ފާސް އޮތަސް މާލެ-ހުޅުމާލެއާ ދެމެދު ދަތުރުކުރުން މަނާ. ކާފިއު ގަޑީގައި އެ ފާހުގެ ބޭނުމެއް ނުކުރެވޭނެ.
މިއަދުގެ މީޑިއަ ބްރީފިންގައި (ކ-ވ) ސުޕްރިންޓެންޑެންޓް އޮފް ޕޮލިސް ޝަރީީފް، މަބްރޫކް އަދި ޑރ. އަފްޒަލް
24 މެއި 2021 - 16:55
127 comments
އަންނަ ބުދަ ދުވަހުން ފެށިގެން މާލެ ސަރަހައްދުގެ ކާފިއު ގަޑި ކޮންމެ ދުވަހެއްގެ ހަވީރު 4 އިން ހެނދުނު 8 އަށް ދެ ހަފުތާގެ މުއްދަތަށް ބަދަލުކޮށް، ފާސް ނެތި ބޭރުގައި އުޅުން ސަރުކާރުން މަނާކޮށްފި އެވެ. އެހެންވެ، މިއީ ކޮވިޑް ފެތުރުން ކޮންޓްރޯލް ކުރުމަށްޓަކައި އިއުލާންކުރި ލޮކްޑައުން އެކެވެ. އެކަމަކު، އެއީ ސީދާ ލޮކްޑައުންއެއް ކަމަށް ސަރުކާރުން ނުބުނެ އެވެ. ނަމަވެސް ފުލް ލޮކްޑައުންއެއްގައި ހިމެނޭ ހުރިހާ ފިޔަވަޅުތަކެއް، އަލަށް އެޅި ފިޔަވަޅުތަކުގެ ތެރޭގައި ހިމެނެ އެވެ.
މީގެ ކުރިން އިއުލާންކުރި ލޮކްޑައުންގައި ވެސް ބޭރުގައި އުޅުނީ ފުލުހުން ދޫކުރި ހާއްސަ ފާހަކާ އެކު އެވެ.
އެޗްއީއޯސީން މިއަދު ހަވީރު ބޭއްވި މީޑިއާ ބްރީފިންގައި އިއުލާންކުރި ގޮތުން ނަމަ ބުދަ ދުވަހުން ފެށިގެން ކާފިއު ނޫން ވަގުތުގައި ކޮންމެ ގެއަކުން ބޭރަށް ނުކުމެވޭނީ ހާއްސަ ފާހެއް ހިފައިގެންނެވެ. ކޮންމެ ގެއަކަށް ދޫކުރާނީ ދެ ފާހެވެ. ފާސްދޫކުރަނީ ދެ ގަޑިއަކަށް ބަހާލައިގެންނެވެ. އެއީ ހެނދުނު 8 އިން މެންދުރު 12 އަށް އަދި މެންދުރު 12 އިން ހަވީރު 4 އަށެވެ.
މާލޭގައި އުޅޭ މީހުންނަށް އެ ފާސް ހިފައިގެން ހުޅުމާލެ އަށް ދިއުން މަނަލެވެ. ހުޅުމާލޭގައި އުޅޭ މީހުންނަށް ވެސް މާލެއަކަށް އެ ފާހުގައި ދަތުރެއް ނުކުރެވޭނެ އެވެ. އެކަމަކު، މާލެ-ވިލިމާލެއާ ދެމެދު ދަތުރުކުރެވޭނެ އެވެ.
މިއަދުގެ މީޑިއާ ބްރީފިންގައި މަބްރޫކް ވާހަކަ ދައްކަވަނީ.
"މި ޕާމިޓްތައް ދޫކުރެވިފައި ހުންނަނީ ކޮންމެހެން ކުރަންޖެހޭ ކަންކަން އެ ގަޑީގެ ތެރޭގައި ކުރެއްވުމަށްޓަކައި،" ރައީސް އޮފީހުގެ ތަރުޖަމާން މުހައްމަދު މަބްރޫކް އަޒީޒް ވިދާޅުވި އެވެ.
ފުލުހުންގެ ޕޯޓަލް މެދުވެރިކޮށް މިރޭގެ އަށަކުން ފެށިގެން އެ ފާސް ދޫކުރާނެ ކަމަށް އެޗްއީއޯސީން ބުނެ އެވެ. އެ ހުއްދަ ބޭނުންކުރެވޭނީ ހުއްދަ ދޫކުރާ މީހާ އަށް އެކަންޏެވެ.
މަގުމައްޗަށް ނުކުމެ އުޅުމުގެ ހުއްދަ އަށް އެދޭއިރު، އެ ގެއެއްގެ ކަރަންޓު މީޓަރު ނަމްބަރާއި އެ މީހެއްގެ ނަމާއި ގޭގެ އެޑްރެސް ޖަހަން ޖެހެ އެވެ.
