ޚަބަރު / މައިމޫނާ އަބޫބަކުރު (ޑީޖީ، އެޗްޕީއޭ)

ކޮވިޑް-19: މާލެ ފިޔަވައި އެހެން ރަށްރަށުގައި އަޅާފައިވާ ހާއްސަ ފިޔަވަޅުތައް އުވާލައިފި

ހެލްތު މިނިސްޓަރު އަމީނާއި ޑިރެކްޓަ ޖެނެރަލް އޮފް ޕަބްލިކް ހެލްތު މައިމޫނާ މަޝްވަރާއެއްގައި.

އަހުމަދު ސާއިލް އަލީ، މިހާރު

15 ޖޫން 2020 - 10:35

ކޮވިޑް-19 އިން ރައްކާތެރިވުމުގެ ގޮތުން މާލެ ފިޔަވައި، އެހެން ރަށްރަށުގައި އަޅާފައިވާ ހާއްސަ ފިޔަވަޅުތައް މިއަދުން ފެށިގެން އެޗްޕީއޭ އިން އުވާލައިފި އެވެ.

ޑިރެކްޓަ ޖެނެރަލް އޮފް ޕަބްލިކް ހެލްތު މައިމޫނާ އަބޫބަކުރު އެގޮތަށް ނިންމެވިއިރު، ކޮވިޑް-19 ޖެހިފައިވާ މީހަކު އޭޕްރީލް 15 ގައި މާލެ އިން ފުރަތަމަ ފަހަރަށް ފެނުމާ ގުޅިގެން މާލެ ސަރަހައްދު ލޮކްޑައުން ކޮށްފައި އޮތް އޮތުމަށް މިއަދުން ފެށިގެން ވަނީ ބޮޑު ލުއިތަކެއް ދީފަ އެވެ. އެގޮތުން ކޮންމެ ދުވަހެއްގެ ފަތިހު 5 ން ރޭގަނޑު 10 އާ ހަމައަށް ހުއްދައަކާ ނުލައި އެންމެންނަށް ވެސް ބޭރުގައި އުޅެވޭނެ އެެވެ.

މައިމޫނާ، ސޮއިކުރައްވައި ރޭ ނެރުނު އެންގުމެއްގައި ވަނީ ސިއްހީ ނުރައްކަލުގެ ކުއްލި ހާލަތުގެ ދަށުން ހުރިހާ ރަށެއްގައި ހާއްސަ ފިޔަވަޅުތަކެއް އެޅުމަށް އެންގި އެންގުން މިއަދުން ފެށިގެން ބާތިލް ކަމަށެވެ.

ކޯވިޑް-19 ފެތުރުން ކޮންޓްރޯލް ކުރުމަށްޓަކައި މާލެ ސަރަޙައްދު ފިޔަވައި ރާއްޖޭގެ ހުރިހާ ރަށެއްގައި ޚާއްޞަ ފިޔަވަޅުތަކެއް އެޅުމަށް އެންގި އެންގުން ބާތިލުކުރުން

(ނަންބަރު: 47/2020)

އިތުރު މަޢުލޫމާތުާ: https://t.co/2Cxe8k7OTN
— Health Protection Agency (@HPA_MV) June 14, 2020

ހާއްސަ ފިޔަވަޅުތައް އުވާލުން

އެހެން ކަމުން ޖަމާއަތުގައި ނަމާދު ކުރުމާއި ގިނަ ބަޔަކު އެއްވެ ކުރާ ކަންކަން ކުރުމަށް މިހާރު ރަށްތަކުގައި މަނަލެއް ނުވާނެ އެވެ. ހުއްދަ ނެގުމަކާ ނުލައި މާލެ ފިޔަވައި އެހެން ރަށްތަކުން އެއް ރަށުން އަނެއް ރަށަށް ދަތުރު ކުރެވޭނެ އެވެ.

ކުރިން އޮތް ގޮތުން ވެސް މިއަދުން ފެށިގެން، މާލެ ފިޔަވައި ރާއްޖޭގެ ހުރިހާ ރަށެއްގައިި ޖަމާއަތުގައި ނަމާދު ކުރެވޭނެ އެވެ. މިސްކިތްތައް ހުޅުވައިލަން މިއަދާ ހަމައަށް ހުއްދަ ނުދީ އޮތީ ކޮވިޑް-19 ފެތުރޭތީ، އެޗްޕީއޭ އިން މޮނިޓަރިން އަށް ލާފައިވާ މާލެ އާއި ކުރިން އެ ހާލަތުގައި އޮތް ނ. މަނަދު އެވެ. އެކަމަކު، މޮނިޓަރިން އުވައިލިތާ މިއަދަށް 14 ދުވަސް ހަމަވުމުން، މަނަދޫގެ މިސްކިތްތަކުގައި ވެސް ޖަމާއަތުގައި މިހާރު ނަމާދު ކުރެވޭނެ އެވެ.

ކޮވިޑް-19 އަށް ރާއްޖޭން ޕޮޒިޓިވްވި މީހުންގެ އަދަދު 2,035 އަށް އަރާފައިވާއިރު، މާލެ ފިޔަވައި މި ބަލީގެ މީހުން ފެނިފައިވަނީ މަނަދޫގެ އިތުރުން ހއ. އުލިގަމާއި އެ އަތޮޅު ތަކަންދު އާއި ށ. ނަރުދޫ އާއި ކ. ތުލުސްދޫ އާއި އެއަތޮޅު ހިންމަފުށިންނެވެ. އައްޑޫގައި ކަރަންޓީން ކޮށްފައިވާ މީހަކު ވެސް ވަނީ ޕޮޒިޓިވް ވެފަ އެވެ.

