ސްކޫލްތަކުގައި ކިޔަވައިދޭން ފެށުމަށް ތިން ސިނާރިއޯއެއް ސަރުކާރުން ވަނީ ހަދާފައި. އެކަމަކު، އޭގެ ތެރެއިން އަމަލުކުރާނެ ސިނާރިއޯއެއް ކަނޑައަޅާނީ ކޮވިޑް-19 އާ ގުޅޭ ކަންކަމުގައި ސަރުކާރަށް ލަފާދޭ ޓެގްގެ ނިންމުންތަކަށް ރިއާޔަތްކޮށް ކަމަށް މަބްރޫކް ވިދާޅުވި. އެ ޕްލޭންތައް ފައިނަލް ކުރުމަށް އެޑިއުކޭޝަން މިނިސްޓްރީން ގެންދަނީ ކަމާ ގުޅޭ ފަރާތްތަކާ ވާހަކަ ދައްކަމުން.
އަމީނިއްޔާ ސްކޫލްގެ ކުދިންތަކެއް ކްލާހުގައި: ނިއު ނޯމަލްގައި ކިޔަވައިދޭން ފެށުމަށް ތަފާތު ތިން ސިނާރިއޯއެއް ސަރުކާރުން ގެންގުޅޭ.---ފައިލް ފޮޓޯ/މިހާރު
22 މެއި 2020 - 03:05
29 comments
ކޮވިޑް-19 އިން ރައްކާތެރިކަމުގެ ފިޔަވަޅެއްގެ ގޮތުން ސްކޫލްތައް ބަންދުކުރުން ނިމުމަކަށް ގެނެސް އެންމެ އަވަހަށް ވެސް ކިޔަވައިދޭން ފެށޭނީ އަންނަ މަހުގެ 14 ގައި ކަމަށް ސަރުކާރުން ރޭ ބުނެފި އެވެ.
ނޭޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ) ން ބޭއްވި މީޑިއާ ބްރީފިންގައި އެ ސެންޓަރުގެ ތަރުޖަމާން މުހައްމަދު މަބްރޫކް އަޒީޒް ވިދާޅުވީ، އެންމެ އަވަހަށް ވެސް ސްކޫލްތައް ހުޅޭނީ ކުރިއަށް އޮތް ބަންދު ދުވަސްތަކަށް ފަހު ކަމަށެވެ. އޭނާ އެ އިޝާރާތް ކުރައްވަނީ މި އަހަރުގެ އެކަޑެމިކް ކަލަންޑަރުގައި ބުނާ ފުރަތަމަ ޓާމްގެ ބަންދު ދުވަސްތަކަށެވެ.
އެކަޑެމިކް ކަލަންޑަރުގައިވާ ގޮތުން ފުރަތަމަ ޓާމަށް ފަހު ސްކޫލްތައް ބަންދު ކުރާނީ މި މަހުގެ 31 ން އަންނަ މަހުގެ 11 އެވެ. އެ ބަންދަށް ފަހު ދެ ވަނަ ޓާމަށް ސްކޫލްތައް ހުޅުވަން ކަލަނޑަރުގައި ކަނޑައަޅާފައި ވަނީ އަންނަ މަހުގެ 14 އެވެ.
www.moe.gov.mv
މި އަހަރުގެ އެކަޑެމިކް ކަލަންޑަރު
މީޑިއާ ބްރީފިންގައި ނޫސްވެރިއަކު ކުރި ސުވާލަކާ ގުޅިގެން މަބްރޫކް ވިދާޅުވީ، ކޮވިޑް-19 އަށް ފަހު އިއުލާން ކުރާ "ނިއު ނޯމަލް" ގައި ސްކޫލްތައް އެންމެ އަވަހަށް ވެސް ހުޅުވޭނީ ކުރިއަށް އޮތް ބަންދަށް ފަހު ކަމަށެވެ.
