ޖުޑިޝަރީ ކޮމިޓީގެ ރޭގެ ބައްދަލުވުމުގައި ކެންދޫ ދާއިރާގެ ޖޭޕީގެ މެމްބަރު އަލީ ހުސެއިން ވާހަކަ ދައްކަވަނީ. --- ފޮޓޯ: ނިޝާން އަލީ/ މިހާރު
17 ޖޫން 2019 - 11:22
69 comments
ޖުޑިޝަލް ސާވިސް ކޮމިޝަން (ޖޭއެސްސީ) އިން ނިންމާ ނިންމުންތަކަކީ ސައްހަ ނިންމުމެއް ކަމަށް ރައްޔިތުންގެ މަޖިލިހުން ކަނޑަނޭޅޭނެ ކަމަށް ކެންދޫ ދާއިރާގެ މެމްބަރު އަލީ ހުސެއިން ރޭ ވިދާޅުވެއްޖެ އެވެ.
ސުޕްރީމް ކޯޓުގެ ފަނޑިޔާރު އަބްދުﷲ ދީދީ (ޑީޑީ) ސަސްޕެންޑް ކުރަން ޖޭއެސްސީން ނިންމާފައި ވަނިކޮށް، ސުޕްރީމް ކޯޓުން ވަނީ ސަސްޕެންޝަނަށް އަމަލުކުރުން ހުއްޓުވައި، އިތުރު ފިޔަަވަޅެއް ނާޅަން އެ ކޮމިޝަނަށާއި ދައުލަތުގެ ކަމާ ބެހޭ ފަރާތްތަކަށް އަމުރުކޮށްފަ އެވެ. އެ އަމުރާ ގުޅިގެން ޖޭއެސްސީން ބޭއްވި ބައްދަލުވުމެއްގައި ވަނީ އެ ކޮމިޝަންގެ ނިންމުން ދެމިއޮތް ކަމަށް ކަނޑައަޅައިފަ އެވެ.
އެހެންވެ، ޖުޑިޝަރީ ކޮމިޓީގެ ބައްދަލުވުމުގައި ޖޭއެސްސީގެ ދެ ނިންމުމުގައި ގާނޫނީ ބާރު އެބައޮތް ކަމަށް މަޖިލިހުން ކަނޑައަޅައި ދިނުމަށް ކޮމިޓީ އަށް ހުށަހެޅުއްވީ ހެންވޭރު ހުޅަނގު ދާއިރާގެ އެމްޑީޕީގެ މެމްބަރު ހަސަން ލަތީފެވެ. އެ ހުށަހެޅުމަށް ދެކޮޅު ހެއްދެވީ އަލީ ހުސެއިން އެކަންޏެވެ.
އެކަމަކު، ކޮމިޓީގައި ބައިވެރިވެވަޑައިގެންނެވި އެމްޑީޕީގެ މެމްބަރުންގެ އަޣުލަބިއްޔަތުން ވަނީ ހަސަން ލަތީފްގެ އެ ހުށަހެޅުއްވުން ފާސްކޮށްފަ އެވެ. އަދި ކޮމިޓީ ރިޕޯޓު ވަނީ މަޖިލިހުގެ ތަޅުމަށް ފޮނުވައިފަ އެވެ.
ޖުޑިޝަރީ ކޮމިޓީގެ ރޭގެ ބައްދަލުވުމުގައި ހިންނަވަރު ދާއިރާގެ މެމްބަރު ޖީހާން ވާހަކަ ދައްކަވާ އިރު، ކެންދޫ ދާއިރާގެ ޖޭޕީގެ މެމްބަރު އަލީ ހުސެއިން (ކ) އަޑު އައްސަވަނީ.--- ފޮޓޯ: ނިޝާން އަލީ/ މިހާރު
ޖުޑިޝަރީ ކޮމިޓީގައި އަލީ ހުސެއިން ވިދާޅުވީ މަޖިލިހަކީ ކޯޓުތައް ގޮތަށް "އޮޕަރޭޓް ކުރަން" ޖެހޭ ތަނެއް ކަމަށް ގަބޫލު ނުކުރައްވާ ކަމަށެވެ. މަޖިލިހަކީ ވަކި ކަމެއް އިއުލާން ކުރަން އޮންނަ ތަނެއް ނޫން ކަމަށާއި އެތަނަކީ ގާނޫނު ހެދުމާއި ޖަވާބުދާރީ ކުރުވަން އޮންނަ ތަނެއް ކަމަށް އޭނާ ވިދާޅުވި އެވެ.
