"އަސްލު" ނަމުގައި ޕީޕީއެމްގެ މުސްތަޝާރު ރައީސް އަބްދުﷲ ޔާމީންގެ ފެކްޝަނުން މިރޭ ބޭއްވި ޖަލްސާ އަށް ދިޔަ މީހުންނާ ރައީސް ސަލާމް ކުރައްވަނީ -- ފޮޓޯ: މުހަންމަދު ޝަރުހާން/ މިހާރު
05 ނޮވެމްބަރ 2016 - 00:48
84 comments
މި އަހަރުގެ ތެރޭގައި ފެށި ބައެއް މަޝްރޫއުތައް މި ވަގުތު ހުއްޓާލައިފައި ވީ ނަމަވެސް މިހާރު ވެސް 560 މަޝްރޫއެއް އެބަ ހިނގާ ކަމަށާއި އެ އަދަދު އަންނަ އަހަރު އިތުރުވާނެ ކަމަށް ރައީސް އަބްދުﷲ ޔާމީން މިރޭ ވިދާޅުވެއްޖެ އެވެ.
ޕީޕީއެމްގެ ފަސް ވަނަ އަހަރީ ދުވަސް ފާހަގަކުރުމަށް މިރޭ ކާނިވާ ސަރަހައްދުގައި ބޭއްވި ޖަލްސާގައި ވާހަކަދައްކަވަމުން ރައީސް ވިދާޅުވީ އަންނަ އަހަރަށް ލަފާކޮށް ރައްޔިތުންގެ މަޖިލީހަށް ހުށަހަޅާ ބަޖެޓަކީ 27 ބިލިއަން ރުފިޔާ ކަމަށާއި އަންނަ އަހަރަކީ، ހިންގާ މަޝްރޫއުތަކުގެ އަދަދު ފަހަނައަޅާ ދާނެ އަހަރެއް ކަމަށެވެ.
"އަންނަ އަހަރު 27،000 މިލިއަން ރުފިޔާގެ ބަޖެޓެއް ހިފައިގެން މި ނުކުންނަނީ ގަނޑުވަރުތަކެއް އަޅާކަށް ނޫން. މި ނުކުންނަނީ ރައްޔިތުންގެ ހިދުމަތުގައި. ފާހާނާ ނިޒާމާއި ސާފު ބޯފެނާއި ސަހަރާތައް ހަދައިދިނުމާއި ސްކޫލްތައް އިމާރާތްކުރުމާއި ބަނދަރުތައް ހަދައިދޭން އަޅުގަނޑުމެން މިނުކުންނަނީ،" ވަރަށް ޖޯޝްގައި ވާހަކަފުޅު ކުރިއަށް ގެންދަވަމުން އެ މަނިކުފާނު ވިދާޅުވި އެވެ.
ރައީސް ވިދާޅުވީ ރާއްޖެއަކީ ދިރުމެއް އޮތް ތަނެއް ކަމަށާއި ބޭރުގެ ފަރާތްތަކުގެ ޝައުގުވެރިކަން އޮތްތަނެއްކަން އެނގިވަޑައިގަންނަވާ ކަމަށެވެ.
"އަސްލު" ނަމުގައި ޕީޕީއެމްގެ މުސްތަޝާރު ރައީސް އަބްދުﷲ ޔާމީންގެ ފެކްޝަނުން ބޭއްވި ޖަލްސާގައި ރައީސް ވާހަކަފުޅު ދައްކަވަނީ -- ފޮޓޯ: މުހަންމަދު ޝަރުހާން
"ދިވެހިރާއްޖޭގައި ސިޔާސީ މައްސަލަތަކެއް ހުރިއިރު ވެސް ރާއްޖެ އަންނަ ފަތުރުވެރިން މަދެއް ނުވޭ. ދިވެހިރާއްޖޭގައި އިންވެސްޓްކުރަންވެގެން ޝައުގުވެރިކަން ހުންނަ ބޭރުގެ ބޮޑެތި ފަރާތްތަކުގެ ޝައުގުވެރިކަމަށް ބަދަލެއް ނާދޭ،" ރައީސް ވިދާޅުވި އެވެ.
