ރައީސް ޔާމީން ދެވަނަ ދައުރަކަށް އިންތިޚާބު ކުރުމަށް ހިންގި ކެމްޕޭން ހަރަކާތުގައި މަޖިލިހުގެ ނަައިބު ރައީސް މޫސާ މަނިކު ވާހަކަ ދައްކަވަނީ.---މިހާރު ފޮޓޯ: ހުސެއިން ވަހީދު
21 ސެޕްޓެމްބަރ 2017 - 13:43
64 comments
ރައްޔިތުންގެ މަޖިލީހުން ހުސްވެފައިވާ ހުރިހާ ގޮނޑިއެއް ވެސް ޕީޕީއެމުން ކާމިޔާބުކުރާނެ ކަމަށް ރައްޔިތުންގެ މަޖިލީހުގެ ނައިބު ރައީސް ރީކޯ މޫސާ މަނިކު ރޭ ވިދާޅުވެއްޖެ އެވެ.
ޕީޕީއެމުން ރ. އަތޮޅާއި ހއ. އަށް ކުރާ ކެމްޕޭން ދަތުރުގައި ދިއްދޫގައި ބޭއްވި ޖަލްސާގައި މޫސަ ވިދާޅުވީ މަޖިލިސް މެމްބަރުންނާ އެކު ރަށްތަކުގައި އެ ޕާޓީން ކުރަމުން އަންނަނީ ކެމްޕޭން ކަމަށެވެ. އެ ކެމްޕޭނަށް ފަހު ހުރިހާ ގޮނޑިތައް ވެސް ނަގާނީ ޕީޕީއެމުން ކަމަށް ވިދާޅުވި އެވެ.
ރައްޔިތުންގެ މަޖިލީހުގެ މަޑުއްވަރީ ދާއިރާ އާއި ދިއްދޫ ދާއިރާ އާއި ވިލިނގިލީ ދާއިރާގެ އިތުރުން ތުލުސްދޫ ދާއިރާގެ ގޮނޑި ހުސްވެފައިވާ ކަމަށް އިލެކްޝަންސް ކޮމިޝަނުން ވަނީ ކަނޑައަޅައިފަ އެވެ.
މޫސަ ވިދާޅުވި ގޮތުގައި ގޮނޑިތައް ނުގެއްލޭ ކަމަށް އިދިކޮޅު ފަރާތްތަކުން ބުނި ނަމަވެސް އެކަން ގަބޫލުކުރެވޭނެ އެއްވެސް ހަމައެއް ނޯންނާނެ އެވެ. މިފަދަ ނިންމުންތައް ނިންމުމުގައި އެންމެ ފަހު ބަސް ބުނާ ސުޕްރީމް ކޯޓުން ނިންމުމުން، އެ ގޮނޑިތައް ހުސްނުވާ ކަމަށް ބުނެވޭނެ ޖާގައެއް ނޯންނާނެ ކަމަށް ވެސް މޫސަ ވިދާޅުވި އެވެ.
"އަޅުގަނޑުމެން މިކުރަނީ ކެމްޕޭން، އިރާދަކުރެއްވިޔާ ގޮނޑިތަކަށް ވެސް ޕީޕީއެމް މެމްބަރުން ހޮވާނަން،" މޫސަ ވިދާޅުވި އެވެ.
އޭނާ ވިދާޅުވީ އެއްވެސް ރައްޔިތަކަށް މި ސަރުކާރުން އެއްވެސް އަނިޔާއެއްކޮށްފައެއް ނޯންނާނެ ކަމަށެވެ. ގަވާއިދާ ޚިލާފުވެ، ކުށްކުރާ މީހުންނަށް އަދަބު ދިނުމަކީ އަނިޔާ އަށް ވާނަމަ، ވަޅި ހިފައިގެން މުޅި ރަށު ތެރޭގައި ދުވުމުން ވެސް އަޅާނުލައި ތިބެންވީތޯ އޭނާ ސުވާލު ކުރެއްވި އެވެ.
މޫސަ ވިދާޅުވި ގޮތުގައި މި ސަރުކާރުގެ ކޮރަޕްޝަން ވާހަކަ އާއި އަނިޔާގެ ވާހަކަ އިދިކޮޅު ފަރާތްތަކުން ދައްކާއިރު ކުރީގެ ރައީސުން ރައްޔިތުންނަށް ދިން އަނިޔާ މާ ބޮޑެވެ. ކުރީގެ ރައީސް މައުމޫން އަބްދުލްގައްޔޫމްގެ ވެރިކަމުގައި މާފުށީ ޖަލުގައި ބަޑި ޖަހައި އީވާން ނަސީމް މަރާލި އަނިޔާގެ ވާހަކަ މި އަހަރު އެމްޑީޕީން ނުދެއްކީ މައުމޫން އިދިކޮޅު ފަރާތްތަކުގައި ހުންނެވުމުން ކަމަށް ވިދާޅުވެ މޫސަ ފާޑުވިދާޅުވި އެވެ.