"އަޅުގަނޑު ދެކޭ ގޮތުގައި ކަމެއް ކޮމިޝަނަކުން ނިންމުމަށް ފަހު، އެކަމުގެ ރަނގަޅު ކަން ނުވަތަ ނޫން ކަން، ގާނޫނާ އެއްގޮތަށް ނިންމާފައިވާ ކަން ނުވަތަ ނޫން ކަން ނިންމާނީ ކޯޓުތަކުން. މަޖިލިހަކީ އަދި ކޮމިޓީއަކީ ޒިންމާދާރު ކުރުވުމާއި ޖަވާބުދާރީކުރުވަން އޮންނަ ކޮމިޓީއެއް،" އަލީ ހުސެއިން ވިދާޅުވި އެވެ.
އަލީ ހުސެއިން ވިދާޅުވި ގޮތުގައި ޖޭއެސްސީގެ ނިންމުމަކީ ގޯސް ނުވަތަ ބާތިލް ނިންމުމެއްގެ ގޮތުގައި ސުޕްރީމް ކޯޓުން އަދި ކަނޑައަޅާފައެއް ނުވެ އެވެ. ޑީޑީ ސަސްޕެންޑް ކުރަން ޖޭއެސްސީން ނިންމި ނިންމުމާ މެދު ވަކި ގޮތެއް ކަނޑައަޅާފައި ނުވާ އިރު، މަޖިލިހުން އެއީ ރަނގަޅު ނިންމުމެއް ކަން ނުވަތަ ނޫން ކަން ކަނޑައަޅަން ޖެހޭ ކަމަށް ގަބޫލު ނުކުރައްވާ ކަމަށް އޭނާ ވިދާޅުވި އެވެ.
"އެހެން ނިންމަން ޖެހިއްޖެއްޔާ މިސާލަކަށް އޭސީސީ އިން ވެސް ނިންމުމެއް ނިންމާފައި މަޖިލީހަށް ފޮނުވައިފާނެ އެ ކޮމިޝަނުން ނިންމި ނިންމުން ރަނގަޅު ކަމަށް ރައްޔިތުންގެ މަޖިލީހުން ކަނޑައަޅާ ދޭށޭ ބުނެފައި،" އަލީ ހުސައިން ވިދާޅުވި އެވެ.
އަލީ ހުސެއިން ވިދާޅުވި ގޮތުގައި ތިން ބާރު ވަކިވެފައިވާ ތަނެއްގައި ކޯޓުތަކުން ކަނޑައަޅާ ހެން ރަނގަޅު ނިންމުމާއި ގޯސް ނިންމުން ކަނޑައަޅަން ފަށައިފި ނަމަ މިނިވަން މުއައްސަސާއެއްގެ މަސައްކަތުގެ ތެރެއަށް މަޖިލީހަށް ވަދެވެނީ އެވެ.
ޖުޑީޝަރީ ކޮމިޓީގެ ރިޕޯޓުގައިވާ ގޮތުން، ޖޭއެސްސީން ގާނޫނުއަސާސީ އާއި ގާނޫނާ އެއްގޮތްވާ ގޮތުގެ މަތިން ނިންމާ ނިންމުންތަކަކީ ގާނޫނީ ބާރު ފުރިހަމަ އަށް އޮތް ނިންމުންތަކެކެވެ. އެހެންވެ، އެ ކޮމިޝަނުން ނިންމި ނިންމުންތަކުގައި ގާނޫނީ ބާރު އޮތް ކަމަށް މަޖިލިހުން ކަނޑައަޅަން ޖެހޭ ކަމަށް ބުނެފައި ވެ އެވެ.
ރިޕޯޓުގައި ވަނީ ދައުލަތުގެ އެހެން މުއައްސަސާތަކާއި މިނިވަން މުއައްސަސާތަކުގެ ގާނޫނީ އިހްތިސާސްގެ ތެރެއަށް ނުވަނުމަށް ސުޕްރީމް ކޯޓަށް މަޖިލީހުން އިލްތިމާސް ކުރަން ހިމަނައިފަ އެވެ.
