މިނިސްޓަރު މުއިއްޒު ނޫސްވެރިންނަށް މައުލޫމާތު ދެއްވަނީ. - ފޮޓޯ: ނިޝާން އަލީ/ މިހާރު
09 އޮކްޓޯބަރ 2018 - 18:36
61 comments
ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ގެ މާލީ ތަނަވަސްކަން ވަރަށް ބޮޑަށް ދަށަށް ގޮސްފައިވާ ކަމަށް ހައުސިން މިނިސްޓަރު ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ.
ހައުސިން މިނިސްޓްރީގައި ބޭއްވި ނޫސްވެރިންގެ ބައްދަލުވުމުގައި މުއިއްޒު ވިދާޅުވީ ދެވަނަ ފިޔަވަހިން ގޯތިތައް ވިއްކުމުގެ އެއް މަގްސަދަކީ އެޗްޑީސީ އަށް ކޭޝްފްލޯގެ ދަތިތަކެއް ކުރިމަތިވެފައިވާތީ ކަމަށެވެ.
ގޯތި ވިއްކަން ނިންމުމުގެ ކުރިން، އެޗްޑީސީގެ އިސް ވެރިންނާއި ސަރުކާރުގެ އިގްތިސާދީ ސިޔާސަތުތައް ކަނޑައަޅާ އިކޮނޮމިކް އެންޑް ޔޫތު ކައުންސިލުން ބައްދަލު ކުރި ކަމަށް މުއިއްޒު ވިދާޅުވި އެވެ.
ކައުންސިލުން ނިންމީ އަކަފޫޓެއް 300ރ. އާއި 400ރ. އާ ދެމެދުގެ އަގަކަށް ވިއްކުމަށެވެ. މިނިސްޓްރީން ނިންމާފައިވަނީ 1000 އަކަފޫޓުގެ 400 ގޯތި، އަކަފޫޓެއް 400ރ. ގެ ރޭޓުން ވިއްކާ ގޮތަށެވެ. މީގެ ކުރިން ހުޅުމާލޭ ދެވަނަ ފިޔަވަހިން ވިއްކި ގޯތިތަކުގެ އަގު އުޅުނީ އަކަފޫޓެއް 3000ރ. އަށް ވުރެ މަތީގަ އެވެ.
ގޯތި ގަންނަން ބޭނުންވާ މީހުންގެ ފޯމް ބަލައިގަތުން މިއަދު ހަވީރު 4 އިން ފެށިގެން އާދިއްތަ ދުވަހުގެ ނިޔަލަށް ކުރިއަށް ގެންދިއުމަށް ހައުސިން މިނިސްޓްރީން ވަނީ ނިންމައިފަ އެވެ. މީގެ ކުރިން ނިންމާފައި އޮތީ އަންނަ ބުރާސްފަތި ދުވަހުގެ ނިޔަލަށް ފޯމު ބަލައިގަތުން ކުރިއަށް ގެންދިއުމަށެވެ.
މުއިއްޒު ވިދާޅުވި ގޮތުގައި 400 ގޯތި ދޫކުރަނީ މާލޭގައި ދިރިއުޅޭ ރައްޔިތުންނަށް ގެދޮރުގެ ދަތިކަން ފިލުވާލުމަށް ކުރަމުން އަންނަ ސިލްސިލާ މަސައްކަތުގެ ތެރެއިންނެވެ.
އެޗްޑީސީގެ މާލީ ތަނަވަސްކަން އޮތީ ދަށްވެފައިވާ ކަމަށް މުއިއްޒު ވިދާޅުވި އިރު، އެކަމާ ގުޅޭ އެއްވެސް ތަފްސީލެއް އޭނާ ނުދެއްވަ އެވެ. އަދި އެކަމާ ގުޅިގެން އެޗްޑީސީގެ ބަހެއް ވެސް ނުލިބުނެވެ. އެކަމަކު، އެޗްޑީސީއަކީ މީގެ ކުރިން، ފައިދާއާއެކު ހިންގަމުން އައި ކުންފުންޏެކެވެ.
ހުޅުމާލެ އިން ގޯތި ވިއްކަން ނިންމި މައްސަލައިގައި އެންޓި ކޮރަޕްޝަން ކޮމިޝަން (އޭސީސީ) އިން ވެސް ބުނީ ދެވަނަ ފިޔަވަހިން ގޯތިތައް ވިއްކުމުގެ މަގްސަދަކީ އެޗްޑީސީ އަށް ކޭޝްފްލޯގެ ދަތިތަކެއް ކުރިމަތިވެފައިވާތީ ހައްލު ހޯދަން ފާހަގަ ކުރެވިފައިވާ ކަމަށެވެ.
