ގޭގައި ތިބި ދުވަސްވީ މީހުންނަށް ބަލި ގެންދާ މީހަކަށް ނުވާތި: މަބްރޫކް

ލޮކްޑައުން އަށް ދިން ލުޔާ އެކު، އުމުރުން ދުވަސްވީ ދެ މީހަކު ހެނދުނު ކަސްރަތަށް ނުކުމެ ހިނގާލަނީ: އުމުރުން ދުވަސްވީ މީހުންނަށް ހާއްސަ ވަގުތު އެހެން މީހުން މަގުތަކަށް ނުކުމެ އުޅުން މަދުކުރަން ވަނީ އެދިފައި. -- ފޮޓޯ: ނިޝާން އަލީ/މިހާރު

ޝުރުފާ މުހައްމަދު، މިހާރު

15 ޖޫން 2020 - 00:43

19 comments

މާލެ އިން ކޮވިޑް-19 ފެނުމާއެކު އިއުލާންކޮށްފައިވާ ލޮކްޑައުން އަށް މާދަމާ އިން ފެށިގެން ބޮޑެތި ލުއިތަކެއް ދޭއިރު އަދިވެސް ބައްޔާ މެދު ސަމާލުވެގެން އުޅުމަށާއި ގޭގައި ތިބި އުމުރުން ދުވަސްވީ މީހުންނާ ހަމަ އަށް ބަލި ގެންދާ ބަޔަކަށް ނުވުމަށް އެންއީއޯސީގެ ތަރުޖަމާނު މަބްރޫކް އަޒީޒް މިރޭ އިލްތިމާސް ކުރައްވައިފި އެވެ.

ރާއްޖޭގައި ކޮވިޑް-19 ގެ ހާލަތު އޮތް ގޮތުގެ މައުލޫމާތު ދޭން ބާއްވާ ސިލްސިލާ މީޑިއާ ބްރީފިންގައި މަބްރޫކް ވަނީ މި ލޮކްޑައުން ތެރޭގައި ވެސް އުމުރުން ދުވަސްވީ ގިނަ ބަޔަކު ޕޮޒިޓިވް ވަމުން އަންނަކަން ފާހަގަކުރައްވައިފަ އެވެ.

"އިއްޔެ ޚަބަރު ލިބުނީ 92 އަހަރުގެ މީހަކު ޕޮޒިޓިވްވި ކަން، އަނެއްކާ މިއަދު އައިސް ވަން އިރަށް މި އެނގުނީ 83 އަހަރުގެ މީހަކު ޕޮޒިޓިވްވިކަން،" މަބްރޫކް ވިދާޅުވި އެވެ.

މަބްރޫކް ވިދާޅުވީ ލޮކްޑައުން ލުއިކޮށް ހުޅުވާލަން ތައްޔާރުވެފައި ވަނިކޮށް މި ދެރޭ އެކަނި ވެސް ލިބިގެން މި ދިޔައީ ސިގްނަލެއް ކަމަށާއި އެކަމަށް ސަމާލުކަންދޭން ޖެހޭނެ ކަމަށެވެ.

"އަޅުގަނޑަށް އަދި ތިބޭފުޅުންނަށް މި ވެދާނެ ރޯގާއަކަށް، އެކަމަކު ތިބޭފުޅުން ބަލި ގެންދަވަނީ ކާކަށްތޯ އެބަޖެހޭ ބަލަން، ފަހަރުގަ ބަލި އެ ގެންދެވެނީ ވަރަށް އުނދަގޫ ބިރުވެރި ހާލަތަކާ ކުރިމަތިވާ މީހަކަށް ވެސް ވެދާނެ" މަބްރޫކް ވިދާޅުވި އެވެ.

ރާއްޖޭގައި މި ބަލި ޖެހުނު ގިނަ މީހުންނަށް ބަލީގައި ބޮޑުވަރު ނުވެ ބަލިން ސަލާމަތްވެފައިވާކަން މަބްރޫކް ފާހަގަކުރެއްވި އެވެ. ނަމަވެސް ބަލީގައި ހައިރިސްކް މީހުން އެބަ ތިބި ކަމާއި، ބޭރަށް ނުކުތުމަށް ފަހު އެނބުރި ގޮސް ގެ އަށް ވަންނަ އިރު ގޭގައި ތިބި ހައިރިސްކް މީހުންނާ މެދު ވިސްނައި އެ މީހުންނަށް ބަލި ޖެހުމަށް ފުރުސަތު ކުޑަ ކުރުމަށް އިލްތިމާސް ކުރެއްވި އެވެ.

