ކޮވިޑް-19 ޖެހިގެން ކުރިން މަރުވި މީހަކު ވަޅުލަން ސިފައިން މަސައްކަތް ކުރަނީ. ރޭ މަރުވި މީހަކު ވަނީ އެ ބައްޔަށް ޕޮޒިިޓިވް ވެފައި. ފައިލްފޮޓޯ
31 ޖުލައި 2020 - 12:25
17 comments
މާލޭގެ ގެއެއްގެ ތެރޭގައި ރޭ މަރުވެފައި އޮއްވައި ފެނުނު މީހަކު ކޮވިޑް-19 އަށް ޕޮޒިޓިވް ވެފައިވާ ކަމަށް އެޗްޕީއޭ އިން މިއަދު ބުނެފި އެވެ.
އެ އިދާރާގެ އޮފިޝަލަކު ވިދާޅުވީ ރޭ ދަންވަރު މަރުވި ބަންގްލަދޭޝްގެ އެ މީހާ އައިޖީއެމްއެޗަށް ގެންގޮސް ޓެސްޓުކުރިއިރު، ކޮވިޑަށް ޕޮޒިޓިވް ވެފައިވާ ކަމަށެވެ. އުމުރުން 29 އަހަރުގެ އެ މީހާ އެ ބައްޔަށް ޓެސްޓްކުރީ، މި ދުވަސްވަރު މަރުވާ އެންމެން ވެސް ކޮވިޑަށް ޓެސްޓު ކުރާ އާއްމު އުސޫލުންނެވެ. ނަމަވެސް އެއީ ކޮވިޑް ޖެހިގެން މަރުވި މީހެއް ކަމަށް އެެޗްޕީއޭއަކުން ނުބަލަ އެވެ.
އޮފިޝަލް ވިދާޅުވި ގޮތުގައި، އެއީ ކޮވިޑް ޖެހިގެން މަރުވި މީހެއް ކަމަށް ނުބެލީ އޭނާ މަރުވުމުގެ ކުރިން އެ ބަލީގެ އެއްވެސް އަލާމާތެއް ފެނިފައި ނުވާތީ އެވެ.
އެ މީހާ މަރުވީ ކޮވިޑް ޖެހިގެން ކަމަށް ނުބެލި ނަމަވެސް އެ ބައްޔަށް ޕޮޒިޓިވް ވެފައިވާތީ، ކުރަން ޖެހޭ އެހެން ކަންތައް އެ ކޭސްއާ ގުޅިގެން ވެސް ކުރާނެ އެވެ. އެގޮތުން ކޮންޓެކްޓް ޓްރޭސިންގެ މަސައްކަތް މިހާރު އަންނަނީ ކުރަމުން ކަމަށް އޮފިޝަލް ވިދާޅުވި އެވެ.
ރާއްޖޭގައި ކޮވިޑް ޖެހޭ މީހުންގެ އަދަދު އިތުރުވަމުން ދާތީ، އެ ބަލި ކޮންޓްރޯލް ކުރުމަށްޓަކައި އާ ފިޔަވަޅުތައް އަންނަނީ އަޅަމުންނެވެ. އެގޮތުން މާލެ ސަރަހައްދުގައި އާންމު ތަންތަނުގައި އުޅޭއިރު މާސްކް އެޅުން އިއްޔެ އިން ފެށިގެން ސަރުކާރުން ވަނީ މަޖުބޫރު ކޮށްފަ އެވެ. އެކަމަކު އެ އުސޫލާ ޚިލާފުވާ މީހުން 1،000ރ. އިން ޖޫރިމަނާ ކުރާނީ މާދަމާ އިން ފެށިގެން ކަަމަށް އެޗްޕީއޭ އިން ރޭ ވަނީ ބުނެފަ އެވެ. މީގެ އިތުރުން އެޗްޕީއޭގެ އުސޫލާ ޚިލާފަށް އަމަލުކުރާ ކެފޭ/ރެސްޓޯރަންޓާއި ފިހާރަތަކާއި ޖިމާއި ސެލޫންތަކާއި އެފަދަ ޚިދުމަތް ދޭ އެހެން ތަންތަނަށް ވެސް ވަގުތުން ދަނީ ބަންދު ކުރަމުންނެވެ. އަދި މާލެ ސަރަހައްދުގައި ރޭގަނޑު 11 ން ފަތިހު 5 އަށް ކޮންމެހެން ބޭރަށް ނުކުންނަން ޖެހިގެން ނޫނީ ނުކުތުން ރެއިން ފެށިގެން މަނަލެވެ.
