ޓޫރިސްޓުން މާލޭގައި: އެއް ރިސޯޓުން އަނެއް ރިސޯޓަށް ޓޫރިސްޓުން ގެންދެވިދާނެ ކަމަށް ޓޫރިޒަމް މިނިސްޓްރީން ބުނޭ -- ފޮޓޯ/މިހާރު
27 މާޗް 2020 - 21:33
10 comments
އެއް ރިސޯޓުން އަނެއް ރިސޯޓަށް މީހުން ދަތުރު ނުކުރަން ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން އެންގިޔަސް، ޓޫރިޒަމް މިނިސްޓްރީގެ ޚާއްސަ ހުއްދައެއްގެ ދަށުން ޓޫރިސްޓުން އެއް ރިސޯޓުން އަނެއް ރިސޯޓަށް ގެންދެވިދާނެ ކަމަށް އެ މިނިސްޓްރީން ބުނެފި އެވެ.
ކޮވިޑް-19 އާ ގުޅިގެން ސިއްހީ ކުއްލި ނުރައްކަލުގެ ހާލަތު އިއުލާން ކޮށްފައިވާތީ ޓޫރިސްޓުން ރަށްރަށަށް އެރުވުމާއި އެއް ރިސޯޓުން އަނެއް ރިސޯޓަށް މީހުން ދަތުރު ކުރުން ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ވަނީ މަނާކޮށްފަ އެވެ.
އެކަމަކު ޓޫރިޒަމް މިނިސްޓްރީން މިއަދު ނެރުނު ސާކިއުލާއެއްގައި ވަނީ އެޗްޕީއޭ އިން އެ މިނިސްޓްރީ އަށް ދީފައިވާ ޚާއްސަ ހުއްދައެއްގެ ދަށުން އެއް ރިސޯޓުން އަނެއް ރިސޯޓަށް ޓޫރިސްޓުން މިހާރު ގެންދެވިދާނެ ކަމަށެވެ. އެކަމަކު އެގޮތަށް އެހެން ރިސޯޓަކަށް ގެންދިއުމުގެ ކުރިން އެ މިިނިސްޓްރީ އަށް އެކަން އަންގައި، ލިޔުމުން ހުއްދަ ހޯދަން ޖެހޭނެ ކަމަށް ވެސް އެ ސާކިއުލާގައިވެ އެވެ.
އެއް ރިސޯޓުން އަނެއް ރިސޯޓަށް ޓޫރިސްޓުން ގެންދެވިދާނެ ކަމަށް ޓޫރިޒަމް މިނިސްޓްރީން އެންގިއިރު، އެޗްޕީއޭ އިން އަންގާފައިވާ ގޮތުން ޓޫރިސްޓުން ގެންދެވޭނީ ހަމައެކަނި ފުރުވުމަށްޓަކައި އެއާޕޯޓަށް އެކަންޏެވެ. އަދި އެއް ރިސޯޓުން އަނެއް ރިސޯޓަށް ދަތުރު ކުރުމާއި ޓޫރިސްޓުން ރަށްރަށަށް އެރުވުން ވެސް އޮތީ މަނާކޮށްފަ އެވެ. އެކަމަކު ޑިރެކްޓަރު ޖެނެރަލް އޮފް ޕަބްލިކް ހެލްތު ކަނޑައަޅާ ހާލަތްތަކުގައި އެކަން ކަމުން އިސްތިސްނާވާނެ ކަމަށް ވެސް އެޗްޕީއޭ އިން ކުރިން އިއުލާން ކޮށްފައިވެ އެވެ.
ކޮވިޑް-19 އާ ގުޅިގެން ގިނަ ފިޔަވަޅުތަކެއް ދަނީ އަޅަމުންނެވެ. އެގޮތުން އޮފީސްތަކާއި ސްކޫލްތައް ބަންދު ކުރުމުގެ އިތުރުން ބައެއް ގައުމުތަކުން މީހުން އައުން މަނާކޮށް އަދި ބޭރުން އަންނަ ދިވެހިން ކަރަންޓީން ކުރާ ގޮތަށް ވެސް ވަނީ ހަމަޖައްސައިފަ އެވެ.
ކޮވިޑް-19 އަށް ފުރަތަމަ ފަހަރަށް ދިވެއްސަކު މިއަދު ވަނީ ޕޮޒިޓިވްވެފަ އެވެ. އޭގެކުރިން 13 ބިދޭސީއަކު ރާއްޖޭގައި އެ ބައްޔަށް ޕޮޒިޓިވް ވިޔަސް، އޭގެ ތެރެއިން ނުވަ މީހަކު މިހާރު ވަނީ ފަރުވާއަށް ފަހު ރަނގަޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަހީދު
28 March 2020
މީތި ހަމަ ނުޖެހޭ. އަހަންނަކީ ވަޑާން ކޮށްގެން ދުވަހުން ދުވަހަށް ލިބޭ ފައިސާއިން އުޅޭ މީހެއް. ގޭގައި މިއޮންނަނީ އެކައްޗެއް ވެސް ނުލިބި. ޓެކްސީ ޑްރައިވަރުން ވެސް އެތިބީ ގޮތް ހުސްވެފައި. މިހެން ތިއްބައި ތިގޮތަށް ކަންތައް ކުރުމުން ފުށޫ އަރާ އެބަ.
