މާލެ-ހުޅުމާލެ ކަރަންޓު ވިއުގަ ޑިޒައިން ކުރަން ބަޔަކާ ހަވާލުކޮށްފި

މާލެ އާއި ހުޅުމާލެ ކަރަންޓު ވިއުގައިން ގުޅާލުމަށް އެ މަސައްކަތް ޑިޒައިން ކުރުމުގެ މަސައްކަތް އިނގިރޭސި ވިލާތުގެ ކުންފުންޏަކާ، މިނިސްޓަރު ތޯރިގް ހަވާލު ކުރައްވަނީ-- ފޮޓޯ: ނިޝާން އަލީ/ މިހާރު

އާމިނަތު ޝިފްލީން، މިހާރު

27 ޖޫން 2016 - 14:05

4 comments

މާލެ އާއި ހުޅުމާލޭ ކަރަންޓު ނެޓްވޯކުން ގުޅާލުމަށް އެ ނެޓްްވޯކް ޑިޒައިން ކުރުމުގެ މަސައްކަތް ބަޔަކާ މިއަދު ހަވާލުކޮށްފި އެވެ.

އެންވަޔަރުމެންޓް މިނިސްޓްރީގައި ބޭއްވި ރަސްމިއްޔާތެއްގައި މި މަސައްކަތް އިނގިރޭސި ވިލާތުގެ ސީމަންސް ކުންފުންޏާ ހަވާލު ކުރެއްވީ މިނިސްޓަރު ތޯރިގް އިބްރާހީމެވެ. އަދި އެ ކުންފުނީގެ ފަރާތުން މި މަސައްކަތާ ހަވާލުވެ ވަޑައިގަތީ ކުންފުނީގެ ފައިނޭންޝަލް ކޮންޓްރޯލާ މާކް ލޫނެވެ.

މި މަސައްކަތަށް ސަރުކާރުގެ ބަޖެޓުން 369،051 ޑޮލަރު ހަރަދު ކުރެ އެވެ.

ބްރިޖްގެ މަސައްކަތް ނިމޭއިރު ކަރަންޓުން ވެސް ދެ ރަށް ގުޅާލެވޭނެ-- މިނިސްޓަރު

މާލެ އާއި ހުޅުމާލޭ ކަރަންޓު ވިއުގަ ގުޅާލުމަށް ހަމަޖެހިފައިވަނީ މިހާރު ހަދަމުން އަންނަ މާލެ-ހުޅުލޭ ބްރިޖްގެ ތެރޭން ލައިފަ އެެވެ.

މިއަދުގެ ރަސްމިއްޔާތުގައި ވާހަކަ ދައްކަވަމުން މިނިސްޓަރު ތޯރިގު ވިދާޅުވީ މާލެ އާއި ހުޅުމާލެ އަކީ ރާއްޖޭގައި އެންމެ ބޮޑަށް ކަރަންޓު އުފައްދާ ދެ ރަށް ކަމަށާއި އެހެންވެ، މި ދެތަން އެއް ނެޓްވޯކަކުން ގުޅާލައިފިނަމަ "ކަރަންޓުގެ ޔަގީންކަން" އިތުރުވެގެންދާނެ ކަމަށެވެ.

މިނިސްޓަރު ވިދާޅުވި ގޮތުގައި 2018 ވަނަ އަހަރު ބްރިޖްގެ މަސައްކަތް ނިމޭއިރު ކަރަންޓުން ވެސް ދެ ރަށް ގުޅާލެވޭނެ އެވެ.

އޭނާ ވިދާޅުވީ ކަަރަންޓު ދިނުމަށް މާލޭގައި ސްޓެލްކޯގައި އިތުރު ޖަނަރޭޓަރުތައް ބަހައްޓައި ހިދުމަތްތައް ފުޅާ ކުރެވޭނެ ޖާގަ ނެތް ކަމަށާއި އެހެންވެ، ހުޅުމާލޭން އެ ކުންފުންޏަށް ދީފައިވާ ބިމުގައި ހިދުމަތް ފުޅާ ކުރެވޭނެ ކަމަށެވެ.

"މިހާރު މިއޮތީ 11 ކިލޯވޯޓުގެ ނެޓްވޯކް ސިސްޓަމެއް. މި ދެ ރަށް ގުޅާލުމުން މިއަށް ވުރެ މަތީ ނެޓްވޯކްގެ ސިސްޓަމެއް ބޭނުންވާނެ. އެހެންވެ، މިކަން ކުރެވޭނީ ވަރަށް ބޮޑު ދިރާސާތަކަށް ފަހު،" ތޯރިގް ވިދާޅުވި އެވެ.