ހެލްތު އިމަޖެންސީ އޮޕަރޭޝަން ސެންޓަރުން ރޭ ބުނީ ބުދަ ދުވަހުގެ ހަވީރު 6:00 އިން ފެށިގެން ރޭގެ 6:00 އާ ހަމައަށް ރާއްޖެއިން ކޮވިޑްގެ 152 ކޭސް އަލަށް ފެނުނު ކަމަށެވެ. އޭގެ ތެރެއިން 142 މީހުންނަކީ މާލެ ސަރަހައްދުގައި ތިބި މީހުންނެވެ. އަނެއް 10 މީހުންގެ ތެރެއިން ނުވަ މީހުންނަކީ ސަވާރީ ބޯޓުގެ ފަޅުވެރިންނެވެ. އަދި 10 ވަނަ މީހާ އަކީ ބ. ކަމަދޫގައި ހޯމް ކަރަންޓީނުގައި ހުރި މީހެކެވެ.
ރާއްްޖެ އިން މިހާތަނަށް ކޮވިޑް ޖެހުނު މީހުންގެ އަދަދަކީ 3،719 އެވެ. އޭގެ ތެރެއިން 2،568 މީހަކު އެ ބަލިން ރަނގަޅުވެފައިވާ އިރު 16 މީހަކު ވަނީ މަރުވެފަ އެވެ. އެންމެ ފަހުން ކޮވިޑްގައި މީހަކު މަރުވީ އިއްޔެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޓރމޕ ފ
01 August 2020
ޢެޗް ޕީ އޭ ހޭންޑްލް ކުރެވޭ ވަރަށް ވުރެ ކޭސްތައް ދަނީ އިތުރު ވަރުން.
ރީތި މޫސަ
01 August 2020
މިހާރުމިވާގޮތުން މަރުވާކޮންމެމީހަކުވެސް މަރުމިވަނީ ކޮވިޑްޖެހިގެން ނަމަވެސް ބުނާގޮތުންހީވަނީ މަރުވީއެބައްޔަކުނޫންހެން މިކިޔޭއެއްޗެއް ދިމާވޭބާ؟
ޅައިޗީ 1
31 July 2020
ޙަރޓް އެޓޭކޭ ކިޔާ މީހުން ހާދަ ހެއްވައޭ.... ހަމަ ނޭގެނީތަ ކޮވިޑްގެ ސަބަބުން ހިތަށްވެސް އަސަރު ކުރާކަން!! މިއީ ހަމަ ކޮވިޑުގެ މަރެއް. މަރޑަރއެއް ނޫނީއާ. ދުނިޔެ އޮޅުވާ ނުލާ. ޑރ ނަޒްލާ އިސްތިއުފާ!!
ޢައިނާ
31 July 2020
އެޗްޕީއޭ ތިހާ ނާޤާބިލް ކަމަކަށް ހިއެެއް ނުކުރަން.... ހަމަ ރައްޔިތުންނާއި ދުނިޔެ އޮޅުވާލަން... ތީ ހަމަ ޔަގިނުންވެސް ކޮވިޑް މަރެއް..
ޢެޑްމުންޑޯ
31 July 2020
ކިހިނެއް އިގޭނީ އަލާމާތެއް ނުފެންނަކަން ، މަރުވެފައި އޮއްވާ ތިފެނުނީވެސް ، ކޮންމެ ގޮތަކަށް ނިންމެވިއަސް ، ތިޔައީ ކޮވިޑްޖެހިފައިވާ މީހެއްނޫންކަމަށް ނުހެދޭނެ
ގަޓް ބްރޯ
31 July 2020
ކޮވިޑް ބަލީގަ އެންމެ ރަނގަޅު ސިޔާސަތެއް ގެންގުޅެނީ ކޮމިޔުނިސްޓް ޗައިނާ. އެހެން ގައުމުތަކުންވެސް މި ސިޔާސަތު ގެންގުޅުން ބުއްދިވެރި.
އައްޔު
31 July 2020
ކޮވިޑަށް ޕޮޒިޓިވްވެ މަރުވާ އެންމެންނަކީ ކޮވިޑް ރިލޭޓެޑް ޑެތް
އަޑަފި
31 July 2020
މިހާރު މީހުން އަލާމާތް ފެނުނަސް މާ ބޮޑުކަމަކަށް ނުހަދައެވެ. އެއީ އެޗްޕީއޭ އިންވެސް އެއީ މާބޮޑުކަމަކަށް މިހާރު ނުހަދާތީ އެވެ. އަނެއްކާ ބައެއް ބިދޭސީން ބަލި ޖެހުމުން ފިލާފައިވާއިރު، ބިދޭސީން އަލާމާތް ހުރިކަން މީހަކު ކައިރީ ނުބުނެ ސިއްރުކޮށްފާނެއެވެ. އެހެންކަމުން މަރުވެފައި އޮއްވާ ފެނުނު މީހެއް ކޮވިޑަ ޕޮސިޓިވް ވެފައިވާއިރު އެއީ ކޮވިޑް މަރެއްނޫންކަން ކަނޑައެޅީ ރަނގަޅަށް ނޫންކަން ފެނެއެވެ.
