ރައްޔިތުންގެ މަޖިލީހުގެ މިއަދުގެ ޖަލްސާގައި މެމްބަރުންތަކެއް ބައިވެރިވެވަޑައިގަންނަވަނީ. - ފޮޓޯ: މަޖިލިސް
15 ނޮވެމްބަރ 2017 - 15:08
17 comments
މި އަހަރު ނިޔަލަށް ދައުލަތުގެ ދަރަނި 43 ބިލިއަން ރުފިޔާ އަށް އަރާނެ ކަމަށް ލަފާ ކުރެވޭއިރު، ދައުލަތަށް ފައިސާ ހޯދުމަށް ސުކުކް ވިއްކައިގެން އެތައް މިލިއަން ރުފިޔާއެއް ހޯދުމަށް އަންނަ އަހަރަށް ލަފާކޮށް ރައްޔިތުންގެ މަޖިލީހަށް މިއަދު ހުށަހެޅި ބަޖެޓުގައި ހިމަނައިފި އެވެ.
ފިނޭންސް މިނިސްޓަރު އަހުމަދު މުނައްވަރު މަޖިލީހަށް ހުށަހެޅުއްވި ބަޖެޓުގައިވާ ގޮތުން މި އަހަރު އެތެރޭގެ ދަރަނި 26 ބިލިއަން ރުފިޔާ އަށް ދަށްވެ، ބޭރުގެ ދަރަނި 17 ބިލިއަން ރުފިޔާ އަށް އިތުރުވާނެ ކަމަށް ލަފާކުރެވެ އެވެ. އަދި އަންނަ އަހަރު ދައުލަތުގެ ދަރަނި 49 ބިލިއަން ރުފިޔާ އަށް އިތުރުވާނެ ކަމަށް ލަފާ ކުރެ އެވެ. އެއީ އެތެރޭގެ ދަރަނީގެ ގޮތުގައި 21 ބިލިއަން ރުފިޔާ އާއި ބޭރުގެ ދަރަނީގެ ގޮތުގައި 27 ބިލިއަން ރުފިޔާ އެވެ.
މިދިޔަ އަހަރު ދައުލަތުގެ ޖުމްލަ ދަރަނީގެ އަދަދު ހުރީ 38 ބިލިއަން ރުފިޔާގަ އެވެ. އެއީ އެތެރޭގެ ދަރަނީގެ ގޮތުގައި ހިމެނޭ 26 ބިލިއަން ރުފިޔާ އާއި ބޭރުގެ ދަރަނީގެ ގޮތުގައި 11 ބިލިއަން ރުފިޔާ އެވެ.
ފިނޭންސް މިނިސްޓަރު މުނައްވަރު މަޖިލީހަށް ބަޖެޓު ހުށަހަޅުއްވަމުން ވިދާޅުވީ ބަޖެޓު ޑެފިސިޓް ފޫބެއްދުމަށް ބަޖެޓަށް ފައިސާ ހޯދާނެ ގޮތްތައް ރާވާފައިވާ ކަމަށެވެ.
އެގޮތުން ބަޖެޓު ޑެފިސިޓް ފައިނޭންސް ކުރުމަށް 200-300 މިލިއަން ޑޮލަރާ ދެމެދުގެ ސުކޫކެއް ވިއްކުމަށް ނިންމާފައިވާ ކަމަށް އޭނާ ވިދާޅުވި އެވެ. އަދި ބާކީ ބައި ހަމަޖެއްސުމަށް ރާވާފައި ވަނީ ރާއްޖެ އާއި ރާއްޖެ އިން ބޭރަށް ވިއްކާ ޓްރެޝަރީ ބިލާއި ބޮންޑް ފަދަ ފައިނޭންޝަލް އިންސްޓްރުމަންޓް މެދުވެރިކޮށެވެ.
ބަޖެޓުގައިވާ ގޮތުން ބަޖެޓަށް ފައިނޭންސް ކުރުމަށް ރާއްޖެ އިން ބޭރުން ފައިސާ ހޯދުމަށް ނިންމާފައި ވަނީ ދައުލަތުގެ ގިނަ އަދަދެއްގެ މަޝްރޫއުތަކުންނާއި އެ މަޝްރޫއުތަކަށް މުދަލާއި މެޝިނަރީ އެތެރެކުރުމަށް ބޭރު ފައިސާ ބޭނުންވާތީ އެވެ. މަޝްރޫއުތަކަށް ބޭރު ފައިސާ ހޯދައިގެން ހަރަދު ކުރުމުން ރާއްޖޭގައި މިހާރު ހުރި ބޭރު ފައިސާގެ ޑިމާންޑަށް އިތުރު ޕްރެޝަރެއް، އަދި ރާއްޖޭގެ ރިޒާވަށް ނޭދެވޭ އަސަރެއް އައުމުގެ ފުރުސަތު ކުޑަވާނެ ކަމަށް ވެސް ބަޖެޓުގައި ފާހަގަކޮށްފައިވެ އެވެ.
