މެދު ހެންވޭރު ދާއިރާގެ މެންބަރު އަލީ އާޒިމް-- ފޮޓޯ/މަޖިލިސް
07 ފެބުރުއަރީ 2022 - 11:06
49 comments
ކުރީގެ ރައީސް އަބްދުﷲ ޔާމީނަށް ޖަލު ހުކުމެއް ނުކުރާ ނަމަ ފަނޑިޔާރުން މަގާމުން ވަކިކުރަން ޖެހޭ ކަމަށް ވިދާޅުވެ، އެމްޑީޕީގެ ޕާލިމެންޓަރީ ގްރޫޕްގެ ލީޑަރު އަދި މެދު ހެންވޭރު ދާއިރާގެ މެމްބަރު އަލީ އާޒިމް މަޖިލީހުގައި މިއަދު އިންޒާރު ދެއްވައިފި އެވެ.
ފަނޑިޔާރުންގެ ގާނޫނަށް ގެންނަ އިސްލާހަކާ ގުޅޭ ގޮތުން ރައްޔިތުންގެ މަޖިލީހުގެ މި އަހަރުގެ ފުރަތަމަ ދައުރުގެ ފުރަތަމަ ޖަލްސާގައި އާޒިމް ވިދާޅުވީ، މިދިޔަ ހޮނިހިރު ދުވަހު ބޭއްވި ކޮމަންޑޫ ދާއިރާގެ ބައި-އިލެކްޝަނުން އެނގުނު އެއް ކަމަކީ އިދިކޮޅު ލީޑަރު ޔާމީން ދޫކޮށްލާފައި ބަހައްޓަން އެއްވެސް މީހަކު ބޭނުން ނުވާ ކަމަށެވެ.
އާޒިމް ތުހުމަތު ކުރެއްވި ގޮތުގައި، ޔާމީންގެ އެކައުންޓުގައި 100 މިލިއަން ރުފިޔާ ހުރި ކަމާއި ބޭންކުގެ ލޯނަކާ ނުލައި ބޮޑު އިމާރާތެއް ހަދަނީ ދައުލަތުގެ ހަޒާނާ އިން އިންތިހާ އަަށް ފައިސާ ނަންގަވައިގެން ކަން އެންމެންނަށް އެނގެ އެވެ. އެހެންވެ، ރާއްޖެ އާއި އެހެން ގައުމުތަކާ ދެމެދު އޮންނަ ގުޅުން ހީނަރު ކުރުމަށް މަގުތަކަށް ނުކުމެވަޑައިގެން ޔާމީނަށް އުޅުއްވުމުގެ ފުރުސަތު ދޭންވީތޯ ވިދާޅުވެ އާޒިމް ސުވާލު އުފެއްދެވި އެވެ.
"ރައްޔިތުން ބުނީ އަޅުގަނޑުމެން އެ ކަންކަން ހުއްޓުވާށޭ. ފަނޑިޔާރުން އެ ކަން ނުކޮށްފިއްޔާ އަޅުގަނޑުމެން މި ތިބީ ވަކި ކުރަން ޖެހުނު ކޮންމެ ބައެއް ވަކި ކުރަން ނުކުމެ ތައްޔާރަށް،" އެމްޑީޕީން ކާމިޔާބުކުރި ކޮމަންޑޫ ދާއިރާގެ ބައި އިލެކްޝަންގެ ނަތީޖާއާ ގުޅޭ ގޮތުން އާޒިމް ވިދާޅުވި އެވެ.
ޔާމީންގެ މައްސަލައިގައި ސުޕްރީމް ކޯޓުން ކުރި ހުކުމަކީ "އަޖައިބެއް ކަހަލަ ހުކުމެއް" ކަމަށް އާޒިމް ވިދާޅުވި އެވެ. ފަނޑިޔާރުންނާއި ޖުޑީޝަލް ސާވިސް ކޮމިޝަން (ޖޭއެސްސީ) އިން ވެސް އެ ކަންކަމާ ދޭތެރޭ ވިސްނައި ފިކުރު ކުރަން ޖެހޭ ކަމަށާއި ފަނޑިޔާރުން އަމަލު ކުރަނީ ރަނގަޅަށްތޯ ބަލައި ފިޔަވަޅު އަޅަން ޖެހޭ ކަމަށް އޭނާ ވިދާޅުވި އެވެ.
