13 ޖޫން 2020 - 16:24
41 comments
މާލޭގެ ގެސްޓު ހައުސްއެއްގައި އުމުރުން 11 އަހަރުގެ އަންހެން ކުއްޖަކު ރޭޕްކުރުމާ ގުޅިގެން، ޓޫރިޒަމާއި ދަތުރުފަތުރުކުރުމުގެ ދާއިރާ އިން ހަރުކަށި ފިޔަވަޅުތައް އެޅުމަށް، ކުޑަކުދިންގެ ހައްގުގައި މަސައްކަތް ކުރާ އާކުން މިއަދު ގޮވާލައިފި އެވެ.
އެނގިފައިވާ ގޮތުގައި މިދިޔަ ބުދަ ދުވަހު ކުޑަ ކުއްޖާ ރޭޕްކުރީ މަގުމައްޗަށް ނުކުތްތަނުން، މަގުމަތީގައި ހުރި މީހަކު އެ ކުއްޖާ ގެސްޓް ހައުސްއަކަށް ގެންދިއުމަށް ފަހު އެވެ. އެ މައްސަލައާ ގުޅިގެން އުމުރުން 38 އަހަރުގެ ފިރިހެނަކު ވަނީ ރޭ ހައްޔަރުކޮށްފަ އެވެ.
މިދިޔަ މަހުގެ ފަހުކޮޅު ވެސް އުމުރުން 16 އަހަރު ނުވާ ކުއްޖެއްގެ އާއިލާ އަށް އޮޅުވާލައިގެން ރަށަކުން މާލެ ގެނެސް ގެސްޓް ހައުސްއެއްގައި ރޭޕް ކުރި މައްސަލައެއް ވަނީ ފެންމަތިވެފަ އެވެ. ފުލުހުން އޭރު ބުނެފައިވަނީ ކުއްޖާ ހޯދަން ފެށީ އެ ކުއްޖާ އަށް ވީނުވީއެއް ނޭނގި، ނުރައްކަލަށް ހުށަހެޅިފައިވާ ކަމުގެ މައްސަލައެއް އާއިލާ އިން ހުށަހެޅުމުން ކަމަށެވެ. ރޭޕްކޮށް، ކުޑަކުއްޖާ ބްލެކްމެއިލް ކުރިކަމުގެ ތުހުމަތުގައި އުމުރުން 24 އަހަރުގެ ދިވެހި ފިރިހެނަކު ވަނީ ހައްޔަރު ކޮށްފަ އެވެ. އެ މައްސަލަތަކާ މެދު ކަންބޮޑުވުން ފާޅުކޮށް، މީގެ 10 އަހަރުކުރިން އުފެއްދި އާކުން ނެރުނު ބަޔާނެއްގައި ބުނީ ޓޫރިޒަމް މިނިސްޓްރީގައި ގެސްޓް ހައުސްތަކުގެ ގޮތުގައި ރަޖިސްޓަރީ ކޮށްފައިވާ ތަންތަން ގަވައިދުން މޮނިޓާ ނުކުރެވޭ ކަމަށާއި ކަނޑައަޅާފައިވާ އުސޫލުތަކާ ހިލާފަށް އެއްވެސް ހުއްދައެއް ނެތި ވެސް ދުވަހު ކުއްޔަށް ކޮޓަރިތައް ދޫކުރާ ކަމަށެވެ.
ގެސްޓް ހައުސްތަކުގައި ކުޑަކުދިންނަށް ކުރާ އަނިޔާ އާއި ނާޖައިޒު ފައިދާ ނެގުމުގެ ކަންކަން ހުއްޓުވުމަށްޓަކައި ހަރުކަށި ފިޔަވަޅުތައް އެޅުމަށް އާކުން ގޮވައިލި އެވެ.
"އެކްސްޕްލޮއިޓް ކުރުމުގެ މަގުސަދުގައި ކުޑަކުދިން އެއް ރަށުން އަނެއް ރަށަށް ގެންދާ ކަމަށް ރިޕޯޓުކުރެވޭ މައްސަލަތައް އިތުރުވަމުން ދާތީ، އިންސާނީ ވަގުފާރިން ކުޑަކުދިން ރައްކާތެރި ކުރުމަށްޓަކައި ދަތުރުފަތުރުކުރުމާ ގުޅުން ހުރި ގާނޫނުތަކާއި ގަވައިދުތައް އިތުރަށް ހަރުދަނާކުރުމަށް ވެސް އާކުން ގޮވާލަމެވެ،" ބަޔާނުގައި ބުންޏެވެ.
