 March 2020
ކަލޭ އޮވެބަލަ މޮޅު ދިރިއުޅުން ހޯދަން! ކަމާނުބެހޭ ކަންކަމާ ބޯ ނުކޮށްޕަ
ހްމްމްމް
28 March 2020
މަޖާ ނުވެބަ
ޔާނޫ
29 March 2020
އެއްބަސްވުމުގައިވާ ގޮަތަށް އެނބުރި ޤަުމަށް އައިސް ހިދުމަތްނުކާރާ ވާހަކަ ބުނމަކީ ހަސަދަވެރިވުމެއް ނޫން. ޤައުމަށް ހުދުމަތްކުރުން ލާޒިމްކޮށްފަ ކިޔަވަން ފޮނުވީމަ، އެއްބަސްވި ގޮތަށް ހިދުމަތްކުރަން ވާނެ. 3 މީހުންނަށްވެސް އަވަސް ޝިފާއަކަށް އެދެން.
އެެއީ
29 March 2020
އެއީ އޭގެމީހެއްކަން ޔަގީންވަނީ ކޮންތާކުން. ދެން އެކަމަށް ޝަރުތުކޮށްފައި ނެތް މީހަކަށް އެހެންތާކު މަސައްކަތް ނުވެވެނީތަ. މަށަށް ޔަގީންކޮށް ބުނަން އުގައިލު ކިޔަވައިގެން ވަގުތުން ރާއްޖެއައިސް ހުރި ނަމަހީ އޭނައަށް އެ ކުރިއެރުމާއި ރިސާޗު ކުރުމުގެ ފުރުސަތު ނުލިބުނީސް. ރާއްޖެއަށް މާމުހިންމު މިހާރު އޭނަ ބޭރުގަ އެ ކުރިއެރުން ހޯދަން މަޑުކުރީމަ
ހޯރަބޭ
28 March 2020
އައިލާއަށް ކެތްތެެރިކަން ދެށްވާ ދެމަފިރިންނަށް އަވަސް ސިފާއެއް މިންވަރު ކުރަށްވާށި. އާމީން.
އަސްލު ހަގީގަތް
28 March 2020
ތިޔަ ބޭފުޅާގެ އާއިލަށް ﷲ އަވަސް ޝިފާއެއް ދެއްވާށި. ރާއްޖޭގެ އެންމެހާ ރައްޔިތުންނަށް މިބަލި އާދައިގެކޮށް ނުނެގުމަށް ދަންނަވަން. މިބަލި ޖެހުމުން ފުއްޕާމޭ އެއްކޮށް ހަލާކުކޮށްލާ. މިރާއްޖޭގައި ގިނައީ ދުންފަތުގެ އިސްތިޢުމާލުކުރާ ޒުވާނުން. އެހެންވީމާ ފުއްޕާމޭ ސަލާމަތުން ހުރި މީހެއްގެ ފުއްޕާމޭ ހަލާކުކޮށްލާއިރު ފުއްޕާމޭގައި ބޭނުމެއްނެތް މީހުން އުޅޭނެ ހާލާމެދު ވިސްނާލަބަލަ. އެމެރިކާގެ ޑޮކްޓަރެއްބުނީ މިބަލިން ޖައްސަނީ އެންމެ ނުރައްކާތެރި ނިއުމޯނިއާކަމަށް.
ޖުލައި
28 March 2020
ގިނަބަޔަކަށްޖެހި އިމިޔުން ވުން ހައްލްކީ. ގިނަބަޔަކު މަރުވެސް ވާނެ
ާއުނިމާ
28 March 2020
އަވަހަށް އޭނާ ރާއްޖެގެނޭ! މިއީ ކޮވިޑަށް ރައްކާތެރިވުމަށް ފިލަން އަންނަ ތަނެއްނު؟ ކޮބާތޯ ލަންޑަންގަތިބި މިސަރުކާެުގެ ބޮޑުންގެ ދަރިންތައް
މާނިއާ
28 March 2020
ނިމިދިޔަ ސަރުކާރުގެ ބޮޑުންގެ ދަރިންގަ ނެތްވިއްޔަ ޔޫކޭގަ ކިޔަވާހާ ފެންވަރެއް. އެދަރިންތައް ބެލީ ބީއެމްޑަބުލިއު ކާރާ ޕުރާޑާ އައިނާ އެކަހަލަ ބުލިންބުލިން ތަކެތި އެއްކުރެވޭތޯ.
ހަބީބާ
28 March 2020
ޝުކުރިއްޔާ ޑޮކްޓަރ. އަންހެނުންނަށް އަވަށް ޝިފާއަކަށް އެދެން
އަހަރެންނަކީ
28 March 2020
އަވަސް ޝިފާއަކަށް އެދެން