މުޒާހަރާ ރޫޅާލުމުގައި ބާރުގެ ބޭނުންކޮށްފައިވާތީ އެޗްއާރުސީއެމުން މައްސަލަ ބަލަން ފަށައިފި

ޖިންސީ ފުރަައްސާރައާ ދެކޮޅަށް ރޭ މާލޭގައި ބޭއްވި އިހުތިޖާޖުގެ ތެރެއިން-- ފޮޓޯ: ނިޝާން އަލީ/ މިހާރު

މާއިދާ މުހައްމަދު ރަޝާދު، މިހާރު

02 މެއި 2021 - 14:46

މަސައްކަތުގެ މާހައުލުގައި ކުރިމަތިވާ ޖިންސީ ފުރައްސާރައާ ދެކޮޅަށް ރޭ ބޭއްވި މުޒާހަރާއެއް ރޫޅާލުމުގައި ފުލުހުން އަމަލުކުރި ގޮތް އެންޓި ޓޯޗާ ގާނޫނުގެ ދަށުން ބަލަމުން އަންނަ ކަމަށް ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރުސީއެމް) އިން މިއަދު ބުނެފި އެވެ.

"ރައިޒް އަޕް އެމްވީ" މޫވްމަންޓުން އިސްވެ، ޖިންސީ ގޯނާ އާއި ޖިންސީ ފުރައްސާރައާ ދެކޮޅަށް ބޭއްވި މުޒާހަރާ ރޫޅާލުމަށް ފުލުހުން ހާލަތާ ނުބައްދަލު ބާރުގެ ބޭނުންކޮށްފައިވާ ކަމަށް ބުނެ ގިނަ ބަޔަކު ދަނީ ނުރުހުން ފާޅުކުރަމުންނެވެ.

ސޯޝަލް މީޑިއާގައި އާންމުވެފައިވާ ބައެއް ވީޑިއޯތަކުން ވެސް ފުލުހުން، މުޒާހަރާގެ ބައިވެރިންގެ މޫނަށް ގަދަބާރުން ޕެޕާ ސްޕްރޭ ޖަހަން އުޅޭ ގޮތް ފެނެ އެވެ. އެކަމާ ގުޅިގެން އެތައް ބަޔަކު ނުރުހުން ފާޅުކުރަމުންދާއިރު އެޗްއާރުސީއެމުން ވަނީ އެ އެއްވުން ރޫޅާލުމަށް ފުލުހުން ބާރުގެ ބޭނުން ކުރި ގޮތާ މެދު ކަންބޮޑުވުން ފާޅުކޮށްފަ އެވެ.

އެޗްއާރުސީއެމުން ބުނީ، އެއްވެ އުޅުމުގެ މިނިވަންކަމަކީ ކޮންމެ ރައްޔިތަކަށް ވެސް ލިބިގެންވާ ހައްގެއްކަމުން، ކޮންމެ ރައްޔިތަކަށް ވެސް އެ ހައްގު ލިބެން ޖެހޭ ކަމަށެވެ.

"ރޭގެ މި ހާދިސާއާ ގުޅިގެން އެންޓި-ޓޯޗާ ގާނޫނުގެ ދަށުން މި މައްސަލަ ކޮމިޝަނުން ބަލަމުންދާނެ ވާހަކަ ދަންނަވަމެވެ،" އެޗްއާރުސީއެމުން ބުންޏެވެ.

ރޭގެ މުޒާހަރާގައި ފުލުހުންް، ނޫސްވެރިންނަށް އަނިޔާކޮށްފައިވާ ކަމަށް ރިޕޯޓްތައް ލިބިފައިވާތީ މޯލްޑިވްސް ޖާނަލިސްޓް އެސޯސިއޭޝަން (އެމްޖޭއޭ) އިން ވަނީ އެކަން ބެލުމަށް ކަމާ ބެހޭ އިދާރާތަކަށް ގޮވާލައިފަ އެވެ. އެ ޖަމިއްޔާ އިން ވަނީ ބާރުގެ ބޭނުން ނަހަމަ ގޮތުގައި ހިފުން ފުލުހުން ތަކުރާރުކުރަމުންދާތީ ކަންބޮޑުވެފަ އެވެ.

އެތައް ބައެއްގެ ނުރުހުން އަމާޒުވެފައިވަނިކޮށް ކޮމިޝަނާ އޮފް ޕޮލިސް މުހައްމަދު ހަމީދު ކުރެއްވި ޓްވީޓެއްގައި ވިދާޅުވީ މުޒާހަރާ ރޫޅާލުމަށް ފުލުހުން ބާރުގެ ބޭނުންކުރި ގޮތް ތަހުގީގުކުރަން އަމުރުކުރައްވައިފައިވާ ކަމަށެވެ.

ރޭގެ މުޒާހަރާގެ ބައެއް ބައިވެރިން ފުލުހުންގެ ބެލުމުގެ ދަށަށް ވެސް ގެންދިޔަ އެވެ. އަދި އެކަކަށް އަނިޔާވެގެން އައިޖީއެމްއެޗުން ފަރުވާ ވެސް ދޭން ޖެހުނެވެ.

