ގެދޮރުނެތި ހާލުގައި ޖެހިފައިވާ ފަރާތްތަކަށް ފުލުހުން ކާބޯތަކެތި ގެންގޮސް ދެނީ، އެ މީހުންނަށް ވަގުތީ ބޯހިޔާވަހިކަންވެސް ވަނީ ހަމަޖައްސައި ދީފައި-- ފޮޓޯ: ޕޮލިސް
16 އެޕްރީލް 2020 - 10:04
6 comments
ކޮރޯނާވައިރަހަށް ޕޮޒިޓިވް މީހަކު އިއްޔެ މާލެ އިން ފެނުމުން މާލެ ސަރަހައްދު ލޮކްޑައުން ކުރި އިރު ވަންނާނެ ގެދޮރު ނެތި ހާލުގައި ޖެހުނު 24 މީހަކަށް ކާނާ އާއި ވަގުތީ ބޯހިޔާވަހިކަން ސަރުކާރުން ރޭ ހަމަޖައްސައިދީފި އެވެ.
ވަންނާނެ ތަނެއް ނެތި މަގުމަތީގަ އާއި މާލޭ މަސް މާރުކޭޓުގައި ތިބި އެ މީހުންނަށް ސަރުކާރުން ފޯރުކޮށްދިން ކާބޯތަކެތި ބަހާފައިވަނީ ފުލުހުންނެވެ. ކާންދިނުމަށް ފަހު ފުލުހުން ވަނީ ސަރުކާރާއި ދިވެހި ރެޑްކްރެސެންޓުން ހަމަޖައްސާފައިވާ ވަގުތީ އެކޮމަޑޭޝަނަށް އެ މީހުން ގެންގޮސްފަ އެވެ.
ކާތަކެތި ހިފައިގެން ޕޮލިސް ޓީމްތައް ގޮސް، ހާލުގައި ޖެހިފައިވާ މީހުންނަށް ދޭ ފޮޓޯތަކެއް ފުލުހުން އާންމުކޮށްފައިވެ އެވެ. އޭގެ ތެރެއިން ގިނަ ބަޔަކު ތިބީ މަސްމާރުކޭޓްގެ އެކި ތަންތަނުގަ އެވެ.
📸: #MaafannuPolice officers distributing food arranged by the government, to the homeless people on the streets. Their temporary accommodation has also been arranged by the government and @maldivianrc, during this lockdown. @MoGFSSmv @MVIaffairs @MoEdumv#COVID19Maldives pic.twitter.com/BjZpTPbhEG
— Maldives Police (@PoliceMv) April 15, 2020
ފުލުހުން ކާބޯތަކެތި ބަހަނީ--
އިއްޔެ ހަވީރު 3:30 އިން ފެށިގެން 24 ގަޑިއިރަށް މުޅި މާލެ ލޮކްޑައުން ކޮށްފައިވާއިރު ކެއިންބުއިމުގެ ހިދުމަތް ދޭ ހުރިހާ ތަނެއްހެން ވަނީ ބަންދުކޮށްފަ އެވެ. ނަމަވެސް ފިހާރަތަކާއި ކެއިންބުއިމުގެ ހިދުމަތްދޭ ތަންތަނުން ޑެލިވަރީ ކޮށްދެވޭނެ ވަގުތުތަކެއް މިހާރު ފުލުހުން ވަނީ ކަނޑައަޅައިފަ އެވެ.
Food and shop delivery timings:
— Maldives Police (@PoliceMv) April 15, 2020
0900 - 1400hrs
1500 - 1800hrs
2000 - 2300hrs #COVID19Maldives
ޑެލިވަރީ ކުރެވޭނެ ގަޑިތައް--
މުޅި މާލެ ލޮކްޑައުންކުރީ ކޮވިޑް-19 އަށް މާލޭން އަންހެނަކު ޕޮޒިޓިވް ވުމާ ގުޅިގެންނެވެ. އޭނާއާ ކޮންޓެކްޓްވި އިތުރު ދެ މީހަކު ވަނީ އެ ބައްޔަށް ޕޮޒިޓިވް ވެފަ އެވެ. އަދި ކޮންޓެކްޓްވި އިތުރު މީހުން ވަނީ އައިސޮލޭޓް ކޮށްފަ އެވެ.