"އެހެން ނަމަވެސް ޑޭޓްތައް ފްލެކްސިބްލްކޮށް ބާއްވައިގެން މިނިސްޓްރީން މަސައްކަތް އެ ކުރައްވަނީ. ހުޅުވޭނެ ޑޭޓްތައް ބަލާނީ ކުރިއަށް އޮތް ދުވަސްތަކުގައި ކަންތައް ދާ ގޮތަށް ރިއާޔަތްކޮށް،" އޭނާ ވިދާޅުވި އެވެ.
ރޭގެ މީޑިއާ ބްރީފިންގައި މަބްރޫކް ވާހަކަ ދައްކަވަނީ.
އެޑިއުކޭޝަން މިނިސްޓަރު ޑރ. އާއިޝަތު އަލީއާ ހަވާލާ ދެއްވައި މަބްރޫކް ވިދާޅުވީ، ސްކޫލްތަކުގައި ކިޔަވައިދޭން ފެށުމަށް ތިން ސިނާރިއޯއެއް ހަދާފައިވާ ކަމަށެވެ. އެކަމަކު، އޭގެ ތެރެއިން އަމަލުކުރާނެ ސިނާރިއޯއެއް ކަނޑައަޅާނީ ކޮވިޑް-19 އާ ގުޅޭ ކަންކަމުގައި ސަރުކާރަށް ލަފާދޭ ޓެކްނިކަލް އެޑްވައިޒަރީ ގުރޫޕް (ޓެގް) ގެ ނިންމުންތަކަށް ރިއާޔަތްކޮށް ކަމަށް މަބްރޫކް ވިދާޅުވި އެވެ. އެ ޕްލޭންތައް ފައިނަލް ކުރުމަށް އެޑިއުކޭޝަން މިނިސްޓްރީން ގެންދަނީ ކަމާ ގުޅޭ ފަރާތްތަކާ ވާހަކަ ދައްކަމުން ކަމަށް ވެސް އޭނާ ވިދާޅުވި އެވެ.
"އެހެން ނަމަވެސް އެންމެ އަވަހަށް ހުޅުވިޔަސް ހުޅުވާނީ ކުރިއަށް އޮތް ސްކޫލް ބަންދު ނިމުމަށް ފަހު،" މަބްރޫކް ވިދާޅުވި އެވެ.
ކޮވިޑް-19 އާ ގުޅިގެން ސްކޫލްތައް ބަންދުކުރީ މިދިޔަ މާޗް މަހުގެ ކުރީކޮޅެވެ.
"އެހެން ނަމަވެސް ޑޭޓްތައް ފްލެކްސިބްލްކޮށް ބާއްވައިގެން މިނިސްޓްރީން މަސައްކަތް އެ ކުރައްވަނީ. ހުޅުވޭނެ ޑޭޓްތައް ބަލާނީ ކުރިއަށް އޮތް ދުވަސްތަކުގައި ކަންތައް ދާ ގޮތަށް ރިއާޔަތްކޮށް،" މަބްރޫކް
ރާއްޖޭގައި ކޮވިޑް-19 ގެ ހާލަތު މިހާރު އޮތް ގޮތަށް ބެލުމަށް ފަހު ސަރުކާރުން ނިންމާފައި ވަނީ ލުއިތަކެއް ދެމުން ގެންދިއުމަށެވެ. އެގޮތުން ލޮކްޑައުން އާއި މޮނިޓަރިންގެ ހާލަތުގައި ނެތް ރަށްރަށުގައި މިއަދުގެ ހުކުރު ނަމާދާ އެކު، ޖަމާއަތުގައި ނަމާދު ކުރަން ފަށާނެ އެވެ. ކޮވިޑް-19 އިން ރައްކާތެރިވުމަށްޓަކައި ރާއްޖޭގެ ހުރިހާ ރަށެއްގެ މިސްކިތްތަކުގައި ޖަމާއަތުގައި ނަމާދުކުރުން މިދިޔަ މަހުގެ ފަހުކޮޅުން ފެށިގެން އޮތީ މެދުކަނޑާލައިފަ އެވެ.
