ކުރީގެ ރައީސް ނަޝީދު:
22 މާޗް 2018 - 15:39
29 comments
މިދިޔަ މަހުގެ 5 ގައި ރައީސް އަބްދުﷲ ޔާމީން އިއުލާން ކުރެއްވި ކުއްލި ނުރައްކަލުގެ ހާލަތު އުވާލުމަށް ފަހު، ރާއްޖެ އަށް ގެންނަން އުޅެނީ އެހެން ހާލަތެއް ކަމަށާއި ނަމަވެސް ރައްޔިތުން އެކަމުގައި ދުލެއް ނުދޭނެ ކަމަށް ކުރީގެ ރައީސް މުހައްމަދު ނަޝީދު މިއަދު ވިދާޅުވެއްޖެ އެވެ.
މިހާރު ސްރީ ލަންކާގައި ދިރިއުޅުއްވަމުން ގެންދަވާ ނަޝީދު ވިދާޅުވީ ރައީސް ޔާމީން އިއުލާންކުރައްވަނީ "ހުދުމުހުތާރު ވެރިކަމާއި ޗައިނާގެ ގޮނޑިކޮއްކޮ ދައުލަތެއް ކަމުގެ ހާލަތު" ކަމަށެވެ.
"މިއީ ދިވެހިން އުންމީދުކުރާ، ބޭނުންވާ ގޮތެއް ނޫން. އަޅުގަނޑުމެން ވާގިވެރި ސިޔާސީ ޕާޓީތައް، ރާއްޖޭގެ ރައްޔިތުން ދުލެއް ނުދޭނަން،" ނަޝީދު ވިދާޅުވި އެވެ.
"ރާއްޖެ އަލުން އަނބުރައި ދިވެހި ރައްޔިތުންނަށް ހޯދައި ދޭނަން."
ނަޝީދު އާންމުކުރެއްވި ވީޑިއޯއެއްގައި ވިދާޅުވި ގޮތުގައި ރައީސް ޔާމީން ކުއްލި ހާލަތު އިއުލާން ކުރެއްވީ ޝަރީއަތުގެ ނިޒާމާއި ގާނޫނު ހެދުމުގެ ނިޒާމު ގަނޑުބަޑުކޮށް ބަލިކަށި ކުރާށެވެ.
އެމަނިކުފާނު ވިދާޅުވި ގޮތުގައި ކުއްލި ހާލަތުގެ ދަށުން 400 މީހުން ހައްޔަރުކުރި އެވެ.
ނަޝީދު ވިދާޅުވި ގޮތުގައި ރައީސް ޔާމީން އިއުލާން ކުރައްވާ އަނެއް ހާލަތުގައި ދިވެހިން ތިބޭނީ ހައްގުތައް ގެއްލި، ޗައިނާ އަށް އިންތިހާއަށް ދަރަނިވެރިވެފަ އެވެ. ރައީސް ޔާމީންގެ ތަރައްގީގެ ތަސައްވުރަކީ އޮޅުވާލުމެއް ކަމަށާއި "ކޮންކްރީޓަކީ" ތަރައްގީއެއް ނޫން ކަމަށް ވެސް ވިދާޅުވި އެވެ.
އިދިކޮޅު ފަރާތްތަކުން ބޭއްވި އެއްވުމެއްގެ ތެރެއިން މީހަކު ހައްޔަރު ކުރަނީ. ---ފޮޓޯ: ހުސެއިން ވަހީދު/ މިހާރު
"ބްރިޖަކަސް، ކިތައް ބުރީގެ އިމާރާތަކަސް، އެއީ ތަރައްގީއެއް ނޫން. އެއީ ދަރަނި. ރާއްޖޭގެ ވިޔަފާރިތަކާއި ދިވެހި ދައުލަތާއި ސަރުކާރު ޗައިނާގެ އެގްޒިމް ބޭންކަށް ދެރުވުމަށްޓަކައި އެ ބޭންކް އެތިބެނީ ފޫގަޅާފައި. ރާއްޖެ މިވެއްޓެނީ އަނދަވަޅަކަށް،" މާލެ އާއި ހުޅުލެއާ ދެމެދު އަޅަމުން އަންނަ ބްރިޖާއި 25 ބުރީގެ ދަރުމަވަންތަ ހޮސްޕިޓަލަށް އިޝާރާތް ކުރައްވައި ނަޝީދު ވިދާޅުވި އެވެ.
