މީގެ ކުރިން ބޭއްވި ޖަލްސާއެއްގައި މައުމޫން ވާހަކަފުޅު ދައްކަވަނީ. --- ފޮޓޯ: ހުސެއިން ވަހީދު/ މިހާރު
06 ޖުލައި 2020 - 15:20
28 comments
ކޮވިޑް-19 ޖެހޭ މީހުންނާއި މި ބަލީގައި މަރުވާ މީހުންގެ އަދަދު ރާއްޖޭގައި "ވަރަށް ބޮޑަށް އިތުރުވާތީ" ބަލި ކޮންޓްރޯލް ކުރުމަށް ކުރީގެ ހަރުކަށި ފިޔަވަޅުތައް އަލުން ގެނެސް ފުރިހަމަ އަށް ތަންފީޒުކުރުމަށް ކުރީގެ ރައީސް މައުމޫން އަބްދުލްގައްޔޫމު މިއަދު ގޮވާލައްވައިފި އެވެ.
އެ މަނިކުފާނު ކުރެއްވި ޓްވީޓެއްގައި، ކޮވިޑް-19 ޖެހޭ މީހުންނާއި އެ ބަލީގައި މަރުވާ މީހުންގެ އަދަދު އިތުރުވަމުންދާ ކަމަށް ވިދާޅުވެފައި ހެލްތު އިމަޖެންސީ އޮޕަރޭޝަން ސެންޓަރުން އެންމެ ފަހުން ބޭއްވި ޕްރެސް ކޮންފަރެންސްގައި ތަރުޖަމާނު ޑރ. ނަޒްލާ ރަފީގު ވިދާޅުވީ ބަލިޖެހޭ މީހުންގެ އަދަދު އިތުރުވާ ކަމަށް އަދި ނުބެލެވޭ ކަމަށާއި ކުރިން ވެސް ބައެއް ދުވަސްވަރު ކޭސްތައް ވަރަށް ގިނަވެފައި އަނެއްކާ މަދުވާ ކަމަށެވެ.
ސަރުކާރު ކޯލިޝަންގައި ހިމެނޭ އެމްއާރުއެމްގެ ރައީސް، ކޮވިޑާ ދެކޮޅަށް އަލުން ހަރުކަށި ފިޔަވަޅު އަޅަން ގޮވާލައްވައި ކުރެއްވި ޓްވީޓްގައި ރައީސް އޮފީހާއި އެޗްޕީއޭ ވެސް ޓެގް ކުރައްވާފައިވެ އެވެ.
ކޮވިޑް-19 އިން ރައްކާތެރިވުމަށް، ހަރުކަށި ފިޔަވަޅުތަކާއެކު މާލެ ސަރަހަައްދު ލޮކްޑައުންކުރީ އޭޕްރީލް 15 ގަ އެވެ. ދެ މަސް ދުވަހަށް ފަހު މިިދިޔަ މަހުގެ 15 އިން ފެށިގެން އަންނަނީ އެ ފިޔަވަޅުތަކަށް ބޮޑެތި ލުއިތަކެއް ދެމުންނެވެ.
In view of the current sharp increase in Covid-19 infection and Covid related deaths, I call on the authorities to reintroduce more stringent measures and ensure that they are strictly implemented to control the spread of this deadly disease. @presidencymv @HPA_MV @MRM_Office
— Maumoon Abdul Gayoom (@maumoonagayoom) July 6, 2020
ލޮކްޑައުނަށް ލުއި ދިން ފަހުން އިއްޔެ އަކީ ދެ ވަނަ އަށް އެންމެ ގިނަ މީހުން ޕޮޒިޓިވްވި ދުވަހެވެ. މިދިޔަ މަހުގެ 20 ގައި އަލަށް 35 މީހުން ޕޮޒިޓިވްވިއިރު އިއްޔެ ޕޮޒިޓިވްވި މީހުންގެ އަދަދު އުޅެނީ 32 ގަ އެވެ. އެޗްޕީއޭ އިން ކުރިން ބުނެފައިވާ ގޮތުގައި ކޮވިޑް-19 ފަދަ ބައްޔެއް ރާއްޖޭގައި ފެތުރޭއިރު ދުވާލަކަށް ފަންސާހަކަށް ކޭސް ފެނުމަކީ ގިނަ އަދަދެއް ނޫނެވެ.
ކޮވިޑް-19 ގައި މިހާތަނަށް 12 މީހަކު ވަނީ މަރުވެފަ އެވެ.
ރާއްޖެއިން މިހާތަނަށް 2،469 މީހުން ކޮވިޑް-19 އަށް ޕޮޒިޓިވްވެފައިވާއިރު 2,049 މީހަކު ވަނީ ރަނގަޅުވެފަ އެވެ. އެހެންވެ މިހާރު ތިބި ޕޮޒިޓިވް މީހުންގެ އަދަދަކީ 403 އެވެ.
