15 ޖުލައި 2020 - 12:36
20 comments
ކޮވިޑް-19 އިން ރައްކާތެރިވުމުގެ ފިޔަވަޅެއްގެ ގޮތުން ލޮކްޑައުން ކުރުމާ އެކު މި އަހަރުގެ ކުޑަ އީދުގައި މާލޭގެ ރައްޔިތުން ތިބީ ގޭ ބަންދެއްގަ އެވެ. އަދި ކުރިއަށް އޮތް ބޮޑު އީދުގައި ވެރިރަށުގެ ދެ ލައްކައެއްހާ މީހުންނަށް އޮތީ ގާތްގަނޑަކަށް ރަށު ބަންދެކެވެ.
މާޗު 12 އިން ފެށިގެން އިއުލާންކޮށް، އަދި މުއްދަތު އިތުރުކުރަމުން އަންނަ ސިއްހީ ކުއްލި ނުރައްކަލުގެ ހާލަތު، އަންނަ މަހު ހަތަކަށް ދިގު ދަންމާލުމުން، މާލޭ ރައްޔިތުންނަށް ދަތުރުފަތުރުކުރުމުގައި ހުއްޓުންތަކެއް އަންނާނެ އެވެ. އެހެންކަމުން ބޮޑު އީދު ބަންދު އެހެން ރަށެއްގައި މިނިވަންކަމާ އެކު ހޭދަކުރުމުގެ ފުރުސަތެއް ނެތެވެ.
ލޮކްޑައުންގައި މާލެ އޮންނަތާ ދެ މަސް ފަހުން ޖޫން 15 އިން ފެށިގެން ދެމުން އައި ލުއިތަކާ އެކު މިހާރު ގެއިން ބޭރަށް ނުކުމެވެ އެވެ. އޮފީސްތަކާއި އެހެން މަސައްކަތްތައް ވަނީ ހުޅުވިފަ އެވެ. އެކަމަކު މާލެއިން ބޭރަށް ދަތުރުކުރަން އަދިވެސް އޮތީ ހުރަސްތަކެވެ.
ހެލްތު ޕްރޮޓެކްޝަން އެޖެންސީ (އެޗުޕީއޭ) އިން ބުނީ ކަރަންޓީން ނުވާ ގޮތަށް މާލޭން އެހެން ރަށަކަށް އަދިވެސް ނުދެވޭނެ ކަމަށެވެ. މާނައަކީ ބޮޑު އީދަށް އެހެން ރަށަކަށް ދިޔަ ނަމަވެސް އެ ދާ ތަނެއްގައި ދެ ހަފުތާއަށް ކަރަންޓީން ވާން މަޖުބޫރުވުމެވެ.
ރާއްޖޭގެ މިނިވަން ދުވަސް ކަމަށް ވާ ޖުލައި 26 އާ ޖެހިގެން ބޮޑު އީދު އަންނާތީ، 11 ދުވަހުގެ ޗުއްޓީއެއް މިފަހަރު އެބަ ލިބެ އެވެ. އާންމުކޮށް މިނިވަން ދުވަހުގެ މުނާސަބަތުގައި ބަންދުކުރަނީ ޖުލައި 26،27 ކަމަށް ވިޔަސް، ޖުލައި 30 ހައްޖު ދުވަހަށް ވާތީ، ސަރުކާރުން ވަނީ ޖުލައި 28 އަދި 29 ވެސް ރަސްމީ ބަންދު ދެ ދުވަސް ކަމަށް ހަމަޖައްސައިފަ އެވެ.
ޖުލައި 26ގެ ބަންދުގެ ކުރިން ޖުލައި 24 އަދި 25 ދިމާވަނީ ހުކުރާއި ހޮނިހިރަކަށް ކަމުން، ޗުއްޓީ ފެށިގެން އެ އަންނަނީ ޖުލައި 24 ގަ އެވެ. އެހެންކަމުން މި އަހަރުގެ ބޮޑު އީދު މި ވަނީ ނިސްބަތުން ބޮޑު ޗުއްޓީއަކަށެވެ.
ކޮވިޑް-19 ގެ ނުރައްކާ ނެތް ނަމަ މިއީ ފަހަކަށް އައިސް ރާއްޖެ ނުދެކޭނެ ފަދަ ދަތުރުފަތުރުގެ ބިޒީ ދުވަސްވަރަކަށް ވީހެވެ. އެކަމަކު ބާރަށް ފެތުރެމުން ދާ ބައްޔާ ގުޅިގެން ދަތުރުފަތުރަށާއި ގެސްޓް ހައުސްތަކުގެ ވިޔަފާރިއަށް ވެސް ވަނީ ވަރަށް ބޮޑު އަސަރުކޮށްފަ އެވެ. އޮގަސްޓް 7 ގެ ކުރިން ގެސްޓްހައުސްތައް ހުޅުވުމުގެ ހުއްދަ ދީފާނެ ކަމަކަށް ނުބެލެވެ އެވެ.