ވެރިކަމުގައި މިހާރު އޮތީ ޕީޕީއެމް ކަމަށާއި އެކަން އެމްޑީޕީގެ އެކްޓިވިސްޓުން ގަބޫލުކުރަން ޖެހޭ ކަމަށް މޫސަ ވިދާޅުވި އެވެ. ކުރީގެ ރައީސް މުހައްމަދު ނަޝީދު، މައުމޫންއާ އެކު މަސައްކަތް ކުރެއްވުމަކީ އަނިޔާ އަށް ތާއީދުކުރެއްވުން ކަމަށް ވިދާޅުވެ މޫސަ ފާޑުވިދާޅުވި އެވެ.
"އެމްޑީޕީގެ އެކްޓިވިސްޓުންނަށް މިދަންނަވަނީ ބޭހާއި ނުކުޅޭތި ބަޑި، ގޭމަކޮޔާ ފިހިދާނެ، ނޭނގި ހުއްޓާ އަނދައިދާނެ،" މޫސަ ވިދާޅުވި އެވެ.
އޭނާ ވިދާޅުވި ގޮތުގައި ރައީސް ޔާމީން ގެންދަވަނީ ރާއްޖެ އަށް ތަރައްގީ ގެނެސް ދެއްވަމުންނެވެ. އައިޖީއެމްއެޗުގެ 25 ބުރީގެ އިމާރާތް އުސް ކަމުން ބަލަން އުނދަގޫވެގެން އިދިކޮޅު ފަރާތްތަކުން ހިތްހަމަނުޖެހޭނަމަ، އެތަނަށް ނުބަލަން މޫސަ ގޮވާލެއްވި އެވެ.
"މި ސަރުކާރުން އަންނަނީ އަބުރުވެރި ދިރިއުޅުމެއް ރައްޔިތުންނަށް ހޯދައިދެމުން. ޕޯޑިއަމްތަކަށް އަރައި އަޅުގަނޑުމެން މިދައްކާ ވާހަކައަކީ ކުރިން ދެއްކި ވާހަކައާ ތަފާތު ވާހަކައެއް. ..އަނިޔާގެ ވާހަކަ ކުރިން ދެއްކި މީހުން އެ ތިބީ ހޮރަށް ބޯބާނައިގެން،" މޫސަ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުސާ
24 September 2017
ރީކޯ މޫސަ އެކަނި ވޯޓް ލައިގެންތަ ހުރިހާ ގޮނޑިއެއް ޕީޕީއެމަށްދެނީ.؟ އެހެންވެއްޖިއްޔާ އަހަރެންމެނަށްވެސް ތިޔަކަން ޔަޤީން.
ދިއްދޫ
23 September 2017
ދިއްދޫއަށް އިހުލާސްތެރިކޮށް މިހާދުވަހު މަސެއްކަތް ކޮށްދީ ބުނިހުރިހާ ވައުދެއް އިހުލާސްތެރިކަމާ ފުއްދަން އުޅުއްވިބޭފުޅާ ވަކިކޮށް ކަލޭމެން ބޭނުންވާ މީހާތަ ހޮވަންވީ، ނުވާނެތިކަމެއް!!
ހަގީގަތް
23 September 2017
ހުސްވާންވީ މީނަގެ ގޮނޑި އެއީ 4 މެމްބަރުން ޕީޕީއެމުން ވަކިވިތާ އެތައްދުވަހެއްގެ ފަހުން މީނަ ޕީޕީއެމަށް ސޮއިކުރީ މީކަން ވީގޮތް މީނަގެ ގޮނޑި ނުގެއްލި 4 މެމްބަރުންގެ ގޮނޑި ގެއްލެންޖެހޭ އެއްވެސް ސަބަބެއްނެތް, މީ މިއަދު މިގައުމުގެ އަދުލުއިންސާފު އޮތްގޮތް.
އިބްރާ
23 September 2017
އިރާދަކުރެއްވިއްޔާ ހުރިހާ ގޮނޑިއެއް ކާމިޔާބުކޮށް 2018 ރައީސް ޔާމީން ކާމިޔާބު ކުރާނެ.