މަބްރޫކް ވިދާޅުވީ، މި ދެ ހަފުތާ އަށް ޑެލިވަރީގެ ހިދުމަތް ދެވޭނީ ހެނދުނު 6 އިން ދަންވަރު 12 އާ ހަަމައަށް ކަމަށެވެ. އޭނާ ވިދާޅުވީ، ކާފިއު ގަޑީގައި ފިހާރަތަކަށް ވަދެ ވިޔަފާރިކޮށް، ކެފޭ/ރެސްޓޯރަންޓުތަކުން ޓޭކްއަވޭ ހަދާ ނަމަ މަދުވެގެން 5،000ރ. ގެ ޖޫރިމަނާއެއް ކުރާނެ ކަމަށެވެ.
މިއަދުގެ ބްރީފިންގައި ސުޕްރިންޓެންޑެންޓް އޮފް ޕޮލިސް ޝަރީފް ނޫސްވެރިންގެ ސުވާލުތަކަށް ޖަވާބު ދެއްވަނީ.
ފުލުހުން ހަމަޖައްސާފައިވާ ގޮތުން ނަމަ، ޑެލިވަރީ ކުރުމަށްޓަކައި މިހާރު ވެސް ދޫކޮށްފައިވާ ފާސްތައް ބޭނުންކުރެވޭނެ އެވެ.
ކޮވިޑް ކޮންޓްރޯލް ކުރުމަށް ސަރުކާރުން އިތުރަށް އެޅި ފިޔަވަޅުތަކުގެ ދަށުން، ޑެލިވަރީ ކުރުން ފިޔަވައި އެއްވެސް ހިދުމަތެއް ފިހާރަތައް/ކެފޭ/ރެސްޓޯރަންޓުތަކުން ނުދެވޭނެ އެވެ.
މާލެ އާއި ވިލިމާލެ އައި ހުޅުމާލޭގައި ކޮވިޑް-19 ޖެހޭ މީހުންގެ އަދަދު ވަރަށް ބޮޑުތަން އިތުރުވެފައިވަތީ، މިހާރު ކާފިއު ހިންގަނީ ހަވީރު 4 އިން ފަތިހު 4 އަށެވެ. އެކަމަކު، އެ މުއްދަތު ބުދަ ދުވަހުން ފެށިގެން އިތުރުކުރަން ނިންމީ އަލަށް އަޅަން ނިންމި ފިޔަވަޅުތަކާ އެކު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
55667
26 May 2021
ކަމެއްކުރަންޏާ މީހުނައް ޖެއްސުންކުރަން މިސްކިތައްދާ މީހުން ހުއްޓުވަބަލަ... .އާދަޔާހިލާފައް ގައިގެ ތަންތަން ކެހުމާ ތެޅިފޮޅުމާ ދެން ކިޔާނެކަމެއް ނެތް. އެވަރުވީމަ ޖަމާއަތުގަ ނަމާދު ކުރާނެކަމެއްނެތް އެތަނައްދާ އެހެންމީހުނައް ޖެއްސުން ކުރަން. އެހާ ޖެއްސުން ކުރާހިތްވަންޏާ ކޮންމެސް އެހެންތަނަކު އެކަންކުރާނަމަ. މަށައްހެޔޮ މަ މި ކާކުކަން އެނގުނަސް. .
އެތެރެއިންއެކަނި ނުބަލަމާ
25 May 2021
ވަކިބަޔަކު ރަނގަޅެއް ނޫން. (މަދުބަޔަކުތިބީ ތަފާތު) ދައުލަތުންވެސް ގޯސްތައް. ރައްޔިތުންވެސް ޖެއްސީ މަކަރު. ކަރަންޓީނަށްވެސް، ބަލިވާކަން އަންގަންވެސް ރައްކާތެރިވެ އުޅެންވެސް. މިއަދުމިއޮތީ ހާލުގަޖެހިފަ. ގިނަވައެއްގެ ހަކަތަ ދަށްވެފައި އިތުރުހިތްވަރު ކުރަންޖެހިފައި. އަރާރުންނުވެ އަރާގަންނަން ޖެހިފައި!
ހޭބަލިވެދާނެ
25 May 2021
ދެމީހުން ހަމަނުވާ ރަށްރަށުގް ފަޅު ކޮނުމާ ޕާޓޭން ރުއްސަން ފުޓްސެލް ދަނޑު ނާޅާ ތިޔަ ލާރިން ވެކސްިން ގަނެފަ މީހުން ގަޔަށް ޖަހާބަލަ. ހެޔޮނުވާނެ. ލޮކްޑައުންއޭ ނުކިޔާ ލޮކްޑައުން ކޮށްގެން އަހަރުމެން ކަހަލަ ނިކަމެތިން މީ ފުނޑެނީ. އަތަކު ނެތް ލޯ ލާރިއެއް ކުޑަ ދަރިއަށް ކިރު ދަޅެއް ގަންނަހާވެސް.
