ކްރިމިނަލް ކޯޓުގައި އަޑުއެހުމަށް ފަހު އަދީބު ދޫނިދޫ އަށް ގެންދަނީ.--- ފޮޓޯ: މިހާރު/ ހުސެއިން ވަހީދު
22 ޖުލައި 2018 - 13:26
8 comments
ޓޫރިޒަމްގެ ބޭނުމަށް 10 ރަށެއް ގާނޫނާ ހިލާފަށް ކުއްޔަށް ދިން މައްސަލައިގައި ކުރީގެ ނައިބު ރައީސް އަހުމަދު އަދީބުގެ މައްޗަށް މަގާމުގެ ނުފޫޒު ބޭނުންކޮށްގެން ނާޖައިޒު ފައިދާ ހޯދައި ދިނުމުގެ ދައުވާ މިއަދު އުފުލައިފި އެވެ.
ކްރިމިނަލް ކޯޓުގައި ބޭއްވި އިބްތިދާއީ އަޑުއެހުމުގައި ދައުލަތުން އަދީބުގެ މައްޗަށް ދައުވާ ކުރީ ޓޫރިޒަމްގެ ގާނޫނުގެ ހަތަރު ވަނަ މާއްދާއާ ހިލާފަށް 10 ރަށެއް ކުއްޔަށް ދޫކުރި ކަމަށް ބުނެ އެވެ. އޭނާގެ މައްޗަށް ދައުވާ ކުރީ ކޮރަޕްޝަން ހުއްޓުވުމާއި މަނާކުރުމުގެ ގާނޫނުގެ 12 ވަނަ މާއްދާގެ (ހ) ގެ ދަށުންނެވެ. މިއިން، ކޮންމެ ދައުވާއެއް ސާބިތުވެއްޖެ ނަމަ، ތިން އަހަރުގެ ޖަލު ހުކުމެއް އަންނާނެ އެވެ.
އަދީބުގެ މައްޗަށް އުފުލި ދައުވާތަކުގައި ވަނީ ޓޫރިޒަމް މިނިސްޓަރަކަށް ހުންނަވައިގެން ރ. ރާފުއްޓާއި ނ. މާކަނާފުއްޓާއި ބ. މަޑުއްވަރީ އާއި މާލެ އަތޮޅު ދެ ފަޅަކާއި އދ. އިންނަފުއްޓާއި ރ. އުތުރުމާފަރާއި ތ. އެކުރިފުއްޓާއި ބ. ލަންދޫ، ރިސޯޓެއްގެ ގޮތުގައި ތަރައްގީކުރަން ރައީސުލްޖުމްހޫރިއްޔާ ކަނޑައެޅުއްވުމުގެ ކުރިން، 50 އަހަރަށް ކުއްޔަށް ދޫކުރަން އެމްއެމްޕީއާރުސީން ބަޔަކާ ހަވާލު ކުރުމަށް އެއްބަސްވުން ހެދި މައްސަލައިގަ އެވެ.
މީގެ އިތުރުން، ރ. ފިލައިދޫ ކައިރީގައި އޮންނަ ފުސްފަރުފަޅު، ސީޕްލޭން އޮޕަރޭޓް ކުރަން 50 އަހަރަށް ކުއްޔަށް ދޫކުރަން އެއްބަސްވުން ހެދި މައްސަލައިގައި ވެސް އަދީބުގެ މައްޗަށް ދައުވާ ކުރި އެވެ.
ދައުލަތުން 10 ދައުވާ އިއްވުމާ އެކު، އަދީބު ކޮޅަށް ތެދުވެވަޑައިގެން ފަނޑިޔާރު އާދަމް އާރިފްގެ ސުވާލުތަކަށް ޖަވާބު ދެއްވައި ވިދާޅުވީ، ދައުލަތުން ކުރާ ދައުވާތަކާ ގުޅޭ ލިޔުންތައް ލިބިވަޑައިގެންފައިވާ ކަމަށެވެ. އަދި ދައުވާތައް ސާފުވެފައިވާ ކަމަށް ވިދާޅުވެ، ޖަވާބުދާރީވެވަޑައިގަންނަން ބޭނުންވާ ކަމަށް ވެސް ވިދާޅުވި އެވެ.