ކަމާބެހޭ ފަރާތްތަކުން ކުރިންވެސް ބުނެފައިވަނީ މާލޭން ކޮވިޑް-19 އަށް މީހަކު ޕޮޒިޓިވް ވެއްޖެ ނަމަ ފިޔަވަޅުތައް ހަރުކަށި ކުރާނެ ކަމަށެވެ. އެހާލަތުގައި ބަލާނީ ބަލި ބޮޑަށް ފެތުރިފައިވާ ކަމަށް ކަމަށްވެސް ކަމާބެހޭ ފަރާތްތަކުން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލުގުމާން
16 April 2020
ލަދުގަނނަން ޖެހޭނެ. ތީތަ ތިދޭ ބޯހޮޔާވަހިކަމަކީ؟މަސްމަރުކޭޓް ނޫންތަނެއް ހަމަ ނެތީތޯ؟ ދިވެހި 24 ރައްޔިތަކު އަމިއްލަ ފަސްގަނޑުގައި ހާލުގައި ޖެހުނީމަ ވައްދަން ހުރީ މަސްމާރުކޭޓްތޯ؟ ސާލިހް ކަލެއަށް ހަމަ ސާބަސް
ހަސަންކަލޯ
16 April 2020
ދިވެހި ބަހުން ލިޔެފައި ހުންނަ އެއްޗެހި ދޭހަ ނުވަނީތޯ؟ އެ މީހުން މަސްމާރުކޭޓަށް ލީ ވާހަކައެއް ނޫން އޮތީ! އެތަނުން ނެރުނު ވާހަކަ
ބަޑީ
16 April 2020
ތިޔަބޭފުޅާ ހިދުކޮޅުގަތޯ؟ ޞާލިހް އާ އަޅައިގަނެގެން އުޅުނަސް ތީދެން ބޮޑުވަރު!!! ކާތަކެތި ހިފައިގެން ޕޮލިސް ޓީމްތައް ގޮސް، ހާލުގައި ޖެހިފައިވާ މީހުންނަށް ދޭ ފޮޓޯތަކެއް ފުލުހުން އާންމުކޮށްފައިވެ އެވެ. އޭގެ ތެރެއިން ގިނަ ބަޔަކު ތިބީ މަސްމާރުކޭޓްގެ އެކި ތަންތަނުގަ އެވެ." އެމީހުން އެތާތިއްބާ ދިޔެވާހަކަ އެއޮތީ. ބޮޑުވަރުދެން
ކޮށަނިނiބެ
16 April 2020
ކަލޭ ބޮލަށް ތިޔަހުރީ ކޮރޯނާއަށްވުރެ ނުބައި ވައިރަހެއް ވަދެފައި. މައިތިރިވެގެން ހުރޭ.
ޒަކްނީ
16 April 2020
މަސްމާރުކޭޓް ލޯކަލް މާރކެޓްކައިރީ ތިޔަ މީހުން ދިރިއުޅެނީ..ދޭތެރެއަކުން މަސްދޯންޏަކުން ނޫނީ މާރުކޭޓް ގޮޅިތަކުން ވައްކަންކޮށްގެން ތަޅައިގަނެގެން އުޅޭނެ...ތިމީހުން ފަރުވާދޭ ތަނަކަށް ވަގުތުން ގެންދަންޖެހޭ..ފުލުހުންނަަށްވެސް އަބަދު ތިގޮތައް ކާންނުދެވޭނެ..ރިހެބްއަކަށް ގެންދިއުމުން ފަރުވާއާއިއެކު ކެއުމާއިނިދުން ހަމަޖެހޭނެތާ..
ނަބީއުލް
16 April 2020
ތިޔަ މީހުން މާރުކޭޓް ކައިރީ އުޅޭތާ ދުވަސްތަކެއް ވެއްޖެ..ގިނައީ ނޫކަށި ފުރައިގެ ޒުވާނުން..ދުވާލު މާރކެޓް ހުސްގޮޅިތަކުގައި ނިދާފަތިބޭ އަދި ބޮޑުފާލަންދިމާ ނެރުބައްތި ބުޑުގައިވެސް ތިބޭ..ފުލުހުންނަށް އެމީހުން ރަނގަޅަށް އެނގޭނެ އެކިފަހަރަމަތިން އައިސް ނަންނޯޓްކުރާތަންފެނޭ..މަސްތުގެ ހާލަތުގައި ތިބޭ މީހުންގިނަ...