މުއިއްޒު ވިދާޅުވީ، އެޗްޑީސީގެ އެސެޓެއްގެ ގޮތުގައި އޮތް ހުޅުމާލެއިން ގޯތި ދިނުމުގެ މަސައްކަތް ސަރުކާރުން ކުރަނީ އެކަން ކުރަން އޮންނަ އުސޫލުން ކަމަށެވެ.
މިނިސްޓްރީގެ ދައުރަކީ އިޖުތިމާއީ ބޯހިޔާވަހި ކަމުގެ ދަށުން ގޯތި ލިބޭ މީހުން ކަނޑައެޅުން ކަމަށާއި ގޯތި ވިއްކުމުގެ މަސައްކަތް ކުރާނީ އެޗްޑީސީން ކަމަށް ވެސް މިނިސްޓަރު ވިދާޅުވި އެވެ.
"އެޗްޑީސީން އެގްރީމަންޓުގައި ސޮއި ކުރާނީ. އެޗްޑީސީ އަށް ފައިސާ ވެސް ލިބޭނީ. ހައުސިން މިނިސްޓްރީއަކަށް ނޫން ޑައުން ޕޭމަންޓު ދައްކާނީ. މަހުން މަހަށް ދައްކާ އެއްޗެއް ވެސް ދައްކާނީ އެޗްޑީސީއަށް،" ހައުސިން މިނިސްޓަރު މުއިއްޒު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީނަރު
10 October 2018
ނޫން މުއިޒް މިހުރިހާ ދުވަހު ތިޔަ ގޮވަމުން ކިޔަމުން ދަނީ ސަރުކާރުގެ ކުންފުނިތަކާ އޮފިސްތަކުގެ މާލީހާލަތު ކުރިއަރާ ގޮސް ދައުލަތުގެ މާލީ ހާލަތު އޮބިނޯވެގެން އުޅޭ ވާހަކަ، ކުއްލިއަކަަށް ތިޔަ ވިއްކަން ފެށޭ ކީއްވެގެންތޯ ފުލުހުންނާ ސިފައިން މިމީހުން ހުއްޓުވަން ޖެހޭ.
މުއިއްޒުވީ
10 October 2018
ހުޅުމާލެއަކީ މުއިއްޒުއާބެހޭތަނެއްނޫން.
އެޗްޑީސީގެ މެނޭޖަރު
10 October 2018
އެޗްޑީސީއަކީ ހުޅުމާލޭ ބިމުގެ މިލްކުވެރިއެއް ނޫން. ކޭޝްފްލޯ ތާށިވެއްޖެއްޔާ ދައުލަތުން ބަޖެޓު ނުވަތަ ކެޕިޓަލް ދޭނީ. ދައުލަތުގެ ބިންވިއްކައިން ލިބޭ ފައިސާ އެޗްޑީސީގެ އެކައުންޓަށް ވެއްދުމެކޭ ރަށްތައް ވިއްކައިގެން ލިބޭ ފައިސާ އެމްއެމްޕީއާރުސީއަށް ވެއްދުމެކޭ ތަފާތެއް ނެތް. މާލިއްޔަތު ޤާނޫނާ ޚިލާފު. ބިންވިއްކައިގެން ލިބޭ ފައިސާ ކޮންސޮލިޑޭޓެޑް ރެވެނިއު އެކައުންޓަށް ޖަމާވޭތޯ ބެލުމަށް އޮޑިޓަރ ޖެނެރަލްއަށް ދަންނަވަން.
ސަރީފު
10 October 2018
މީހަކު މަ ގާތު ބުނި އެޗްޑީސީ މުވައްޒަފުންގެ މުސާރަ ހަމަޖެއްސެނީ ލޯނުނަގައިގެންނޭ. ކުންފުންޏަށް ވައިންހާ ފައިސާ ކެމްޕޭނަށް ތަޅާ ބުރުވާލީއޭ. ޢެވާހަކަ ގަބޫލު ނުކުރާން މި ހުރީ. ޢެކަމަކު މިހިރަ އިވޭ އަޑުތަކުން ގަބޫލުނުކޮށް ވާކަށް ނެތެއްނު.
އަޙުމަދު
10 October 2018
އެޗްޑީސީގެ މާލީހާލަތު ދައްވިވާކަ ބުނަންޖެހެނީ މުއިއްޒުތޯއެވެ. އެތަނަކާ މުއިއްޒު އަކާ ކޮންކަމެއް. އެތަނަކީ ވެސް ކުންފުންޏެއް، ތަނުގެ ބޯޑުން އެވާހަކަ ދެއްކުން މާ އައުލާކަން ބޮޑު، އެތަނުގެ މާލީ ހާލަތު ދައްވާން ޖެހުނު ސަބަބެއްވެސް ރައްޔިތުންނަށް އެގެންޖެހޭ، މާލީހާލަތު ރަނަގާލުކުރާށޭ ކިޔާފަ ނުއަގުގަ ގޯތިތަކެއް ވިއްކައިނަމަ އެކަމުން ދައުލަތަށް ލިބޭ ގެއްލުމުގެ ޒިންމާ މުއިއްޒު ވެސް ނަގަން ޖެހޭނެ. އެއީ އެކަން އޮންނަގޮތް.