"މި ދެންނެވި ފަރާތްތައް [ފަނޑިޔާރުން] ގޯސްކޮށް ކަންތައް ކުރާއިރު ވަކިނުކޮށް އަޅުގަނޑުމެން މިތާ ތިބޭ ކަމަށް ވާ ނަމަ އެއީ އަޅުގަނޑުމެން ރައްޔިތުންނަށް ވެވޭ ވަރަށް ދެރަ ނިކަމެތި ކަމެއް. ރައްޔިތުން އެ ދިން އިތުބާރަށް ފުރަގަސް ދިނުން،" އާޒިމް ވިދާޅުވި އެވެ.
މަނީ ލޯންޑަރިންގެ ކުށް ސާބިތުވެ، ފަސް އަހަރަ ދުވަހުގެ ޖަލު ހުކުމެއް އިއްވި ޔާމީން މިނިވަން ކުރުމަށް ސުޕްރީމް ކޯޓުން ހުކުމް ކުރީ ނޮވެމްބަރު 30، 2021 ގަ އެވެ.
ޔާމީން މިނިވަންވީ އެ މަނިކުފާނުގެ އެކައުންޓަށް ޖަމާވި ފައިސާ އަކީ ދައުލަތަށް ލިބެން ޖެހޭ ފައިސާ ކަމާ މެދު ސުވާލު އުފައްދައި ހުށަހެޅި ނުކުތާގައި އެ މަނިކުފާނާ އެއްކޮޅަށް ރައުޔު އައުމުންނެވެ. އެއީ ދައުލަތަށް ލިބެން ޖެހޭ ފައިސާ ކަމާ މެދު ޝައްކު އުފެދުނީ އެ ފައިސާ އެސްއޯއެފަށް ޖަމާކުރި ކަމަށް ބުނާ ޗެކު ނަމްބަރުތައް ދިމާނުވާތީ އެވެ.
އެ ހުކުމުން ޔާމީން ސަލާމަތްވިޔަސް އެ މަނިކުފާނުގެ މައްޗަށް އިތުރު އެހެން މައްސަލަތަކުގެ ދައުވާތަކެއް ވެސް ވަނީ އުފުލައިފަ އެވެ.
ޖަލު ހުކުމުން ސަލާމަތް ވުމަށް ފަހު، ޔާމީން ގެންދަވަނީ އިދިކޮޅު ހަރަކާތްތައް ފުޅާކޮށް، ސަރުކާރަށް އެކި ގޮތްގޮތަށް ފިއްތުންތައް ކުރައްވަމުންނެވެ. އަދި ރާއްޖޭގައި ތިބޭ އިންޑިއާގެ ސިފައިން ފައިބައިގެން ދިއުމަށް ގޮވައިލާ ހަރަކާތްތައް ވަނީ ވަރުގަދަ ކުރައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަސްތާ
08 February 2022
7 ފެބްރުއަރީގަ ފަނޑިޔާރުންނާ ނުބެހި ހަމަ ނުތިބެވޭ ބައެއް މިއީ.
އަލީ
08 February 2022
މިކަހަލަ މީހުންނާހެދި އަސްލު އެމް ޑީ ޕީ ހަލާކުވެގޮއްސި
މައުލޫމާތު
08 February 2022
ފަނޑިޔާރުގެއަށް އަތްބޭނުމަކީ ވަރައް ހަޑިކަމަކައްވާނެ ކަމެއް. ޢެހެންވީމަ ތި ބުނިބަސް އަންބުރާ ގެންދިޔުން މުހިންމު.
މޭސްތިރި
07 February 2022
މަޖްލިސްތަޅުމުގައި ކޮންމެފަދަ ވާހަކައެއް ދެއްކިއަސް ފިޔަވަޅު ނޭޅޭނެ ގޮތަށްތަ ގާނޫނުއާއި ގަވާއިދުތައް އޮންނަނީ؟ އެހެން ކަމަށްވަންޏާ ކޯޓަށްދިއުމުގެ މާބޮޑު ބޭނުމެއް ނެތް އުތަ؟
އިލޮށި
07 February 2022
ޔާމީނު ޖަލަށްލުމަކީ ކުރަންޖެހޭކަމެއް! ފަނޑިޔާރުގެޔަސް އަށިގެޔަސް މެދުގެއަށްވެސް ނުފޫޒު ފޯރުވުމުގެ ބައްފައަކީ ޔާމީނު! ޔާމީނުކުރި ކަންކަން ޔާމީނާ އަރާހަމަކުރަންޖެހޭ! ވަކި ޕާރޓިއެއްގެ ލީޑަރުވީމަ ސާފު ފޮތިކޮޅަކަށް ހަދާފަ ރަންދޫނި ކޮށީގަ އޮތުމަކީ އިންސާފެއްނޫން! ބަޔަކުމީހުން މާމަތިވެރިކޮށްގެން ގެންގުޅުނަސް ޔާމީނަކީ ބޮޑު މުޖުރިމެއް! 5އަހަރު ތެރޭގަ ހުރިހާޖަރީމާއެއް ހިންގީ ގަޓްހުރެގެން އެންމެންކުރިމަތީގަ!
