ޕީޕީއެމްގެ ކައުންސިލް ބައްދަލުވުމެއްގައި މައުމޫން ބައިވެރިވެވަޑައިގަންނަވަނީ: ކައުންސިލް އިންތިހާބަށް ފޯމު ހުށަހެޅުން މި މަހުގެ 23 އާ ހަމައަށް އެމަނިކުފާނުގެ ފެކްޝަނުން ވަނީ ހުޅުވާލާފައި.
15 އޮކްޓޯބަރ 2016 - 18:18
6 comments
ޕީޕީއެމުން ލޯކަލް ކައުންސިލް އިންތިހާބަށް ކުރިމަތިލުމަށް ހުޅުވާލި މުއްދަތު ކުރީގެ ރައީސް އަދި އެ ޕާޓީގެ ރައީސް މައުމޫން އަބްދުލްގައްޔޫމްގެ ފެކްޝަނުން މިއަދު އިތުރުކޮށްފި އެވެ.
މައުމޫން ފެކްޝަނުން ކުރިން ކުރި އިއުލާނުގައި ބުނެފައި ވަނީ، ޕީޕީއެމްގެ ޓިކެޓުގައި ވާދަކުރަން ބޭނުންވާ މީހުން ފޯމު ހުށަހެޅުމުގެ އެންމެ ފަހު ތާރީހަކީ މާދަމާ ކަމަށެވެ. އެކަމަކު އެ ތާރީހަށް އަމަލުކުރަން ނުޖެހޭނެ ކަމަށާއި ކައުންސިލް އިންތިހާބަށް ތައްޔާރުވުމުގެ ކަންތައްތައް އެ ޕާޓީން މިއަދު ވަކިކުރި ނައިބު ރައީސް އަބްދުއްރަހީމް އަބްދުﷲގެ ބެލުމުގެ ދަށުން ކުރިއަށް ގެންދަން ރައީސް އަބްދުﷲ ޔާމީންގެ ފެކްޝަނުން ވަނީ ނިންމައިފަ އެވެ.
މައުމޫން ފެކްޝަނުގެ ބަޔާނުގައި ބުނީ ކައުންސިލް އިންތިހާބުގައި ވާދަކުރަން ފޯމު ހުށަހެޅުމުގެ ފުރުސަތު މި މަހުގެ 23 އާ ހަމައަށް ހުޅުވާލާފައިވާ ކަމަށެވެ. އިންތިހާބުގައި ވާދަކުރަން ފޯމު ހުށަހެޅޭނީ މިި މަހު ހައެއްގެ ނިޔަލަށް އެ ޕާޓީގެ ރަޖިސްޓްރީގައި ހިމެނޭ ފަރާތްތަކަށް ކަމަށް އިއުލާނުގައިވެ އެވެ.
އިއުލާނުގައި ބުނެފައިވާ ގޮތުގައި އެ ދާއިރާއަކުން ޓިކެޓް ދޭނެ ފަރާތެއް ކަނޑައަޅާނީ ޝަރުތު ހަމަވާ ފަރާތްތަކުގެ މެދުގައި ބާއްވާ ޕްރައިމަރީއަކުންނެވެ. ޕްރައިމަރީ ބާއްވާނެ ތާރީހު ފަހުން އިއުލާންކުރާނެ ކަމަށް ވެސް އިއުލާނުގައިވެ އެވެ.
އިއުލާނުގައި ބުނީ ޕާޓީގެ އެތެރޭގެ އިންތިހާބުތައް ހިންގައި ބަލަހައްޓާނީ ޕާޓީގެ އިންތިހާބު ކޮމެޓީން ކަމަށެވެ. އިންތިހާބު ކޮމެޓީއަކީ ޕާޓީގެ އެންމެ ފަހުން ބޭއްވި ގައުމީ ޖަލްސާ އިން އިންތިހާބުކޮށްފައިވާ ކޮމިޓީއެއް ކަމަށާއި ކައުންސިލް އިންތިހާބުގެ ހުރިހާ ކަމެއް ވެސް ކުރިއަށް ގެންދާނީ އެ ކޮމެޓީން ކަމަށް ބުނެފައިވެ އެވެ.