އެ ދެ މައްސަލަ ތަހުގީގުކޮށް، މިދިޔަ ފެބްރުއަރީ 20 ގައި ތަންފީޒުކުރަން ފެށި ކުޑަކުދިންގެ ހައްގުތައް ރައްކާތެރިކުރުމުގެ ގާނޫނުގެ ދަށުން މައްސަލައިގައި ވީހާ ވެސް އަވަހަކަށް ފިޔަވަޅު އަޅަން ގޮވާލާފައި ވެ އެވެ.
އާކުން ބުނިގޮތުގައި، ގާނޫނު ތަންފީޒުކުރާ ފަރާތްތަކާއި ޝަރުއީ އަދި އިޖުތިމާއީ ދާއިރާގައި ރަނގަޅު ކުރަން ހުރި ގިނަ ކަންތައްތަކެއްގެ ސަބަބުން އަނިޔާއިން ކުޑަކުދިން ރައްކާތެރިކުރަން ބޮޑެތި ހުރަސްތަކެއް ހުރި ކަމަށެވެ.
އުމުރުން 11 އަހަރުގެ ކުއްޖާ ރޭޕްކުރި މައްސަލައިގައި ހައްޔަރުކުރި ފިރިހެންމީހާގެ ޝަރީއަތް ނިމެންދެން ބަންދުގައި ބަހައްޓައިދޭން ޕޮލިސް ކޮމިޝަނަރު މުހައްމަދު ހަމީދު މިއަދު ވަނީ ޕްރޮސެކިއުޓާ ޖެނެރަލް ހުސައިން ޝަމީމްގެ އަރިހުން ވެސް އެދިވަޑައިގެންފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގައުމުގެ ދޫ
14 June 2020
މުޖުތަމައުގެ ރައްކައުތެރިކަން ޔަގީންކުރުމަށް އައްޔަންކޮށްފައިވާ ފަރާތްތަކުން ފުރިހަމަ ޒިންމާ ނުނަގާތީވެ ދިމާވާހާ މައްސަލަ. ކަންކަން ބޮއްސުންލީމާ ބޮޑު ކޮމިޓީއެއްހަދާ ބަޖެޓަށް ބާރުބޮޑުކުރުން ނޫންކަމެއް ނުކުރެވޭ. ދިވެހިން ބޭނުމީ ނަތީޖާ، ފޮނިވާހަކަ ދެއްކުމުގެ ބޭނުމެއް ނެތް. މުޖުތަމައުގާ މަދީ މިވެނި ނުބައިކަމެކޭ އެކަމެއް މި މުޖުތަމައުގާނެތޭ ބުނެވޭނެ އެއްވެސް ކަމެއް ނެތް. ހިތާމާހުރި!
އަންތަރީސް
14 June 2020
ގެސްޓްހައުސްއެއް ސަފާރީއެއް ބިދޭސީންނެއް ކިޔާނެ ކަމެއް ކިޔާނެކަމެއްނެތް. އެއްވެސްކަމެއް ރަނގަޅަށް ބެލެހެއްޓޭކަމެއް ބުނެބަލަ. ގެސްޓްހައުސްތައް ނުބެލޭކަމަށް ކިޔަންވީ މިއަދަކު ނޫން. އެތަންތަން ކުށްޔަށް ނަގައިގެން ޑްރަގް ވިޔަފާރިކުރުމާއި މަސްތުވެގެން ދެޖިންސް އެއްވެ ޕާޓީކޮށް ބަދުއަޚްލާޤީ އަމަލުހިންގުމާއި ހަށިވިއްކުމާއި ޖުވާކުޅުމާއި މިހެން ކިޔާނެކަމެއްނެތް ފާފައަކަށްވާ ކޮންމެ ކަމެއްވެސް އެތަންތަނުގައި ނުކުރާކަ ކަމެއް ނެތް. އެކަން ބަލަހައްޓާނީ ކާކުބާ؟
ދުންމާރި
14 June 2020
މުއައްސަސާތައް ޕެރަލައިޒްވެ ހަމައާއި އިންސާފު، ފާލުން ނެއްޓުނީމާ ބަންގާޅީން މި ގައުމުގައި ރަސްކަން މިކުރަނީ. ރޯދިބަރަކާތް އަރުއްވައިގަންނަ ކަންކަން ތިޔަ ގެސްޓޤ ހައުސްތަކުގައި ކުރުމުގެ ވަބާ ތޯއްޗެ، ލައިގަނެގެން މިއުޅޭނީ.