މުޒާހަރާ ފުލުހުން ހަމަނުޖެހުން ޖިންސީ އަނިޔާ އެޗްއާރުސީއެމް

9 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފައްލަންބެ

03 May 2021

ރަމަޟާންމަހުގެ ބަރަކާތްތެރި ރޭތަކުގައި ބަޔަކު މީހުން ތަނަކަށް އެއްވެ އަޅުކަމަކަށް ނުވާ ކަމެއްގައި ކުރުމަކީ ކުރެވިގެންވާނެ ކަމެއް ނޫން. ތިއީ ފަސާދައިގެ އެއްވުމެއް. އެހެން ނޫންނަމަ މި މުޖުތަމަޢުން ތިޔަކަން ފިލައިގެން ދޭތޯ މި ބަރަކާތްތެރި މައްސަރުގައި ތި ތަނުގައި ތިބެގެން ކުރާނީ ދުޢާ. އޭގެ ބަދަލުގައި ޝައިޠާނާގެ ބަހަށް ހެއްލި ބަޔަކު މީހުން ގޮވައިގެން މަގުތަކަށް ފަސާދަ ކުރަން ނުކުތް މީހުންގެ މައްޗަށް ދައުވާކުރަންޖެހޭ. ކުރިން ބަލަންވީ އެމައްސަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖާބިރު

02 May 2021

މުޒާހަރާތައް ރޫޅާލާނީ ގަވާއިދުތަކާއި އުސޫލުތަކާ ޚިލާފުވީމަ އިންޒާރުތަކަށް ކިޔަމަން ނުވެއްޖެއްޖާ ރޫޅާނީ ލޯބިކުރާހެއްނެއްނޫން... ބާރުގެ ބޭނުންކޮށްގެން ލޯބިން އެކަން ކުރަންޏާ ގެްއލުންވާނީ ސަލާމަތޫ ބާރުތަކަށް ބުނިޔޭގެ ކޮންގައުމެއްގައި ބާރުގެބޭނުން ލޯބިން ކުރަނީ.. މިހާރު ހުރިހާ ދިމަދިމާލަކުން މުޡަހަރާ ރޫޅާލިގޮތް ބަލަނިއްޔާ ބުނާއިރު މުޒާހަރާކުރިމީހުން ހެދޯ ކޯންޗެއްތޯ ބަލާނެ ބަޔަކުނެތް. މިގައުމު ހިންގަން ދުވަސްކޮޅާކުން ތިބޭނީ ޅިނދަށްދޫވެފަތިބޭ ޕާޓެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

02 May 2021

މިބައިމީހުން އެބަ އުޅެ ދޯ؟ ޓްރާންސްޕޭރެންސީއޭ ކިޔުނު ބަޔަކުވެސް 2018 ގަ އުޅުނޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޑޭ

02 May 2021

މި ޖެހުނީ އަނެތް ހަކަންތައް، ދިވެހިން ބޭނުންވަނީ ޔޫރަޕްގެ ގޮތްގަނޑު އެކަމަކު އެމީހުންގެ ފުލުން މުޒާހަރާ ރޫޅާގޮތް ކަމަކު ނުދޭ މީ ކޮންވައްތަރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޑޫ ކޮއިޔާ

02 May 2021

ކިހާ ތާހިރު އިދިކޮޅު އެންމެ ބޮޑު ޕާޓީން މާލޭގައި މުޒާހިރާ ކުރާ ތާ 2 އަހަރުވެގެން ދިޔައީ ކިތަށް މީހުންނަށް ފުލުހުންއަނިޔާކޮށް މިރުދުންއަޅާ އަސޭމިރުސް ފެން ލޮލަށް ޖެހޭ. ތިޔަ ބުނާ އެޗްއާރ ސީއެމެއް ވީތަނެއްވެސް ނޭގުނު. ރޭގައި ކުރި މުޒާހިރާގައި އުޅުނީ އެމްޑީޕީ ކުދިންވީމާ ތި މައްސަލަ ބަލަންޖެހުނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަައިރޯ

02 May 2021

ބަލި ފަތުރަން އުޅޭބައެއް، ރޫޅީ ރަންގަޅަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދާނޯމޮސް

02 May 2021

ބަޔަކު ރުއްސަން މާބޮޑަށް ކަންކަން ބަލާކަމަށް ހެދިގަންނަ އިރައް ؛ މައިތިރިވެގެން ، ޒުވާނުން ތިބޭނެ ކަމަށް ހީކުރުން ވެގެންދާނީ ބޮޑުމުސާރަ ބަނޑުލައިގެން ތިބޭ މި މުއައްސަސާތަކުގެ ވެރިން ބަދަލުކުރަން ސޯލިހަށް މަޖުބޫރު ވެގެންނެވެ.