07 ފެބުރުއަރީ 2018 - 01:19
13 comments
އެ މަނިކުފާނަށް އަބަދު ވެސް ކެހިދެނީ އެންމެ ކައިރީގައި އުޅުނު މީހުން ކަމަށް ރައީސް އަބްދުﷲ ޔާމީން މިރޭ ވިދާޅުވެއްޖެ އެވެ.
ރައީސް ޔާމީން އެ މޭރުމުން މިރޭ ވާހަކަފުޅު ދައްކަވާފައިވާ އިރު، އެ މަނިކުފާނުގެ ނައިބު ރައީސްގެ ގޮތުގައި އައްޔަން ކުރެއްވި އަހުމަދު އަދީބު، އެ މަނިކުފާނު އަވަހާރަ ކޮށްލަން ލޯންޗުކޮޅުގައި އެއްޗެއް ގޮއްވާލިކަން ވަނީ ސާބިތުވެފަ އެވެ.
ޕީޕީއެމުން މި ރޭ ބޭއްވި ޖަލްސާގައި ވާހަކަފުޅު ދައްކަވަމުން ރައީސް ޔާމީން ވިދާޅުވީ ރިޝްވަތުގެ ތުހުމަތުގައި މިހާރު ހައްޔަރު ކޮށްފައިވާ އުއްތަމަ ފަނޑިޔާރު އަބްދުﷲ ސައީދާއި ސުޕްރީމް ކޯޓުގެ ފަނޑިޔާރު އަލީ ހަމީދަކީ އެ މަނިކުފާނު ވަރަށް އިހުތިރާމް ކުރެއްވި ދެ ބޭފުޅުން ކަމަށެވެ. ނަމަވެސް އެކަމަށް "ބޮޑު ކިލަނބުކަމެއް" މިހާރު އައިސްފައިވާ ކަމަށް ވިދާޅުވި އެވެ. އަދި މިހާތަނަށް އެ މަނިކުފާނަށް ކެހި ދެނީ އަރިހުގައި އުޅުނު ކަމަށް ވިދާޅުވި އެވެ.
"އަޅުގަނޑަށް އަބަދުވެސް ކެހި ދެނީ އަޅުގަނޑާ އެންމެ ކައިރީގައި މަސައްކަތް ކޮށްފަ، އަދި އެ ބަޔަކަށް އަޅުގަނޑު އެންމެ އެހީތެރިވި މީހުން މިއަދާ ހަމައަށް އެންމެ ކެހި ދީފައި ހުރީ،" ރައީސް ޔާމީން ވިދާޅުވި އެވެ.
ޖަލު ހުކުމްތަކެއްގައި ތިއްބެވި ސިޔާސީ ނުވަ ބޭފުޅަކު ވަގުތުން މިނިވަންކުރުމަށް ސުޕްރީމް ކޯޓުން މިދިޔަ ބުރާސްފަތި ދުވަހުގެ ރޭ ނެރުނު އަމުރާ ގުޅުވައި އުއްތަމަ ފަނޑިޔާރާއި އަލީ ހަމީދަށް އިޝާރާތް ކުރައްވައި ރައީސް ވިދާޅުވީ އެކަން ކުރެއްވީ އަމިއްލަ މަގުސަދަށްޓަކައި އެ ދެ ބޭފުޅުން އިސްވެ ތިއްބަވައިގެން ކަމަށެވެ.
ސުޕްރީމް ކޯޓުގެ ތެރެއިން އެ މަނިކުފާނުގެ ވެރިކަން ހުއްޓުމަކަށް ގެނައުމަށް އެ ދެ ފަނޑިޔާރުން މަސައްކަތް ކުރެއްވި އިރު، އެ ކޯޓުގެ ބެންޗުގައި އެ ދެ ފަނޑިޔާރުން ހިމެނުއްވީ އެ މަނިކުފާނު ކަމަށް ރައީސް ޔާމީން ވިދާޅުވި އެވެ.
ސުޕްރީމް ކޯޓުގެ ބެންޗުގައި އަލީ ހަމީދު ހިމެނުމަށް އެ މަނިކުފާނު އެއްބަސް ނުވާނެ ކަމަށް އޭރު މަޖިލީހުގައި އުޅުއްވި އިސް މެމްބަރުން ގަބޫލު ކުރެއްވި ނަމަވެސް، އަލީ ހަމީދަށް އެ ފުރުސަތު ދިނީ އެ މަނިކުފާނު އެއްބަސްވެގެން ކަމަށް ރައީސް ވިދާޅުވި އެވެ. އެކަމުގެ ހެއްކެއްގެ ގޮތުގައި ދެއްކެވީ ރައްޔިތުންގެ މަޖިލީހުގެ ކުރީގެ ނައިބު ރައީސް އަހުމަދު ނާޒިމެވެ.