ގަމާރު
10 October 2018
މަގޭ އަމާ މަށަށް ގަމާރޭކިޔާ ނަންދިނުމުން ވިސްނެމުންއައި ދުވަސްވަރު ހީވެފައިއޮތީ މަށަކީ ލެއްވި އެންމެ ގަމާރުމީހާކަމަށް. އަދިވެސް ގަބޫލުކުރެވެނީ އެހެން. ސަބަބަކީ މިސަރުކާރުން ގެންގުޅޭ އަދުރެމެޓިކްސް ވިސްނާވިސްނާވެސް މަގޭ މި ގަމާރު ސިކުނޑިއަށް ނުވިސްނޭތީއެވެ. 400 ގޯތިވިއްކާއިރު އެޑްވާންސަށް 25ހާސް ނެގުމުން ޖުމްލަ އެލިބެނީ އެންމެ 10 މިލިއަން ރުފިޔާއެވެ. އެޗްޑީސީ ފަދަ ކުންފުންޏެއްގެ ކޭޝްފްލޯއަށް 10 މިލިއަން ލިބިގެން ލިބޭނީ ކޮން ލުޔެއް ހެއްޔެވެ؟
ިމުހައްމާ
10 October 2018
ކޭޝް ހުސްވެގެން އުޅޭނަމަ ގޯތި ތިޔަ ވިއްކާ އަގަށް ބަލާއިރު އެއްފަހަރާ 25000 ދެއްކީމާ 400 ގޯއްޗަށް ލިބޭ މިންވަރުން ފައިސާ ލިބި ފުރިހަމަވާނަމަ ދަންނަވާނެ އެއްވެސް އެއްޗެއް ނެތެވެ. މިހާ ކުޑަކުޑަ ފައިސާކޮޅެއް ބޭންކަކުންވެސް ލިބެން ނެތީ ބާވައެވެ.
ހަގީގަތު
10 October 2018
އެޗްޑީސީގެ މުއައްޒަފުން ޕީޕީއެމް ކެމްޕޭނައް ނެރުނު މައްސަލައާއި އަދި ނުއަގުގައި އަގުބޮޑުކޮއް ލޯނު ނަގައިގެން ހިއްކި ބިން މަދުބަޔަކު ގެދޮރުވެރިކުރަން މިހާރު އެ ހުޅުވާލި މައްސަލަ ގެ ޒިންމާ އެޗްޑީސީގެ ސީއީއޯ އަހުމަދު ނާސިފު އާއި ބޯޑުޑިރެކްޓަރުންނާއި އަދި ޗެއާމަން އުފުލަން ޖެހޭނެ. އަދި މިމީހުންނާއި ފިނޭންސު މިނިސްޓުރީ އާއި ހައުޒިންގެ ވެރިން ޝަރީްަތައް ހާޒިރުކުރަންވާނެ..
އަލިބެއްޔާ
10 October 2018
ތިބުނި ކަންކަން ހިނގީ ސައިމަން ހުރިއިރު
އަބްދުﷲ
10 October 2018
ކީއްވެ ކޭޝް ފްލޯ ދަށްވާންވީ. ހުޅުމާލޭގަ މިހުރިހާ ފްލެޓުން މަހަކު ދައްކާ ކުލީގެ ފައިސާ ވަންނަނީ ކޮންތާކަށް. ފްލެޓް ތަކުގެ ކުލިންވެސް މަހަކު 20 މިލިއަންވަރު ލިބޭނެކަމަށް ލަފާކުރެވޭ. ފިޔަފާރި އުސޫލުން ދޫކޮށްފަހުރި ބިންތަކުން ނޭންގެ 30 ވަރަކަށް މިލިއަން ނުލިބޭކަމެއް. މިފައިސާތައް ވާގޮތެއްވެސް ބުނެދިނުން ރަނގަޅުކަމަށް ދެކެން.
ސަރީފު
10 October 2018
ކެމްޕޭނަށް ޚަރަދުކުރީ.
ސައްތާރު / މހއ
10 October 2018
ބަލަ މުއީޒޫ މުއީޒު ތީ ފައިނޭންސް މިނިސްޓަރުތަ ނުވަތަ ކުންފުނިތަކާބޭހޭ މީހެއްތަ ކުންފުނިތަކުގެ ފައިނޭންސް ގެ ހާލަތު އިއުލާނު ކުރުމަކީ މުއިއްޒުގެ ޒިއްމާއެއްތަ. މި ސަރުކާރު މިހިގާގޮތެއް އެއްގޮތަކަށްވެސް ހަމަނޭގުނު.