އަންނަ އަހަރަށް ލަފާކޮށް، ސަރުކާރުން މަޖިލީހަށް ހުށަހެޅީ 27.9 ބިލިއަން ރުފިޔާގެ ބަޖެޓެކެވެ. އެގޮތުން ބަޖެޓުގައި ހިލޭ އެހީގެ ގޮތުގައި ދައުލަތަށް 22.4 ބިލިއަން ރުފިޔާ ލިބޭނެ ކަމަށް ލަފާކޮށްފައިވެ އެވެ. އެއީ ޓެކްސްގެ ގޮތުގައި ލިބޭ 16.3 ބިލިއަން ރުފިޔާ އާއި ޓެކްސް ނޫން ގޮތުގައި ލިބޭ 5.2 ބިލިއަން ރުފިޔާ އާއި އެހެނިހެން ފަންޑުތަކާއި ހިލޭ އެހީގެ ގޮތުގައި ލިބޭ 858 މިލިއަން ރުފިޔާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޓީޗަރ
16 November 2017
ޔާމީނު ބުނިހެން ހީވި، ފުރަތަމަ ދައުރު ނިމޭއިރު ދަރަންޏެއް ނޯންނާނޭ. މިވަނީ ކިހިނެތްބާ އަނެއްކާ؟؟؟!!!
އެކްސް
16 November 2017
އަދިވެސް އިންކަމް ޓެކްސް ނެގުމުގެ ވިސްނުމެއް ނެތް!!
ކުޑަ އިކޮނޮމިސްޓް
16 November 2017
"" އަދި އަންނަ އަހަރު ދައުލަތުގެ ދަރަނި 49 ބިލިއަން ރުފިޔާ އަށް އިތުރުވާނެ ކަމަށް ލަފާ ކުރެ އެވެ. އެއީ އެތެރޭގެ ދަރަނީގެ ގޮތުގައި 21 ބިލިއަން ރުފިޔާ އާއި ބޭރުގެ ދަރަނީގެ ގޮތުގައި 27 ބިލިއަން ރުފިޔާ އެވެ. މިދިޔަ އަހަރު ދައުލަތުގެ ޖުމްލަ ދަރަނީގެ އަދަދު ހުރީ 38 ބިލިއަން ރުފިޔާގަ އެވެ. އެއީ އެތެރޭގެ ދަރަނީގެ ގޮތުގައި ހިމެނޭ 26 ބިލިއަން ރުފިޔާ އާއި ބޭރުގެ ދަރަނީގެ ގޮތުގައި 11 ބިލިއަން ރުފިޔާ އެވެ. "" މީގެ މާނަ އަކީ މި ވެރިކަމުގައި ނިމިދިޔަ އަހަރުތަކުގައި ދަޢުލަތް ހިންގަން މި ރާއްޖޭގެ "ނުފޫޒުގަދަ ވިޔަފާރިވެރި" ބައެއްގެ އަތުން ދައުލަތައް ބިލިއަނުން ރުފިޔާ ނަގައިފައި ވާ ކަން ނޫންތޯ ؟ އަދި އަންނަ އަހަރު އެ ދަރަނި ތައް (ރިޔާސީ އިންތިޚާބުގައި އެ ބަައެއް އަތުން އިތުރަށް ލޯނުނަގައި،އިންތިޚާބު ކާމިޔާބު ކުރުމަށް ،/ އެ ބަޔަކު ރުއްސުމަށް) ބޭރުން ރުފިޔާ ހޯދައިގެން (އެ މީހުންނަށް އެ ފައިސާ) ދައްކާނެ ވާހަކަ ތޯ؟ އަހަންނަށް ވަރަށް ރީތި ކޮން އެ މަންޒަރު ސިފަވޭ
ސައްދާމް
16 November 2017
މިހެން ހަބަރު ލިޔާ އިރު ކުރީ އަހަރުގެ ދަރަނި ހުރިވަރު އަދި މި އަހަރު ދަރަނި ހުރިވަރު ތަފާތު އެނގޭނެ ގޮތަށް ލިޔުމުގައި ހިމަނަން ޖެހޭ...............