ސުޕްރީމް ކޯޓަށް ފަނޑިޔާރުން އައްޔަން ކުރުމަށް އޭރުގެ ރައީސް މުހައްމަދު ނަޝީދު ފޮނުވި ލިސްޓުގައި އަބްދުﷲ ސައީދުގެ ނަން ނުހިމަނާ ކަމަށާއި އެ ލިސްޓުގައި އަބްދުﷲ ސައީދުގެ ނަން ހިމެނުއްވީ އެ މަނިކުފާން ކަމަށް އޭރު ޕީއޭގެ ލީޑަރަކަށް ހުންނެވި ރައީސް ޔާމީން ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދުއްލާ
22 October 2018
ކެހި ލިބިގަތީ އަމިއްލަފުޅަށް . އެންމެ ގާތަމީހާ ބޭނުންވާގޮތަށް މަގުކޮށަންފެށުމުން އިހްލާސްތެރިން ދުރުވެގެންފި . އެއީ އިހްލާސްތެރިން ޖަލުގެ ގޮޅިތަކަށް ވައްދަންފެށުމުން. މިއަދު ތިޔަހެންވީ މައުމޫން ވިދާޅުވި ކަންކަން ގަބޫލު ނުކުރުމުން .
ސަޅިބައިސާ
07 February 2018
ތިމާ ނުރުހޭގޮތަށް ހުކުމެއް ކޮށްފިއްޔާ ކެހިދިނީ. ރުހޭގޮތަށްހުކުން ކޮށްދިނީމަ ބަރާބަރު. ސިކުނޑިވެސް ގޮވާނެ މިވަރުވީމަ.
ރަގަ
07 February 2018
ތައުބާވެ ލައްވާ، އުޅުން އިސްލާހުކުރޭ
ވާގޮތެއް ނޭގުނު
07 February 2018
ޢަންނިއަށް ވެސް ކެހިދިނީ ނާޒިމް ރިޔާޒް ޤާސިމް ޑީޑީ އަދި ހަމަ އެމް ޑީ ޕީ ގެ އެންމެ އިސްސަފުގެ މީހުން އެކަމު އަންނި ހަމަ އެމީހުން ކިހިލިޖަހައިގެން އެބައުޅޭ
އަޖީތު
07 February 2018
ތިޔަބޭފުޅާ ކެހި ދެއްވަނީ އެންމެނަށް.
އަހުމަދުބެ
07 February 2018
މައްސަލަ އަކީ އެކަނި ކާން ބޭނުންވާތީއެވެ. އެހެން މީހުން ކާތީ ޖަލަށްލަނީއެވެ. މާބޮޑަށްދަހީއެވެ.
އެމްސް
07 February 2018
ކެހި ލިބުނު މީހުން ތެރޭވެސް އެންމެ ގާތް ކޮށްގެން އުޅުނު މީހުން އެބަ ހިމެނޭ
ބަނދަރު ކާޅު
07 February 2018
ކިހިނެއްތޯ ވަގަކަށް ފިލާހުރެ ތިމަންނަގެ މައްސަލައެއް ނުބެލޭނެޔޭ ބުނެވޭނީ. މިހެން ވިދާޅުނުވޭތޯ.
އެކްސް
07 February 2018
އަދި ހަމަ އެހެންމެ އެންމެ ގާތުގައި އުޅޭމީހުންނަށްވެސް ކެހިދެނީ ރައީސް. މިސާލަކަށް އަޙްމަދު ނާޒިމާއި އަދީބު!
ފުންއަސަރު
07 February 2018
ރައީސަށްވެސް އެނގިވަޑައިގަންނަވާ ފަދައިން ތީކީ އާކަމެއްނޫން. މީހަކަށް ބޮނޑިއެއްދޭނަމަ ހަމަ އެންމެ ފަސޭހަވާނީ ކައިރީގާއުޅޭ، ގާތުގާ އެކުގާ މަސައްކަތްކުރާ މީހަކަށް ބޮނޑިއެއްދޭން. އެންމެނަށްވެސް އެންމެ ފަސޭހަވާނީ އެގޮތް. ރައީސްވެސް ދަސްކުރައްވަންވީ ގާތުގާ ގެންގުޅުއްވިޔަސް، ދުރުނުކުރެވޭވަރަށް ގާތް ނުކުރުމަށާ، ދުރުކޮށްލިޔަސް، ވާހަކަދައްކާ ނޫޅެވޭވަރަށް ދުރުކޮށް ނުލުމެވެ.