1828
28 March 2020
ރިސޯޓް އޯނަރުންނަށް ގެއްލުންވާ ގޮތަށް ނަމަނަމަ އެއްވެސް ކަމެއް ސަރުކާރުން ނުކުރާތި. ސަރުކާރަށް 'އޯކޭ' ރިސޯޓްގައި މަސައްކަތް ކުރާ މަސައްކަތްތެރިންނަށް ކޮވިޑް-19 ޖެހުނަސް. މިއީ އެކަމުގެ އަލިގަދަ ހެއްކެއް.
ކަމަނަ2
28 March 2020
ޕިސް ޕިސް.... ކީކޭ ދެން ބުނާނީ...އެއްކަމެއް ހަޖަމް ނުވެ އުޅެނިކޮށް އަނެއްކާ އަނެއް ކަމެއް.....
އަނދުން ހަސަނު
27 March 2020
މިއޮތީ ފަހުބަހާއި އިސްބަހާއި ހަރުބަސް ބުނާނީ ސިއްހީ މީހުންނޭ ކިޔާ ދިވެހިންގެ ލޮލޮގައި އަނދުން އަޅުވާފަ
އޮނަރަބްލް އަފީފު ދީދީ
27 March 2020
މިދައުލަތުގެ ޤާނޫނުއަސާސީއާއި ޤާނޫނަކީ ކުޅޭކުޅޭ އެއްޗެއްކަމަށް ހެދުން ދޫކޮށްލާނީ ކޮންއިރަކުންތޯ؟! # އަލީވަޙީދުގެ ތިޔަނިންމުމެކޭ އެއްކަލަ ޒަމާނުގައި މަޖލިސް މެންބަރުންގެ ގޮނޑި ގެއްލުނުކަމާއި މެދު ސްޕްރީމް ކޯޓުން ނެރުނު ހުކުމެކޭ ތަފާތެއްނެތް. # ދަންނަވަންތޯ؟ ވަޒީރު ތިދައްކަނީ ޤާނޫނުގައިތިކަންއޮތްގޮތާއި ކަޑައެޅިގެންޙިލާފުވާހަކައެއް. ވަޒީރު ނެރޭ ސާރކިއުލާއަކުން ތިކަންކުރުމަކީ އެޗްޕީއޭގެ ޑިރެކްޓަރ ޖެރެނަލްގެ ޤާނޫނީބާރަށް އަރައިގަނެ ބާރުކަޑުވާލުން.
ފަލްސާން
27 March 2020
ކޮވިޑް ފެތުރޭތީ 3މަހަށް ވިސާޖަހައިގެން އައިސްތިބި މީހުން ތިބެވޭނެ ގޮތެއް ހަދަންޖެހޭ..ރިސޯޓްގައި ތިބޭތާ މަހެއްވެފަ ތިބިމީހުން އެބަތިބި އަނބިދަރިންނާއިއެކު..އެމީހުން އައީ ރޫމްބޫކްކޮށް ފައިސާ ދެއްކުން ހަމަޖައްސާފަ..އެކި ރިސޯޓްތަކުގައި ތިބިބމީހުން އެއް ރިސޯޓަކަށް ބަދަލުކުރުމުން ރިސޯޓް ހިންގާފަރާތއް ގެއްލުމެއް ނުވާނެތާ..
ވަހޫދު
28 March 2020
އަހަރެން ވެސް މިއޮތީ ޓެކްސީ ބާއްވާފައި ގޭގައި. މަސް ނިމޭއިރު ދަބަހަކަށް ފައިސާ އަޅައިގެން އައިސް މީހަކު ނުދޭނެ ގޭގެ ކުލިދައްކާށޭ ކިޔާފައި.
އާދަމް ބާއީ
27 March 2020
ކިހިނެއް އެއްރިސޯޓުން އަނެއް ރިސޯޓަށް ޓުއަރިސްޓުން ގެންދާނީ ފުލައިޓެށް އެއާޕޯޓަށް ނުޖައްސަންޏާ...... މަނަވަރުގާތަ މިހާރު އެމީހުން އަންނަނީ؟
ޚަގހ
27 March 2020
ކޮމަން ސެންސް މައި ޑިއާ.. އިއްޔެއާއި ހަމައަށް ރާއްޖެ އައި ޓޫރިސްޓުން އަދި ތިބޭނެ ދޯ. އަދި މިއަދުއޭ އައުން މަނާ ކުރީ. ީީީީީީީީީީީީީީީީީީީީީީީީީީީީީީީީީީީީީީީީީީީީީީީީީ
1828
28 March 2020
ސްޕީޑް ލާންޗުގައި.