ފފފފފ
08 February 2022
ތިބޭފުޅާ ތިއީ ޤާނޫނު ނުހިނގާ ބޭފުޅެއްވީމަ، ދެން ހުކުމް ކުރުމުގަ ދެމިހުންނަވާ! ރައީސުލް ޖުމްހޫރިއްޔާއާއި އުއްތަމަފަނޑިޔާރާއި މަޖިލިސްގެ ރައީސް އަކީވެސް ތިޔައީ. ހަމަ ތިޔަ ވިދާޅުވާގޮތަށް ހަދަންވާނީ. ރައްޔިތުން ފައިކޮޅު މައްޗަށް ޖަހައިގެން ހިނގަން އަންގަވާނެތޯ؟
ކިލޮށި
08 February 2022
މިހާރުގެ ސަރުކާރުން އެންމެން ކުރިމަތީ ހިންގާ ޖަރީމާތައް މަދެއްނޫން. ޔާމީނު ގެ އެޅީ މިގައުމުގައި. އެހެން މީހުން ގެތައް ހޯދަނީ މިގައުމުގެ މީހުންނަށް ނޭނގޭހާ ދުރު ގައުމަކުން. ޔާމިން އެކައުންޓްތަކުގަ ފައިސާ ބަހައްޓަނީ ފެންނަ ގޮތަށް. އެހެން މީހުން ބަހައްޓަނީ ނުފެންނަ ހިސާބުގަ. ޔާމީނު ވައްކަން ކޮށްފަ ފިލަން ނުއުޅެނީ. އެހެން މީހުން ޖަރީމާ ހިންގާފަ ހިފިދާނެހެން ހީވާއިރަށް އެންމެ އަވަސް ފުރުސަތެއްގަ ތިބެނީ ގޮސް ދުރު ވިލާތެއްގަ.
ފިލޮޅު
08 February 2022
ތޔަ ވިދާޅޫވިގޮތަށް ފަނޑިޔާރުން ދަމާފަ ޖަލަށްގެންގޮސް ރައްޔިތުންގު މަންދޫބުން ފާރޔމަތިން އުކާލާ ފައިކޮޅަށް ޖައްސަލީ ތިޔަބޭފުޅުންގެޔަމީނު! ޔާމީނު ކުރި ގޯސްކަންކަމުގެ ވާހަކަ ދައްކަހާ ވަރުނެތިއްޔާ ހައްގޭ އިސްލާހޭ ގޮވަމުން މަގުމަތީގަކޮންހާ ސަކަރާތެއް؟ އެކައުންޓްގަ ފެންނަގޮތަށް ހުރިނަމަވެސް ކުށެއް ވާނީ ކުށަކަށް! އެކަމުގެ އަދަބުލިބެންޖެހޭނެ! ދެރަކަމަކީ ތިހުރިހާކަމެއް އެނގިހުރެ މައުސޫމު ޔާމީނޭ ގޮވާކަން!
ނިލޮށި
08 February 2022
ޔާމީނު ދިފާއުކުރަން ޔާމީނާ ދިމާލަށް ވަގަށްގޮވޭއިރުވެސް ނޭންގުނު! ޔާމީނުގެ އަރިހިހަށްޖެހި ތިބީ މުޅިންވެސް ތިކަހަލަ މީހުން! އެންމެ ދަތިވަގުތު ކަންކަމަށް އެއްބަސްވެ ޔަމީނު ބެޒާރުކޮށްލާނެ! މިހަރު ތިދަނީ ރަނގަޅަށް ތިބެފުޅާވެސް އެއްބަސްވެއްޖެ ޔާމީނު ވައްކަންކުރިކަމަށް! އެކަމަކު އަދިވެސް އަހަރެންނަކަށް ނުކެރޭނެ ޔާމީނު ވައްކަން ކުރިއޭ ބުނާކަށް ސަބަބަކީ ސްޕްރިމްކޯރޓްގެ ހުކުމުގެ ސަބަބުން! ކޮޔާ ސިއްރުންކުރިޔަސް ފާޅުގަ ކުރިޔަސް ކުށެއްވާނީ ކުށަކަށް!