ހުސްނުވާއަނގަ
23 September 2017
ގޮތްހުސްވެ އިތުބާރު ގެއްލިފައިވާ ސަރުކާރަކުން ފެންނާނެ ހުރިކަމެއްދަނީ ފަޓަސްބަރިއެއްހެން ފެންނަމުން
ސައީދު
23 September 2017
ސައީދު ބުނިހެން މަޖިލީސް ކޮންޓްރޯލް ކުރާނީ ގަދަބާރު ބޭނުންކޮށްގެން 45 ދޮޔާއެކު ރައީސްކަން ގެއްލިފައިން މީހަކު ބައިންދައިގެން އެންނޭވާއިން ހުރިހާ ވާހަކައެއް ދައްކަމުން ހަމައެކަނި ސަރުކާރުފަޅިން ވޯޓުދީގެން ސައްހަކަމެއްނެތްގިތަށް އޭތިމީތި ފާސްކުރަމުންދަނީ, ގޮތްހުސްވެ ހަދާނެގޮތެއްނެތް ކުންފުނިތަކުގެ ބޮޑެތިކޮރަޕްޝަން ފެންމަތިވަމުންދާ ސުކާރަކުން ފެންނާނެ ހުރިހާ ކަމެއް ފެންނަމުންދާނެ
ދިއްދޫ
23 September 2017
ޕީޕީއެމުން 4 މެމްބަރުން ވަކިވިތާ އެތައް ދުވަހެއް ފަހުން މޫސަ ޕީޕީއެމަށް ސޮއިކުރީ އެހެންވިއްޔާ އިލެކްޝަނުގެ މެމްބަރުން ބުނެދީބަލަ ދިއްދޫގެ ރައްޔިތުންނަށް މޫސަގެ ގޮނޑި ނުގެއްލި ދިއްދޫ ދާއިރާއަށް އަމިއްލަގޮތުން ކުރިމަތިލައިގެން ގޮނޑިހޯދި އަދި ސްޕްރީމްކޯޓު ހުކުމުގައިވެސް އޮތީ ޕާޓީން ޓިކެޓު ދީގެން ހޮވުނު މެމްމަރުންގެ ވާހަކަ, އަމިއްލަ ގޮތުން ވާދަށްކޮށް ހުކުމުގައިވެސް ނެތް ދިއްދޫ ދާއިރާގެ މެމްބަރުގެ ގޮނޑި އިލެކްޝަނުން ގެއްލުވާލިގޮތެއް ދިއްދޫގެ ރައްޔިތުންނަށް ސުލައިމާނު ސާފުކޮށްދިނުން އެދެން.
ދިއްދޫ
23 September 2017
ތާއީދުއޮތްވަރުން ދިއްދޫގައި ރީކޯ ގޮނޑިޖަހާތަންފެނޭ, ދިއްދޫގައި ކުނިކަހާ އަންހެންވެރިނަށްވެސް ފޮތްހިފައިގެން އެތަނަށްދާން ގަޑިކީ ތާއީދުބޮޑުކަމުން ބޯގިނަކޮށްލަން.
މޫސަ
23 September 2017
މޫސަގެ ވިސްނުން ރަނގަޅޫ. ޔާމީން ހައްދާފަ ބަހައްޓާތި! މޫސަ އަސްލު ކުރިޔަށް އ ގެންދަނީ ޔާމިންގެ އެންޓި ކެމްޕެއިން. މިވަގުތަށް މޫސައަށް ރަނގަޅުވާނީ މޫސަގެ ވިޔަފާރި ދިފާއު ކުރުން. މޫސަ ކިހިނެއް ޔާމިންއަށް ކެމްޕެއިންކުރާނީ؟ ބުޅާ ލޮނުމަސް ނުކެއުން ފަދަކަމެއް އެއީ!
ޜަހުމަ
23 September 2017
ރީކޯމޫސަ ބުނެގެން ޕީޕީއެމް އަށް ވޯޓުދޭނެ މީހަކުނުވާނެ މޮޔަނުވޭ ރައީސްމައުމޫން އަށް ޢެމްމެގިނައިންބެވި މީހަކީ ތި ރީކޯމޫސަ ޔާމީނު ރީކޯމޫސަގެ އަޅަކަށްވިޔަސް ޕީޕީއެމްގެ މެމްބަރުން ތިބީ މޫސަގެ އަޅުންނަށްވާކަށނޫން ޔާމީނު މޮޔަނުވޭ ،