ސަރުކާރުން ނިންމާފައި ވަނީ ކޮވިޑް-19 އިން ރައްކާތެރިވުމަށް އަޅާފައިވާ ފިޔަވަޅުތަކަށް ފިޔަވަހިތަކަކަށް ބަހާލައިގެން ލުއި ދިނުމަށެވެ.
ވެރިރަށް މާލެ އިން ކޮވިޑް-19 ޖެހިފައިވާ މީހަކު މިދިޔަ މަހުގެ 15 ގައި ފުރަތަމަ ފަހަރަށް ފެނުމާ އެކު، މާލެ އާއި ވިލިމާލެ އާއި ހުޅުމާލެ ވަނީ އެ ދުވަހުން ފެށިގެން ލޮކްޑައުން ކޮށްފަ އެވެ. އޭޕްރީލް 15 ން ފެށިގެން ފުރަތަމަ 24 ގަޑިއިރަށް މާލެ ސަރަހައްދު ލޮކްޑައުން ކުރުމަށް ފަހު، ފަހުން ވަނީ ކޮންމެ 14 ދުވަހަކުން ލޮކްޑައުން ދަންމައިފަ އެވެ. އެންމެ ފަހުން ކަނޑައެޅި ލޮކްޑައުންގެ މުއްދަތު ހަމަވާނީ އަންނަ ބުރާސްފައްޗަށެވެ. އެކަމަކު، ހާލަތަށް ބެލުމަށް ފަހު، އެ ދުވަހުން ފެށިގެން ލޮކްޑައުން އަށް ލުއިތަކެއް ސަރުކާރުން ދޭނެ އެވެ.
ރާއްޖެ އިން މިހާތަނަށް ވަނީ ކޮވިޑް-19 އަށް 1،216 މީހުން ޕޮޒިޓިވްވެފަ އެވެ. މިހާތަނަށް ރަނގަޅުވީ 104 މީހެކެވެ. ހަތަރު މީހަކު ވަނީ އެ ބަލީގައި މަރުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޔައުނީ
22 May 2020
ދަރިވަރުންނާއި މުވައްޒަފުންގެ ސަލާމަތާއި ރައްކާތެރިކަން ކަށަވަރުކޮށްދެއްވުމަށް ކުރައްވާނެ ކަންކަން ސާފުކޮށްދެއްވާ.މިފެންނަނީ ފޭލިވެފައިވާ، ޒަޢާމަތެއްނެތް ވުޒާރާއެއް.ހަގީގަތަކީ އެޑިޔުކޭޝަން އަށް ބޭނުންވަނީ ވަރުގަދަ އެޑްމުނިސްޓްރޭޓިވް ލީޑަރޝިޕް ހުރި ޑިޕްލޮމެސީ އިގޭ ބާރުވެރިންގެ މުއްފަތަށް ނުވެއްޓޭނެ ގަޓް ހުރި ވިޒަނަރީމީހެއް ކަން.އައިސްތުއަލީ އަކީ ހިންގުމުގެ ތަޖުރިބާހުރި ބޭފުޅެއް ނޫން.އަސްތުއަލީ ފޭލިވީ މިދެންނެވި އެއްވެސްކަހަލަ ކޮލިޓީއެއްނެތުމުން.
މަންނާނު
22 May 2020
ކިހިނެތްތޯ ތިހައްދަވަނީ ނާޤާބިލް އެޑިއުކޭށަން މިނިސްޓަރު މިހަފްތާގަ ނޫންތޯ ވިދާޅުވީ މިއަންނަ ހަފްތާގަ ކިޔެވުންފެށޭނެޔޭ މިހާރު އަނެއްކާވެސް އެހެންގޮތަކަށް ބަދަލުކޮށްލީތޯ
ގުލާބު މަންނާނު
22 May 2020
ވާނުވާ އެނގިގެން އުޅެބަލަ. ފަހުމް ނުވާއިރުވެސް ކޮމެންޓްކުަރަން އެނގޭތީ ކުރަނަވާނެ.
