ސާމްޕަލް ނެގުމަށް ޕީޕީއީ ލައިގެން މާލޭގެ މަގުމަތީގައި ހަރަކާތްތެރިވަނީ.-- ފޮޓޯ: އަހުމަދު އަވްޝަން/މިހާރު
21 ޖޫން 2021 - 22:39
16 comments
ފާއިތުވި 24 ގަޑިއިރުގެ ތެރޭގައި މާލެއިން ކޮވިޑު-19 އަށް ޕޮޒިޓިވްވި މީހުންގެ އަދަދު ވަރަށް ބޮޑަށް ދަށްވެއްޖެ އެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނީ އިއްޔެ ހަވީރު 6:00 އިން މިއަދު ހަވީރު 6:00 އާ ދޭތެރޭގައި 4،784 ސާމްޕަލް ޓެސްޓުކޮށްފައިވާ ކަމަށެވެ. އޭގެ ތެރެއިން މާލެއިން ޕޮޒިޓިވްވީ 35 މީހުންނެވެ. އެއީ، ބަލީގެ ހާލަތު އެންމެ ގޯސްކޮށް އުޅުނު މާލެ، ހުޅުމާލެ އަދި ވިލިމާލެއިން މި މަހު އެންމެ މަދުން ކޮވިޑަށް މީހުން ޕޮޒިޓިވްވި ދުވަހެވެ.
✳️ COVID-19 : Case Updates pic.twitter.com/w3Yf2MNge0
— Health Protection Agency (@HPA_MV) June 21, 2021
އެ ނަމްބަރުތަކަށް ބަލާއިރު ރަށްރަށުގެ ހާލަތު ފެންނަނީ ގޯސްކޮށެވެ. އެކި ރަށްރަށުން 164 މީހަކަށާއި ރިސޯޓުތަކުން ތިން މީހަކާއި ތަރައްގީކުރަމުން އަންނަ ރަށްރަށުން 43 އަދި ސިނާއީ މަސައްކަތްކުރާ ރަށްރަށުން އަށް މީހަކަށް ބަލި ޖެހިފައި ވެ އެވެ. އެއާއެކު، އަލަށް ކޮވިޑު ޖެހުނު މީހުންގެ އަދަދު އުޅެނީ 253 ގަ އެވެ.
އެ ބަލިން 769 މީހަކު ރަނގަޅުވެފައި ވެ އެވެ. އެހެންވެ، އެކްޓިވް ކޭސްތައް ވަނީ 4،784 އަށް ތިރިވެފަ އެވެ.
ހޮސްޕިޓަލުގައި އެޑްމިޓުކޮށްގެން ފަރުވާ ދޭ މީހުންގެ އަދަދު ވެސް 44 އަށް ވަނީ މަދުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާލު
22 June 2021
މާލެތެރެ އާންމު ހާލަތައް ދުކޮށްދެއްވާ އަދި މާލެއިން ރަށް ރަށަށް ދިއުމާއި ރަށްރަށުން މާލެއަށް އައުމަށް އުސޫލުތައް ހައްދަވާ
އަހްމަދު ބުނީ
22 June 2021
މިއަންނަ ހުކުރުނަމާދު މިސްކިތުގައި ކުރެވޭގޮތް ހަދާދެއްވާ. އަޅުގަނޑު ހަމަގައިމުވެ ސް ގައިޑްލައިންތައް ފޮލޯކުރަނަން.
މީމު1
22 June 2021
ހެޔޮނުވާނެ. ސްކޫލު ބަންދަށް ރަށް ރަށަށް ގޮއްސަ މާލެ އެނބުރި އަންނަ މީހުން ކަރަންޓީނުވެ، ނެގެޓިވް ޓެސްޓަކާއެކު ބޭރަށް ނުކުންނަ ގޮތަށް އުސޫލު ބަދަލުކޮށްދީ. އެހެންނޫނީ މާލޭގެ ކޭސްތައް އަނެއްކާ އިތުރުވެ މާލެ ބަންދުކުރާހާ ވާނީ. 2020 ފެށިގެން މާލެ މިއޮތީ ފާޑަކަށް ބަންދުވެފައި. މިހެން ތިބެތިބެ އަހަރެމެންނާއި ކުދިންކޮޅު އެބަ ބޯ ސަކަރާތްވޭ!