އެކަމަކު އަދީބުގެ ވަކީލް މޫސާ ސިރާޖު ވިދާޅުވީ 10 ދައުވާގެ ތެރެއިން ދެ ދައުވާ ކުރީ ގާނޫނުލްއުގޫބާތު ވުޖޫދަށް އައި ފަހުން ކަމަށެވެ. އެހެންވެ މި މައްސަލައިގައި އަދީބުގެ މައްޗަށް ދައުވާ ކުރެވެން ޖެހޭނީ ކޮރަޕްޝަން ހުއްޓުވުމާއި މަނާކުރުމުގެ ގާނޫނުގެ ދަށުން ނޫން ކަމަށާއި އޭނާގެ މައްޗަށް ދައުވާ ކުރެވެން ޖެހޭނީ ގާނޫނުލްއުގޫބާތުގެ ދަށުން ކަމަށް ސިރާޖު ވިދާޅުވި އެވެ.
ސިރާޖު ވިދާޅުވި ގޮތުގައި ދެ ގާނޫނުގައި ވެސް އޮތީ އެކައްޗެކެވެ. އެކަމަކު ގާނޫނުލް އުގޫބާތް އައި ފަހުން އުފުލި ދައުވާއެއް އެ ގާނޫނުގެ ދަށުން ނުކުރީ ކީއްވެގެންތޯ ދައުލަތުން ސާފުކޮށްދޭން އޭނާ އެދިވަޑައިގަތެވެ.
ދައުލަތުގެ ވަކީލް ވިދާޅުވީ ކޮރަޕްޝަން ހުއްޓުވުމާއި މަނާކުރުމުގެ ގާނޫނަކީ ހާއްސަ ގާނޫނެއް ކަމަށާއި އެހެންކަމުން އެ ގާނޫނުގެ ދަށުން ދައުވާ ނުކުރެވެންވީ ސަބަބެއް ނެތް ކަމަށެވެ. އަދި މި ކަމުގައި ފުށުއެރުންތަކެއް އޮތް ކަމަށް ގަބޫލުނުކުރައްވާ ކަމަށް ވެސް ދައުލަތުގެ ވަކީލް ވިދާޅުވި އެވެ.
ނަމަވެސް ގާޒީ އާދަމް އާރިފް ވިދާޅުވީ އަދީބުގެ މައްޗަށް މީގެ ކުރިން ގާނޫނުލްއުގޫބާތުގެ ދަށުން ދައުވާކޮށްފައި ހުރިއިރު، އޭނާއަށް އަދަބު ލިބިފައި ވެސް ހުރެދާނެ ކަމަށެވެ. އެހެންވެ، ދައުވާ ކުރުމުގައި އެއް ހަމައެއް ގެންގުޅުމަކީ މުހިންމު ކަމެއް ކަމަށް ގާޒީ ވިދާޅުވި އެވެ.
ގާޒީ ވަނީ އެ ދެ ދައުވާއާ ގުޅިގެން ދެން އޮންނަ އަޑުއެހުމެއްގައި ގޮތެއް ނިންމަވާނެ ކަމަށް ވިދާޅުވެފަ އެވެ.