ސިއްހަތު މައިމޫނާ އަބޫބަކުރު (ޑީޖީ، އެޗްޕީއޭ) ބަލިތައް ލޮކްޑައުން ސިއްހީ ކުއްލި ނުރައްކަލުގެ ހާލަތު ވިލިމާލެ ހުޅުމާލެ މާލެ ހެލްތު ޕްރޮޓެކްޝަން އެޖެންސީ

7 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަރަދޫ މީހާ

15 June 2020

އައްޑޫ ގައި މިހާރު ފިޔަވަޅު އަޅަނީ ޕޮލިހުންނެވެ. އެމީހުން ވަނީ ކުރިޔަށް ވުރެން ތިން ގުނަ އިތުރަށް ބެރިކޭޑް ޖަހާ ރައްޔިތުންނަށް ދަތި އުނދަގޫ ކުރަމުންނެވެ. ޢެޗް ޕީ އޭ އިން ލުއި ދިނުމުން ޕޮލިހުންނަށް ލާޒިމް ވަނީ އެޗް ޕީ އޭ އިން އަންގާ ގޮތަކަށް އަމަލު ކުރުމެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުންބުލި

15 June 2020

އަދިވެސް އައްޑޫގެ ވިޔަފާރިޔަކަށް ކައުންސިލުން ދަނީ ހުރަސް އަޅާ ބިރުދައްކަމުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަމަރޭ

15 June 2020

އަސްލު ވިސްނަން ޖެހޭ ސަރަހައްދަކަށް އޮތީ މާލެ ސަރަހައްދު. އާބާދީގެ ތިން ބައި ކުޅަ އެއްބައިގެ އިތުރަށް، ނުގަވައިދުން އެތެރެވެފައި ތިބި 15،000 ބަންގްލަދޭޝް މީހުންވެސް ތިބީ މާލޭގައި. ރަށަކުން މީހަކު ޕޮޒިޓިވް ވިޔަސް އެހާ އުނދަގުލެއް ނުވާނެ. ގުދުރަތީ ގޮތުން ވަކި ރަށްތަކެއް ގޮތުގައި އޮތުމުގެ ފާއިދާ އަކީ އެ ރަށް އެއްކޮށް ބަންދުކޮށްލަން ފަސޭހަވުން. ނަރުދޫ މީހަކު ޕޮޒިޓިވް ވެގެންވެސް ފަސޭހަ ކަމާއެކީ މިކަން ނިންމާލެވުނީ އެހެންވީމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިވަރެއްނެތް

15 June 2020

ފިޔަވަޅުތަކާއި ސިއްހީ ކުއްލި ނުރައްކަލުގެ ހާލަތު ނިމި ކޮވިޑަށް ވެކްސިން ހެދި ދުނިޔެއިން އެބަލި ނެތިދާއިރުވެސް އޯޑަރުކުރި ވެންޓިލޭޓަރުތައް ނުލިބޭ ދޯ؟ ބަލަގަ ވެންޓިލޭޓަރުތައް ގިނަވެ ބޭނުން ނުހިފިގެން އެމެރިކާ އާއި ޗައިނާއިން އެތަކެތި ފަގީރުގައުމުތަކަށް ހިލޭ އެބަހަނީ! އެޗްޕީއޭ އާއި ހެލްތުގަ ދަސްކުރާ ބޯޑު ޖަހާއިގެން އުޅޭކުދިންނަށް ބުނެލަންއޮތީ 97 މިލިޔަން އާބާދީ އޮންނަ ވިއެޓްނާމްގެ ކޮވިޑަށް އެންމެ މީހަކުވެސް މަރެއްނު ބަލި ކޮންޓްރޯލުކުރި ގޮތް ބަލާށޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުރޭ

15 June 2020

ލުއިތަށް ދިނަސް ހުރިހާ ކުދިންވެސް ބަލައިގެން އުޅޭތި. އެކެއްގެ ރައްކާތެރިކަމަކީ އެތަށް ހާސް ބައެއްގެ ރައްކާތެރިކަން ދަންނާތި. ﷲގެ އިރާދަފުޅުން މިފަހަރުވެސް ރައްކާވެރި ތިބިއްޔާ ދަތުރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަކީމް

15 June 2020

މާލެގެ ރަށްވެހިންނާއި އެންމެ ނިކަމެތި މީހުން. ހުޅުމާލޭގައި އެންމެ ފަހުން އެޅި 7000 ފްލެޓް ގެ ކޮތަރު ކޮށިވެސް ދިނީ ހުސް މާލޭން ބޭރު މީހުންނަށް - މީހުން ޖަމާވަނީ ހަމަ މިސަރަހައްދަށް. އެއްތަނަކަށް ހުރިހާ އެންމެން ޖަމާކުރުމަކީ ތަރަޤީއެއް ނޫން. މާލޭ ، ހުޅުމާލޭ އަދި ވިލިނގިލީގައި ހުރި ހޮޓާ ގެސްޓަހައުސް ތަކަށް ހުއްދަ ލިބޭނެ ދުވަހެއްވެސް ނުއެނގޭ.