ކައުންސިލް އިންތިހާބަށް ކުރިމަތިލާ މީހުންގެ ތެރެއިން ޓިކެޓް ލިބޭ މީހުންނާ ޓިކެޓް ހަވާލުކުރާނީ ޕާޓީގެ ރައީސް މައުމޫން ސޮއިކުރެއްވުމަށް ފަހު ކަމަށް ވެސް އިއުލާނުގައިވެ އެވެ.
އިއުލާނުގައި މިހެން ބުނިއިރު، ޕާޓީގެ ރައީސް ކަމުން މައުމޫން ދުރުކުރުމަށް ރައީސް ޔާމީންގެ ފެކްޝަނުން ވަނީ ސިވިލް ކޯޓަށް މައްސަލައެއް ވައްދައިފަ އެވެ.
ކައުންސިލް އިންތިހާބުގައި ވާދަކުރަން، މައުމޫނަށް ތާއީދުކުރާ މީހުން ޕީޕީއެމް އޮފީހަށް ފޯމު ހުށަހަޅަމުން އަންނައިރު ރައީސް ޔާމީނަށް ތާއީދުކުރާ މީހުން ފޯމް ހުށަހަޅަނީ އެ މަނިކުފާނުގެ ކެމްޕޭން އޮފީހަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިންތިގާލީ
15 October 2016
މިއޮތީވާކަމެއް. މަށަކީ ޕީޕީއެމްގެ މެންބަރެއް. މިހާރު މިހިރީ ހަމަ ހަދަންވީ ގޮތެއް ނޭނގިފަ. މަމި ބަދަލުވަނީ ޑީއާރުޕީ އަށް. ޕީޕީއެމަށް ވަރަށް ސަލާމް.
ހޮއްކޮ އޮންޑް މުންކޮ
15 October 2016
މިހާރު ހަބަރުގެ ސުރުޙީތަށް ބަލާލީމާ ހީވަނީ ޒަޢިީމަކީ މިގައުމުގެ ރައީސޭ. މިފެންނަނީ މައުމޫނުގެ އިރުނޯއްސި ހަމަ ކުރިޔަށްދާތަން.
ޣގގ
15 October 2016
ރައީސްވެސް އުޅުއްވާ ގޮތެއް ދޯ
ކޮރި ބޯށި
15 October 2016
އެއްވާނެއްގަ ހިފަހައްޓާލާ ޔާމިން ފެކްސަނުން ޖެހޭނީ ފަހަތަށް ޖެހެން. މައުމޫން ކުރި އައް
ފިޔާތޮށި ރީދޫ އަސުރުމާ
15 October 2016
ޔެސް މައުމޫން. ބެސްޓް
ޑިކްޓޭޓަރު
15 October 2016
ސުބްޙާނަﷲ! ތިޔަތާ ތިއޮތީ ހުސް ޢާއިލާމީހުންނެންނު! އަޅެ މިއީ ޢާއިލީ ވެރިކަމެއް ކުރަންއުޅޭ މީހެއްތަ؟ ކުރިން އުޅުނީ ޔާމީނުގެ އެއްދައުރަށްފަހު ޣައްސާނު މަޑުމަޑުން އެދިމާލަށް ދަމަން! އެކަމު މިހާރު ކުރައްވާ ކަންކަމުން ހީވަނީ ދުންޔާ އެދިމާލަށް ގެންދާހެން! އޭރުންނެންނު ބައްޕާފުޅުގެ ބާރުގައި ރާއްޖޭގައި ވެރިކަން ކުރެވޭނީ!! ތިޔައާއިލާ 90 ގެ އަހަރުތަކުގައި އަހަރުމެންނަށް ދީފައި ހުރި އަނިޔާ އިއްޔެވީކަމެއްހެން ހަނދާއެބަހުރި! ހަނދާންނައްތާލާ!!!