އަޅުގަނޑަށް އަދި ތިބޭފުޅުންނަށް މި ވެދާނެ ރޯގާއަކަށް، އެކަމަކު ތިބޭފުޅުން ބަލި ގެންދަވަނީ ކާކަށްތޯ އެބަޖެހޭ ބަލަން: މަބްރޫކް

ރާއްޖޭން މިހާތަނަށް ބައްޔަށް ޕޮޒިޓިވްވި މީހުންގެ ތެރޭގައި އުމުރުން 60 އަހަރުން މަތީގެ 69 މީހަކު ހިމެނެ އެވެ. އެއީ 60 އަހަރާއި 70 އަހަރާ ދެމެދުގެ 43 މީހުންނާއި 70 އަހަރާއި 80 އަހަރާ ދެމެދުގެ 13 މީހުންނާއި 80 އަހަރާއި 90 އަހަރާ ދެމެދުގެ 11 މީހަކާއި 92 އަހަރުގެ ދެ މީހެކެވެ.

އުމުރުން 80 އަހަރުން މަތީގެ ދެ މީހަކު ވަނީ ބަލީގައި މަރުވެފަ އެވެ.

ލޮކްޑައުން އަށް އެންމެ ފުރަތަމަ ދިން ލުއީގައި ވެސް އުމުރުން ދުވަސްވީ މީހުންނަށް ފަތިހު 5:00 އިން 8:00 އަށް ބޭރަށް ނުކުމެ އުޅެން އޮތީ ހުއްދަ ދީފަ އެވެ. މާދަމާ އިން ފެށިގެން ފަތިހު 5:00 އާއި ރޭގަނޑު 10:00 އާ ދެމެދު އެންމެންނަށް ވެސް ބޭރަށް ދެވޭ ގޮތަށް ހަމަޖައްސާފައި ވިޔަސް ހެނދުނު 8:00 އަށް އަދިވެސް ހާއްސަކޮށްފައި އޮތީ އުމުރުން ދުވަސްވީ މީހުންނަށެވެ. އެހެންވެ އެ މީހުންނަށް ހާއްސަ ވަގުތުގައި އެހެން މީހުން ބަލައިގެން އުޅުމަށް މަބްރޫކް އިލްތިމާސްކުރެއްވި އެވެ.

ރާއްޖެއިން ކޮވިޑް-19 ފެނުނުތާ ތިން މަސް ވެފައިވާއިރު މިހާތަނަށް 2،035 މީހަކު ޕޮޒިޓިވް ވެފައިވެ އެވެ. އޭގެ ތެރެއިން 1،311 މީހުން ވަނީ ރަނގަޅުވެފަ އެވެ.

ހެލްތު ޕްރޮޓެކްޝަން އެޖެންސީ މުހައްމަދު މަބްރޫކް އަޒީޒް (ރައީސް އޮފީސް) ލޮކްޑައުން ސިއްހަތު ބަލިތައް ސިއްހީ ކުއްލި ނުރައްކަލުގެ ހާލަތު ހުޅުމާލެ ވިލިމާލެ މާލެ

19 ކޮމެންޓް, 16 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޯޓު މީހާ

21 May 2021

ސަރުކާރު ބަންދުކޮށްފައިވަނީ ނަމެއްގައި، ހުރިހާ ކޯޓުތައްވެސް ޖުޑިޝަރީއިން ހުޅުވައިގެން މުވައްޒަފުން ނެރެގެން ކޮން ގަނޑެއް ގަންނާކަށް.. އެނގިހުރެ މިބުނަނީ މިވަގުތު އެޅިފައި ހުރި ފިޔަވަޅުތައް އެއްވެސް ހަރުދަނާކަމެއް ނެތް. ޢަދި އެޅިފައި ހުރި ފިޔަވަޅުތައް ތަންފީޒުކުރޭތޯ މޮނިޓަރ އެއްވެސް ނުކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަންނި

15 June 2020

ދަންނަވަންތޯ ބަލިގެންދަނީ ހަމަ އެކަނި ބޭރަށް ދާ ޒުވާނުން އެއް ނޫން. ބޭރަށް ދާ އުމުރުން ދުވަސްވީ މީހުން ގެއަށް އައިސް ހެދުން ބަދަލެއް ނުކުރޭ. ފެންނުވަރާ މީހުން ވެސް އެބަ އުޅޭ. މި އަދި މާސްކު ނޭޅުމުގެ އިތުރުން. ކޮބާ އަހަރުމެންނަށާއި ތުއްތު ކުދިންނަށް އޮތް ރައްކާތެރި ކަމެއް. މިވާހަކަ މަބުރޫކު މެން ދައްކަންޖެހޭ ޕްރެސްގައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގާކޮށި ހުސޭނު

