ދީޕިކާގެ ފޭނުން އެދެނީ ލަވް ރަންޖަންގެ ފިލްމަށް ސޮއި ނުކުރަން

އަހުމަދު އަދްޝަން، މިހާރު

22 ޖުލައި 2019 - 07:02

ޑައިރެކްޓަރު ލަވް ރަންޖަން އަށް ޖިންސީ ގޯނާގެ ތުހުމަތުކެއް ކުރެވިފައިވާތީ އޭނާގެ ފިލްމެއްގައި މަސައްކަތް ނުކުރަން ބަތަލާ ދީޕިކާ ޕަދުކޯން އަށް ގޮވާލައި ފޭނުންތަކެއް ޓްވިޓާ އާ އިންސްޓަގްރާމް #ނޮޓްމައިދީޕިކާ ގެ ނަމުގައި ހާއްސަ ހޭޝްޓެގެއް ދައުރުކުރަން ފަށައިފި އެވެ.

މިކަމެއް ތިލަވެފައި ވަނީ މިދިޔަ ހުކުރު ދުވަހުގެ ރޭ ދީޕިކާ އާއި ރަންބީރު ކަޕޫރް، ލަވްގެ އޮފީހުން ނުކުމުގެން ދަނިކޮށް ނަގާފައިވާ ފޮޓޯތަކެއް ވެސް މީޑިއާތަކުގައި އާންމުވެފައި ވަނިކޮށެވެ.

މިދިޔަ އަހަރުގެ އެންމެ ކާމިޔާބު އެއް ފިލްމު ކަމަށްވާ "ސޯނޫ ކޭ ޓިޓޫ ކީ ސްވީޓީ" ގެނެސް ޑައިރެކްޓަރުގެ އާ ފިލްމަށް މިދިޔަ އަހަރު އަޖޭ ދޭވްގަން އާއި ރަންބީރު ވަނީ ސޮއިކޮށްފަ އެވެ. އެކި ފަހަރު މަތިން މީޑިއާތަކުން ރިޕޯޓްކޮށްފައިވާ ގޮތުގައި އަދި ނަން އިއުލާން ނުކުރާ ލަވްގެ އާ ފިލްމުގެ ބަތަލާގެ ރޯލް ވަނީ ދީޕިކާ އަށް ހުށަހަޅައިފަ އެވެ. އެގޮތުން ހުކުރު ދުވަހުގެ ބައްދަލުވުމަކީ ފިލްމަށް ދީޕިކާ ސޮއިކޮށްފިކަމުގެ އިޝާރާތެއްގެ ގޮތުގައި ވެސް ބައެއް މީޑިއާތަކުން ސިފަކޮށްފައިވެ އެވެ.

Being the top actress of your country you have many people looking upto you, it is YOUR responsibility to set the right example. Are you even aware of how you are gonna promote someone who has sexually harassed other women by working in his film? #NotMyDeepika
— 𝐫𝐢𝐚 ❦ (@MonaDarlingx) July 20, 2019

މިކަމާ ގުޅިގެން ފޭނުން ވަނީ ލަވްއާ އެކު މަސައްކަތް ނުކުރަން ދީޕިކާ އަށް ގޮވާލައި އަދި އެކަންކޮށްފި ނަމަ އެއީ ދީޕިކާ އަށް ކުރާ އިހުތިރާމަށް ބުރޫ އަރާނެ ކަމެއް ކަމަށް ވެސް ބުނެފަ އެވެ.

Please @anishapadukone read the #NotMyDeepika tweets and knock some sense into her. We are so disappointed
— Nikita (@nikita1372) July 20, 2019

ބޮލީވުޑްގައި މިދިޔަ އަހަރުގެ ފަހުކޮޅު ހިލިގެން އައި "މީޓޫ" މޫވްމަންޓާ އެކު ލަވްގެ މައްޗަށް ވެސް އަންހެނުންތަކެއް ވަނީ ޖިންސީ ގޯނާގެ ތުހުމަތުތަކެއްކޮށްފަ އެވެ. އެކަމަކު އޭނާ ވަނީ އެ ތުހުމަތުތައް ދޮގުކޮށްފަ އެވެ.

Well #DeepikaPadukone got an amazing fan base, all so wise. They are really not like other celebrity's fans. They like and support her but not blindly and that's how fans are supposed to be. Shame on those fans who abuse someone for not liking who they do. #notmydeepika
— Prabal Prince (@prabal_prince) July 20, 2019

މީގެ އިތުރުން ލަވްގެ ފިލްމުތަކުގައި ކުރިން މަސައްކަތްކޮށްފައިވާ ދެ ބަތަލާއިން ކަމަށްވާ ނުޝްރަތު ބަރޫޗާ އާއި ސޮނާލީ ސޭގަލް ވަނީ ލަވްގެ މައްޗަށް ކުރި ތުހުމަތުތަކަކީ ބަޔަކު ހަދައިގެން އޭނާގެ އަގު ވައްޓައިލަން ކުރި ކަމެއް ކަމަށް ބުނެފަ އެވެ. އަދި ލަވްއަކީ އެފަދަ އަމަލެއް ހިންގާނެ މީހެއް ކަމަށް ގަބޫލު ނުކުރާ ކަމަށް ވެސް އެ ދެ ބަތަލާ އިން ބުންޏެވެ.

Being her fan for so many years, i’ve constantly seen her live upto her words.She’s not said one thing & done another or gone back on her words.I really really hope it remains the same.@deepikapadukone Pls don’t ruin the reputation & trust that took years to built. #notmydeepika
— Sanaya (@shahsanaya11) July 20, 2019

ކޮންމެއަކަސް މިހާރު ސުވާލަކީ ފޭނުންގެ ގޮވާލުންތަކަށް ބީރު ކަންފަތެއް ދީފައި، ލަވްގެ ފިލްމަށް ދީޕިކާ ސޮއިކޮށްފާނެތޯ އެވެ؟

Luv Ranjan ge aa film gai Ajay Devgn aai Ranbir Kapoor

The most trusted news source in the Maldives

Mihaaru

އަޖޭ އާއި ރަންބީރު ލަވްގެ ފިލްމަށް ސޮއި ކުރީ މިދިޔަ އަހަރު.

އޭނާ އެންމެ ފަހުން ގެނެސް ދިން ފިލްމަކީ ޓީ ސީރީޒާ ގުޅިގެން ޕްރޮޑިއުސް ކުރި "ދޭ ދޭ ޕިޔާރު ދޭ" އެވެ. އާކިވް އަލީ ޑައިރެކްޓްކޮށް، މެއި މަހު ރިލީޒް ފިލްމުގެ ތަރިންނަކީ އަޖޭ އާއި ރަކުލް ޕްރީތު ސިންގްގެ އިތުރުން ތައްބޫ އެވެ.