ދައުލަތުގެ އަންނަ އަހަރުގެ ބަޖެޓް ދިރާސާކުރާ ކޮމިޓީގެ މިއަދުގެ ހެނދުނުގެ ސެޝަންގައި ބައެއް ވަޒީރުން، ބަޖެޓާ ގުޅޭ މައުލޫމާތު ހިއްސާކުރައްވަނީ.---ފޮޓޯ: ނިޝާން އަލީ/މިހާރު
10 ނޮވެމްބަރ 2016 - 17:58
20 comments
ދައުލަތުގެ އަންނަ އަހަރުގެ ބަޖެޓުގައި މި ފަހަރު ހިމަނާފައި ވަނީ ޔަގީނުން ވެސް ލިބޭނެ އާމްދަނީތަކެއް ކަމަށް ފިނޭންސް މިނިސްޓަރު އަހުމަދު މުނައްވަރު މިއަދު ވިދާޅުވެއްޖެ އެވެ.
ބަޖެޓް ދިރާސާކުރާ ކޮމެޓީގެ މިއަދުގެ ހެނދުނުގެ ސެޝަންގައި ވާހަކަ ދައްކަވަމުން މިނިސްޓަރު ވިދާޅުވީ ކޮންމެ ކަމެއް، އާމްދަނީއެއް ލިބޭނެ ކަމަކަށް ބަލައި މިފަހަރު ޖަހާފައި ނުވާނެ ކަމަށެވެ.
"އެއީ އަޅުގަނޑުމެން ވިސްނާފައި ހުރި ހަމަތަކެއް. އިތުރަށް ވެސް އަޅުގަނޑުމެން ވިސްނާފައި ހުންނާނެ އަޅުގަނޑުމެންގެ އިގްތިސޯދު ކުރިއަރަމުންދާ މިންވަރަށާއި ދުނިޔޭގެ އިގްތިސާދަށް އަންނަ ބަދަލުތަކަށް ވެސް. މި ހަމަތަކަށް ބެލުމަށް ފަހު އަޅުގަނޑުމެންގެ ބަޖެޓްގައި ހިމެނިފައި ވަނީ،" މުނައްވަރު ވިދާޅުވި އެވެ.
އަންނަ އަހަރަށް ލަފާކޮށް ހުށަހެޅި ބަޖެޓްގައި ޓެކްސްގެ ގޮތުގައި ލިބޭނެ ކަމަށް ހިމަނާފައި ވަނީ 19 ބިލިއަން ރުފިޔާ އެވެ. އަދި ޓެކްސް އާއި ހިލޭ އެހީ އާއި ލޯނުގެ ގޮތުގައި ޖުމްލަ 21 ބިލިއަން ޑޮލަރު ލިބޭނެ ކަމަށް ވެސް ބަޖެޓްގައި ވެ އެވެ. އަދި އަލަށް އާމްދަނީ ހޯދުމަށް ހުށަހަޅާ ކަންތައްތަކުން ދެ ބިލިއަން ރުފިޔާ ލިބޭނެ ކަމަށް ވެސް ވެ އެވެ.
މިނިސްޓަރު ވިދާޅުވީ މި ފަހަރުގެ ބަޖެޓްގައި ހިމަނާފައިވާނީ އާމްދަނީ އިތުރުކޮށް ހަރަދުތައް ދެމެހެއްޓެނިވި ގޮތަކަށް ކުރުމަށް ކަމަށެވެ.
"މައިގަނޑު ގޮތެއްގައި އަޅުގަނޑުމެން ހުރިހާ ރެވެނިއު ބޭސްކޮށްފައި މިހުރީ ވަރަށް ހިކުމަތްތެރިކޮށް، ހަމަ ކޮންމެ ގޮތަކަށް ނަގާކަށް ނޫން. މިސާލަކަށް ކޮންޖެޝަން ފީ ކަމަށް ވިޔަސް އަދި އެއާޕޯޓް ފީ ކަމަށް ވިޔަސް ވަރަށް ބޮޑަށް ބައްޓަންކޮށްފައި މިހުރީ ސްޕެސިފިކް ކަންތައްތަކަކަށް،" މުނައްވަރު ވިދާޅުވި އެވެ.
