ރައްޔިތުންގެ މަޖިލިހުގެ ކޮމިޓީއެއްގައި ރޮޒައިނާ. ފޮޓޯ: މިހާރު
03 އޮކްޓޯބަރ 2017 - 12:02
20 comments
ބޯހިޔާވަހިކަމުގެ މަޝްރޫއުގެ ދަށުން 661 މީހަކަށް ފްލެޓް ދޭން ނިންމި ގޮތުގެ ތަފްސީލްތައް ހައުސިން މިނިސްޓްރީން ރައްޔިތުންގެ މަޖިލީހަށް ނުފޮނުވުމުން މިނިސްޓަރު ޑރ. މުހައްމަދު މުއިއްޒު ކުށްވެރިވެފައިވާ ކަމަށް އައްޑޫ މީދޫ ދާއިރާގެ މެމްބަރު ރޮޒެއިނާ އާދަމް މިއަދު ވިދާޅުވެއްޖެ އެވެ.
ރޮޒެއިނާ ވިދާޅުވި ގޮތުގައި މަޖިލީހުން އެދުނު މައުލޫމާތެއް ސަރުކާރުގެ ވުޒާރާއަކުން ނުފޮނުވައި، ހިފެހެއްޓުމަކީ އެ ވުޒާރާއެއްގެ އިސް ވެރިން ކުށްވެރިވާނެ ކަމެކެވެ. އެހެންވެ، ފްލެޓާ ގުޅޭ ތަފްސީލްތައް މަޖިލީހާ ހިއްސާ ނުކުރި މައްސަލާގައި މުއިއްޒާ ދެކޮޅަށް ދައުވާ ކުރައްވާނެ ކަމަށް އޭނާ ވިދާޅުވި އެވެ.
"މިހާރު އެ ކަން (ދައުވާ) ނުކުރެވިދާނެ. އެކަމަކު ކޮންމެވެސް ދުވަހަކުން އަޅުގަނޑު އެކަނި ވިޔަސް، މުއިއްޒާ ދެކޮޅަށް ދައުވާ ކުރާނަން،" ސަރުކާރުގެ މަސްއޫލިއްޔަތު އަދާ ކުރާ މިންވަރު ބަލާ ކޮމެޓީގެ މެމްބަރު އަދި އެމްޑީޕީގެ ޕާލަމެންޓްރީ ގްރޫޕްގެ ނައިބު ލީޑަރު ރޮޒެއިނާ ވިދާޅުވި އެވެ.
ހައުސިން މިނިސްޓަރު މުއިއްޒު ނޫސްވެރިންނާ ވާހަކަ ދައްކަވަނީ. - ފޮޓޯ: މިހާރު
ސަރުކާރުން ކުރިއަށް ގެންދާ ބޯހިޔާވަހިކަމުގެ މަޝްރޫއުގެ ދަށުން ފްލެޓް ދޭން ނިންމި ގޮތާއި ދޭން ނިންމި މީހުންގެ މައުލޫމާތުތައް ރައްޔިތުންގެ މަޖިލީހުގައި އޮންނަ، ސަރުކާރުގެ މަސްއޫލިއްޔަތު އަދާ ކުރާ މިންވަރު ބަލާ ކޮމެޓީއާ ހިއްސާ ކުރަން މަޖިލީހުން އެންގުމުން، ފްލެޓް ދިނުމަށް ކަނޑައެޅި އުސޫލު ފިޔަވައި އެހެން އެއްވެސް މައުލޫމާތެއް މިނިސްޓްރީން މަޖިލީހާ ހިއްސާއެއް ނުކުރި އެވެ. އެހެންވެ، އިދިކޮޅު މެމްބަރުން ވަނީ ހައުސިން މިނިސްޓްރަށް ފާޑު ވިދާޅުވެފަ އެވެ.
ރޮޒެއިނާ ވިދާޅުވީ ކޯޓުތަކަށް މައުލޫމާތު ދޭން ނުވަތަ ހާޒިރުވާން އެންގީމަ، އެކަން ނުކުރުމުން ކުށްވެރިވާނެ ކަމަށް ގާނޫނުއަސާސީގައި ބުނެފައިވާ ކަމަށެވެ. އަދި ހަމަ އެ ގާނޫނުއަސާސީގެ ދަށުން މަޖިލީހުން ބޭނުންވާ މައުލޫމާތުތައް ނުފޮނުވައިފި ނަމަ، ކުށްވެރިވާނެ ކަމަށް އޭނާ ވިދާޅުވި އެވެ.