ކާމު
22 June 2021
ކީއްކުރަން ކުރާ ކަމެއް މިއަދުވެސް އިންޑިއާއިން އެތައްސަތޭކަ މީހުންނެއް މާލެ އައި ރާނބާ ގެސްޓު ހައުސް އަށް އެކަނިވެސް 20 މީހުން ރާއްޖެއިން ބޭރުން މިވަރަށް އާދެވޭއިރު ކީއްކުރަން ރަށް ރަށުން މާލެއަންނަ މީހުން ހުއްޓުވާ ކަރަންޓީނުކޮށް ޓެސްޓް ހަދަންވީކީ؟
އާމު
22 June 2021
ކާމު އެބުނާ ވާހަކައާ ހެދިއޭ މިކިޔަނީ ތިޔަ ކޮވިޑަކީ ފިލާނެ އެއްޗެއް ނޫނޭ. އެއްބަޔަކަށް ނޯވޭ ކަރަންޓީންވާންޖެހުމެއް. ކާމުގެ ކޮމެންޓަށް ޑިސްލައިކް ދިން މީހާ ކަންކަން ހިނގާ ގޮތުގެ ހަގީގަތަށް ވިސްނަން ބޭނުންނުވަނީތަ؟
ސައިބ
22 June 2021
ސިއްހީ މަސައްކަތް ތެރިންނާއި ވޮލަންޓިއަރުންނަށް ޝުކުރިއްޔާ.
ކައިބާ
22 June 2021
އެންމެން ފަރުދީ ޒިންމާ އަދާކޮށްގެން ގޭގަ ތިބީމަ އެއީ ސިއްހީ މަސައްކަތްތެރިންނާ ވޮލަންޓިއަރުންގެ މަސައްކަތެއް ނޫން. އެއީ އާއްމު މީހުން ބަސްއަހައިގެން ފަރުދީ ޒިންމާ އަދާކުރާތީ ވާ ގޮތެއް. ގަވައިދެއް ހަދާފަ އެންމެން ގޭ ބަންދުކުރަން އިއުލާންކޮށްލުމަކީ އެހާ ބޮޑު މަސައްކަތެއްނޫން. އެކަމު އެތައް ކަމަކުން މަހްރޫމުވެގެން އެތައް ހާސް ބަޔަކު ބަންދުވެފަ ތިބެންޖެހުމަކީ މާ ބޮޑު ކަމެއް.
ށަވިޔަނި
22 June 2021
الحمد لله ﷲ ގެ އިރާދަފުޅުން ދެން ރަނގަޅުވަމުން ދާނީ.
މޯޑް
22 June 2021
ރަށަށް ދާން ވެއްޖެ އަވަހަށް ލުއިދީބަލަ
ކަކުނިބޯ
22 June 2021
ޙުވަފެންދައްކަނީ ސުކޫލްތަކުގެ ޗުއްޓީއަށް މިވިޔަފާރިއަށް ނިމުމެއްނެތް މީ އަމިއްލައަށް ދޫކޮށް ބާރުކުރާ ކޮވިޑް އިސްކުރެއް. ޥިސްނާ މަބުނިގޮތް ނުވޭތޯ ބަލަންތިބޭ
މޯގު
22 June 2021
އެއްވެސް ބައްޔެއް ނުޖެހި،ދުވަހަކުވެސް މަރު ނުވާންތޯ އަދިވެސް ރަށްޔިތުން ބަދެގެން ތިގެންގުޅެނީ
ހަސަނު
21 June 2021
ސިއްހީ ކަންކަމުގަ އަވަދި ނެތި އުޅުނު މީހުންނަށް ޗުއްޓީއެއް ދޭންވީ ވަގުތުމިޖެހުނީ....
ހަސް
21 June 2021
މިއޮތީ މާލޭރައްޔިތުން އުފާފާޅުކުރަންވީ ވަގުތުޖެހިފާ.
ށަވިޔަނި
22 June 2021
އުފާ ފާޅުކުރުމަކީ ﷲ އަށް ޙަމްދުކުރުމާއި ޝުކުރުކުރުންކަމަށް ހަދާ.
ޕާޓީ
22 June 2021
ށަވިޔަނި އެބުނީ ތެދެއް.. އުފާފާޅުކުރަންވީއޭ ކިޔާފަ އެންމެން އެއްވެގެން ޕާޓީ ކުރިމާ އޮންނާނީ ވާނެއެއްޗެއް ވެނިމިފަ އަނެއްކާ..