ގާކޮށި ހުސޭނުނު
14 June 2020
ކޮންމެ މީހަކު ޑިއުޓީގަ ހުއްޓަސް ލާރި ދިނީމަ އެތަންތަނަށް ވަށްދަނީ ކާކުތޯއެއް ނުބަލާނެ ގެސްޓް ހައުސް ސަށް ވައްދަންވީ ގެސްޓުންއެކަނި
ކަންނެތް ރައްޔިތެއް
14 June 2020
ބިދޭސީ ބިދޭސީ ގޮވަންތިބޭ. ދިވެހިން މަދައްކަތްކުރުން މަނާކުރީ ކާކު. އަނެއްކާ ސައިހޮޓާ ޖެފޭތައް ހުޅުވެނީ. ބިދޭސީން ގިރިގޮތަކަށް ސަޔާ ކޮފީ ބޯން އެމީހުންނަށް އެއްޗެހިހޮވަން ބައިހަދާފަވތިބޭނެ.
ކޮރަލް
13 June 2020
ދިވެއްސަކު ޑިއުޓީގަ ހުންނަ ގެސްޓް ހައުސް އެއް ނެތެވެ. ބިދޭސީން ގެސްޓް ހައުސް ގަ ކޭޝިއަރުންނަށް ކައުންޓަރުގަ އެތިބެނީ ގާނޫނާއި ހިލާފަށެވެ. އެއީ ވަގުތުން ހުއްޓު ވެން ޖެހޭ ކަމެކެވެ.
މުދިމު ކަތީބު
13 June 2020
ކޮންމެ ގެސްޓު ހައުސް އެއްގައި ފުލުހެއް އެ ފުލުސް މީހާ ބަލަހައްޓަން ފުލުހެއް އެ ދެ ފުލުހުން ބަލަހައްޓަން އިތުރު 3 ފުލުހުން .
ދޮންވެލި
13 June 2020
ފުލުހެއް ބަހައްޓާ ކަށް ނުޖެހެ އެވެ. ގާނޫނާ ހިލާފް ބިދޭސީ ކޭޝިއަރު ވަގުތުން ހައްޔަރު ކޮށް ޑިޕޯޓް ކޮށްލަ ބަލާށެވެ.
ފޫހި
13 June 2020
ތިޔަ މުޑުދާރު ގެސްޓް ހައުސްތަކޭ ކިޔައިގެން ދުވަހު ކުއްޔަށް ކޮޓަރި ވިއްކާ ތަންތަނަކީ ހަމަ ފާހިޝް އަމަލުތަކުގެ ހާލިތައް. ޢިންޑިޔާ ގައި ފުލުހުން މިފަދަ ތަންތަން ޗެކްކިރޭ. ރާއްޖޭގައި އަޅާވެސްނުލާ. މިފަދަ ވިތަފާރިތަކުން ބިދޭސީން ބޭރުކިރަންޖެހޭ. މިތަންތާ މަސައްކަތްކުރަނީ ވެސް ފިލައިގެން އުޅޭ ބޮންދުން. މީރާގައި ރަޖިސްޓްރީ ނުކޮށް ހިންގުން މަނާކޮށްބަލަ. އޭރުން ފިލާތިބެ މިފަދަކަންކަމެއްނުކުރެވޭނެ.
Ali Gasim
13 June 2020
މިގައުމުގަ ބެލެހެއްޓޭ އެންމެ ކަމެއްވެސް ނޯންނާނެ ކޮޓަރި ކުއްޔަށް ދިނުމާ ގެސްޓްހައުސްގެ ނަމުގަ ތަންތަން ހިންގުމަކީ މިގައުމުގާއުޅުއްވާ ވަގުބަންގާޅި ބޭފުޅުން ހިންގާ ވިޔަފާރި މި ބޭފުޅުން އުޅޭގޮތެއްކުރާކަމެއް ފުލުހުން ނުބަލާނެ އަދި މިގައުމުގެ އެހެންތަނަކުންވެސް ނުބަލާނެ މީގޮތްހުސްވެ ފޫގޮއްސައޮތްގައުމެއް މިގައުމުގަ އޮންނާނީ ކުކުޅުހާލުގެ މިސާލު ްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްް
އަބުލްބަރކާ
13 June 2020
ހުރިހާ ގޯސް ކަންތައްފެށިގެން މިދަނީ ދިރިއުޅެންޖެހިފައިވާ މާލޭގެ ތޮއްޖައްސަން ވެރިކަންކުރި ބަޔަކު ހެދި މާރސްޓަރ ޕްލޭންގެ ސަބަބުން. ވަރަށް ރަގަޅު ަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަަ ދިރިއުޅު މުގެ ބޮޑެތިކުލީގެ އަޅުވެތި ކަ މުން މިންޖުވެގެން ނޫނީ ސަލާތް މަތެއްނެތް.
ހަސަން ފިކުރީ
14 June 2020
ދެން ކަނޑުހުޅުދޫޔޯ؟ އެރަށް ވެސް ތޮއްޖެހިފައިތަ އޮތީ؟ އަދި ދެންވެސް އެފަދަ ކަންކަން ހިނފާއިވާ ރަށްރަށޯ!