ކޮވިޑް-19 ފެތުރުން އެއްކޮށް ނުހުއްޓުނު ކަމުގައި ވިޔަސް ރައްކާތެރިކަމާ އެކު މި މަހުގެ އެއްވަނަ ދުވަހުން ފެށިގެން ވަނީ އާ މަރުހަލާއެއް ފަށައިފަ އެވެ. އެ މަރުހަލާގައި ސްކޫލުތަކާއި ކެފޭ/ރެސްޓޯރެންޓުތަކާއި މިސްކިތްތައް ވެސް ހުޅުވާލާފައި ވެ އެވެ. އޭގެ ފަހުން، ތިން މަހަށް ފަހު ސަރުކާރުގެ އޮފީސްތައް ވެސް އިއްޔެ ހުޅުވާލާފައިވެ އެވެ.
ނިއު ނޯމަލްގެ އުސޫލުތަކަށް ފަރުވާކުޑަކޮށްފިނަމަ ޕީކެއް އަތުވެދާނެ ކަމަށް އެޗްޕީއޭގެ ސީނިއާ މެޑިކަލް އޮފިސަރު ޑރ. ނަޒްލާ ރަފީގު ވަނީ ވިދާޅުވެފަ އެވެ.
"ކުޑަ ޕީކެއް އައިސް ދަށްވެފައި މިއޮތީ. ނިއު ނޯމަލްގައި އަމަލުކުރަން ޖެހޭ ކަންކަން ގިނަ މީހުންނަށް ދިގު މުއްދަތަކަށް ނުހިފެހެއްޓިއްޖިއްޔާ ހަމަ އަލުން ޕީކެއް އައުމުގެ ފުރުސަތު އޮންނާނެ،" އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މިހިނދުން މިހިނދަށް
07 July 2020
އަޅަންވީ ހަރުކަށި ފިޔަވަޅުތޯ ނޫނީ ހަރުދަނާ ފިޔަވަޅުތޯ
ހަސަނު
07 July 2020
މިހާރު ބަލީގާ އުޅެނީ 400 އެހާ މީހުން. 200 ހަކަށް މީހުން އައިސީޔޫއަށ ްލާންޖެހި 40 އަކަށް މީހުން ވެންޓިލޭޓަރުގާ ބާއްވަން ޖެހުނަސް އެކަން ކުރެވޭ މިންވަރަށް ތައްޔާރޫތައް އެވަނީ ވެފަ. އެ ހިސާަށް ދިޔައިމަ އަލުން ފިޔަވަޅުތައް ވަރުގަދަ ކުރުން ރަނގަޅު.. އެހެނަސް މި ދިޔަ ލޮކްޑައުން ގާ ވަރަށް ގިނަ ބަޔަކު ވަރަށް ހާލު އުޅޭން ޖެހުނު.. ދުނިޔޭގަ ހުރުމަށް މަސައްކަތް ކޮށް ލާރި ހޯދާންވެސް ޖެހޭ. ބަލި މަޑުކަމުގެ ތުރާލަށްވުރެ އޭގެ ފަރުވާގެ ގެއްލުން ބޮޑުވެގެން ނުވާނެ.
އަބްދުﷲ ސަޢީދު
07 July 2020
ބެއްޔަމެން ގޭގައި ތިބެގެން އުމުރުދުވަހު ދައުލަތުން ފައިސާ ނަގައިގެން އުޅުނަސް އެންމެނެއް އެހެން ނޫޅޭ. ހަފްތާއަކު މަސައްކަތާއި ދުރަށް ދިޔަޔަސް ދަރިންނަށް ކާންދޭނެ ގޮތެއް ނެތް މީހުން ވަރަށް ގިނަ. އިހްސާސްވާނީ މިފަދަ ކަމެއް ލައިގަތީމަ. ގޭގައި ތިބެވިއްޖެ. 3 މަސްދުވަހު ގޭގެ ކުއްޔަށް ދޭން ޖެހޭ 45 ހާސް ރުފިޔާ ނުދީ ދަރާފައި މިހުރީ. ސަރުކާރުން ބެހި ފައިސާ ވެސް ލިބުނު ބަޔަކަށް ލިބުނީ. ﷲ އާއި ވަކީލް މިހާލަތާއި މެދު.