ރަދީފުގެދަރި ކުމާރު
22 May 2020
މިއޮތީ ދަރިންނަށް ތައުލީމުދޭންށޭ ކިޔާފައި މާލެއައިމީހުން ރާއްތެރެއަށް ދަތުރުކުފަށަންވީވަގުތު. އަދި ސަރުކާރުންވެސް އެކަމަކަށް މަގުފަހިކޮށްދޭންވީ ވަގުތު. މިހާރު މާލެއެކޭ އެއްނަތީޖާއެއް ރާއްޖޭތެރޭ ބައެއް ސްކޫލުތަކުންވެސް އެބަހޯދާ. ބޭނުންވަނީ ހިތްވަރެއް. އަދި އަމުދުން ރަށްކުރިއަރާނީވެސް ރަށުގާ ބަޔަކު ތިބެގެންތާ. އަދި ޖަޒީރާވެސް ވާނީ ރަށްފުށުގެ މާހައުލުގާ.
އަނބިމީހާގެފިރިމީހާ
22 May 2020
ތިހެން އަދި ސުކޫތައް ހުޅުވިޔަކަސް ދަރިންނެއް ސުކޫލަކަށް ނުފޮނުވޭނެ.
މުނަ099
22 May 2020
ބަޔަކު ރޮއި އާދެހެއް ނުކުރޭ ކަލޭ ދަރިން ނުފޮނުވައިގެންނެއް.
އޮނަރަބްލް އަފީފު ދީދީ
22 May 2020
ކުރިއަށް އޮތް 6 މަސް ދުވަސް ފަހުންވެސް ތޮއްޖެހި ގައިގާމައްޗަށް މީހުން ދިރިއުޅޭ މާލޭގެ ހާލަތަށް ބަލާއިރު ސްކޫލް ތަކަށް ކުދިން ނުފޮނުވާނެ ބެލެނިވެރިން މަދެއްނޫން. # ސްކޫލް ތައް ހުޅުވުމުގެ ކުރިން މާލެދޫކޮށް ރަށްރަށަށް ދާން ބޭނުން ކުދިންނަށް ރަށުސްކޫލަށް ވަދެވޭނެ އިންތިޒާމް ހަމަޖައްސާދީ ކުއްޖާގެ ޔޫނިފޯމާއި އަލުން ހޯދާންޖެހޭ ފޮތް ފަދަ ތަކެތި ހޯދުމަށް ސަރުކާރުން އެހީތެރިކަން ފޯރުކޮށްދެއްވާ. ކުޑަކުޑަ ކްލާސް ރޫމެއްގައި 80 ކުދިން ގެންގުޅޭނެ ކަމެއްނެތް.
ނަޖުމުއްދީން
22 May 2020
ފޮތްހުންނަނީ އަހަރު ފެށުނުއިރު ދީފާ. ކޮންމެސްބާވަތެއްގެ ރަނގަޅު އިނާޔަތެއް ދެނިކޮށް ހުންނާނީ ރަނގަޅަށް.
ސަރަންފީ
22 May 2020
ސުކޫްތައް ހުޅުވަން ޖެހޭ. އެކަމަކު ބޮޑެތި ރަށް ރަށުގައި ޓެސްޓު ކުރެވޭނެ އިންތިޒާމްތައް ހަމަޖެހި ހުރިހާ ރަށެއްގައި ވީކްލީ ރެންޑަމް ސާމްޕްލިންގ އޮންނަންޖެހޭ.
Mohame
22 May 2020
ހެޔޮނުވާނެ އާދޭސްކޮށްފަ ބުނަން ސްކޫލްތައް ނުހުޅުވާ. މީ ޗައިނާކަހަލަ ގައުމެއް ނޫން
ޙުސާމް
22 May 2020
ތިހެންވިއްޔާ ކުރުޔަށް ދެ އަހަރު ތިބެން ޖެހޭނީ ސްކޫލް ނުހުޅުވާ.
މަގުލީމާ
22 May 2020
ވެކްސިނެއް ލިބުނީމަ ދިރިއުޅެން ފަށަން މަޑު ކުރޭ. މިހާރު ބިއްޖެހިފަ ބައްޔާފިލައިގެން އޮވޭ. އާމްދަނީ ހޯދޭނެ ގޮތެއްނެތި ބަނޑަށް މަރުވާވަރުވީމަ ދެން ސަރުކާރަށް ބަވާ.