15 June 2020

ސަރުކާރުން ބަލިފަތުރަނީ ބަލިއޮތް މާލެއިން ރަށް ރަށަށް މީހުން ފޮނުވައިގެން ސަރުކާރަކީ ރަށްޔިތުންނެއްނޫން ސަރުކާރަކީ ވެރިކަމުގަ ތިބި ޕާޓީގެ މީހުންނެ ރަށްޔިތުންގެ ވެރިކަންކުރީ ރައީސް މައުމޫން މިހާރު ކުރަނީ ޕާޓީގެ ވެރިކަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޑަ

15 June 2020

މިހާރު ނޫހުގަ ޖަހާ ކޮމެންޓުތަށް އަޕްލޯޑު ކުރައްވާއިރު ކުރިންފޮނުވި ކޮމެންތުތަށް މަތިން ފެންނަގޮތަށް ހައްދަވަން ވީނޫންތޯ. ތަރުތީބުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަމްބރޫ

15 June 2020

އަދި އިތުރަށް ކިތައް މިސާލު ބޭނުންވަނީ ގޭގަ އޮއްވާވެސް މި ވައިރަސް އަރާނެކަމުގެ؟ ހަގީގަތަކީ މިއީ އަބަދަށް ފިލައިގެން އުޅެވޭނެ އެއްޗެއްނޫންކަން. އެކަހަލަ ވާހަކައެއް ޑރންނަކަށް ނުބުނެވޭނެ ޕްރޮފެޝަންގެ ގޮތުން. އެއްވެސް މީހަކު ގެއިން ނުނިކުމެ ތިއްބާ ޖެހުނީ ކިތަށް މީހުންނަށް؟ ބަލައިގެން އުޅުމާއެކު މާތްﷲއަށް ވަކީލުކުރުން މިބަލީގައިވެސް ވަނީ. ވައިރަސްއާ މިއަދު ދިމާނުވިއްޔާ މާދަމާވެސް ދިމާވާން އޮތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަސް

15 June 2020

ކިތަންމެވަރަކަށް ބުންޏަސް ބުނާބަސް އިވެނީ މަދު ބަޔަކަށް މިއަދު ހެނދުނު ބޭރަށް ނިކުތް އިރު ފެނުނު މަންޒަރުތަކުން މިމީހުނަށް އެއްވެސްވާހަކައެއް އަޑުއިވޭހެން ހީނުވޭ. ދެރަކަމެއް. ސިއްހީ ދާއިރާއިން ކުރާ މަސައްކަތް މިއިން މީހަކަށް އިހްސާސު ނުވާއިރު އަމިއްލަ ނަފްސާމެދުވެސް ވިސްނާނުލެވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުލައި1

15 June 2020

އަޖައިބެއް ބަލަ އޮފިސްތައް ހުޅުވީމަ އަހަރުމެން ޖެހޭނީ މަސައްކަތަށް ނުކުންނަށް ދެން މީ އަހަރެމެން ރައްކާތެރިވުން ފިޔަވައި އެހެން ކޮންޓްރޯލެއް އޮތް ކަމެއް ނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހުދު

15 June 2020

ގޭގެއައް މިއުޅޭ “ޕާރޓްޓައިމް” ހައުސްމެއިޑުން ނުގެނައުން އެދެން. އެމީހުންނަކީ އެއްގެއިގަ ފާޚާނާ ސާފުކޮއްފައި އައިސް އަނެއްގޭގައި ފުއްގަނޑުމޮޑެ ރޮށިފިހެ ހަދާބައެއް. އެމީހުންގެ ފަރާތުން ބަލި ފެތުރޭލެ ވަރައް އަވަސްވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނުބެ123

15 June 2020

ބަލި ގެންދާނީ ޅަކުއްޖަކު ގެންދާހެނެއް ނޫން. ބޭރުގައި އުޅެފައި އަންނަ މީހާގެ ކިބައިން ގެއަށް ބަލި ވަންނަނީ ހީވެސް ނުކުރާފަދަ ގޮތަކަށް. މާލެ އޭރިއާ މިއޮތީ ނުރައްކާތެރި ފައްތަރެއްގައި.މިހެން އޮްތްވާ ލޮކްޑައުނަށް ތިހާބޮޑު ލުޔެއް ދީފައި މީހުން ބަސްނޭހިޔޭކިޔާނޭ ކަމެއް ނޯންނާނެ. އޭރަށް އޮންނާނީ ވާނޭއެއްޗެއް ވެފައި. ސަރުކާރުގެ އަމަލު ހުރިގޮތުން އަދި ކޮވިޑު ކުރިއަށް އޮތީ! 36 މީހުން ޕޮޒިޓިވްވެގެން ބެއިޖިންގް ބަނދު އެކުރީ އެމީހުންނަށް ކަމުގެ ސީޜިއަސްކަން އެގޭތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު002