މަޖިލިހުގެ ސުޕަ މެޖޯރިޓީ އޮތީ ސަރުކާރު ހިންގާ ކޯލިޝަންގެ މައި ޕާޓީ އެމްޑީޕީ އަށް ކަމަށް ވާއިރު، އެ ޕާޓީ އޮތީ ޖޭއެސްސީ ފަޅީގަ އެވެ. އެހެންވެ، މަޖިލިހުގެ ތަޅުމުން ފާސްވާނެ ކަމަށް ބެލެވެނީ އެމްޑީޕީ ބޭނުންވާ ގޮތަށް އަދި ސުޕްރީމް ކޯޓުގެ ނިންމުންތަކާ ދެކޮޅަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަޅިރަވަ
18 June 2019
ކޯޓުތަކުގައި ހިނގާ ޤާނޫނީ މަސައްކަތްތަކަކީ، އަދި ޚާއްޞަކޮށް މައްސަލަތަކަކީ އެއްވެސް އިރެއްގައި އެންމެން ހިތްހަމަޖެހިގެން ނިމޭނެ ކަންކަމެއްނޫން. އެއް ޚަޞްމު ހިތްހަމަޖެހިއްޖެއްޔާ އަނެއް ޚަޞްމު ހުންނާނީ ހިތްހަމަ ނުޖެހިފައި. އިސްލާޙްގެ ނަމުގައި ކިތަންމެ ކަމެއް ކުރެވިދާނެ. އެކަމަކު ޖެހޭނީ ހަމަ އެއްތަނެއްގައި. މަޖްލީހުން ކަންކަމުގެ ރަގަޅު ގޯސް ނިންމަންފެށުމަކީ ކުރިމަގުގައި ކަންކަން ރަގަޅު ކުރުމަށް އެޅޭނެ ވަރަށް ބޮޑު ހުރަހެއް.
ނޭގޭތޯ
18 June 2019
މިހާރު ޖޭއެސްސީއާ މަޖްލިހަކީ ހުކުމް އިއްވާ ތަންތަން. ބާރު ލިބުނީމަ އޭގެ ބޭނުންނުކުރާނެ ބައެއް ނޫން އެމްޑީޕީއަކީ، ބޭނުންވާ ކަމެއް ޗާޓުން ބޭރުން ކުރަން ދަސްކޮށްދޭނެ މާލިމީ އަދިވެސް އެބަހުރި.
ޖާބެ
18 June 2019
މިޔަށް ކިޔަނީ ސޭޓު ބުނީތީ ފަރަށް
ބުރަކި
18 June 2019
އަލީ ތި ވިދާޅުވީ ހެޔޮކޮއް މަޖުލިސް ކޯޓައް ބަދުވާކައް ނުޖެހޭ.
ދޮން ބުޅާ
17 June 2019
ސްޕްރީމް ކޯޓަށް ބޭނުންހާ ހުކުމެއް ނެރުމުގެ ބާރު އޮވޭ ހެއްޔެވެ.
Dhaadhey
17 June 2019
އަދުލު އިންސާފުގެ ބާރުގައި ތިބޭމީހުނަނަށް އެފިޔަވަޅު އަޅަން ތިމަންމެންގެ ބާރު މިދެނީ ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަނަށޭ. އެތަނުގައި ތިމަންމެންގެ ބަސްކިޔަން ތިމަންމެން ބަޔަކު ހޮވައިފީމޭ. އެހެންވީމާ އެމީހުންގެ ގިނަބަޔަކު ބުނާގޮތަށް އެތަނުން ކަންކަން ނިންމާށޭ. އެއަށް ބަސްބުނާނޭ އިތުރުބަޔަކު ތިބޭނޭ ކަމަކަށް ތިމަންމެން މިފަތުގައި ނުލިޔަމޭ. މިހާރީތިކޮށް ލިޔެފައިވާ ކަމެއްގައި ފަހުބަސް ބުނަން ސްޕްރީމް ކޯޓާ ޙަވާލުވެފައިވާ ތަނެއް ނުފެނުނު.
Dhaadhey
17 June 2019
ތިމަންމެން ފޮނުވާ މީހުންނަށް އަންގައި އެމީހުންގެ ގިނަބަޔެއްގެ ރުހުން ހޯދައިގެނޭ. މިބައިމީހުންވެސް ތިމަންމެން ރުހޭތޯ ބަލަން އަހަރުތަކަށްފަހު އަންނަންވާނެޔޭ. މިއިން އެއްވެސް ތަނެއްގައި ޝަރީޢަތް ކުރިގޮތެއް ގޯސްވެގެން ނުވަތަ ޝަރުޢީ ކޯޓުތަކުން މިއިން އެއްވެސް ކަމަކަށް ހުކުމެއް ކަނޑައަޅަން ރައްޔިތުން ނުބުނޭ. ހުކުމް ކަނޑައަޅަން ބުނީ ތިމަންމެން މިދިން އަސާސީ ފަތާ ޚިލާފުވާ ބަޔަކާއި އަދި ތިމަންމެންގެ މަންދޫބުން ތިމަންމެންގެ ފަރާތުން ހަދާ ގާނޫނަކާ........