އެމަނިކުފާނު ވިދާޅުވި ގޮތުގައި ރައީސް ޔާމީން ދައްކަވާ އެތައް ހާސް "ކާޓޫން ހުއްޖަތެއްގައި" ވެސް އުއްތަމަ ފަނޑިޔާރަކީ އަބްދުﷲ ސައީދު ކަމާއި ސުޕްރީމް ކޯޓުގެ ފަނޑިޔާރަކީ އަލީ ހަމީދެވެ. މި ދެ ބޭފުޅުން ވެސް ތިއްބަވަން ޖެހޭނީ ސުޕްރީމް ކޯޓުގައި ކަމަށް އެމަނިކުފާނު ވިދާޅުވި އެވެ.
ކްރިމިނަލް ކޯޓުގައި އުއްތަމަ ފަނޑިޔާރާއި އަލީ ހަމީދުގެ މައްސަލައެއް ބެލުމުގެ އިހްތިސޯސެއް ނޯންނާނެ ކަމަށާއި ދެ ފަނޑިޔާރުންގެ މައްސަލަ ބަލަން ޖެހޭނީ ޖުޑިޝަލް ސާވިސް ކޮމިޝަން (ޖޭއެސްސީ) ކަމަށް ނަޝީދު ވިދާޅުވި އެވެ.
ނަޝީދުގެ ވާހަކަފުޅުގައި ވަނީ ޗީފް އޮފް ޑިފެންސް ފޯސް، އަހުމަދު ޝިޔާމާއި ފުލުހުންގެ އެކްޓިން ޕޮލިސް ކޮމިޝަނަރު އަބްދުﷲ ނަވާޒާއި ފުލުހުންނާއި ސިފައިންގެ ވަކިވަކި ފަރުދުންގެ މައްޗަށް ވާޖިބު ވަނީ ދެ ފަނޑިޔާރުން ސުޕްރީމް ކޯޓަށް ގެނައުން ކަމަށް ވިދާޅުވެފަ އެވެ.
ސުޕްރީމް ކޯޓާއި ރައްޔިތުންގެ މަޖިލިސް އަލުން ގާއިމުކޮށް، ރާއްޖެ ހޯދައި ދިނުމަކީ ރައްޔިތުން މިހާރު ކުރަން ޖެހިފައިވާ ކަމެއް ކަމަށް ވެސް ނަޝީދު ވިދާޅުވި އެވެ.
ޝަރީއަތުގެ އަޑު އެހުމަކަށް ފަހު، އުއްތަމަ ފަނޑިޔާރު ދޫނިދު އަށް ގެންދަނީ. --ފޮޓޯ/މިހާރު
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދޫ
23 March 2018
ކުންފުނި ބަގުރޫޓް ، ވަޑަާންގެ ބަގުރޫޓް ގައުމު ބަގުރޫޓް އެކަމަކު އަދިވެސް ވެރިކަމަށް ނާދެވިގެން ތެޅިފޮޅެނީ ލަދު ކޮބާ ؟
އަބްދުއްލާ
22 March 2018
މި ގައުމަށް ހިދުކޮޅު އަންނަ ހާލަތު ގެންނާނެ ކަމެއްނެތް .އެހާލަތެއް ބޭނުމެއްނޫން .ހުޅުޖަހާ ގައުމު އަންދާލާ ހާލަތެއް ބޭނުމެއްނޫން. ލާދީނީ ހާލަތު ބޭނުމެއްނޫން ކުރުސި ނޫން އެއްޗެއް ހޯދަން ބޭނުމެއްނޫން .ކީރިތި ގުރްއާނާ ރަސޫލާ އަށް ފުރައްސާރަ ކުރާ ހާލަތެއް ބޭނުމެއްނޫން . ޑެންމާކް ގަ ހޯދަން އުޅު އެއްޗެއް މިގައުމަކަށް ބޭނުމެއްނޫން.