ސިއްހީ ނުރައްކަލުގެ ކުއްލި ހާލަތު އޮގަސްޓް 7 އާ ހަމައަށް އިތުރުކޮށްފި https://t.co/oMiM3mRtHH
— Mihaaru (@Mihaarunews) July 14, 2020
ސިއްހީ ކުއްލި ނުރައްކަލުގެ ހާލަތު އިތުރު ކުރުން
ކޮވިޑް-19ގެ އަސަރެއް ނެތް ރަށްރަށުގެ މެދުގައި ދަތުރުކުރާކަށް ހުރަހެއް ނެތެވެ. އެކަމަކު ކޮމިޔުނިޓީ ސްޕްރެޑެއް އޮތް މާލޭގައި އުޅެފައި އެހެން ރަށަކަށް ދާ ނަމަ، ގެއިން ބޭރަށް ނުކުމެވޭނީ 14 ދުވަސް ފަހުންނެވެ.
ރާއްޖޭގެ ބޯޑަރުތައް ބަންދުކޮށްފައި އޮންނަތާ ހަތަރު މަސް ވާން އުޅެނިކޮށް މިއަދު ވަނީ ހުޅުވާލައިފަ އެވެ. އޭގެ ސަބަބުން ރާއްޖޭގެ މައި އިންޑަސްޓްރީ ކަމަށް ވާ ޓޫރިޒަމަށް ކޮންމެވެސް ވަރެއްގެ ދިރުމެއް ލިބޭނެ ކަމަށް ބެލެވެ އެވެ. މިއަދު އައި ގަތަރު އެލާއިންސްގެ ފްލައިޓުން، މާޗު 27 ގެ ފަހުން ރާއްޖެ ޒިޔާރަތްކުރި ޓޫރިސްޓުންގެ ފުރަތަމަ ގްރޫޕަށް، ވެލާނާ އިންޓަނޭޝަނަލް އެއާޕޯޓްގައި މަރުހަބާ ކި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަމޮޅު
15 July 2020
ކީއްތަ ވާނީ މޯލްޑިވިއަން އިން ޢިދަަށް މުޅި ރާއްޖޭގެ ޑޮމެސްޓިކް ކަނެކްޓިން ޝެޑިއުލް އެއް ހެދިއްޔާ. ދެކުނު މީހުން އުތުރަށް، އުތުރ މީހުން ދެކުނަށް. ޢެކަމަށް ކަނެކްޓިން ޕޮއިންޓަކަށް ހުޅުލެ ނޫން އެއާޕޯޓެއް ހެދުމުން މިހުން ބިރެއްނެތި ދަތުރު ކުރާނެ. އެކަމުން މާލެ ބޭފުޅުންނަށް ފައިދާނުކުރާކަމެއް ކުރާނެބާ؟
އެއްކަލަ ސޮރު
15 July 2020
ވަރައް ތާއީދު ތި ވާހަކަ އަށް
ނަޖީބާ
15 July 2020
ކޮންމެ ގޮތަކަށް ނިންމިޔަސް ދިވެހިން ޝަކުވާ ނުކުރާނެ ގޮތެއް ނުވާނެ. އީދު ޗުއްޓީއަށް ރަށް ރަށަށް ގޮސް ހޭވައްޓާލަފަ އަންނައިރު ރާއްޖެ އެންމެންނަށް ބަލި ދީފައި އަންނާނީ. ޒިންމާވާނެ މީހެއް ނުހުންނާނެ. ރާއްޖެތެރޭވީމަ އަޅާވެސް ނުލާނެ. އެހެންވީމަ ރާއްޖެތެރޭ ތިބި ދިވެހިންގެ ސަލާމަރާ ރައްކާތެރިކަން ކަށަވަރުކުރަން މި ނިންމުން ރަނގަޅު.
