ކަރުދާހުގައި ކުރަހާ ނަމަ ވޯޓު ބާތިލްވާ ގޮތަށް މަޖިލިހުން ފާސްކޮށްފި

ރައްޔިތުންގެ މަޖިލިހުގެ މިއަދުގެ ޖަލްސާ ހިނގަމުން ދަނީ. --- ފޮޓޯ: މަޖިލިސް

މުހައްމަދު ޔާމީން، މިހާރު

04 މާޗް 2019 - 13:40

އިލެކްޝަންސް ކޮމިޝަން (އީސީ) އިން އިންތިޚާބުތަކުގައި ބޭނުންކުރާ ވޯޓު ކަރުދާސްތަކުގައި އެއްޗަކުން ކުރަހައި ނުވަތަ ލިޔެފި ނަމަ، އެ ވޯޓު ކަރުދާހެއް ބާތިލްވާ ގޮތަށް އިންތިޚާބުތަކާ ބެހޭ އާންމު ގާނޫނަށް އިސްލާހު ގެނައުމުގެ ބިލް ރައްޔިތުންގެ މަޖިލިހުން މިއަދު ފާސްކޮށްފި އެވެ.

ސ. ހުޅުދޫ ދާއިރާގެ މެމްބަރު ޕީޕީއެމްގެ މެމްބަރު މުހައްމަދު ޝާހިދު ހުށަހެޅުއްވި ބިލް ފާސް ކުރީ ވޯޓުގައި ބައިވެރިވެވަޑައިގެންނެވި 53 މެމްބަރުންގެ އިއްތިފާގުންނެވެ.

އިންތިޚާބުތަކުގައި ބޭނުންކުރާ ވޯޓު ކަރުދާސްތަކުގައި ކުރެހުމެއް ނުވަތަ ލިޔުމެއް ހުރެއްޖެ ނަމަ، އެ ކަރުދާހެއް ބާތިލްވާ ގޮތަށް އިންތިޚާބުތަކާ ބެހޭ އާންމު ގާނޫނަށް އިސްލާހު ގެނައުމަށް އެކި ފަހަރު މަތިން މަޖިލިހަށް ހުށަހެޅި ނަމަވެސް މެމްބަރުން އެގޮތަށް ފާސް ކުރަން އޭރު ބޭނުމެއް ނުވި އެވެ.

Karudhaahuga kurahaa nama vote baathil vaa gothah alun husha alhaifi

The most trusted news source in the Maldives

Mihaaru

ޝާހިދު ބިލް ހުށަހެޅުއްވި ސަބަބެއްގެ ގޮތުގައި ވަނީ ވޯޓު ކަރުދާހުގައި އެމީހަކަށް ފެންނަ ކެންޑިޑޭޓެއްގެ ނަމާ ދިމާގައި ރަނގަޅު ފާހަގަ ޖެހުމުގެ އިތުރުން ވޯޓުދޭ ފަރާތް އެނގޭނެހެން އިތުރު އެހެން ފާހަގަ ޖަހައި ނުވަތަ ކުރަހާފައި ހުންނާތީ ވޯޓު ދިން މީހާގެ ސިއްރުކަން ގެއްލޭ ހާލަތްތައް މެދުވެރިވުމެވެ.

އެހެންވެ، ކަރުދާހުގައި ކުރަހާ ނަމަ ވޯޓު ބާތިލްވާ ގޮތަށް އޮތުމަކީ ގާނޫނުއަސާސީ އާއި އިންތިޚާބުތަކާ ބެހޭ އާންމު ގާނޫނުގައި ބަޔާންކޮށްފައިވާ ގޮތުގެ މަތިން އެމީހަކު ލާ ވޯޓަކީ ސިއްރު ވޯޓެއްގެ ގޮތުގައި ކަށަވަރު ކުރަން ކަމަށް ވެސް ޝާހިދު ހުށަހެޅުއްވި ބިލްގައިވެ އެވެ.