ޕަބްލޯ
25 May 2021
އިންޑިޔާ މީހުން ގެނެސް ޓޫރިޒަމް ރެކޯޑެއް ހަދަން އުޅުނު މިނިސްޓަރަށް ސަލާމް. ވެކްސިން ގެންނަނީ ގެންނަނީ ކިޔަކިޔާ ތިބެ ދެވަނަ ޑޯޒު ނުލިބޭ ގޮތަށް އެތައް ބަޔަކު ނުރައްކަލަށް ވައްޓާލި ހެލްތު މިނިސްޓަރަށް ސަލާމް. އާދައިގެ ރޯގާއަކަށް ވާތީ ކައުންސިލް އިންތިހާބު ބާއްވަން ބޮޑާ ހޭކި މަޖިލިސް ރައީސަށް ސަލާމް. (އަދި އަވަސް ޝިފާއަކަށް އެދެން). ވެންޓިލޭޓަރު ގެންނަން ދުބާއީ ކްލިނިކަކަށް ދިން ކުރީގެ ހެލްތު މިނިސްޓަރަށް ސަލާން. އުޅޭ މީހެއްކަން ނޭގޭ މީހާއަށް ސަލާމް
ރަދުން999
25 May 2021
ތިލޮކްޑައުން ކޮށްގެން ސަލާމަތުން ތިބި މީހުން ހަނާވާނީ. ކުދި ވިޔާފާރިތައް ބަނގުރޫޓްވާނީ އާއްމު ރައްޔަތް ހާލުގައި ޖެހޭނީ. ލޮކްޑާއުންއާ ކޮވޮޑްއާ އެއްވެސް ގުޅުމެއް ނެތް. ވިއްޔާ ވެކްސިން 2 ޑޯޒް ޖަހާދީ. އެއްޑޯޒް ޖަހާފަ ދެވަނަ ޑޯޒްއަށްވީ ކިހިނެތްބާ؟ ކުރަންވާ ކަންތައް ނުކޮށް ނުކުރަންވާ ހުރިހާ ކަމެއް އެބަކުރޭ. މީހަލު ހޭބަލި ވެދާނެއްނު މި އުޑެއް ބުޑެއް ނުދަންނަ މީހުން މަގާމުތަކުގައި ވަކި ހިއްޕައިގެން ފޭކް އެއްބަސްވުންތައް ހަދާ ފައިސާކޮޅު ހުސްކޮށްލައިފި.
އަހުމަދުއަލޯ
25 May 2021
އިބޫ ކަޑަ. އެކްސެޕްޓް އިޓި. ފިނިހަކަ.
ސެކު
25 May 2021
ކަލޭމެން ހަދާ ތާކުންތާކުނުޖެހޭ ގަވައިދަށް ބޯލެނބުން މަމިހާރު ދޫކޮށްލާފިން.އަހަރުމެން އަމިއްލަމަސައްކަތް ކުރާމީހުންނަށް ވާ ގެއްލުމަށް ނުބަލާ ބަޔަކު ހަދާ ގަވައިދަށް ބޯލެނބުމެއް ދެން ނެތް
ގެދާނޯމޮސް
25 May 2021
ތިބުނީ ވަގަށް ނުކުމެލިޔަސް ބަލިޖެހޭނެޔޭ ! ފާސްއޮތިއްޔާމުން ނުޖެހެނޭ ވާހަކަހެއްޔެވެ.! ވަރުގަދަ ކަމަކާލައިގެންފިއެވެ.
ރަށުމީހާ
24 May 2021
ސަންދޯ އަޅުގަޑައްޖަހާދެއްވުން އެދެން މިހާރު ވެސް 3 އިރު މަޔައް ނުކައި ހުންނަނީ މި މަހު 22 ވަނަ ދުވަހު ވަޒީފައިން ވަކި ކޮއް ފާ ފުނުވައި ލާއިފި މު ސާރަވެސް ނުދޭ.އެހެންވެ ސަރުކާރަށް އަޅުގަޑު ގޮވާލަނީ ސަންދޯކެ ދެއްވުމަށް,
ކޮވިޑު
24 May 2021
ވަކި ބަޔަކަށް ބަރޯސާ ނުވެ ހުރިތަނަކުން ވެކުސިން ހޯދައިގެން ޖެހުން ނުން ހައްލެއް ނެތް. ހަރުކަށި ފިޔަވަލު އެއީ ހައްލެއްނުން. ބެކާރު ކަންކަމަށްހަރަދުނުކޮށް ވެކުސިނަށް ހަރަދު ކޮށް އެކަން ބާރުގެ ބެނުން ކޮށްގެން ވިޔަސްނިންމަން ވީ. އޭރުން އެންމެ ބޮޑު ޒިންމާ އަދާ ކުރެވުނީ.ނުނިމޭ ހާ ހިނދަ ކު ހައްލެއް ނެތް.ވަގުތު ބެކާރު ވަނީ.އެތަށް މަހަކު ބަންދުގަ މިތިބީ ނަތިޖާ އައީ އިދިކޮޅަށް.
އުމަރުބެ
25 May 2021
ޑޮކްޓަރުން ބުނާހާގޮތަކަށް ހަދަންހޭ، ނަހަދައިފިއްޔަ ބުނާނެ މަރުވާ އެންމެންގެ ޒިންމާ ނަގަންޖެހޭނީ ސަރުކާރުންނޭ. ރަގަޅު އެއްވެސް ގޮތެއްނެތް. ކިތަންމެ ހިއްޗަސް ޑޮކްޓަރުންދޭ ބޭސް ބޯންޖެހޭނީ.