ބޮޑުމީހާ
07 February 2022
65 މެމްބަރުން އެބަތިބި. ހަދާބަލަ ޔާމީން އުމުރަށް ޖަލަށްލުމުގެ ނަމުގަ ގާނޫނެއް. ދެން އެ ފާސްކޮށް، ކަލޭމެންވެސް އުމުރު ދުވަހު މަޖްލީހުގަ ތިބެވޭގޮތް ހަދާބަލަ. އެމްއެމްޕީއާރުސީ ފައިސާ ދަބަހުގަ ގެންދިޔައިރު ރައްޔިތުން މަތިން ކަލޭ ހަދާންހުރިތަ؟
ފެންސު
07 February 2022
އާޒިމު ތަންކޮޅެއް ސާފުކޮށް ކިޔާބަލަ ތިކިޔާ އެއްޗެއް. ބުނެބަލަ ގާޒީ ހައިލަމަށް ހެދިގޮތައް ހަދާލާނަމޭ. އޭރުން ރައްޔިތުންނަށްވެސް އެނގޭނެ ކަލޭމެން ހުރިހާ ތަނަކަށްވެސް ބޭނޭނެކަން. ކަލޭމެން މިޤައުމު އެކީއެކައްޗަށް 10 ބުރިއަށްނެގިޔަސް މިނިވަންކަން ދިފާޢުކުރުމުގެ ހިތްވަރުނެތީޔާ ވޯޓެއް ނުދޭނަން. ކަލޭމެންވެސް ކަނީ، ޔާމީނުވެސް ކަނީ، އެކަމަކު ޔާމީނުއެއީ ޤައުމިއްޔަތެއްހުރި މީހެއް.
ގުދޯގުދޯ
07 February 2022
ފާހަގަކޮށްލަންޖެހޭ 2 ކަންތައް: 1- ތިމޭރުމުން ވާހަކަ ދެއްކުމަކީ ފަނޑިޔާރުގެއަށް ނުފޫޒު ފޯރުވުން ކަމުގައި ބެލެވޭނެ. ޝައްކެއްނެތް މިންވަރަށް ކޯޓުގައި ކުއް ސާބިތު ނުކުރެވޭނަމަ، ޝަރީޢަތުން މީހަކަށް އަދަބެއް ނުދެވޭނެ. އެމީހާ އެ ކުއް ކުރިކަން އެންމެންނަށް އިނގުނަސް ( އެބެ ފުޅާ ޖަލުން ސަލާމަތްވޯ ކުއް ނުކުރާތީކީ ނޫން. ކުއް ސާބިތު ނުވާތީ) 2- ކަރަޕްޝަން ގެ ފަނި އަޅާ ތަނުގެ އޮނިގަނޑު ބޮއި ބަލިކަށިވެފައިނުވާ މުއައްސަސާއެއް ނެތްކަންވެސް ހަނދާންކޮއްލާ
1828
07 February 2022
މިއީ ތޯ އެމްޑީޕީއިން ވައުދުވި މިނިވަން ފަނޑިޔާރުގެއަކީ؟ އެހެން ކަމަށްވާނަމަ އޮތީ އެމްޑީޕީއަށް ޝުކުރު. އިންޑިއާ އައުޓް ކެމްޕެއިން އެއީ ޤާނޫނު އަސާސީއިން ލިބިފައިވާ ހިޔާލު ފަޅުކުރުމުގެ މިނިވަންކަން ބޭނުންކޮށްގެން، ޤައުމުގެ މިނިވަންކަން ކަމުގެ ދިފާއުގައި ކުރާ ޖިހާދެއް. މިހާރުވެސް އިންޑިއާ ސިފައިން ބޭރުކުރީމައި އިންޑިއާ އައުޓެއް ނުގޮވާނެ. 2023ގައި ވޯޓްދޭނީ އިންޑިއާ ސިފައިން ބާލަން ވައުދުވާބަޔަކަށް.
ދިއްދޫ ހަންދަރު ޙަސަނު
07 February 2022
ދެކޭގޮތް ކެރިގެން ތެދުބަހުން ހާމަ ކުރަން ކެރުން ރަނގަޅު ސިފައެއް އެހެން ނަމަވެސް ނަހަމަ ކުރިޔަށް ނެރެން ގޮވުން އެއީ އަގެއްހުރި އެއްޗެއް ނޫން