Karudhaahuga kurahaa nama vote baathil vaan jehey: Memberun

The most trusted news source in the Maldives

Mihaaru

ޝާހިދުގެ އިސްލާހުގައިވާ ގޮތުން، ބިލަށް އަމަލު ކުރަން ފަށާނީ ރައީސް ތަސްދީގު ކުރައްވައި، ސަރުކާރުގެ ގެޒެޓްގައި ޝާއިއުކުރާ ދުވަހުން ފެށިގެންނެވެ.

ޝާހިދުގެ އިސްލާހު މިއައީ، އަންނަ މަހުގެ ހަ ވަނަ ދުވަހު ރައްޔިތުންގެ މަޖިލިހުގެ އިންތިޚާބު ބޭއްވުމަށް އިލެކްޝަންސް ކޮމިޝަނުން ތައްޔާރުވަމުން އަންނަނިކޮށެވެ.

ބިލަށް ބަހުސް ކުރެއްވި ގިނަ މެމްބަރުން ވިދާޅުވީ އިންތިޚާބުތަކުގައި ބޭނުންކުރާ ވޯޓު ކަރުދާސްތަކުގައި ކުރަހައިފި ނަމަ، ވޯޓު ބާތިލްވާ ގޮތަށް ކަނޑައެޅުން މާ ލަސްވެއްޖެ ކަމަށެވެ. މިއީ، މިހާރުން މިހާރަށް ފާސް ކުރަން ޖެހޭ އިސްލާހެއް ކަމަށް ވެސް މެމްބަރުން ވިދާޅުވި އެވެ. އެކަމަކު، އިންތިޚާބެއް ބޯމަތިވެފައި ވަނިކޮށް، ގާނޫނަށް އިސްލާހު ގެންނަން އުޅޭތީ ވެސް ބައެއް މެމްބަރުން ކަންބޮޑުވުން ފާޅުކުރެއްވި އެވެ.

މިއަދުގެ ޖަލްސާގައި ވަނީ ނުހައްގު މުއްސަނދިކަން ހޯދައި ލިބިގަތުމަކީ ކުށެއް ކަމަށް ކަނޑައަޅައި، ގާނޫނުލްއުގޫބާތަށް އިސްލާހު ގެނައުމަށް އިހަވަންދޫ ދާއިރާގެ މެމްބަރު މުހައްމަދު އަބްދުﷲ (މުހައްމާ) ހުށަހެޅުއްވި ބިލް މަޖިލިހަށް ބަލައިގަނެ، ދިރާސާ ކުރަން ކޮމިޓީ އަށް ފޮނުވައިފަ އެވެ.

އެމްޑީޕީ ރައްޔިތުންގެ މަޖިލިސް އިދިކޮޅު ފަރާތްތައް މަޖިލީހުގެ މެމްބަރުން އިލެކްޝަންސް ކޮމިޝަން ޖުމްހޫރީ ޕާޓީ ޕީޕީއެމް ވޯޓުލާ މީހުންގެ ރެޖިސްޓަރީ ރައްޔިތުންގެ މަޖިލީހުގެ އިންތިޚާބު 2019

10 ކޮމެންޓް, 21 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގގގގ

04 April 2019

އަނގޮޓި އޮންނާނެ ކުރަހަން. ބޭނުންނުވާ ހުރިހާ އެއްޗެއްގައި ކުރަހާލާފަ ބާތިލުކޮށްލީމަ އެވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޯޓު

05 March 2019

ވޯޓަށް ވަރަށް ފަސޭހައިން މަކަރުހެދޭނެ ގޮތެއް ތި ކުރިމަތިވީ. ވޯޓު ގުނަަން ތަރުތީބު ކުރަމުންދާ ވަގުތު ބޭނުންނުވާ މީހާއަށް ލިބިފައިވާ ވޯޓު ކަރުދާހުގައި ކުރަހާލީމަ އެވޯޓު ބާތިލްވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުނބުށެން

05 March 2019

މިކަމުންވެސް ދެރަވާނީ ގޯނިގޯނީގައި ފައިސާ ބަހާމީހުންނެވެ. ފައިސާ ދިންގޮތަށް ވޯޓްދިންކަން ޕާޓީގެ އޮބްޒާވަރުންނަށް ދައްކަން ދެން ފާހަގައެއް ނުޖެހޭނެތީއެވެ. ވަކި އޮފީހަކުން ފޮނުވި އޮފިޝަލުންނާ ހަވާލުކުރަން އުޅުނު ގަލަންތުނޑުލީ އަނގޮނޓިފަދަ ތަކެތި ދެން އެއްވެސް އޮފިޝަލެއްގެ އަތުގައި ނެތްކަން މޮނިޓަރުންނާއި އޮފިޝަލުން ކަށަވަރު ކުރަންވާނެއެވެ. އަދި އިލެކްޝަނުން އޮފިޝަލުންނަށް ގުނާވަގުތު ގަލަން ގެންގުޅުން މަނާކޮށްފައިވާހެން އަނގޮނޓިވެސް މަނާކުރާށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަޑިގިއްލާ

04 March 2019

މީ އެމްޑީޕީގަ ދެގޮތެއްނުވެ ދެމިހުންނަންޖެހޭ ސަބަބަކީ.... ކޮންމެ ކަމެއްގަވެސް އެމްޑީޕީއިން ގޮތްދޫކުރާނެ... ވޯޓުކަރުދާހުގަ ކުރެހުމަކީ އަބަދުވެސް ވެރިކަންކުރާ ޕާޓީއަށް އޮންނަ އެޑްވާންޓޭޖެއް... އެކަމަކު އެ އެޑްވާންޓޭޖް އެމްޑީޕީއަށް ލިބެންއޮތްފަހަރު މިހާރުގެ އިދިކޮޅަކަށް އެކަން ހަޖަމެއްނުވި...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝެލަރީ

04 March 2019

ހިތުން މޮޅުތަކެއް ވާނެކަމައްދޯ ހީކުރަނީ. ކުރިން ތިކަން ނުކުރީ ވެރިކަމާ ފައިސާއާއި ބާރުއޮތީމަ މަޖުބޫރުން ކޮށްގެން ޖަލްސާއަށް މީހުންގެންދިއުމާ މަޖުބޫރުން ކޮށްގެން ވޯޓް ހޯދޭނެގޮތް އޮތީމާ ދެއްތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރޭމިތުރު

04 March 2019

ވޯޓުކަރުދާހަކީ ފާހަގަ ޖަހާއެއްޗެއް! ނޯޓުލިޔެ ކުރަހަން ނުވާއެއްޗެއް!......... ވޯޓައްދެވޭ ގަދަރު ވޯޓުކަރުދާހައް އޮތުމަކީ ވަރަށް ރަގަޅުގޮތެއްކަމަށް އަޅުގަނޑުވެސް ދެކެނީ. އެންމެންވެސް ވޯޓައް އިހުތިރާމްކުރަމާތޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީގ

04 March 2019

އިންތިހާބުތަކައް ވަންނަ ފައިސާގެ ނުފޫޒު ކުޑަކުރުމައް މިހާތަނައް އެޅުނު އެންމެ ރަނގަޅު ފިޔަވަޅުކަމައް ދެކެން. އެކަމަކު މިވަރަކުންވެސް ވޯޓު ގަނެ ވިއްކުން މުޅިން ނުހުއްޓުވޭނެކަން އެނގޭ. އަޑުއަހަން ވޯޓު ގަންނަން ފައިސާދޭމީހުން ވޯޓުލާމީހާ ވޯޓު ލުމައްފަހު މާތްވެގެންވާ ގުރްއާންގަ އަތްލާ ވޯޓުލީ މިވެނި މީހަށޭބުނެ ހުވާކުރުވާވާހަކަވެސް. މީހުންގެ ވިސްނުންހުންނަގޮތެއް ހަމަ ނޭނގެ ބޮޑުފާފައެއްކޮއްފަ އަނެއްކޮޅުން އެފާފަ ކުރިކަމައް ހުވާމިކުރަނީ.