އަދީބު މިހާރު ވެސް ގެންދަވަނީ އެކި ކުށްތަކުގައި 33 އަހަރުގެ ޖަލު ހުކުމެއް ތަންފީޒު ކުރައްވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕައްލަމްބެގެ ބުރޯ
22 July 2018
އަޅޭ އަދީބް ގެ ކުރީގެ ބަޔާން ތަކަކީ ލޮއީފް ދައުވާ ތަކެއްކަމުގަ ދެންނެވޭކަހަލަ ވާހަކަ މިހާރު މިތިލަވަނީ 50 އަހަރު ދުވަހައް ރައް ރަށް ކުއްޔައް ދެއްވީ އެކަމަށް ރައީސްގެ އިޒްނަ ނެތި އަދި ރައީސް އަށް އެންގުމަކާ ނުލާ ! އެހެންވީމަ އަދީބްގެ ކޮމާންދަރަކީ ރައީސް ހެން ހާދަ ހީނުވޭ ،ރައީސް އަދީބައް އިތުބާރު ކުރާތީ ތިއޮތީ ގޭސްގަނޑު އަނބުރާލާފަ ،އާނ ދެން މިއަދު ބުރޯ ޖަލުގަ ހުންނަން މިޖެހުނީ ޔާމީނު އަށް ގައްދާރު ވީމަ ކަމުން ބުރޯގެ ދުޝްމަނަކަށްވާނީ ޔާމީނުތާ،
ހެހެހެ
22 July 2018
މަބުނީ ރައީސް މީހާއަށް ނޭނގި 10 ރަށެއް އަދީބުއަށް ހަމަ ހުރެލާފަ ބަޔަކަށް ކުއްޔަށް ދެވިދާނެބާއޭ؟ މި ދައްކަނީ ކުޑަ ކުޑަ ކަމެއްގެ ވާހަކަ އެއް ނޫންދޯ! މިފަދަ ބޮޑެތި ކަންކަން ރައީސް އަށް ނޭނގި ކުރެވެންޏާ، ރައީސް މީހާ މީ ކީއްކުރާ މީހެއް؟ އަޅުގަޑަކަށް ހިޔެއް ނުވޭ ސިކުޑި ހަމަޖޭހޭ މީހަކު މިކަން އަދީބުގެ ބަލަށް ކަނޑާލާފައި ހުންނާނެހެން!
މެހެބޫބާ
22 July 2018
ބޭބޭ އެކެނި ސިނކުނޑި ހަމަޖެހެނީ ! ބޭބޭ ރެޔަކު ބާރަ ގޭގަ ނިދި ކުރެއްވިއަސް ރައީހު މީހާއަށް އެނގެންޖެހޭތަ؟ ބޭބެ އަށް އެނގޭތަ ރައީސް މީހާ އަށް ހުރިހާ ކަމެއް އެނގޭނެ ކަހަލަ ފަންޑިތައެއް؟ ،ދިވެހިން ސިޔާސީ ވެގެންގޮސް ގޮހޮރުގަ ހުރި ލޮނދި ކޮޅާއެއްކޮއްބާ މިފައިބަނީ ؟،ހަމަ އަހާލީ
ހާދާލު
22 July 2018
ހަމަ އަދީބާ ހަމައިން ނިމެން ޖެހޭ ކަންތައް ބާ؟؟؟؟
ޟަނޭ
22 July 2018
ކަރެޕްޝަން ނިމޭނީ އަދީބު އާއި ހަމައިން..، ބަކީ ސަރުކާރުގަ ތިބި އެންމެންނަކީ ސާފު ހުފު ފޮތިކޮޅެއް ކަހަލަ ބައެއް... ދެން އަތްޖަހާ
ޔަގީން
22 July 2018
ކައްޕި ނައްޓާފަ ނުދާނެ
ރަބަރޭ
22 July 2018
އަދީބު އާއި ހަމައިން މިކަން ނުނިމޭނެ.
ރަންވަންލޮލް
22 July 2018
ކޮބާތަ 30 އަހަރު ދުވަހުގެ ކޮރަޕްޝަން އަންނި ހުވާ ކުރުމާ ހަމައިން ކޮރަޕްޝަން 30 އަހަރު ވަޅުލީތަ ކޮބާތަ 800 މިލިއަން ގުރޭންޑު ތޯތާ ކުންފުންޔައް އެތައް މިލިއަންޑޮލަރެއްދީފަ މައްސަލަ ބަލާ އިންތަނޭޗަނަލްލޯފާރޟުން ކުރީ ކޮންކަމެއް ،އެމްޑީޕީ އިސްވެ އޮވެގެން ކުރިހާ ކަމެއް ދިޔައީ ތޮޅިއަށް އެއްކަމެއް ބަރާބަރައް ކުރަން އެނގޭ މަނެތީމް ބުނާކައް އެއީ މަގުމައްޗައް ނިކުމެ ރައްޔަތުންނަށް ދުއްޕާނު ކުރުމޭ،