ނަސީމު
22 March 2018
ކަލޯ ދިވެހިރާއްޖެ ގެއްލިގެންތަ ތިއުޅެނީ އާދެބަލަ ދިވެހިރާއްޖެ ފެއްނަހިސާބައް މާދުރުގައޭ ތި ހުރީ ތަންކޮޅެއް ކައިރިއަށް ރާއްޖެ ފެއްނަ ހިސާބައް އާދެބަލަ އުމަރު ކަލެއަށް ހާއްސަކޮށް ޖަލުގަހެދި ގަނޑުވަރު ހަމަ ކަލެއަށް ހާއްސަ ކޮށްފަ އަދިވެސް އެބަހުއްޓޭ މައްކާރާ ގައްދާޔާ ބޮޑުވަގާ.....
ކެރެލާ
22 March 2018
މަނިކުފާނު ދިވެހިންނަށް ރާއްޖެ ހޯދައިދެނީތަ ނޫނީ ދިވެހިން މަނިކުފާނަށް ރާއްޖޭގެ ވެރިކަން ހޯދައިދޭށޭތަ ތިޔަކިޔަނީ (:
ޖުއްލާބު
22 March 2018
ނަސީދޫއެވެ މިގައުމު ނަސީދަށްވަނީ ވަރަށް ސާފުބަހުން ނޫނެކޭ ބުނެފައެވެ.. ތީ މާޒީއެވެ
ސާދާސީދާ
22 March 2018
އުއްތަމަ ފަނޑީޔާރު ވިދާޅުވާކަހަލަ ...މިއީ އަނެއްކާ އަސްލުބާ ނޫނީ ބިލާހެއްބާ؟
އެޑްމުންޑޯ
22 March 2018
ބްރިޖާއި ހޮސްޕިޓަލް ފެންނަން ފެށުމުން ލައްކަ އަސަރު ކޮއްފިތާ ، އަޅުގަޑު މަނިކުފާނު ކައިރިން އަހާލަން ބޭނުންވަނީ މަނިކުފާނުގެ 3 އަހަރުވީ ސަރުކާރުގައި ލިބުނު ފައިސާ އިން ކުރެއްވީ ކޮންކަމެއްތޯ ؟ އަދި 3 އަހަރު ނިމުނު އިރު އެތަކެއް މިލިއަން ރުފިޔާއަށް މިގައުމު ދަރާފަވާން 90 ޕަސެންޓް މީހުން ދެނަހުރި ކަން އެގިވަޑައިގަންނަވާތޯ
ޖިންނިބޭ
22 March 2018
ނަސީދު ގެ ރައްޓެހި އެމެރިކާ މީހުން ނާ އިނގިރޭސިންނާ ހުޅަނގޫން ދިމިކްރާސީ ގެނައި ގައުމުަތައް ؛ އިރާގު . ސީރިއާ ، މިސްރު . ޔަމަނު .. އަފްގާނިސްތާން .. ދެން އޮތީ ދިވެހިރާއްޖެ .. ބުއްދި ބޭނުން ކޮށް މި ކަލޭގެ އެޖެންޑާއިން ސަލާމައް ވޭ .. ޔާމީން ރަނގަޅެކޭ ނޫން މި ބުނީ
ޖިންނިބޭ
22 March 2018
މިއީ ދިވެހި ރާއްޖޭ ހަލާކި ކުރާ މީހެއް. އަމިއްލަ އެދުން ފުރިފަ . ވެރިކަން ހަވާލު ކުރީމަ ރައްތައް ބެހި . އިންޑީއާގެ އުނގައް ވެއްޓުނު. އިނގިރޭސިންގެ އެޖެންޑާގަ ޖެހި ވިކުނު . ކިރިސްތިއަނުންނާ ލާދީނީ ފިކުރަށް ތަބައު ވެ ނަފުސު ވިއްކާލައި އިސްލާމު ދީނުގެ އަސްލުތަކާ މެދު ބަހުސް ކުރަން ހުޅުވާލައި ރަސޫލާ އަށް ހަޖޫ ޖަހައި ހެދި
ރަންރީދޫ ޓުވިޓަރޭ
22 March 2018
ފުލެޓް ދޮންބެ އެދައްކަނީ ރަގަޅު ވާހަކަ...ގިނަ މީހުންނަށް ވިސްނޭނީ ފަހުން