ގުޑުގުޑާ
06 July 2020
ކޭތަހިފާވަރުގިނަވާތި ހަރުކަށިފިޔަވަޅުއެޅޭނެތަ؟
ޢާލީން
06 July 2020
ގޭގައި މަސައްކަތް ކުރެވޭ މުއައްޒަފުންނަށް އެ ފުރުސަތު ދިނުން، މީޓިންތައް ވީހާވެސް ގިނައިން ފޯނު މެދުވެރިކޮށް ގެންދިއުމަށް ބާރު އެޅުން، ރާއްޖެ އަންނަ މީހުންގެ ހަރަދުގައި އެމީހުން ޓެސްޓުކުރުން ފަދަ ފަސޭހައިން އެޅޭ ފިޔަވަޅުތައް ނާޅާތީ ކަންބޮޑުވޭ
ޣައްސޭ
06 July 2020
ރައީސް މައުމޫނަކީ ޙިކުމަތްތެރި ބޭފުޅެއް. ދުރުވިސްނޭ ނާޞިހެއް. ޤައުމުގެ ދުވަސްވީ ހަރުދަނާ ޝަޚްޞިއްޔަތެއް. އެމަނިކުފާނުގެ ދުރުވިސްނޭ ނަޞޭޙަތް އެހުމަކީ ގޯހެއްނޫން. ކޮވިޑާއެކު އުޅެން ޖެހޭނީ ރައްކާތެރި ކަމުގެ ފިޔަވަޅު ތަކާއެކު. ކޮންޓްރޯލް ކުރެވޭ ރޭޓަށްވުރެ ފެތުރޭ އިސްޕީޑު މާބާރު. ޝުކުރިއްޔާ ރައީސް މައުމޫން.
ރައަަިިސް
06 July 2020
އެކަމަކު 2020 ގެ ތަސައްވަރު ދިމައެއް ނުވި.
ޚަންދު
06 July 2020
އެއީ ޓެލެކޮމްގަ މަސީހު ހުރީމަ.
ށ.އަތޮޅު މީހާ
06 July 2020
މަވެސް ޒަޢީ މުގެ ބަސްފުޅަށް ތާޢީދު!
ގަޓް ބްރޯ
06 July 2020
ފިޔަވަޅުތައް އިތުރަށް ހަރުކަށި ނުކުރިޔަސް އެޗްޕީއޭ ގެ ގައިޑްލައިން ތައް ތަންފީޒުކުރެވޭތޯ ބަލަންވި. ގައިޑްލައިން ތަކެއް ހެދިޔަސް އެއަށް އަމަލުކުރޭތޯ ނުބެލެންޏާ ބަލި ފެތުރުން ކޮންޓްރޯލް އެއްނުވާނެ. ހޮޓާ ކެފޭ ރެސްޓޯރެންޓް ތަކާ ފިހާރަތަކުގަ ދިވެހިންނާ ބިދޭސީން މާސްކްވެސް ނާޅާ ގައިދުރުކަމެއްނެތި އުޅެމުންދަނީ ސަރުކާރުން ގަވައިދު ތަންފީޒުކުރަން ނުކުޅެދިފަވާތީ. މިވަގުތަކީ ހުރިހާ މުއައްސަސާއެއް ގުޅިގެން އެޗްޕީއޭގެ ގައިޑްލައިންތައް ތަންފީޒުކޮށްދޭންވީ ވަގުތު.
ފަސެހަ ފިޔަވަޅި
06 July 2020
ގޭގައި މަސައްކަތް ކުރެވޭ މުވައްޒަފުން ގޭގައި މަސައްކަތްކުރެވޭނެ އުސޫލެއް އެކުލަވާ އަމަލުކުރަން ފަށާ
އަލީރާޖާ
06 July 2020
ލޮކްޑަރުންގައި ތިބެގެންވެސް މި ބަލި ނުފިލި. މިއީ މިއިން ދުވަހަކު ފިލައިގެން ދާނެ ކަމެއް ނޫން. މި ބަލި ފިލައިގެން ދަންދެން ލޮކްޑައުންގައި ތިބޭނަމަ އަންނަ އަހަރު ވެކްސިނެއް ލިބެންދެން ލޮކްޑައުންގައި ތިބެންވީ. ސުވާލަކީ އޭރުން ބޭސް ގަންނާނެ ލާރި ގައުމުގައި ހުންނާނެތޯ؟ ވިޔަފާރިއެއް އޮންނާނެތޯ؟ ދިރިއުޅުމެއް އޮންނާނެތޯ؟ ދިރިއުޅުމަކީ ހަމަ އެކަނި ސިއްހަތު ސަލާމަތުން ތިބެގެން އެކަނި ކުރެވޭ ކަމެއް ނޫން. ފައިސާ ހޯދާ ކައިބޮއެ ތައުލީމު ހޯދާ ހަދަންޖެހޭ!
ޜާގޮޑިރާޖާ
07 July 2020
މިކިޔަނީ އެޗް ޕީ އޭ ގެ ގައިޑްލައިން ފޮލޯކުރާށޭ.