ރޮޒެއިނާ ވިދާޅުވި ގޮތުގައި ސަރުކާރުގެ މަސްއޫލިއްޔަތު އަދާކުރާ މިންވަރު ކޮމެޓީން މިދިޔަ މަހު ނިންމާފައި ވަނީ ފްލެޓް ލިބުނު މީހުންގެ ތަފްސީލާއި ލިބުނު ޕޮއިންޓާއި ޕޮއިންޓް ލިބުނު އުސޫލުތައް މަޖިލީހަށް ފޮނުވުމަށެވެ. އެކަމަކު އުސޫލުތައް ފިޔަވައި ދެން ހުރި މައުލޫމާތުތައް ނުލިބޭކަން ކޮމެޓީގެ މުގައްރިރު، އަދި ވިލުފުށީ ދާއިރާގެ މެމްބަރު ރިޔާޒް އެއްބަސްވެވަޑައިގެންނެވި ކަމަށް ރޮޒެއިނާ ވިދާޅުވި އެވެ.
"ސިއްރު ޖަހާފައި ވިޔަސް، އެ މައުލޫމާތެއް މަޖިލީހަށް ފޮނުވަން ޖެހޭނެ. މައްސަލައަކީ އެހެން ވެސް ނުފޮނުވީމަ. ވަރަށް ބޮޑު މައްސަލައެއް މިއީ،" ރޮޒެއިނާ ވިދާޅުވި އެވެ.
ހުޅުމާލޭން ފްލެޓް ލިބުނު މީހުންގެ ލިސްޓު ހައުސިން މިނިސްޓްރީން އާއްމު ކުރީ އެ ލިބުނު މީހުންގެ އެއްވެސް މައުލޫމާތެއް އަދި ލިބުނު ޕޮއިންޓުގެ އަދަދު ވެސް ނޭނގޭ ގޮތަށެވެ. އަދި މުއިއްޒުއާ ތަކުރާރުކޮށް ނޫސްވެރިން ސުވާލު ކުރުމުން ވެސް އެ ތަފްސީލުތައް ހާމައެއް ނުކުރައްވަ އެވެ.
ފްލެޓަށް އެދި 15،000 އަށް ވުރެ ގިނަ މީހުން ފޯމު ހުށަހެޅި އިރު، ހަތަރު އަހަރު ފަހުން ލިސްޓް އާއްމުކޮށްފައި އޮތީ ފްލެޓް ލިބުނު މީހުންނަކީ ކޮން ބައެއް ކަން ނޭނގޭ ގޮތަށް، ހަމައެކަނި ފޯމު ނަމްބަރުތަކެވެ. މި މައްސަލައިގައި އެތައް ބަޔަކު އަންނަނީ ޝަކުވާ ކުރަމުންނެވެ. ފްލެޓު ދިން މައްސަލަ އެންޓި ކޮރަޕްޝަން ކޮމިޝަން (އޭސީސީ) އިން ދަނީ ތަހުގީގު ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގާޒީ
04 October 2017
ކަބުލޯ ހެޔޮނުވާނެ ތިކަން ނުކުރޭ ކާކު ހުރީ މިވެރިކަމުގަ އިންސާފުވެރިކަމާއެކު ކަމެއްބަލާދޭނެ؟ އްލިފާންވާނެ މިހާރުމިހިރަ ކޯޓުތަކުން ތިކަހަލަކަމަކާ އަޅާވެސްލާފިއްޔަ!
އަބްދުއްލާ
04 October 2017
އަޅުގަނޑަށް ފެނޭރޮޒައިނަ އާ މެދު ދައުވާކުރަން . އެއީ އެކަށީގެންވާ މިންވަރުގެ މަސައްކަތަކާނުލާ 85000 އެއްހާމުސާރަ އާ ކޮމިޓީ އެލަވަންސް ގެ ނަމުގާ ނަގަމުންދާތީ އާ، ރައްޔިތުންގެ ހައްގުތައް ލަސްކުރަން މަސައްކަތް ކުރާތީ
Ahmed
04 October 2017
ޜަގަޅަށްވިއްޔާ އޭސީސީއަށް ވެސް ތި މައުލޫމާތު ދޭނެކަމާއި މެދު ސުވާލު އުފެދެއެވެ.
ޒިޔާދާ
04 October 2017
ސިޔާސީ ގޮތުން ބުނާބުނުމެއްތީ..... ދަޢުވާ ކުރަންޏާ މިހާރުވެސް ކުރަންޖެހޭނެ....ޤައުމުގެ އެންމެ ބާރުގަދަ އެއް މުއައްސަސާގަ މަސައްކަތް ކުރާއިރު އިދިކޮޅުގަ ވެސް މެމްބަރުންތަކެއް އެބަތިބި..... ކަންބޮދުވެގެން ރަސްމީ މާގިނަ މަސައްކަތެއް ނުކުރޭ....ނިކަމެތި ރައްޔިތުން ހިތުން ނުރުހުން ފާޅުކޮށްކޮށް މިތިބީ....... ވޯޓާހަމައިން މިކަން ފެންނާނެ.....ފާޅުގަ މުއިއްޒު ހިންގި ޖަރީމާއެއް އެއީ.....ފްލެޓް ލިބެންޖެހޭ އެތައްބަޔަކަށް ފްލެޓެއް ނުލިބޭ... ދިނީ ޕާޓީ އެކްޓިވިސްޓުންނަށް.....