15 June 2020

ސަރުކާރުން އެ މަސައްކަތް ކުރަނީ ބައްޔާއެކު ދިރިއުޅެން. އެކަން އެގޮތަށް ކުރަނޖެހޭނެ ރާއްޖެކަހަލަ އުފެއްދުން ތެރިކަން ދަށް ގައުމުތަކުން. އިގްތިސާދު އަތުނުވާ ހިސާބަށް ދިޔާމަ އަނގަވަތަށް ނަގައިގެން ތިބެން ޖެހޭނި ހަމަ. އާއްމުން ހޭބަލި ނުވެ ތިބެންވީ. ހާއްސަކޮށް ކަންމަތީ ބުރޯމެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިންފޫޓްދުރުގައިދުރު

15 June 2020

ބަލިޖެހި ނޭނގި ހުރި ބަނގުލަދޭޝް މީހަކު ނޫނީ އެހެންވެސް މީހަކު މަގުމައްޗަށް ޖަހާ ކުޅަކަށް އެރިގެންވެސް ގެއަށް ބަލި ވަދެދާނެ، ވަރަށް ގިނަ މީހުން މަގުމައްޗަށް ކުޅުޖަހާ މިކަން ހައްލު ވާނީ ކިހިނެއްތޯ؟؟؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށޖސޖދސ

15 June 2020

ދިވެހިން ކުޅު ޖަހާ ލެއް މަދެއް ނޫން. ބަންގަލަދޭސް މީހުން އޭ ހަމަ އެކަނި ނުބުނޭ ކުޅުޖަހާ އެންމެ އަށް ގޮތެއް ހަދަން އެބަ ޖެހޭ. ޢަދި ހޮޓާ ތައް ހުޅުވީމަ މިކަން ތައް އިންތިހާ އަށް ބޮޑު ވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދާނޯމޮސް

15 June 2020

މިބަލި މާވަރުގަދަ ބައްޔަކަށް ޑަބްލިޔޯ އެޗް އޯއިން ހަދައިގެން ދުނިޔެ ކައްކުވާއިރު އިޓަލީގެ ޑރ ން އެއްދުވަހުން 14000 ޕޭޝަންޓްސް ގެޔަށް ފޮނުވާއެލީ އެސްޕިރިން 100 މިލިގްރާމް ދީގެންނެވެ. އަދި މީ ވައިރަހަކަށް ވުރެ ބެކްޓީރިއާއެއް ކަމަށް އެމީހުންވެސް އެދަނީ ބުނަމުންނެވެ. މަބްރޫކް މެން މިފަދަ ވާހަކަތަށް އާންމު ނުކުރަނީ ކީޢްވެތޯ އާއި ސިއްރު ކަމެއްގެ ގޮތުގައި މިކަން ބާއްވައިގެން މުސްލިމުން ގެ އަގީދާނަގާލުމުގައި ބައިވެރިވާނީ ހެއްޔެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަރާބަރު

15 June 2020

އިޓަލީއިން މަރުވިމީހުންގެ އަދަދުވެސް އެއީ ބޮޑު ސިއްރެއް...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޫދު

15 June 2020

ހަޤީޤަތާ ހިލާފު މައުލޫމާތުތައް އެކިއެކި ފަރާތްްތަކުން ދަނީ ބައްޔާ ބެހޭގޮތުން ފަތުރަމުން. މިބައްޔާ ގުޅޭ ގޮތުން ވަރަށް ގިނަ މައުލޫމާތުތަކެއް ވަނީ ތަފާތު ގޮތް ގޮތަށް ސިޔާސީ ފައިދާ އަށް ބޭނުންކޮށްފައި. އެކަމަކު ތިބުނާ ވާހަކައަކީ ކަނޑައެޅިގެން ބޮޑު ދޮގެއް. ބައްޔާ ބެހޭ ގޮތުން މައުލޫމާތު ހޯދާނަމަ ނުވަތަ ތަފާތު އެންގަލަކުން ބައްޔާ ބެހޭ ގޮތުން މައުލޫމާތު ބޭނުންނަމަ ކާކުކަން އެނގޭ ގޮތަށް ފާޅުގައި އެކި އެކި ސައިންޓިސްޓުން ދައްކާ ވާހަކަތަކަށް ބަލާ.