ދައުލަތުގެ އަންނަ އަހަރުގެ ބަޖެޓް ދިރާސާކުރާ ކޮމިޓީގެ މިއަދުގެ ހެނދުނުގެ ސެޝަންގައި ފިނޭންސް މިނިސްޓަރު މުނައްވަރު، ބަޖެޓާ ގުޅޭ މައުލޫމާތު ހިއްސާކުރައްވަނީ.---ފޮޓޯ: ނިޝާން އަލީ/މިހާރު
އިކޮނޮމިކް ކައުންސިލްގެ ޗެއާ އަދި ރައީސް އޮފީހުގެ މިނިސްޓަރު އަހުމަދު ޒުހޫރު ވިދާޅުވީ ބަޖެޓް ތައްޔާރުކުރުމުގައި ވަރަށް ގިނަ މަރުހަލާތަކެއް ކުރިޔަށް ގެންދިޔަ ކަމަށެވެ. އަދި މިދިޔަ ހަތް އަހަރުގެ ބަޖެޓްގެ ދަރަންޏާއި އަރަނިތައް ހުރި ގޮތް ބަލައި އިތުރުވަމުން އަންނަ ދަރަނިތައް ކުޑަކުރެވޭނެ ގޮތްތައް ބަލާފައިވާނެ ކަމަށް ވެސް ޒުހޫރު ވިދާޅުވި އެވެ.
"ހަމައެއާއެކު މިހާރު ފެއްޓިފައިވާ ޕްރޮޖެކްޓްތައް ނުހުއްޓި ކުރިޔަށް ދެވޭނެ ގޮތްތަކަކަށް ބައްޓަން ކުރެވުނު. ހަމަ އެގޮތަށް ސަރުކާރުގެ ހަރަދުތައް ވީހާ ވެސް ބޮޑަށް ކުޑަކުރުމަށް މަސައްކަތް ކުރެވުނު. ނަމަވެސް ލިބޭ އާމްދަނީ ބެލިބެލުމުން އެނގުނީ އަޅުގަނޑުމެން ބޭނުންވާ ހުރިހާ ހަރަދެއް ކުރެވެން ނެތްކަން،" މިނިސްޓަރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މެންޓަލިސްޓް
11 November 2016
ކޮބާތޯ ޖީއެމްއާރ އެގްރީމެންޓް ކެންސަލް ކުރުމުން ރައްޔަތުން ދައްކަންޖެހޭ 500 އެތަށް މިލިއަންޑޮލަރގެ ވާހަކަ ، އެކަން ބަޖެޓުން ފެންނަންނެތީ ކީއްވެބާ ؟ ކުރީއަހަރު ތަކުގައި 2014 2015 ގައި ފަޅުރައްތަށް ވިއްކައިގެން ލިބޭނެކަމަށް ލިއުނު އާންމްދަނީ ބަޔަކުމީހުން ޖީބަށްޖަހާލީމަ އެފައިސާއަށް ހަދާނެގޮތް ބަޖެޓްގައި ޖަހާފައިނެތީ ކީއްވެބާ ؟ އެސްއީޒެޑްއިން ލިބޭނެކަމަށް ޖެހި ބިލިއަނުން ރުފިޔާކޮބާޢިތޯ ؟ އެހެންވީމައި ތިޔަބަޖެޓްގެ ހިސާބުތަށް ދިމާލެއްނުވާނެ ، ތިޔަހެދިބަޖެޓްއަށް ކިޔާނީ މުކޮޅިހިސާބު ،، ތިޔަމަޖިލިސްގައި ނެތް ބަޖެޓްއެއް ރަގަޅަށް ދިރާސާކޮއްލަން އެނގޭއެކަކުވެސް ،
އައްމަޓީ
11 November 2016
ބަޖެޓްގައި ލިބޭނެކަމަށް 2014، 2015، އަދި 2016 މިތިން އަހަރަށް ލަފާކޮށްފަ ލިޔުނު އަދަދު ލިބުނުތޯ؟ މިފަހަރު ކޮބައިތޯ ތަފާތަކީ!
އަހަންމަދޭ
11 November 2016
އާމްދަނީ ހޯދިޔަސް ނުހޯދިޔަސް އަޅުގަނޑުމެންނަށް ވަރިހަމަ. އަޅުގަނޑުމެން ބުރަ މަސައްކަތް ކޮށްގެން ލިބޭ ފައިސާކޮޅުގެ ބޮޑުބައި ކުއްޔަށާއި އެޑްވާންސްތަކަށް ދީފަ ދެން ހުރި އެއްޗެއް ވިއްޔާ ސަރުކާރަށް ދައްކަން މިވަނީ މަޖުބޫރު ވެފަ. ނިކަމެތިކަމުގެ ކޮޅެއް ނެތް. ހިތާމައިގެން މިނެއް ނެތް. ކިހާ ދެރަ ކަމެއްތޯ މީ.
އަލްޖިބްރާ
10 November 2016
އާމްދަނީ ޔަޤީންވާނެ ހުރިހާ ދިވެހިން ފެލާނެގޮތް ރޭވީމަ ! ދެން އޮތް އަނެއްގޮތަކީ ރާއްޖޭގެ ރަށްތައް ވިއްކާ ! އޭރުން އާމްދަނީ އިތުރުވާނެ ! ކަލޭމެނަށް އެހެން ކަމެއް ކުރާކަށް ނޭގޭނެ !