ފާނު
04 October 2017
މާލޭބިންކޮޅަކާގެން ދައުވާކުރާއިރު ރާއްޖެތެރޭމީހުން ނަޖިސްފެނުން ފެންވަރައިގެން ތިބޭތީ ނިކަން ދައުވާކޮށްބަލަ
ދޮން ހުސޭނު
03 October 2017
ދައުވާ ކުރިޔަސް މިވެރިކަމުގައި ވާނެ އެއްކަމެއްވެސް ނޯންނާނެ، ވަގުތު ބޭކާރުވުން ނުންކަމެއް ނުވާނެ. ޢެކަމަކު ދައުވާކުރުން ރަނގަޅު އިންސާފު ލިބެންޖެހޭ. ޢެތަކެއް ބައެއްގެ ޙައްޤުތަކެއްވަނީ ގެއްލިފައި.
ރާބިޔާ
03 October 2017
އަޅުގަނޑުވެސް ބޭނުން އެފްޕީއައިޑީގެ މައްސަލާގައިވެސް ދައުވާކުރަން އެކަމްމިހާރު އެކަންކުރިމީހުން އެތިބީ ކަޅުކުލަ މަތީގައި ރީންދޫ ޖެއްސީމައި ޙުދުވެފައި .. މުއީޒްއަށްވާނީވެސް އެހެން , ޕިންކު މަތީރީންދޫ ޖައްސާލާއިރަށް ހުދުވާނެ , ރީންދޫކަލައަކީ މެޖިކަލް ކަލަރ އެއް ..
މަނަދޫ މީހާ
03 October 2017
ކޮންމެ ކުލައަކަސް ދައުވާ ކުރެވިދާނެ. ދައުވާ ބަލައިގަންނަނީ ޕާޓީ އޮފީހަކުން ނޫން ކޯޓްތަކުން އެހެންވީމަ ރާބިޔާ ތިކަމާ ދައުވާ ކުރަންވީ. ކުލަ ޖެހުމަކުން ކުރިން ކުރިކަމެއް ނުކުރާ ކަމަކަށް ނުވާނެ.
އަހަންމާ
03 October 2017
ބަލަ އެމްޑީޕީ މީހުންނައްވެސްއެބަހުރި ފުލެޓްލިބިފައި ފުލެޓްއަޅަންފެށީ އެމްޑީޕީ ސަރުކާރުން އެޕާޓީން ބުނެފައޮތީ ޕާޓީމީހުންނައްދީފައޭ އެހެންމީހުންނައްދޭންވާނީ އެހެންވީމަ މުއިއްޒުގޯސްތަ ގޯސްވާނަމަ ގޯސްވާސަބަބެއްކަމައްވާނީ ޕީޕީއެމް މީހުންނައްހަމަނުވަނީސް އެމްޑީޕީ މީހުންނައްދިންކަން އެކަމުއެވެސްދިވެހިރައްޔިތުންދޯ އެހެންވީމަ ގޯހެއްނޫން ތިޔަމައްސަލަ ހުށަހަޅަންޖެހޭނީ ބައިނަލްއަގްވާމީކޯޓައްރޮޒޭ އަވަސްކުރޭ މިސަރުކާރަކީތިޔަހެންބޮޑުބުނާއަންނާނޭ ބުނީމަބިރުގަންނަ ސަރުކާރެއްނޫން
ޢާޝިއާ ޓައިގަލް
03 October 2017
މުއިއްޒު ރައްޔިތުންނަށް، ރުންކުރު ނޮންޕްރޮފެޝަނަލް އަންއެތިކަލް ޖަވާބު ދޭތީ ހައުސިން މިނިސްޓަރު ކަމުން ރއސ މީހާގެ ތަރުޖަމާނަކަށް މާބޮޑަށްވެސް ފިޓުވޭ.. ބޯހިޔާވަހިކަމާ ހަވާލުވާވަރުގެ ކެތްތެރިކަމެއް ނެތް! ތަންތަން ކުރަހާ ތަޅާ ސުންނާފަތިކޮށް ރާނާ ސިމެންތި ޖަހަން އެނގުމަކީ އެނގުކަމީ އަދި ބޯހިޔާވަހިކަމުގެ މިނިސްޓަރުކަން ދޭވަރުގެ ކަމެއް ނޫން..
ރަދީފް
03 October 2017
ތިޔަ މައްސަލަ ކޯޓަށް ފޮނުވުމުން މައްސަލަ ބަލަން އިނީ އެއްކަލަ ''ނަލަ ފްލެޓް'' ލިބުނު މީހުންގެ ތެރެއިން މީހެއް.ދެން ތި ކޭސް ބެލޭނެގޮތެއް އޮންނާނެތަ!! .ސިސްޓަމް އެތުރި ބައްޓަން ކުރެވިފައިވަނީ ލޮކް ކުރެވޭގޮތަށް. ވ.ވެދުން