Dhaadhey
17 June 2019
އަދި އެފަތް ދީފައި ބުނީ މީގައިވާ ގޮތަށް ވެރިކަން ހިންގާށޭ. މިފަތުގައި ބުނަނީ ކޮންމެ 5 އަހަރަކުން ތިމަންމެން ގަބޫލުކުރާ ވެރިޔަކު ހޮވުމަށް ތިމަންމެން ކައިރިއަށް އަންނަންވާނޭ. އަދުލު އިންސާފު ގާއިމް ކުރަން ބަޔަކު ހޮވަންވާނޭ. އެބަޔަކު ހޮވައި އެމީހުން ކަންކުރާގޮތާއި ކުރާކަންތައް ބަލައި އިސްކުރަން ކަމެއްވާނަމަ އެކަންކުރާންވާނޭ ވަކިކުރަން ޖެހޭނަމަ ވަކިކުރުމުގެ ކަންތައް ގެންދަންވާނީ އެކަމެއް ތިމަންމެން ފޮނުވާ މީހުންނަށް އަންގައި ........
Dhaadhey
17 June 2019
ތިކުދިން އަޅެ ވިސްނާލަ ބަލަ. ރައީސްއަކީ ހުރިހާ ބާރުތަކުގެ ވެރިޔާ. އެބޭފުޅާވެސް ގާނޫނު އަސާސީއާ ޚިލާފުވާނަމަ މަޖިލީހަށް އެބައޮތް އެބޭފުޅާ އިންޕީޗް ކޮށް ވަޒީފާއިން ވަކިކުރުމުގެ ބާރު. އެކަން ކުރަނީ ކޯޓަކަށް ހުށަހަޅައިގެނެއްނޫން. ގާނޫނު އަސާސީއަށް ބާރު ލިބެނީ ރައްޔިތުންގެ ފަރާތުން. އެއީ ރައްޔިތުން އެއްވެ އެމީހުންގެ ވެރިކަން ހިންގަންވީ ގޮތް ކުރުކޮށް ފޮނިކޮށް ލިޔެދީފައިވާ ފަތެއް. އަދި އެފަތް ދީފައި ބުނީ މީގައިވާ ގޮތަށް ވެރިކަން ހިންގާށޭ.........
ކަޅިރަވަ
18 June 2019
މަޖިލިހުން ނިންމިޔަސް އެކަން ކޯޓު މަރުހަލާއަށް ގެންދެވޭގޮތަށް އޮންނަނީ. އާޚިރު ބަސް ބުނަން އޮތީ ސުޕްރީމް ކޯޓު.
ކޮމަންމޭން
17 June 2019
ސކގެ ހާލިތަޅާލާ ސާފުކުރަން އެބަޖެހޭ. އެކަމަކު ޕްރައިމެރީ ސްކޫލްކުއްޖެއްގެ ފޮތް ޓީޗަރު މާކްކުރާގޮތަށް ޖޭއެސްސީގެ ނިންމުތަކަށް ރަގަޅުނުބައި ކިޔާ ސްޓާ ދީ ވެރީގުޑް ޖަހާހިސާބަށް ދިޔައިމަ ކަމަކުނުދޭ. ތިބުނަނީ ޖޭއެސްސީން ނިންމާ ނިންމުންތަކަށް ގާނޫނީ ބާރު ދޭންޖެހެޔޭ. ސުވާލަކީ މަޖިލީހުން އެބާރުދީފީމޭ ބުނީމަތޯ މިނިވަންމުއައްސަސާތަކުގެ ނިންމުންތަކަށް ޤާނޫނީބާރު ލިބެނީ. އަނެއްސުވާލަކީ ހަމައެކަނި ފަނޑިޔާރު ދީދީ މައްސަލަތޯ. ކޮބާތޯ ގާޒީ ޙަސަން ސަޢީދު މައްސަލަ