ހޭކެނޑޭ
16 November 2017
ދެން އަންނަ ސަރުކާރަކަށް ގޮވާލަން. މި ސަރުކާރުގައި ތިއްބެވި ވެރިން ފައިސާ އާއި މުދާ އެވެރިން ހޯދިގޮތެއް ބެލުމަށްފަހު އެއީ މަޖުލިސް މެމްބަރަކަށް ވިއަސް ރައްޔިތުންގެ ފައިސާ ނަހަމަ ގޮތުގައި ބޭނުންކޮއްފައި ވާނަމަ އެވެރިންގެ ފައިސާ އާއި ގެދޮރު އަދި ވިޔަފާރި ކުރައްވާނަމަ އެ ހުރިހާ އެއްޗެއްވެސް ދަޢުލަތައް ނެންގެވުމަށް. އިބްރާހިމް ނާސިރުގެ ފައިސާ އާއި ގެދޮރާއި މުދާ ސަރުކާރަށް ނެގި ގޮތައް މިވެރިންގެވެސް މި ހުރިހާ އެއްޗެއް ދައުލަތައް ނެގެންޖެހޭނެ. ސަބަބަކީ އެއީ ރައްޔިތުންގެ މުދަލާއި ފައިސާ ކަމަށްވާތީ.
ޑޮކްޓަރުންގެ ސިޓީ / އައްޑޫ ސިޓީ
15 November 2017
މިވަގުތު ދިވެހި “ދައުލަތް ހިންގާން ޤާނޫނީ ބާރު ޤާނޫނު އަސާސީ އެއްގެ ތެރެއިން ރައްޔިތުން ހަވާލު ކުރި ފަރާތް ތަކުގެ ސައްހަ ކަމާއި މެދު ޤާނޫނީ ސުވާލު ތަކެއް ކުރެވި ބައެއް ބާރު ތަކުގައި ތިއްބެވި ފަރާތް ތަކަކީ ޤާނޫނީ ހައިސީއްޔަތެއްނެތި”ތިބި މީހުން ކަމަށާއި އަދި ދައުލަތުގެ ނައިބް ރައީސް ކަމަށާއި ޤާނުނު އަސާސީން ބާރުދީފައި އުފެއްދި “މުހިންމު އެތައް މަޤާމެއްގައި ތިއްބެވި ވެރިން މަޤާމުން ބޭރު ކޮށްފައިވަނީ ޤާނޫނު އިޖުރާއަތް ފުރިހަމަ ނުކޮށް” ކަމަށް ވަރަށްގިނަ ފަރާތް ތަކުން އެބަބުނޭ. އެހެން ކަމުން “ސައްހަކަމާއި މެދު ސުވާލު އުފެދޭ މިފަދަ ސަރުކާރަކުން ނަގާ ދަރަންނަށް އަންނާން އުޅޭ ރައްޔިތުންގެ ވެރިކަމުން ޒިންމާ ނުވާނެ” ކަމަށް އިންތިޤާލީ ސަރުކާރެއް ގެނައުމަށް މަސައްކަތް ކުރައްވާ ލީޑަރުން އިއުލާން ކޮށއ ދައުލަތް ބަޤުރޫޓް ވިޔަނުދީ ރައްކާތެރި ކުރާންޖެހޭ. އޭރުން މިފަދަ ގޮތްނޭގޭ ކަންކަމަށް ފައިސާ ހޭދަ ކުރުން ހުއްޓުވޭނެ.
އައިޖޭ
15 November 2017
މަތްކަލާކޮއްޓަކާ... ރައީސް ނަޝީދު، އަދި ރަީސް މައުމޫން ގެ ދުވަސްވަރު ދައުލަތުގެ އާންމުދަނި 7 ބިލިއަން ގައި އޮތް އިރުވެސް މިއަށްވުރެ ދަރަނި ބައި ކުޑަ،..... ރައީސް ނަޝީދެ ގެނެސްދެއްވި ޓެކްސް ނިޒާމުން އަދ 20 ބިލިއަން ލިބޭ އިރުވެސް މިއުޅެނ"ީ ދަރަނިން ސަލާމަތް ނުވެވިގެން..... މަތްކަލާކޮށްޓަކާ، އައިޑީޞު ވޯލްޑްބޭންކް ގެ ލަފާ ހޯދަބަލަ
ކުޅަނދުރު
15 November 2017
ނ އަތޮޅުގަ އެބައޮތް އަދި ނުވިއްކާއޮތް ދެތިން ގިރި.
ބޮންޑޭ
15 November 2017
ތީ ހުސްވާއެއްޗެއްވެސް ނޫންތަ؟
އިހުމާލް
15 November 2017
ކޮބާ ހީވޭ ކަމެއްހެން، އަހަރުމެން ގެ ދަރިންނާއި ދަރިންގެ ދަރިން ވިއްކިކަމުގައިވިޔަސް ސަލާމަތެއްނެތް، މިޤައުމު ސަަލާމަތުގެ އައްސޭރި ގެންނާން އުޅެމާބާހީ. ޤައުމުގެ ދަރިންނާ 2018 ވެސްމާބޮޑައްވެސް ލަސްވެދާނެ...