ީހެންވާ
22 May 2020
މީހުންތަކަކާ މީހުންގެދަރިންތަކެއް މިނުރަށްކަލައްނުނެރިމަޑުޖައްސާލަބަލަ .... މިހާރުމިވަނީއެގްޒާމްތައްވެސް ފަސްކޮއްފަވިއްޔަ ދެންއެވަރަކަށްތެޅިފޮޅިގެންސްކޫލްތަށްހުޅުވަންމުހިތްމުތަ ފައިސާއަކީނޫންމުހިތްމުއެއްޗަކީ އެންމެންގެފުރާނަމާ މުހިތްމު.....
ޏހބފފ77
22 May 2020
މިކަހަލަ ކަންކަމުންވެސް މިއެނގެނީ ރައްޔިތުންގެ އަޑުނާހާކަން. ދެން ކީއްކުރާ ސަރުކާރެއް. ހަމަ ނޫނޭ ބުނާއިރަށް ކުރިއަށް ދާން މިނިންމަނީ. ސޭޑް. އެހެން ޤައުމުތަކުގެ އެކްސްޕީރިއަންސެން މިތާގެ ހެލްތް ސިސްޓަމް އޮތް ހާލަތެއް އެހެން ބަޔަކަށް މިކަމުން ލިބޭނެ ދެރައެއް މިކަންކަމެއް ކޮންސިޑަރކުރުމެއްނެތި ހަމަ ކުރިއަށް. މިކަން ނުވަނީ ވިއްޔާ އެހެން ބަޔަކާ ހަވާލުކުރަންވީ ނުން.
އަޅެ ދެން ަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަައއޕ
22 May 2020
ރައްޔަތުން މޮޅު ޑަކުޓަރުންނާ ސިއްހީ މާހިރުންނަށްވުރެ. ރައްޔަތުން ބޭނުމީ ފިލާ އޮންނަން. ދިރުއުޅެން ފަށާނެ ކަމެއްނެތް. ބަނޑަށްޖެހި ގޮތް ހުސްވެ އާމްދަނީ ލިބޭނެ ގޮތެއްނެތި ސަރުކާރަށް ލިބެ އާމްދަނީވެސް ދައްވެގެން ގައުމު ބަނޑަށް ޖެހުނީމަ ޑރ.ރައްޔަތު ދެން އެއްޗެހި ގޮވާނި ސަރުކާރަށް. ލޮކްޑައުން އިތުރު ކުރި ނަމަވެސް ޑރ.ރައްޔަތު ގޮވާނެ "އަޅެ އަޅެ އަޅެ ބަނޑަށް ޖެހެނީ، ކާން ނުލިބެނީ".
ފާހަގަވެއޭ
22 May 2020
އެންމެ އަވަހަށް ވެސް ސްކޫލްތައް ހުޅުވޭނީ އަންނަ މަހުގެ 14 ގައި ކަމަށް މިހާރު ނޫހުގައި ޝާއިއުކޮށްފައިވާ ޚަބަރުގެ ފޮޓޯ ތަކުގައި އަމީނިއްޔާ ސްކޫލް ގެ 5 ދަރިވަރުން ދައްކާ ފޮޓޯ އެއީ މަމެންގެ ޔަންގް އޭޖްގެ ހިސްޓްރީ ރިކޯލް ކޮށްދޭ ކަމެކޭ އޯއް އަމީނިއްޔާ ޔުއަރ ސްވީޓް ޕޮޒިޝަން އިން ދިސް ކަންޓްރީ ކީޕްސް މައި ވައިޑް އައިޒް ގޭޒްޑް އަމީނިއްޔާ ސްކޫލް ނިންމާ ސެކެންޑަރީ އެގްޒާމް އިން ވަނަ ތައް ހޯދައިގެން ރާއްޖޭން ބޭރުގައި ކިޔަވައިގެން އަންނަ ކުދިންގެ ކޮލިޓީ