ހްމްޕ
15 July 2020
ކޮންކަހަލަ ގަމާރު ލޮޖިކެއް ތީ؟ ކޮވިޑް ޓެސްޓުނުކޮށް ރާއްޖެ އެތެރެވާ މުއްސަނދި ޓޫރިސްޓުންގެ ގައިން ބަލި ނުޖެހޭނެތަ؟ ލޮލްސް
ގަމާރުކަން
15 July 2020
ޓޫރިޒަމަށް ބަރޯސާވާ އިކޮނޮމީއެއް ކޮޅަކަށް ނުޖެހޭނެ ޓޫރިސްޓުން އެތެރެނުވެ. އަނެއްކަމަކީ، އެމީހުން ދާނީ ސްކްރީންވެގެން ސީދާ ރިޒޯޓަށް. ރާއްޖޭގައި މީހުން އާބާދުވެފައި ތިބި ރަށް ރަށަކަށް ނޫން. އެހެންވީމަ ކޮންޓެކްޓް ވާ މީހުން ވަރަށް ބޮޑު ތަނުން މަދުވާނެ. އެކަމަކު ރަށް ރަށަށް ޗުއްޓީއަށް ދާ މީހުން މުޅި ރަށުގެ އެންމެންނާ ކޮންޓެކްޓް ވުމުގެ ފުރުސަތު އޮންނާނެ. ކިތަންމެ ވަރަކަށް ކިޔައި ދިނަސް ނުވިސްނޭ މީހަކަށް ވިސްނޭނެތަ؟
ހްމްޕ
15 July 2020
ޓޫރިސްޓުންތައް ދަތުރުފަތުރުކުރާއިރު އާއި މަޑުކުރާ ތަންތަނުގައި ދިވެހިންނެއް މަސައްކަތެއް ނުކުރޭދޯ؟ “ސްކްރީން” ވެގެންނޭ ދަނީ ބުނާިއރު ކޮވިޑް ޓެސްޓެއް ނުހަދާ. “ގަމާރުކަން” އަށް އެކަން ނުވިސްނޭކަން
ގަމާރުކަން
15 July 2020
އެއްފަހަރުވެސް ނުބުނަން ޓޫރިސްޓުންނާ އެއްވެސް ބަޔަކު ކޮންޓެކްޓް ނުވާނެއޭ. ބުނީ ނިސްބަތުން ވަރަށް މަދުވާނެއޭ އާބާދީވެފައި އޮތް ރަށަކަށް ބަޔަކު ދިޔުމުގެ ބަދަލުގައި ރިޒޯޓަކަށް ގޮަސް އެތަނުގައި ދުވަސްކޮޅެއް ހޭދަކޮށްލާފައި އައިމަ. ހަމަަ ކުރީގައިވެސް ބުނިހެން، ކިތަންމެ ވަރަކަށް ކިޔައި ދިނަސް ނުވިސްނޭ މީހަކަށް ނުވިސްނޭނެ.
އެމް. އެން. ޔޫ. ދަރިވަރު
15 July 2020
އަޅުގަނޑުމެންނަށް ގޭބަންދުގަ، މާލޭގެ ތޮއްޖެހިފައިވާ ގެތަކުގަ ތިބެގެންވެސް މިޖެހެނީ ފުލުފުލުން އެސައިންމެންޓުތަކާއި ޓެސްޓުތައް ހަދަން، އީދެއް ހައްޖެއްނެތް. ޔުނިވަރސިޓީން ޖައްސާކަންކަން ނަފްސާނީ ބަލިމަޑުކަމަކަށް ވެއްޖެ.
އަމިއްލަ އެދުން ގޯސް
15 July 2020
ދުނިޔޭ އެންމެންވެސް ކޮވިޑްގެ ވަބާއެެކީ އުޅެނީ މިފަދަ ގޮތަކަށް. ތިމާގެ އެސައިންމަންޓު. ތިމާގެ ޓެސްޓު. ތިމާގެ ޗުއްޓީ. ތިމާގެ ފައިތިލަ. ހުސް ތިމާއާމެދު ވިސްނުން ދޫކޮށްލާ އެހެން މީހުންނާމެދުވެސް ވިސްނަން އެބަ ޖެހޭ މި ހާލަތުގައި.