އެ ޖަލްސާގައި ވާހަކަފުޅު ދައްކަވަމުން ރައީސް ޔާމީން ވިދާޅުވީ ރާއްޖޭގައި އާ ބޭންކުތަކެއް ހުޅުވަމުން އަންނަ ކަމަށާއި ބިޔަ ބޮޑެތި މަޝްރޫއުތަކެއް ވެސް ފެށެމުން އަންނަ ކަމަށެވެ.
"އަޅުގަނޑުމެން އައީ ދިވެހިރާއްޖޭގައި ހުރި ބޮޑެތި ކަންކަމާ ހަނގާކުރަން. އަޅުގަނޑުމެން އައީ ސިޔާސީ ލީޑަރުންނާ ވާދަކުރާކަށް ނޫން. އަޅުގަނޑުމެން އައީ ދިވެހިރާއްޖޭގައި ހުރި ބޮޑެތި މައްސަލަތަކަށް ކޮންމެވެސް ވަރެއްގެ ހައްލެއް ގެނެސްދެވޭތޯ،" ރައީސް ވިދާޅުވި އެވެ.
އެ މަނިކުފާނު ވިދާޅުވީ މިހާރު ވެސް ރައްޔިތުންގެ މަޖިލީހުގެ މެމްބަރުން އެންމެ ގިނައިން އެދެމުން އަންނަނީ އެ ދާއިރާގެ ރަށްރަށުގައި ފެނާއި ނަރުދަމާ ގާއިމުކޮށްދިނުމަށް ކަމަށެވެ. އެގޮތުން ބޮޑެތި މަޝްރޫއުތަކެއް ހިންގާނެކަން ކޮންމެ ރައްޔިތަކަށް ވެސް މިހާރު އެނގޭ ކަމަށް ރައީސް ވިދާޅުވި އެވެ.
އުމުރުން ދުވަސްވީ މީހުންނާ މުހާތަބުކުރައްވަމުން ރައީސް ޔާމީން ވިދާޅުވީ އެ މީހުންނަށް ދޭ އިނާޔަތަކީ 5،000 ރުފިޔާއިން 7،000 ރުފިޔާ އަށް ބޮޑުކޮށްދެއްވޭނެ އަދަދެއް ކަމަށާއި އެހެން ކަމުން ސަރުކާރާއެކު ސާބިތުވެ ތިބެން ޖެހޭނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަލަ
07 November 2016
ކަލަނުގޮވާޝޭ. ތިމަޝްރޫއުތަށް ހިންގަންށޭ ކަލޭމެން ހޮވާފަތިތިބީ. ކަލޭމެންގެ ވާޖިބޭތީ. ސުވާލަކީ ތިކަންތިކުރަނީ ކުރަންޖެހޭ ގޮތަށްހޭ؟؟
ވައި
06 November 2016
މުސްކުޅިންނަށްތަ އަދިވެސް ޢިނާޔަތް ބޮޑުކުރަންވީ..މިއަދު އެމީހުންނަކީ އިތުރުބައެއްގެ ޒިންމާ އުފުލަންޖެހޭ ބައެއްނޫން، -/5000 ރުފިޔާއިން އެމީހުންނަށް އުޅެވޭނެ މާ ރަނގަޅަށްވެސް.. މުސްކުޅިންނަށް ދޭ ޢިނާޔަތް -/7000 ރުފިޔާ އަށް ބޮޑުނުކޮށް ޢާއިލާތަށް ގޮވައިގެން ދިރިއުޅުމަށް މަސައްކަތް ކުރަމުންދާ މީހުންނަށް ތަންކޮޅެއް ލުއި ފަސޭހަ ގޮތަކަށް ކައިގެން އުޅެވޭނެ ގޮތް ހެދިއްޔާ މާރަނގަޅު.