ރޮބަޓް
10 November 2016
މިހާރު އޮންލައިނަށް "ޕިންކީން" ކިޔާފަ ހާސަރު މިދަމަނީ އަޅެފަހެ ގުރައިދޫގެ ގެ ކޮށިން ފިލަިއގެން ނިކުމެ އުޅޭ ސޮރުންތަކެއްތަ؟
ބާސްމަތީ ރައީސް
10 November 2016
ވަރަށް އަޑަށްބާރުލާފަ މިއަހަރުވެސް ތިގޮތަށް އާމުދަނީ ލިބޭނެކަމަށްބުނި، އޭގެތެރެއިން ކިތައް ރުފިޔާތޯލިބުނީ؟ ތިޔަ އިކޮނޮމިސްޓުން ނޭ ކިޔައިގެން އުޅުއްވާބޭފުޅުން ދައްކާވާހަކަ ޤަބޫލެއްނުކުރެވޭ
ާޖުހާ
10 November 2016
ކޮން މަރުމޯލެއްތަ "މަމެން" "ތަމެން" ނޭ ކިޔައިގެން މި ކޮމެންޓް ކުރަނީ؟
ފްރޮމްދިސް
10 November 2016
ދެހާސް ސަތާރަ ވަނަ އަހަރުގެ ބަޖެޓް ތައްޔާރު ކުރީ އެއީ މަމެން ޕިންކީންގެ ސަރުކާރުން ނެވެ. އެއީ ރަންރީނދުލޭ މެންގެ ކަރަޕްޓް ސަރުކާރުން ތައްޔާރުކުރި ކަރަޕްޓް ބަޖެޓެއް ނޫން އިންޑިއާގެ ޖީއެމްއާރަށް ފައިސާ ދޭން. މިކަން ދަންނަން ޖެހޭނެ ރަންރީނދޫ އެމްޕީން ވަރަށް ރަނގަޅަށް. އިނަފް އިޒް އިނަފް މިއަހަރު އިނގޭ. މަމެން ޕިންކީން މިފަހަރު ޓޮލެރޭޓް ނުކުރާނަން ތަމެން ރަންރީނދުލޭ މެން މަމެންގެ ބަޖެޓަށް ވޯޓް ނުދީ ތަމެންނަށް މަމެން ކުރާ މަސައްކަތުން ހޯދާ ފައިސާ އަދި މަމެން ފާސް ކުރާ ބަޖެޓުން ފައިސާ ދޭކަށް. އެކަން މަމެންނަށް މިފަހަރު ޓޮލެރޭޓް ނުކުރާނަމެވެ. މިފަހަރު އޮންނާނީ ޓިޓް ފޯރ ޓެޓް. ތަމެންނަށް މަޖްލީހުން ބޮޑެތި މުސާރަ އާއި އިނާޔަތް ތައް ލިބޭތީވެ ދޯ މެލޭޝިއާ ގައި އާއި އަދި އިންޑިއާ ތަމެން ގެ އާއިލާ އެއްކޮށް ބައިތިއްބައިގެން އެކިޔަވާ ދެވެނީ. މިކަން އަންޑަރސްޓޭންޑް ވާން ޖެހޭނެ ތަމެންނަށް ވަރަށް ރަނގަޅަށް. މަމެން ޕިންކީސް މަޖްލީހަށް 2017 ގެ ބަޖެޓް މިހުށައެޅީ އެއީ ތަމެންނަށް ވެސް އަދި މަމެންނަށް ވެސް ހެޕިނެސް ގެނެސް ދޭން އެވެ. ފްރޮމް ދިސް މޫމެންޓް ލައިފް ހޭޒް ބިގަން ވިދް އަ ނިއު ޗެޕްޓަރ.. ފްރޮމް ދިސް މޫމެންޓް އޮން، ފްރޮމް ދިސް މޫމެންޓް އޮން..
ވަލީމާ
11 November 2016
ކަނޑުކޮސް ވާހަކަ ނުދައްކާ "ފުރޮމްދިސް". ބަޖެޓް ވޯޓްދިނަސް ނުދިނަސް ޓޮލަރޭޓްކުރަން ޖެހޭނީ. ސަބަބަކީ ބަޖެޓްގައި ޖަހައިގެން ލިބޭ އާމްދަނީ ދައްކަނީ ހުރިހާކުލައެއްގެ މީހުން. ތިގޮތަށް ހަދަން ބޭނުމިއްޔާ ޓެކްސް ދައްކާން ހަމައެކަނި ޕިންކީސް އަށްހަދާ. އޭރުން ތިގޮތް ވަރިހަމަ
ޖަޔަލަކްސްމީ
10 November 2016
21 ބިލިއަން ޑޮލަރޭ؟
ވަހީދު
10 November 2016
މީހުން ބލކމއލ ކޮއްގެން ލިބެން އޮތް ލާގަނޑު ތީގަ ނުހިމެނީ ކީވެތަ. އެ އީވެސް އަސްލު ޔަގީނުން ވަންނާނެ އަދަދެއް