އޭނާ ވިދާޅުވީ ދިރާސާ ކޮށް، ޑިޒައިން ކުރުމުގެ މަސައްކަތް ހަވާލު ކުރި ސީމަންސް ކުންފުންޏަކީ އެކަމުގައި ތަޖުރިބާހުރި ކުންފުންޏެއް ކަމަށާއި އެހެންވެ، (އެ ކުންފުންޏާ ހަވާލު ކުރި) މަސައްކަތް ނިމޭއިރު އެކަމުގެ އަމަލީ މަސައްކަތަށް ބޭނުންވާ ހުރިހާ ޑީޓެއިލް ޑިޒައިނިން އާއި ޓެންޑާ ޑޮކިއުމަންޓްތައް ހެދޭނެ ކަމަށެވެ.

ކަރަންޓު ސްޓެލްކޯ އެންވަޔަރްމެންޓް މިނިސްޓްރީ އެންވަޔަރްމެންޓް މިނިސްޓަރު ސިނަމާލެ ބްރިޖު ހުޅުމާލެ މާލެ

4 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދިގުރަށު ގެސްޓްހައުސް

22 January 2017

ކީއްކުރަންތޯ އަގުހެޔޮ ކުރަންވީ. ގެސްޓް ހައުސް ހަދަން ދިގުރަށާއި ކުރު ރަށް ރަށުގެ މީހުން އުޅޭގެއިން މީހުން ނެރެ ހުރިހާ ގެއެއް ބިރު ދައްކައިގެން ކޮންމެ މީހަކުވެސް ގެސްޓްހައުސް އަޅާ އަމިއްލަ ޖީބު ފުރީމަ ނިމުނީނު. ކަރަންޓް ބިލް ހެޔޮ ނުދެއްކުނަސް ހެޔޮވެރިކަން. ކަރަންޓް ނުލިބުނަސް ހެޔޮވެރިކަން. މިވަރުންވެސް ހެޔޮވެރިކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުމަރު

28 September 2016

ތޯރިގް ބަލަންވެއްޖެ ކަރަންޓް އެގުހެޔޮކުރެވޭނެގޮތެއް، އަދިވެސް ކަރަންޓްގެ ވިއުގަ ޑިޒައިނެއްނޫންކުރަންވީ، ތިޔަކަންތަކުންވެސް ކަރަންޓް އެގުހެޔޮކުރެވޭނެގޮތެއް ރާވަންވީ، ކަރަންޓްގެ އަގު ބޮޑުވަނީ ސަރުކާރުގެ ބޯގޯސް ސިޔާސަތުގެ ސަބަބުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސޭނުބެ

27 June 2016

ރައިސް ޔާމީނަށް 2018 ޔަގީނޭ އަޅުގަނޑުމެން މިބުނަނީ މިހެންވީމައޭ!! ތަރައްގީ ހަމަ ހަބޭސް!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަނގަޅު

27 June 2016

އަދި ކިރިޔާ ތިމާވެށި މިނިސްޓްރީން އެމިނިސްޓްރީގެ މަސައްކަތެއް ރަނގަޅު ބަަޔަކާއި ހަވާލުކުރީ. ދެން ވެސް އިނގިރޭސި ވިލާތުގެ ސީމެންސް ބޮލަށް ސިވިލް ސާރވެންޓުން ވަދެގެން އެކަން އިންޑިއާ ސީމެންސް އަށް ބަދަލު ކުރާނީ އެއް ނޫނެވެ. މިހާރު މިފެންނަނީ އިނގިރޭސިން އީޔޫ އިން ވަކިވީމާ ދިވެހި ސަރުކާރާއި އިނގިރޭސި ސަރުކާރާއި އޮންނަ ގުޅުން ގާއިމް ވެގެން އަންނަ ތަނެވެ. އިނގިރޭސި ވިލާތުގެ ސީމެންސް އިން މަސައްކަތް ކުރަންވީ ދެން އަވަހަށް ލޭބަރ ޕާރޓީގެ ބޮޑު ވަޒީރަކު އިނގިރޭސި ވިލާތުގެ ބޮޑު ވަޒީރު ކަމަށް އައްޔަން ކުރެވޭތޯއެވެ. އެއިރުން އިނގިރޭސިންނާއި ޕީޕީއެމްގެ ބިއުޓިފުލް ސަރުކާރާއި އެކު އަތާއި އަތް ގުޅާލައިގެން ރާއްޖެ ތަރައްގީ ކުރެވޭނެއެވެ. ހުޅުމާލޭގައި އެބަހުރި ވަރަށް ބޮޑެތި ޕްރޮޖެކްޓްސް ތައް. އެ ޕްރޮޖެކްޓްސް ތަކަށް އިނގިރޭސި ބެންކްސް ތަކުން ލޯން ވެސް ނަގަންވީއެވެ. މީ އިނގިރޭސިން އީޔޫ އިން ވަކިވުމުން ދިވެހި ގައުމަށް ވާ ފައިދާ އަކީ. އެމްޑީޕީ ނަމަ މިކޮންޓްރެކްޓް ވެސް ދޭނީ ފަޑުއްކަ އިންޑިއާ އަދި ލަންކާ ކުންުފުންނަކަށެވެ.