ބާސްމަތީ ރައީސް
06 November 2016
ގަނޑުވަރެއް ބޭނުމެއްނުން އަޅުގަނޑުމެންނެއްވެސް އެކަމަކު ބޯހިޔާވަހިކަން ބޭނުން، މިހެން ކުލި ދައްކަ ދައްކާ މުޅިދިރިއުން މިއޮށް އަވަދިވަނީ
ޖަމަލު
06 November 2016
އޭ ދެން ޕެންޝަން ފަންޑުން ރުފިޔާ ނެގޭގޮތް ހަދާ.. ހައްޖަށް ދާންވެއްޖޭ.. ޕެންސަން ލާރި އެއީ ސަރުކާރުން ބާބެކިޔު ހަދަން ނަގާއެއްޗެއް ނޫނޭ
އަބުރޭ
06 November 2016
އެންމެ ބޮޑު މަސްރޫއަކީ : ރައްޔިތުން ފެލުން : ކާޑުގެ އަގުބޮޑުކުރުން ފޯނުކާޑުން 6% ނެގުން. 65+ މީހުނަށް މާ އިތުރަށް ދިނުން (ދުވާލަކު 12 13 ގަޑިއިރު އޮފީހުގަ އުޅުނީމަ ކިރިޔާ 4000)
ނޭގޭ
06 November 2016
ތަންތަން ހަލާކުކޮށްފަ ހަދާ ޕާކުތަކާ ރަށްރަށުގަ ހަދާ ނަރުދަމާ އާއި މިސްްކިތް ތައް މަރާމާތުކުރުން ކަންނޭގެ އެމަޝްރޫޢު ތަކަކީ
ޙެހެ
06 November 2016
ޙެހެ މީ ކޮން މަޝްރޫއު ތަކެއްތަ. ޢަޅެ ކިޔާދީބަލަ؟ ގޯނި ގޯނީގަ ލާރިލިބުން މީހުން ފިޔަވާ އާންމު ނިކަމެތި ރައްޔިތަކައް ތިކިޔާ ބިޔަ ބޮޑު މާސިންގާ މަޝްރޫ އަކުން ފައިސާ ފޮއްޗެއް ވިޔަން ލިބުނުތަ. މަޝައް ފެންނަނީ ނޯތުކޮރެޔާ ގޮތައް ރައްޔިތުން ބިކަ ހާލުގަ ޖައްސާފަ ޕާކު ތައް ހަދާތަން.
ގާގަބެލް
06 November 2016
560 މަޝްރޫއު، ޙެހެ އެކަމު މިފެންނަނީ މޯލްޑިވިއަން އިން ޕާކެއް ހަދައިދޭތަން. ޢެމްޓީސީސީ އިން ފެންވާރެއް ހަދައިދޭތަން، ނިއުޕޯޓުން ކެފޭ އެއް ހުޅުވައިދޭތަން.
ރަދުން
05 November 2016
ޕިންކީސް އުނދަގުލެެއް
ރާއްޖެތެރެ2
05 November 2016
އެއްޗެކޭ ބުނާއިރަށް އަރާ މިކިއަނީ މާލެއަކީ ރާއްޖޭގެ އެންމެންގެ ތަނެކޭ. ބަލަގަ އެންމެން ތަނެއްނަމަ އެންމެންގެ ގޯތިވެސް ހުންނާނެ. ތިޔަ ބުނާ ތަނަކަށް އައިސް މުޅިމުސާރަ ހުސްކޮށްލައިގެން ކޮތަރު ކޮށްޓެއްގައި އަނބިދަރިން ނުދެކި 24 ގަޑިއިރު ގުލާނުކޮށްގެން އުޅޭކަށްވެސް ނުޖެހޭނެ. އަހަމަރެންގެ ތަނަކީ އަހަރެމެން ރަށް. އަހަރެމެންގެ ގޯތި. އަހަރެމެންގެ އަތޮޅު. އަތޮޅުގައި އަހަރެމެންނަށް ނަފާ ހޯދައިގެން އުޅެވޭނެ ވަރަށް ފަޅުރަށް އެބައޮތް. އެވިއްކާ ކައި ބާކީބައި މާލެ އޮއްސާ ޕޯޑިއަމްތަކަށް އަރާ ރުޅިއަރުވަން މާލެއަކީ އެންމެންގެ ތަނެކޭ ކިއަސް ފަރަކުނުޖެހޭނެ! ސާފުވެއްޖެތޯ؟