ކޮސްގޮވާ ދަންނަބޭކަލުން
31 July 2020
މިގައުމުގެ ޑޮކްޓަރުންނަށްވުރެ މޮޅު މީހެއް މި އުޅެނީ. ދުނިޔޭގެ ސިއްހަތު ޖަމިއްޔާގެ ކްލެސިފިކޭޝަން ތައްވެސް ނޭނގޭ ދަންނަ ބޭކަލެއް. ކޮވިޑަށް ޕޮޒިޓިވް ވިޔަސް ހާޓް އެޓޭކެއް ޖެހިގެން މަރުވާ މީހާ ނުބަލާނެ ކޮވިޑް މަރަކަށް. ޗެއިން އޮފް ކޯޒޭޝަނަށް ބަލާއިރުވެސް މި ހަލާތުގައި ކޮވިޑް ނުވާނެ އަސްލު ކޯޒްއަށް.
ގުއިފުކު ފުރޭތަ
31 July 2020
ދަންނަ ބޭކަލު އިންނެވީ މަޖުލީސް ރައީސަކަށް ވެގެން.
އަޑަފި
31 July 2020
ބައްލަވާ ކޮސްނުގޮވާ، އަޅުގަނޑު ކޮމެންޓްކުރީ ޚަބަރުގަ އޮފިސަލް ބުނެފައިވާ ބުނުމުގެ މައްޗަށް، އޮފިސަލް ބުނެފައޮތީ ކޮވިޑް މަރެއްކަމަށް ނުބެލީ އަލާމާތް ނުފެންނާތީކަމަށް، ހާޓުއެޓޭކެއްގެ ވާހަކައެއް ލިއުމުގަ ނެތެވެ. ސަލާމް
ތަމެންދޯ
31 July 2020
މިހާރު މަރުވާ ކޮންމެ މީހަކުވެސް ކޮވިޑަށް ޕޮޒިޓިވް ދޯ މިވަނީ މީގައި އެހެން ކަމެއް އެބައުޅޭ މިއުޅެނީ ވެރިކަން ވެއްޓިދާނެތީވެ އަދި ސަރުކާރުން ރައްޔިތުންނަށް މާލެ ސަރަހައްްދުން ފްލެޓްސް ތަކުގެ ބަދަލުގައި ގޯތި ދޭން ޖެހޭނެ ކަން އެމްޑީޕީގެ މެނިފެސްޓޯގެ 16 ވަނަ ސޮފްހާ ގައި ބަޔާން ކޮށްފައިވާތީވެ އެކަން ފޮރުވަން ވެގެން އެމެން ކުޅޭ ކުޅި އެކޭ މިއީ...
ނެކްސްޓް
31 July 2020
ދުނިޔޭގެ އެހެން ގައުމުތަކުންވެސް މިކަމުގައި ބައިވެރިވޭ ނޫންތަ؟ މިބައިވެސް އިތުރުކޮށްލާ
ބަސް
31 July 2020
އޭނަގެ މަރު ކޮވިޑް މަރެއްގެ ގޮތުގައި ނުބަލަންވީ އެއްވެސް ސަބަބެއް އަހަރުމެނަށް ގަބޫލު ނުކުރެވޭ. މީހަކު މީގެކުރިން ތިގޮތަށް ހަދާވާހަކަ ބުނި. އެއީ މަރުގެ ކޭސް މަދުކަމަށް ދައްކަން ކުރާކަމެކޭ. އެކަމަކު މިހާރު އެވާހަކައިގައި ހަގީގަތެއްވާކަން ގަބޫލުކުރެވޭ.
ކޮސްގޮވާ ދަންނަބޭކަލުން
31 July 2020
ނުކުރަންޏާ ނުކޮށް ހުރޭ. ހާޓް އެޓޭކެއް ޖެހިގެން މަރުވާ މީހާ ކޮވިޑަށް ޕޮޒިޓިވްވެފައި ހުއްޓަސް ބަލާނީ ހާޓް އެޓޭކެއް ޖެހިގެން މަރުވިކަމަށް. މަރުވި އަސްލު ސަބަބަށް ވާނީ ހާޓް އެޓޭކް.
ޑރ ރޯނުއެދުރު
31 July 2020
ކޮވިޑްގެ ސަބަބުން ހާޓުއެޓޭކް ޖެހުމަށް މަގުފަހިވާކަމަށް ވަނީ ކޮވިޑް ޖެހިގެން އެކަކުވެސް މަރެއްނުވޭ މަރުވަނީ ނިއުމޯނިއާ ޖެހިގެން ނޫނީ ނޭވާނުލެވިގެން ނޫނީ ކޮންމެސް އެހެންކަމެއްވެގެން