ޑިފާރަލް
15 July 2020
އެސައިންމަންޓް ހަދާ ކިޔަވަން ދޯ ތިތަންތަށް މީހުން ދަނީ. މި ދުވަސްވަރު ސްޓްރެސް ބޮޑުވެ ތިކަން ނުވަންޔާ ދުވަސްކޮޅަކަށް ބްރޭކެއް ނަގާ
ރަށުބޭބޭ
15 July 2020
މާލޭމީހުން އުޅެނީ އެމީހުންގެ ރަންބިމުގަ ހުންނަ ގެތައް ރާއްޖެތެރޭ ބައިކުޅަނދު މަދު މީހުނަށް ކުއްޔަށްދީފަ ގޮސް ރާއްޖެއިން ބޭރުގަ، ދެންތިބި ބަޔަކު ސަފާރީތަކުގަ ގަންނަކުޅި މިދޭތެރެއަކުން ތިލަވިއެއްނުން...މާލޭ މީހުން އަބަދުވެސް އުޅެނީ މިނިވަންކަންމަތި އަޗާތެޅުމުގަ މިހާރުވެސް އެމީހުނަށް ކުލިދައްކަން ރާއްޖެތެރޭމީހުން މިއުޅެނީ ގުދާރު ބިދެންދެން މަސައްކަތުގަ......މިރޭ ނޫންކަންނޭނގެ ގެއިން ނުކުންނަން ބުނާނީ
ނެކްސްޓް
15 July 2020
މާލޭ މީހެއްތަ ސަރާފާރީ ރޯޔަލް ޕްރިންސަކީ؟
ހްމްޕ
15 July 2020
ކީއްވެތަ މުއްސަނދިި ޓުރިސްޓުންނަށް އެއްވެސް ހުރަހަކާ ނުލާ ދަތުރުކުރުމުގެ ފުރުސަތުދީ، ފަޤީރު ދިވެހިންނަށް އެ ފުރުސަތު ނުދެނީ؟
ގަޓް ބްރޯ
15 July 2020
ސިއްހީ ކުއްލި ނުރައްކަލޭ ކިޔައިގެން މިކުޅޭ ޑްރާމާވެސް ދެން ލަހެއްނުވެ ނިމިދާނެ. އަލީ ވަހީދު މެންގެ އެޕިސޯޑް ވެސް އެއޮތީ މިހާރު ނިމިފަ. ވައިގެ ބަނދަރުހުޅުވާލާ ބަންގާޅީ "ޓުއަރިސްޓް" ބޭފުޅުން އެތެރެވާން ފެށުމުން ސިއްހީ ކުއްލި ނުރައްކަލުގެ ހާލަތު ދެމެހެއްޓޭނެ އެއްވެސް ގޮތެއް ދެން ނޯންނާނެ!
ހްމްޕ
15 July 2020
މުއްސަނދި ޓޫރިސްޓުންނަށް ބަންދެއް ނުވޭ. ބަންދުވަނީ ފަޤީރު ނިކަމެތިންނަށް އެކަނި. ދަތިކަމެއް ނެތި ރައްޔިތުންނަށް ދަތުރު ފަތުރު ކުރުމުގެ ފުރުސަތުދީ! މުއްސަނދިންނާ ފަޤީރުންގެ ތަފާތުތައް ނައްތާލާ
1828
15 July 2020
މާލޭ 'ގިނަ' ރައްޔިތުން އުޅެނީ ރާއްޖެތެރޭ މީހާއަށް ގެ ކުއްޔަށްދީފައި ރާއްޖެއިން ބޭރުގައި އަތުންފައިން މަސައްކަތެއް ނުކޮށް. މާލޭގައި ދިރި 'ތެޅޭ' ރައްޔިތުން (މާލޭ ރެފިއުޖީން) ބޮޑުއީދުގައި މާލޭގައި ބަންދުވާނީ.
ތިހަސަދަ ނައްތާލާ
16 July 2020
ހާދަ ހަސަދަ ބޮޑު ބައެކޭ. ބަލަގަ މާލޭ މީހުން އަތުން ބިންނަގައިގެން ތަންތަން ހަދައިގެން އުޅެނީ ތި ރާއްޖެތެރޭ މީހުންނޭ. މިހާރު ތިބީ ކޮން މާލޭ ބައެއްތަ؟ ދެން ކަލޭ މައްޗަށް ފުންމައި އުޑާއި ހަމަޔަށް އެރިޔަސް ތަރައްގީވަމުން އަންނަ މިކަހަލަ ގައުމެއްގައި ވެރިރަށާއި އެހެން ތަންތަން ތަފާތުވާނެ. އެހެރަ އިންޑިޔާގެ ބައެއް ހިސާބުތަކުގައި އެބައުޅޭ ކަރަންޓްނެތި މީރުފެންވެސް އެހާ އުދަގުލުން ލިބޭ މީހުން. ހޮސްޕިޓަލެއް ކީއްކުރަން ޕެނަޑޯލްގުޅައެއްވެސް ނުލިބޭ މީހުން
މައުސް
15 July 2020
ދެން މިފަހަރު ދިމާވިގޮތް. ކީއްކުރާނީ
އައިސްތު
15 July 2020
ކިހިނެއް މާލޭގައި ތިބީ ދެލައްކަ މީހުންނޭ ބުނަން އެގުނީ. ގުރޭޓަރ މާލޭގައި 500،000 ގެ އާބާދީ އޮންނާނެ ކަމަށް އަޅުގަނޑަށް ލަފާކުރެވޭ. ދިވެހި އާބާދީ އުޅޭނެ ކަމަށް ލަފާކުރެވޭ 300،0000 ގައި. ދެން ގައި ދުރުކޮށް ބޭރަށް ޒަރޫރީކަންކަމުގައި ނުކުންނާނެ ގޮތެއް ނޭގެ. މާލޭގައި ގެދޮރު ބިނާކުރުމާއި މީހުން ދިރިއުޅުމުގެ ޕޮލިސީއަކީ ތޮއްޖެއްސުން. އެގަހުކޭލެއް މިގަހު ކޭލެއް ނޭގެ.